انا خلاص انتهييييييييييييييييييييت

[zamalek1]

انا صاحب الموضوع بتاه ( انا عايز ادخل طب اما هموت نفسى) بس عايز اقولكم وداااااااااااااااااااااااااااااااااااااااااااااااا ااااااااع انا خلاص انتهيت انا جبت 88 % فى سنة تانية انا مستحقش دلوقتى ابقى موجود هنااااااااااااااااااااااااااااااااا خالص شكرا على النصايح انا مستحقش حاجة خالص انا خيبت ظن الكل فيا وأولهم انا اتفووووووووووووووووووووووووووو على وشى
مهما دخلت اى كلية فى الدنيا مش هعرف اعمل حاجة فيها ومهما وصلت لاى حاجة مش هفرح بيها

[مناجاةُ النجاةَََِ]

ليه بتقول كدا
"عسي ان تحبوا شيئا وهو شرا لكم".ربنا عارفلك الخير فين واحمد ربنا وانت ممكن تحول رياضة
والدنيا منتهتش
وبلاش تسودها كداا

[د/ اسلام الحريف]

يا عم ولا تزعل نصيبك وهتخده وياما ناس دخلت طب ولا فلحوا بالعكس انتا ممكن تدخل كلية تانية وتتفوق وتكون احسن منهم كلهم واكيد انت اخدت درس مهم تستفيد بيه في المستقبل
لا تقل يارب عندي هم كبير وقل لايا هم عندي رب كبير

[جيمى نيوترون]

والله يا اخى الارزاق على الله وممكن تكون انت كاره كليه معينه وربنا يكرمك وتتفوق فيها ويكون لك مستقبل عظيم

وتذكر ان مش كل العظماء فى مجال الهندسة والطب بس

[برنس أخر زمن2]

ياعم صلى ع النبى انت بتتكلم ف ايه انا مستوايا كان يجيب 95 تانية... وحصلت ظروف ومش كنت عايز ادخل الامتحان لانى..مش ذاكرت حاجة..


دخلت وجبت 84 ... قولت ولا يهمنى المهم انى اثبت نفسى ف تالتة...

وجبت 94 .يعنى ثبت نسى شوية..

جمعتهم 89 وعادى خالص ولا زعلان المهم انى عارف ان مستوايا حلو حتى لو خلت كلية مش حلوة بس اكيد هكون احسن من ناس كتير الكلية دى واجيب تقديرات... ادعيلى اخش علوم رياضة ياعم بس من قلبك

[zamalek1]

يارب تدخلها يارب
ربنا ينتقم من المراقبين كانوا شدين اللجان فى مدارس وفتحنها على البحرى فى مدارس تانية
مفيش ضمير كل اللى مفرحنى ان كل كلمة كتبتها كانت من مجهودى الضعيف
ان شاء الله تدخل علوم قسم جيولوجيا بترول وتسافر على الخليج

[cat2007200]

لع لع مش كده بجد انت كده غلط

س سؤال انت عملت اللى عليك وذاكرت ورحت دروس ولا لا؟؟؟

اكيد تعبت وعملت اللى قدرت عليه

احمد زويل كان فى كليه علوم يا عم

عاوز تورى الناس كلها شطارتك وتثبت نفسك وتبدأ صفحه جديده مع نفسك اتفوق فى الكليه وتف انت على وش اللى مش عاجبه متخليش حد يتنطط عليك ويعقدك وخصوصا زماااايلك سيبك من كل الناس دى خليك كويس كده
والله العظيم ربنا بيدى كل واحد على قد نيته
انت علشان واحد زميلك جاب 98 ولا حاجه خلاص هتخرب الدنيا
معلش كل واحد بياخد نصيبه
س سؤال هل تظن ان الله سيظلمك ؟؟ حاشى لله هل تظن ذلك ولو مجرد ظن رد عليا
ومين قلك انك انتهيت انت لسه اصلا مبدأتش حياتك
ادخل كليه تقدر تتفوق فيها وربنا هيكرمك
وانت لسه هتزيد فى تالته خلى بالك يعنى
ادخل اعلام وخليك زى محمود سعد وخد ملايين
ولا ادخل حقوق وخليك زى المحامى ابو شقه اشطر واشهر محامى فى مصر
مش هى دى الكليات اللى الناس بتحتقرها؟؟
انت اصلا هتزيد فى تالته ممكن تدخل هندسه وتشد حيلك وتدخل قسم معمارى ده اعلى قسم وطير على السعوديه ولا اقعد هنا هتكسب بالهبل
ادخل فنون جميله واعملك لوحات وبيعها فى معارض دوليه انت صغير ليه لا ليه متقدرش فين حماسك مين خده منك
خلى بالك انا عن نفسى بييجى عليا وقت ابقى عاوز اولع فى نفسى كلو كده ما انت ممكن تدخل طب وتتعقد ومتفهمش كلمه هتعمل ايه ساعتها

صلى على النبى كده وانسى تانيه وابدا صح فى تالته بضمير والله العظيم هتكون احسن من ناس كتير
وانا حاسس انك هتكون حاجه حلوه جدا
عارف ليه
علشان زعلان على نفسك وحاسس انك غلط او قليت اوكده
الفاشل هو اللى يغلط ولا يهمه ويقولك انا كده انا وحش انا مش عارف ايه
هتعمل ايه يعنى هى الدنيا كده نجاح واخفاق وانت حاسس انك اخفقت
تأكد ان المره الجايه نجاااح باذن الله

