ماذا تفعل اذا اجبرك شيخ معهد انت لست تابع له على عمل شغل و شيخ معهدك خائف؟

[منى عربى]

طلبت منى عميدة معهد فى قريه لعمل قاعدة بيانات على الاكسيل وانا فى معهد فى المركز نفسه امام عميدة معهدى ولما طلبت منها جواب التكليف رفضت و بدات التهديدات و اسلوب الشتائم و بتحويلى الى التحقيق و شطب اسمى من الازهر و لما ذهبت الى النيابه الاداريه للشكوى و طلبوا الشهود بدات ممارسة التهديدات عليهم و عميده المعهد هتشهد الزور و العامل خاف . مع العلم انى سالت التوجيه وهل هذا الشغل من اختصاصى قالوا لى طالما لا يوجد جواب تكليف او اشاره تليفونيه انتى مضيتى بالعلم عليها فليس من اختصاصك . اسال جميع المدرسين لو كنت مكانى ماذا تفعل ؟ و ما هو الاجراء المفروض انا اتخذه لانى عميده المعهد قالت لى تنازلى عن شكواكى لان هايكون فيه جزا ليكى و ليها و دخلتى نفسك فى متاهه.الرجاد الرد

[مدرس فرنسى]

لا تخافى انت على حق الجزا اليخودها هو شيخ المعهد وانت لن يصيبك شيى لان التوجية معكى

[أ/ سعيد موسى]

معذرة ماسبب ذهابك الى النيابه الاداريه من الاساس !!!!!!
عميده معهد طلبت عمل بيانات ولكنك رفضتى !!!!! كلام جميل
طلبتى جواب التكليف !!! تكليف ايه ؟؟؟
هذا الطلب بصفه وديه اما تفعلى واما ترفضى
هددتك وشتمتك !!!! امامك حلان اما الرد عليها واما تقديم شكوى لمنطقتك لرفعها للشئون القانونيه
لكن الذهاب الى النيابه الاداريه مرة واحده لمجرد شجار بين اثنان يحدث يوميا فى كثير من المعاهد
طبعا لايوجد شهود او الشهود خافوا من الادلاء باقولهم وبالتالى لن تستطيعى ان تثبتى هذه الشتائم
فى هذه الحاله وكيل النيابه سوف يعتبر كل ذلك مجرد شجار بين سيدات وبدلا من التحقيق ووجع الدماغ
سوف يعطيكم جزاء انتم الاثنان حتى لاتصبح النيابه الاداريه مكانا لذلك
الافضل انهاء الموضوع بصفه وديه بينكم بدلا من الذهاب الى النيابه الاداريه مرات ومرات

[الأستاذ أحمد راشد]

المشاركة الأصلية كتبت بواسطة أ/ سعيد موسى

معذرة ماسبب ذهابك الى النيابه الاداريه من الاساس !!!!!!
عميده معهد طلبت عمل بيانات ولكنك رفضتى !!!!! كلام جميل
طلبتى جواب التكليف !!! تكليف ايه ؟؟؟
هذا الطلب بصفه وديه اما تفعلى واما ترفضى
هددتك وشتمتك !!!! امامك حلان اما الرد عليها واما تقديم شكوى لمنطقتك لرفعها للشئون القانونيه
لكن الذهاب الى النيابه الاداريه مرة واحده لمجرد شجار بين اثنان يحدث يوميا فى كثير من المعاهد
طبعا لايوجد شهود او الشهود خافوا من الادلاء باقولهم وبالتالى لن تستطيعى ان تثبتى هذه الشتائم
فى هذه الحاله وكيل النيابه سوف يعتبر كل ذلك مجرد شجار بين سيدات وبدلا من التحقيق ووجع الدماغ
سوف يعطيكم جزاء انتم الاثنان حتى لاتصبح النيابه الاداريه مكانا لذلك
الافضل انهاء الموضوع بصفه وديه بينكم بدلا من الذهاب الى النيابه الاداريه مرات ومرات

كلامك حكم ياريس

وانا مع نفس التسأولات بتاعت الريس
وبعنى اية تشطب اسمك من الازهر ؟
العلاقة بين شيخ المعهد والمدرس تحكمها القوانين

[أ/ سعيد موسى]

المشاركة الأصلية كتبت بواسطة الأستاذ أحمد راشد

كلامك حكم ياريس
وانا مع نفس التسأولات بتاعت الريس
وبعنى اية تشطب اسمك من الازهر ؟
العلاقة بين شيخ المعهد والمدرس تحكمها القوانين

المشكله الغريبه فى الموضوع يابرنس انها ليست شيخه معهدها بل فى معهد اخر

[محمـد الشيخ على]

الموضوع غريب وتطور بشكل غريب
طبعا الاستاذ سعيد وضح الامر من كافه جوانبه
ليس امامى الا ان اخبرك محدش يقدر يتحكم فى حد زى زمان الوضع الان اختلف عن سابقه

