ألحقوني أنا ضعت وهاني هلال هو السبب

[إنتحار طالب ثانوي]

أنا ما دخلتش أمتحان الفيزياء دور أول و حدخله دور تاني وحاخد نص الدرجه

بس المشكله و أنا بقرأ مواقع الأخبار لاقيت مكتوب كلام فيما معناه أن الناس اللي حتسقط السنادي دور أول حتدخل الجامعه السنه الجايه مش السنادي

وده نص الخبر

هاني هلال : إعلان نتائج تنسيق الثانوية العامة قبل بدء شهر رمضان



أعلن الدكتور هاني هلال وزير التعليم العالي والدولة للبحث العلمي‏,‏ أن قبول الطلاب بالجامعات هذا العام عن طريق مكتب التنسيق سيكون إلكترونيا لطلاب الثانوية العامة والشهادات المعادلة من الدول العربية والأجنبية فقط‏,‏ وورقيا لطلاب الشهادات الفنية‏,‏ وإعلان النتائج قبل بدء شهر رمضان‏,‏ حيث لن تتجاوز كل مرحلة تنسيقية من‏7‏ إلي‏10‏ أيام‏.‏
وأضاف الوزير‏,‏ في تصرحات‏ أن تنسيق الشهادات الفنية سيبدأ قبل تنسيق الثانوية العامة هذا العام‏,‏ لأول مرة‏,‏ بينما يبدأ قبول أوراق الشهادات المعادلة منتصف أغسطس‏,‏ كما سيكون القبول إقليميا لكليات التمريض‏.‏
وقال الوزير‏:‏ إن أعداد المقبولين بالجامعات هذا العام‏267‏ ألفا و‏629‏ طالبا وطالبة‏,‏ وهي أعداد المقبولين العام الماضي نفسها‏,‏ مشيرا في الوقت نفسه إلي أنه سوف يتم تخفيض أعداد المقبولين بكليات الطب بنسبة تتراوح بين‏12%‏ و‏15%.‏
وأكد هلال أن مكتب التنسيق سوف يعلن مع نهاية الأسبوع الحالي‏,‏ عن بدء اختبارات القدرات للطلاب الذين أدوا امتحانات الثانوية العامة هذا العام‏,‏ وصرف بطاقات الاختبار من مكتب التنسيق وفقا للحروف الأبجدية‏.‏

وأوضح أن الطلاب الذين سوف يرسبون هذا العام في امتحانات الثانوية العامة سوف يتم ضمهم إلي طلاب سنة الفراغ‏,‏ وتنفيذ جميع الإجراءات التي حددها المجلس الأعلي للجامعات للقبول في العام الدراسي‏2011/2010.‏


__________________________________________________ _____________________

ركزوا في أخر سطرين

وأمتحانات الدور الثاني السنه دي حتبدأ 13 أغسطس و حتنتهي 30 أغسطس ورمضان حيبتدي 22 أغسطس

أزاي بقى نتائج التنسيق كلها حتطلع قبل رمضان و فيه ناس لسه بتمتحن دور تاني

[Its My Life]

hard luck
ـــــــــــــــــــــــــ

[إنتحار طالب ثانوي]

يعني أيه ؟؟ يعني أنا حتى لو دخلت الدور التاني و نجحت مش حدخل جامعه السنه دي ؟ و لا أيه ؟

حد يعبرني يا جماعه

[Mr.Ahmed Fadel]

لا الكلام مش صح
لو اخدت بالك من الخبر حتعرف ان الراسبين مش طلاب الدور الثانى
الدور الثانى حيمتحن وبعد كده على حسب مجموعه بيدخل على الكليةعلى طول

[eyes_smile]

بص انا بتقول مش دخلت الامتحان خالص يعنى اجلت مش رسبت

ودخولك للدور التانى هيخليك تاخد نص الدرجة طيب وعلى ايه؟

والكلام ده لو صحيح يبقى انت كده هتاخد نص الدرجة وبرده مش هتدخل الجامعه غير السنه اللى جايه

طيب يبقى الاحسن انك مش تدخل الدور التانى وتكمل للسنه اللى جايه وفى الحاله دى هتاخد الدرجة كامله

احسن ما تدخل دور تانى وتاخد نص الدرجة وبرده مش تدخل الجامعه السنه دى

ده لو الكلام ده صح طبعا

انا كمان مش دخلت الفيزياء بس مش اخدتها من اول السنه وعامله حسابى ااجلها والكيمياء نفس الكلام

وهستنى للسنه اللى جايه وهاخد الدرجة كامله

فكر فى الموضوع كويس ومش تضيع 25 درجة وفى الاخر برده تدخل الجامعه السنه اللى جايه

وربنا يوفقنا كلنا ان شاء الله

[amour_amour88]

يا عم انت لم تخلص امتحان الدور التناي عادي بتطلع النتيجه وع اساسها بتقدم ف الكليات والكليه الفاضيه بتقبلك ع حسب مجموعك مش اكتر