محتاج مساعده ضرورى .... عماره ولا حاسبات ؟!!!

[manotshy]

سلام عليكم
انا اولى حاسبات و معلومات - جامعة عين شمس
كنت جايب 94.1 % فى الثانويه
ونجحت فى اختبارات قدرات عماره حلوان بس فرقت معايا على درجه
و كنت هحول عماره اسكندريه بس عرفت انه حتى لو حولت مش هاينفع اجى حلوان هنا و لازم ال5 سنين هناك
فقالولى اروح المنيا سنه و اجيب تقدير و اجى هنا
كنت عايز اعرف ...
1 - ينفع احول المنيا من السنه الجايه ولا لا
2 - مستقبل الكليه دى احسن ولا حاسبات و معلومات ( الشغل و المرتبات و كده )
3 - هيبقى فى فرق بينى و بين هندسه ولا لا ( هيقولوا بقاوح فى ريحة هندسه و خلاص )
4 - ينفع بعد ما احول هناك اجيب تقدير و اجى حلوان
5 - العيشه فى المنيا صعبه ولا سهله و لا غاليه و كده و لا ايه
6 - الدراسه صعبه ( التقدير صعب ولا عادى ) و ادوات الكليه غاليه ولا رخيصه
7 - سسمعت ان ممكن احول من التيرم التانى فهل ينفع و هقدر الحق ؟؟!!
8 - هل فى كلية عماره فى فنون الاقصر ولا لا؟
9 - همتحن القدرات تانى هناك ولا شهادتى فى حلوان تنفع
10 - ياريت لو حد عنده اى معلومات عن الكليه يقولى


لو ممكن حد يساعدنى و يسألى فى الكليه على الحاجات دى و يرد عشان الموضوع ده موترنى جداً و مش مخلينى عارف اركز فى حاجه فا عايز اعرف و اطمن و افهم انا هعمل ايه

و شكراً على حال

[bahaaeldeen]

المشاركة الأصلية كتبت بواسطة manotshy

سلام عليكم
انا اولى حاسبات و معلومات - جامعة عين شمس
كنت جايب 94.1 % فى الثانويه
ونجحت فى اختبارات قدرات عماره حلوان بس فرقت معايا على درجه
و كنت هحول عماره اسكندريه بس عرفت انه حتى لو حولت مش هاينفع اجى حلوان هنا و لازم ال5 سنين هناك
فقالولى اروح المنيا سنه و اجيب تقدير و اجى هنا
كنت عايز اعرف ...
1 - ينفع احول المنيا من السنه الجايه ولا لا
2 - مستقبل الكليه دى احسن ولا حاسبات و معلومات ( الشغل و المرتبات و كده )
3 - هيبقى فى فرق بينى و بين هندسه ولا لا ( هيقولوا بقاوح فى ريحة هندسه و خلاص )
4 - ينفع بعد ما احول هناك اجيب تقدير و اجى حلوان
5 - العيشه فى المنيا صعبه ولا سهله و لا غاليه و كده و لا ايه
6 - الدراسه صعبه ( التقدير صعب ولا عادى ) و ادوات الكليه غاليه ولا رخيصه
7 - سسمعت ان ممكن احول من التيرم التانى فهل ينفع و هقدر الحق ؟؟!!
8 - هل فى كلية عماره فى فنون الاقصر ولا لا؟
9 - همتحن القدرات تانى هناك ولا شهادتى فى حلوان تنفع
10 - ياريت لو حد عنده اى معلومات عن الكليه يقولى
لو ممكن حد يساعدنى و يسألى فى الكليه على الحاجات دى و يرد عشان الموضوع ده موترنى جداً و مش مخلينى عارف اركز فى حاجه فا عايز اعرف و اطمن و افهم انا هعمل ايه
و شكراً على حال

1/ الكلية عاملة قانون وهو انها لا تستقبل سنين ماضية من كليات غير فنون ولازم تقدير يكون ع الاقل جيد جدا
2/ المستقبل والشغل على حسب مهاراتك وامكانياتك لكن كقوة معلوماتية ونقابة تحمى حقوقك يبقى عمارة
3/ بالعكس انت احسن من هندسة والدليل تم ذكره
4/ اكيد ينفع لازم جيد جدا ع الاقل
5/العيشة فى المنيا جميلة جدا وامان ومش متعبة ولا مكلفة
6/ فى المنيا التقديرات مش صعب لكن فى حلوان اصعب شوية وادوات الكلية مش غالية اوى ولا رخيصة اوى يعنى هتقدر عليها متقلقش
7/ التحويل من التيرم التانى صعب ولازم ترجع لمكتب التنسيق
8/ لا
9/ مادام جبت لائق عادى مش شرط تمتحن تانى