العمل بكنترول المدرسة اجبارى ام اختيارى ؟

[منى حموده]

لو انت مش عايز تشتغل بكنترول النقل بمدرستك هل يملك مدير المدرسة اجبارك على العمل به او يملك اخذ توقيع منك بالموافقة او الرفض ؟ كل ده علشان مش لاقى حد موافق على العمل بالكنترول

وما يفعل المدير اذا لم يستطيع تكوين فريق من المدرسة للعمل بالكنترول ؟؟
محدش عايز يشتغل له فى الكنترول ؟

[اشرف محمد على]

بصراحة العمل فى الكنترول احسن من وجع الملاحظة والتصحيح وبعدين اللى يمشى على الناس يمشى علي حضرتك بس لازم يكون فى تعاون مع إدارة المدرسة

[Sherif Mahmoud]

من حق مدير المدرسة تكليفك للعمل رسميا بالكنترول بشرط أن لا يكون عملك بالكنترول تجاوز 7 سنوات متتالبة

[ايهاب90]

أنا شايف ان الكنترول أحسن

[abouosef]

العمل بالكنترول محتاج خبره وصبر وطول بال ودقه اذا كان عندك مانع قانونى او مرضى يمنع لا يستطيع احد اجبارك اما اذا راى المدير انك تتهرب من المسئوليه فله ان يحيلك للمسائله وخصوصا اذا كان سبق لك العمل بالكنترول
وهذه الايام يوجد برنامج للكنترول المدرسى بيريحك على الاخر من التجميع وغيره بس عليك اعمال الامتحانات ومحاضر فتح مظاريف الاسئله ومحاضر التصحيح ومراجعة التصحيح اما الرصد والتجميع واستخراج النتيجه البرنامج بيعملها كلها ويخرج النتيجه والنسب والاوائل وكل شىء يعنى راح التعب فى الكنترول توكل على اله ولا تخليها مشكله بينك وبين المدير بتاعك

[رجب فهمى]

العمل بالكنترول اختيارى وليس اجبارى ولا يوجد اى نص او اى مادة تجبر احد على العمل بالكنترول فى المدرسة

[توفيق رفعت عجيز]

في حالة امتناع الكثيرمن العاملين عن دخول الكنترول من حق مدير المدرسة تشكل لجنة نظام ومراقبة من العاملين حسب ما يراه مناسبا للعمل في مجال الكنترول

[منى حموده]

كل الشكر والتقدير لكل اصحاب الردود التى وصلتى والتى افادتنى كثيرا خصوصا انى اكملت سبع سنوات فعلا عمل بكنترول المدرسة ويحق لى ان ارتاح قليلا من مشقته خصوصا مع وجود مشاكل كثيرة بالمدرسة وانا مش اعرض نفسى لكل ذلك
مرة اخرى كل الشكر والتقدير للاصدقاء الذين اهتموا بالرد على سؤالى

[thewise8]

إذا كان العمل بالكنترول بأمر تكليف من مدير المدرسة فرفضك يضعك تحت طائلة القانون

[ابراهيم70]

بسم الله الرحمن الرحيم
والصلاة والسلام على خير الخلق أجمعين سيدنا محمد وعلى آله وصحبه أجمعين
يجوز لمدير المدرسة تحويلك الى الشئون القانونية ويتهمك بتعطيل اعمال الامتحانات وهذه عقوبتها مغلظة

[طارق شومان]

المشاركة الأصلية كتبت بواسطة منى حموده

لو انت مش عايز تشتغل بكنترول النقل بمدرستك هل يملك مدير المدرسة اجبارك على العمل به او يملك اخذ توقيع منك بالموافقة او الرفض ؟ كل ده علشان مش لاقى حد موافق على العمل بالكنترول

وما يفعل المدير اذا لم يستطيع تكوين فريق من المدرسة للعمل بالكنترول ؟؟
محدش عايز يشتغل له فى الكنترول ؟

العمل اجباري لان حضرتك بتصرفي مقابل مادي على ذلك العمل (مكافأة الامتحانات )