حكاية صورة قديمة نادرة

[المريسي]

وددت ان اشارك حضراتكم في شئ يجعلني استمتع الا وهو جمع الصور النادرة والقديمة منها خصوصا وارجو من يملك صور منها ان يشاركنا بها وسيكون اعتمادي في ذلك علي الفيس وبعض المنتديات وبعض المواقع الاخري وسيكون هناك شرح لكل صورة ان شاء الله

[المريسي]

معنا هذه المرة تذكرة كانت تُمنح للعبيد أو للرقيق بعدما يحصلوا على حريتهم، اسمها تذكرة حرية، تعود لسنة 1881م
كان في مصر عبيد من دول كثيرة، يظل يعمل عند سيده إلى أن يعتقه، فيذهب إلى ديوان البلدية، وبالتحديد إلى قسم هناك اسمه ( قلم عتق الرقيق ) ليحصل على رخصة أو تذكرة تثبت أنه حر وأن له ذمة مالية خاصة به، وتحمل التذكرة اسم الشخص وعُمره وبلده واسم سيّده، ثم أوصاف هذا الشخص
شاهدوا التذكرة الخاصة بواحدة اسمها ( صفية ) من الحبشة، كانت تعيش في ( قنا )، أترك لكم متعة قراءة التذكرة لأن كل الكلام فيها واضح ولا يحتاج لإعادة كتابة سوى الجزء الخاص بأوصاف صاحبة التذكرة، وهي كالتالي: وسط القامة والجسم، سودة اللون والعينين والشعر، مفتوحة الحاجبين، مستديرة الوجه، مبطونة الأنف، عادة الشفتين، ليس بها علامات بارزة

[المريسي]

صورة تعود إلى الفترة بين 1915 - 1925م
نرى فيها أحد رجال البوليس المصري، وخلفه أحد العمال وفي يده ( دكاكه ) لتسوية الطريق، وهي أداة تقوم بنفس عمل الدكاكة الحديثة التي تعمل بالسولار

[المريسي]

الصور لسيارة في شارع الهرم عام 1910 تقريبا لاحظ ان فيضان النيل قبل السد العالي كان يصل الي منطقة قريبة جدا من الاهرامات

[المريسي]

الصورة عام 1922م وهي لكوبري قصر النيل الذي بناه الخديوي اسماعيل وهذا قبل الكوبري الحالي الذي بناه الملك فؤاد الاول عام 1933م والذي يظهر في الصورة هي لحظة فتح الكوبري لعبور المراكب الشراعية من خلاله

[المريسي]

الصورة للبطل أدهم الشرقاوي واسمه الكامل "أدهم عبد الحليم عبد الرحمن الشرقاوي" هو أحد الأبطال الشعبيين المصريين ولد عام 1898 في قرية زبيدة مركز إيتاي البارود في محافظة البحيرة

[المريسي]

زفة العروسة سنة 1896م
كانت العروسة بتقعد جوه مكان اسمه ( هودج ) وهو زي الغرفة معمولة من الخشب ولها شبابيك عليها ستاير، وطبعاً بيكون الهودج مزخرف من بره وجوه، وكل أسرة حسب إمكانياتها
بتقعد العروسة جوه الهودج هي وأمها أو أختها أو صاحبتها وبيتحط بين جملين، جمل قدام وجمل ورا زي مانتوا شايفين في الصورة، وكل جمل عليه زينة وأجراس بحيث يعمل صوت وهي ماشي، وبيكونوا ماشيين في الأول
وراهم فيه جمال تانية وعليها ( هوادج ) فيها أقارب العروسة الستات، وبعدين وراهم جمال شايلة صندوق فيه كل حاجات العروسة، اللي بنسميه الوقتي ( الجهاز ) وبيكون فيه ذهبها وعفشها وملابسها وأدوات الزينة ... إلخ، وبيفضلوا ماشيين من بيت العروسة لغاية بيت زوجها

الهودج معمول أصلاً عشان يحتفلوا بالعروسة وتمشي وسط الناس في اليوم ده من غير ما تكون باينة للناس كلها
الصورة متصورة عند الحد الشرقي للقاهرة الفاطمية، يعني عند جبل المقطم، والمباني اللي شايفينها لسه موجودة زي ما هي

[الشافعى الشافعى محمد]

رائع جدااااااااااااااااااااااااااااااااااااااااااا

[المريسي]

تذكرة كانت تُمنح للي رايحين يحجوا على جمل
حاجة تشبه جواز السفر المستخدم الآن
قافلة الحج كانت بتسافر على جمال، عشان الجمل يعبر الحدود المصرية لازم يكون له تذكرة مكتوب عليها اسم الحاج والسنة التي صدرت فيها التذكرة، بالإضافة للون الجمل، ولازم تكون مختومة بختم خاص مكتوب عليها كلمة ( الحجاز )

وكانت الناس على الحدود السعودية تشوف التذكرة وتديله كارت مرور مرسوم على الكعبة وختم، وطبعاً الناس لما ترجع كانوا يفتخروا ويعتزوا بالتذكرة دي

بيانات التذكرة كانت للشيخ عمر نور الديت سنة 1877م، كلامها واضح

[المريسي]

سيدة مصرية في منزلها مع اتنين من خدمها الأفارقة سنة 1870م
الصورة مش محتاجة تعليق سوى عن اللبس، وهو كان جديد وقتها واسمها كرينول
وهو عبارة عن فستان مصنوع من القطن مع بعض شعر الخيول، والجديد فيه وقتها إن كان عامل زي فستان العروسة الأيام دي، بمعنى إن تحت كان فيه بلاستيك بحيث يبقى منفوش

[مـــــلك]

موضوع رائع
سلمت يداك

[mfa1]

رائع و بارك الله فيك

[المريسي]

بنت مصرية سنة 1920م واقفة جنب بئر وتخرج الماء بواسطة جردل معلق ببكره
نلاحظ أن البئر مبني فوقه بيت خشبي وعليه نوع من النباتات المتسلقة حتى لا تكون الشمس بشكل مباشر على الماء

[المريسي]

فلاحة مصرية سنة 1899م
علّق المصور على الصورة قائلاً بأن ما لفت نظره بشدة هو الذهب في يديها وأذنيها ورقبتها وكأنها من طبقة غنية
وانا لدي تعليق اخر ما ترونه ويشبه علامة لصلاه علي جبهتها هو وشم كان يتم بالنقر بشوك النخيل في هذه المنطقة وضع الكحل في مكان النقر

[المريسي]

كوبري قصر النيل عام 1898 م وكان المرور علي الكوبري باجر اي يتم تحصيل مبلغ من الذي يقوم بالمرور عل الكوبري وهذا المبلغ يختلف اذا كان يمر راكب حمار او جمل او يسير علي قدميه