صفحة الاستاذ محمود سعد ابعت بسرعة

[ammorrrr]

السلام عليكم

ياجماعة دي صفحة الاستاذ محمود سعد ع الفيس بوك ممكن ندخل عليها ونبعت له رسالة نوضح فيها الموضوع يمكن ربنا يسهل ويناقش الموضوع مع اي حد من الوزراء الافاضل ويدونا رد

http://www.facebook.com/profile.php?...501&ref=search

[teacher120]

ماشى انا معاك وهبعت لكن للاسف بعتنا كتير قبل كده ومحدش عبرنا

[Mr.Trueman]

كله اعلام حكومى . ومحدش بيشتغل الا باوامر عليا .
حسبنا الله ونعم الوكيل

[ammorrrr]

معلش ياجماعة نحاول وان شاء الله ربنا معانا وحتى الكلام اللي سمعناه من الاكاديمية بيقول ان في ان شاء الله تثبيت الشهر ده

ربنا معانا

[محمدطعيمة]

تصرف سليم
فهذا الرجل عنده ضمير
وعندما يجد العد كبير سيتكلم
ويكفينا أن يشير إلينا ولو بكلمة واحدة في برنامجه وبأسلوبه
فستفعل الكثير إن شاء الله
وحرصا منا سنثبت الموضوع للأهمية

[mohammad00]

السلام عليكم ورحمة الله وبركاتة
إلى جميع الأخوة المُنحازين للحكومة .. ويقول الحكومة لن تستغني عن المتعاقدين .. أنا معك لكن لماذا يكون في العقد شرط .. يحق للطرف الأول أن يفسخ العقد لأسباب يراها هو . وكذلك بند أن تكون المحاكم المختصة جهة فض النزاعات .. يعني النية غير كاملة الصدق ... وأكرر وأقول توجد درجات مالية بالجملة لكن لماذا عدم التثبيت منذ 1998 إلا لإوائل الدفعات فقط يعني كلة كلية 5 أو 10 بالكثير يعينون والباقي في الشارع .... وأخيرا وليس بآخر هل عدم التثبيت مرهون بإنتخابات رئيس الدولة ؟
أفصحوا لنا عن نواياكم إن كنتم صادقين..
ونحن نتوجه لسيادتكم داعين الله أن تقفوا في صفا ضد كل مسئول غير أهل ثقة بمكانه ... نحن المتعاقدون حقوقنا مهدرة ومن ضمنها عدم المساواة في الأجازات مع المثبت وكذلك عدم وضوح قيمة المرتب فهناك متعاقدون يأخذون 360 وآخرين 330 وآخرين 310 وأنا منهم مع أنني منذ 2005 .. وأتمنى أن تنظرون بعين الضمير المهني لقضيتنا ... وسيادتك تعليم قيمة 310 جنيه بالنسبة لمعيشة دا حضرتك ممكن تصرفهم في مطعم .. والله لا أحسد لكن أود أن تشعر بنا .. وأشكر أ / محمود سعد
دا النص إللى هبعته إن شاء الله

[اشرف عبد الحى]

هام جداً

لو سمحتم المحافظات التالية قريبة جداً من القاهرة (المنوفية - القليوبية - الغربية - الجيزة - 6 أكتوبر - حلوان - بنى سويف و ممكن السويس و بعض مراكز محافظة البحيرة) كل السابقين هم كتلة كبيرة و رهيبة من المعلمين المساعدين و لازم يروحوا الوزارة فى القاهرة يوم الأحد 25 / 7 / 2010 لانه وقفة الوزارة هى الاهم و عاوزين فيها عدد كبير جداً, لانه الاعلام هيكون مسلط عليها,
حاولوا تروحوا ارجوكم لانه محدش هيديك حقك و انت نايم فى بيتك, و خد معاك كل زملائك و المتعاطفين معاك لانه العدد مهم جداً فى نشر هذه القضية. عاشت مصر.


أبسط شئ ممكن نكسبه من هذه الوقفة هو عدم تجاهل الوزير لنا, فانتم تلاحظون تجاهله التام لقضايانا و أحوالنا رغم انه يظهر فى التليفزيون 7 مرات فى الاسبوع. كما انه يتكلم دائماً عن تقصيرنا و عدم انضباط المعلمين لقد شوه صورتنا أمام المجتمع دون ان يتكلم عن حقوقنا أبداً. لن نرضى بهذا الذل و لكن سنؤدى عملنا بمنتهى الاخلاص و الامانة مؤمنين بقيمة رسالتنا فى تنوير و اصلاح المجتمع كمعلمين و لكن دائماً مطالبين بالحصول على حقوقنا المادية و المعنوية لان حقنا هو حق مصر.
لا تنسوا 25 / 7 / 2010
Facebook
http://www.facebook.com/group.php?gi...3357265&v=wall

[طارق حامد2]

والله كلام جميل وياريت الكل يشارك لأنى ده حقنا كلنا مش واحد بس

[مدحت52]

تم الارسال
الرجاء من الاخوة المعلمين المساعدين الاهتمام قليلا
الموضوع اقترب المطلوب تكثيف العمل على الفيس بوك
وعلى ايميلات الصحفيين الموجودة هنا على البوابة


الرجاء اخبار الاخوة الذين لايشاركون هنا في البوابة
وايضا الكثيرون الذين لايدخلون على النت من الاساس
برجاء الطلب منهم الدخول على الجروب والتسجيل ولو لمرة واحدة
العدد الان 89 وهذا غير كاف

[ابو ايه255]

جارى الارسال وياريت الكل يشارك محدش هيموت ناقص عمر

[Mr Ahmed lotfy]

على فكره انا بعت للاستاذ محمود سعد بس ياريت يهتم

[مستر /سامح على عبد العظيم اليمانى]

سأقوم بإرسال الرسالة الآن

[أ/ عمرو عبد الرحمن]

نفس الردود مكررة
نرجو ضبط النفس

[hohoh]

بناتك دول يااستاذ محمد طعيمة ربنا يخلوهملك

[prof2007]

اين اميلات الصحفيين