[real madrid cf]

المشاركة الأصلية كتبت بواسطة zamalek1

انا صاحب الموضوع بتاه ( انا عايز ادخل طب اما هموت نفسى) بس عايز اقولكم وداااااااااااااااااااااااااااااااااااااااااااااااا ااااااااع انا خلاص انتهيت انا جبت 88 % فى سنة تانية انا مستحقش دلوقتى ابقى موجود هنااااااااااااااااااااااااااااااااا خالص شكرا على النصايح انا مستحقش حاجة خالص انا خيبت ظن الكل فيا وأولهم انا اتفووووووووووووووووووووووووووو على وشى
مهما دخلت اى كلية فى الدنيا مش هعرف اعمل حاجة فيها ومهما وصلت لاى حاجة مش هفرح بيها

ana zaek t2rebn ana 98 w msh had5l tb bashri i just got screwed over for 0.4%

[LoOoLy El Treikawya]

دة اللى ربنا كاتبه

اتمنى حضرتك مش تزعل

بجد احساسك صعب وبتلوم نفسك بس انا واثقة ان حضرتك انسان كويس وعملت اللى عليك

متزعلش نفسك

ان شاء الله الخير فيما اختاره الله

[zamalek1]

الصراحة انا مش عارف اقولكم ايه كلمة شكرا صغيرة جدا بالنسبة لاحساسكم اتجاهى واللهى انا مصدوم لحد النهااردة من النيجة تقريبا انا مش اقدر اقابل حد جايب اعلى منى عشان انا لو متوسط مش هزعل انى تقريبا بخاف حد من اسرتى يسمعوا حد جاب اكتر منى عشان ميزعلوش عشان عارف انهم بيحبونى وعايزنى اكون احسن واحد انا عارف ان طول عمرى بتفوق على نفسى الناس اللى تفوقت عليها طول السنيين شوفت الشماتة فى عينيهم نحيتى انا مستهلش كل ده انا عملتلهم ايه يارب بس اللى اقدر اقولى ان هرجع ارتب نفسى من اول وجديد بس املى حياتى اللى بسعاله من اول ابتدائى وكل ما احقق انجاز فى كل سنة بقول ده خطوة يضيع كل ده فى سنة واحدة

[boogdy]

بص محدش عارف الخير فين
احب اقولك حاجه انا كنت فى الثانويه العامه من حوالى 6 سنين
وكنت ناوى على هندسه من مصغرى وانا فى الابتدائى واهلى بيحببونى فى الهندسه وفى الثانويه العامه
المجموع النهائى جبت 89.5%
متدخلش هندسه طبعا كنت زعلان جدا بس فكرت وربنا الهمنى انى ادخل معهد فنى صناعى
تخيل!!!!!!!!! معهد فنى صناعى وانا جايب 89.5%؟
طبعا كل الناس قالتلى انت ازاى دخلت المعهد اللى من 60% ؟
وفى بعض الناس شكت انى جايب المجموع بتاعى ده اصلا.
المهم دخلت المعهد وشديت حيلى شويه وكملت ودخلت هندسه قسم كهرباء باور الحمد لله
وانا دلوقتى خلصت تالته الحمدلله
عارف؟
انا الحمد لله دخلت المجال اللى بحبه جدا بس انا بحب مجال تانى
عارف ايه هو ؟
الزراعه لانى بحبها جدا فنفسى اخد بكالوريوس زراعه علشان اخد ارض واستصلحها
لان الزراعه خير كبير قوى
ويكون شغلى الاساسى اللى هو الهندسه قسم كهرباء باور
شوفت بعد ده كله عايز ادخل زراعه
ليه؟
لانى مضيقتش نظرتى ان كليات القمه بس هى اللى جميله لا طبعا كليات كتير تفيد
فانا بقولك ركز كويس فى السنه اللى جايه وشد حيلك علشان تدخل هندسه ان شاء الله
والهندسه دى جميله جدا الهندسه يعنى الفن والابداع
وحتى انت زملكاوى وتعرف ان الهندسه فن ومدرسه
على فكره انا زملكاوى زيك كمان
اتمنى تكون فهمت انا قصدت ايه من كلامى
وادينى بكررهالك النجاح مش انك تكون خريج كليه من كليات القمه بس
النجاح انك تكون ناجح فى مجالك وده عمره ما حيجيلك الا اذا حبيت المجال اللى انت فيه
اسف علشان طولت عليك
فى حفظ الله
سلام

[zamalek1]

سلاااااااااااام

[ArabianPDA]

المشاركة الأصلية كتبت بواسطة mo2men be allah

ليه بتقول كدا
"عسي ان تحبوا شيئا وهو شرا لكم".ربنا عارفلك الخير فين واحمد ربنا وانت ممكن تحول رياضة
والدنيا منتهتش
وبلاش تسودها كداا

لو سمحتي مش عارفه الآيه متقوليهاش
بجد انا شايف كميه مهاترات غريبه في مشاركات كتير في المنتدي هنا ده كلام ربنا

فيه حاجه في الدنيا اسمها "هو شراً لكم"
شراً؟!!!

الايه للتصحيح هي
{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}