[منى عربى]

استاذ سعيد الامر مش بالبساطه اللى حضرتك متخيلها . هاطول على حضرتك بس معلش علشان يكون الامر واضح .
انا فى معهدى جاءنى خطاب تكليف بعمل قاعدة البياناات لمعهدى فقط من ادارة الامتحانات وبالتالى انا التزمت بشغل معهدى .
اما هى شيخة المعهد التانى جاءت الى تلزمنى بهذا الشغل رديت بشيئان اما بصفه وديه كخدمه ليها وانا فى هذا الوقت كنت مضغوطه بشكل لا يسمح لى باى عمل ودى اولا لان معهدنا فى الجوده و ثانيا معهدى عدده كبير و بالتالى قاعدة البيانات اخدت وقت كبير بجانب انا منتدبه فى معهد اعدادى يومين و معهدى الاصلى وواخده نصابى كاملا و يوم الاشراف و ظروفى فى البيت لا تسمح بعمل الشغل فى البيت و مواصلات .
قولتلها كل ظروفى و لكنها اصرت على الزامى بهذا العمل و شيخه معهدى كانت مؤيده لها و لما رفضت و اصريت انها تحضر لى جواب تكليف او تصبر لما اخلص شغل معهدى رفضت ثم تطاولت عليا بالكلام و الشتائم و انت غير متحترمه حتى لم تنادى عليا باسمى كانت تقول لى يا بنت لازم تعملى الشغل ده . و شيخة معهدى لم ترد باى كلمه دافعا عنى بل ردت زميلتى و كل ده داخل معهدى يعنى هى اللى متعديه و لما حسيت بالظلم و الاهانه لجات الى النيابه الاداريه لان فى منطقتى كل الامور تؤخذ بالواسطه و انا ليس لى اى معارف او واسطات فى المنطقه الازهريه اما هم فشيوخ معاهد لهم واسطات و معارف كتير .تعرف حضرتك لو عملت زى ما حضرتك قولت ورحت الشئون القانونيه كانت احضرت لى هى شكواى و قطعتها ورمتها فى وجهى . يا سيدى الفاضل هى لم تكتفى باهانتى بل اتصلت بالتوجيه ومديرة ادارة الكمبيوتر و هددتدها بالنيابة الاداريه و قالت لها هاقول فيها انك بتخلى مدرسينك ما يعملوش الشغل ده كان لازم عليا اروح لجهه مووثوق فيها لاخذ حقى . و لعلم حضرتك ان فكرت فى الصلح لما عرضت واحده من الزميلات علي و لكن تصرفاتها جعلتنى اصر على ما انا عليه جاءت لى فى معهدى مرة اخرى و زوجها قال امامى خلى القانون ياخد مجراه اما هى فقالت علشان كده خلى كل واخد ياخد حقه .بقت تتصل بالشهود تهددهم . كان لازم اروح لجهه توقف كل المهازل دى مش مجرد شجار لانى انا لم اتطاول ولم ارد باى لفظ .

[أ/ سعيد موسى]

هناك مثل قديم فى الجيش يقول اذا تطاولت الايدى تساوت الرتب
فمعنى تهجم عميده المعهد عليكى بالقول معناه انها اعطتك الحق فى الرد عليها بنفس اسلوبها
حتى لو كانت زوجه رئيس الجمهوريه مش عميدة معهد
الغريب فى الموضوع موقف عميده معهدك اقسم بالله لو حدث ذلك فى معهدى لطلبت من العمال
اخذ عميده المعهد والقاءها خارج المعهد فمعنى تطاولها على احد الزملاء فى وجودى معناها عدم احترامها لى
ولو بتفهم فى الاصول كان يجب ان يكون الحديث مع شيخه معهدك وهى التى تطلب منكى ذلك بصفه وديه
فاذا رفضتى ينتهى الموضوع عند هذا الحد
مشكله المحافظات هى التداخل الغريب فى المواضيع مادخل زوج عميده المعهد فى الموضوع !!!!!
ولماذا جاء من الاساس !!! مالعمل اذا حضر زوجك انتى الاخرى او والدك او اخوكى !!!!
بصراحه باسمع عن اشياء غريبه فى المحافظات ولكن حدوثها بهذا الشكل غير موجود فى القاهرة
المشكله هنا ان النيابه الاداريه عندها اعمال كثيرة ولايوجد لها متسع من الوقت لهذه الخلافات
والمشكله الاكبر حسب قولك ان الشهود لن يشهدوا وبالتالى لن تستطيعى اثبات حقك
لكن الشىء الوحيد فى صالحك ان هذا الموضوع حدث فى معهدك اى هى التى تعدت عليكى
عموما ان شاء الله ينتهى الموضوع على خير

[محمد محمود بدر]

جزيل شكرى وتقديرى لحضرتك
مجهود طيب ومشكور من حضرتك مستر سعيد
جزاكم الله خيرا و بارك الله فيكم