هو فى حد يقدر يسيىء للرسول

[عبد الحميد بدوي]

هو فى حد يقدر يسيىء للرسول
سامحوني وأعذروني
أنا مش قادر أفهم
يعنى أية رسم كركاتير مسيىء للرسول
هو فيه حد يقدر يسيء للرسول؟!!
أنتم فين يا أصحاب العقول ؟!!
طب هما فين دول وفين الرسول
وكدا أو كدا دول شوية بهايم وعجول
ما يستهلوش الرد والرد يطول
هما يعرفوا أية عن الرسول
أنا شايف الإساءة مننا أحنا
أحنا اللي ارتحنا وريحنا
وبنستوردوا منهم هدمتنا ولقمتنا وسلاحنا
دا أحنا حتى بنستوردوا منهم كمان احزنا وافرحنا
دا أحنا من ظلمنا لنفسنا اندحنا
دا أحنا مستنين المعونة والقروض
عشان تداوي جراحنا
أعذروني وسامحوني
أنا شايف الإساءة مننا أحنا
أحنا اللي من كتر الكدب بقينا نصدقوا نفسنا
أحنا اللي مفيش حد في العالم يعرف ينافق زينا
أحنا اللي الواسطة عندنا أهم من أهم قانون
أحنا اللي الغش عندنا عشان راحة الزبون
أحنا اللي مقضينها نوم في نوم
والعالم سبقنا بميت سنة
طيب دا مش إساءة للرسول!!
أحنا اللي مات من سنين حلمنا
أحنا اللي وجودنا زي عدمه
ويمكن كمان عدمه أحسن مننا
أحنا اللي كل يوم لازم بيتحرق دمنا
جايين دلوقتي عاملين رجالة
وحالتنا حالة
أقولكم إيه أي حاجة من نفسنا
نفسي نتعلموا حتى لما نغضبوا
أزاي نغضبوا
أحنا نغضبوا على حالنا الأول
وبعدين نتكلموا ونصرخوا
إحنا طالما حالنا على دا الحال
مش من حقنا ننطقوا
طيب واللي بيحصل في سوريا والعراق واليمن
واللى بيحصل عندنا دا أحنا كل اللى بنعمولوه
أننا بنحاربوا فى بعضنا
أحنا لازم قبل ما نحسبوا غيرنا نحسبوا نفسنا
يا مسلمين
يا موحدين يرضى مين يرضى الرسول
أنتم فين من الرسول
أنتم فين يا أصحاب العقول
ما تتكلموا
الشاعر
عبد الحميد بدوى

[محمد محمود بدر]

جزيل الشكر والتقدير لحضرتك

كلام جميل
عندك حق
شكرا على الموضوع

جزاكم الله خيرا وبارك الله فيكم

[نور الندى]

فعلا لا يوجد من يستطيع أن يسىء للرسول وعلينا تجاهل ذلك كما دعا الأزهر لذلك

بارك الله فيك

[mfa1]

نعم يوجد من يسيء للرسول ( صلى الله عليه و سلم )فهم كثر
المنافق بنفاقه و عدم اتباعه لوصايا الرسول يسيء للرسول
الكذاب يسيء للرسول
مدمن الخمر و متعاطي المخدرات بأنواعها و صورها يسيء للرسول
شاهد الزور يسيء للرسول
الزاني و المتعد لحدود الله يسيء لرسول الله
المهمل في عمله و الذي لا يؤدي أمانته يسيء لرسول الله
الذي لا يحافظ على المال العام يسيء لرسول الله
المشي بالنميمة و الفتنة و العاق لوالديه يسيء لرسول الله
و الكثير الكثير الذي يفوق الحصر
الحقيقة المرة أننا أسأنا لرسول الله أكثر مما فعلوه هم فكان منهم أن تجرأوا على رسول الله و نعيب على الزمان و العيب فينا و ما لزماننا عيب سوانا

أشكرك على حديث الصدق و نزف القلوب