كيفية تنفيذ الاضراب فى اول ايام الدراسة

[عبد الحكيم ابو عرابى]

بسم الله الرحمن الرحيم

هذا الموضوع مطروح للاتفاق على خطوات واليات تنفيذ الاضراب اذا لم تحدث استجابة بعد مليونية يوم 10/9 ونأمل المشاركة وكل منا يضع تصور لعملية الاضراب 0

[هيما2011]

أن شاء الله تعالي ننتظر حتي تنجح المليونية أن شاء الله تعالي

[sheer2010]

ايها المعلمون

عليكم بالاضرااااااااااااااااب عن العمل
خايفين من اللجان
روحوووووووووووووووا المدرسة ووقعووووووووووووووووووووا فى دفتر الحضور والانصراف
بس الاولاد يروحوا او تمتنعـــــــــــــــــــوااااا جميعا عن العمل داخل الفصول
انشروا ذالك للجميع

[Mr. Mohamed barakat]

موافق بس لما نشوف المليونية وبعدين نقعد فى الحوش جنب الاداريين والعمال

[kind_heart100]

الاضراب لازم يكون بعدم دخول الطلاب المدرسة من اساسة علشان الدنيا كلها تقف معانا لان الناس الموظفين مش بيهمهم انك تشرح او لا قد ما يهمهم ان ابنهم يكن داخل المدرسة لانهم بيكونوا فى شغلهم

[dr.mhmud]

المشاركة الأصلية كتبت بواسطة kind_heart100

الاضراب لازم يكون بعدم دخول الطلاب المدرسة من اساسة علشان الدنيا كلها تقف معانا لان الناس الموظفين مش بيهمهم انك تشرح او لا قد ما يهمهم ان ابنهم يكن داخل المدرسة لانهم بيكونوا فى شغلهم

بالإضافة إلى أن المسئولين في الوزارة ممكن يكذبوا على المجتمع ويقولوا الدراسة منتظمة رغم إن المعلمين لم تصعد إلى الفصول

[ايمن فاضل احمد]

إن شاء الله ستنجح المليونية ولن نحتاج إلى الاضراب في اليوم الأول

[wahsh2008]

إن شاء الله ستنجح المليونية ولن نحتاج إلى الاضراب في اليوم الأول

[ايثار حسن]

المفروض التلاميذ مش يدخلوا لمدرسة عشان اصلا هيعملو دوشة والمدير ساعتها هيتحايل على المعليمن عشان يدخلوا وممكن منهم اللي يخاف ويدخل وتبقا باظت

المفروض يفضلو خارج المدرسة احسن

يعني المعلمين يمضوا ويقعد جو المدرسة بلا عمل
الا ان يشاء الله

[أحمد على فارس]

المشاركة الأصلية كتبت بواسطة ايثار حسن

المفروض التلاميذ مش يدخلوا لمدرسة عشان اصلا هيعملو دوشة والمدير ساعتها هيتحايل على المعليمن عشان يدخلوا وممكن منهم اللي يخاف ويدخل وتبقا باظت

المفروض يفضلو خارج المدرسة احسن

يعني المعلمين يمضوا ويقعد جو المدرسة بلا عمل
الا ان يشاء الله

أحسن حاجة أن الإضراب يكون عبارة عن أجازة مفتوحة للمعلمين والإداريين لحين تحقيق المطالب عشان المدرس يبقى بعيد عن الضغوط سواء المحايلة عليه من المدير وأولياء الأمور وفى نفس الوقت يكون بيعد عن المشاكل اللى ممكن تحصل أو تكون مفتعلة من المديرين أو أولياء الأمور وساعتها المعلم يضطر يدخل الفصل
إنما مدرسة بدون معلم لا جوة الحوش ولا برة الحوش يبقى خلصت المدارس هتقفل أوتوماتك وساعتها هما اللى هيدوروا علينا
إنما لو وقعت يبقى حطيت نفسك فى مشاكل أنت فى غنى عنها
ده رأيى وأجرى على الله

[mmar1]

اهم شئ يكون الاضراب بالفانون زميل لى فى المدرسة طبع اخطار يخطر فية الادارة بموعد الاضراب وسببة وسوف يوقع علية الجميع وانا شوفت ان احد الزملاء بالموقع منزل صورة الاخطار كلة بالقانون

[عبد الحكيم ابو عرابى]

المشاركة الأصلية كتبت بواسطة mmar1

اهم شئ يكون الاضراب بالفانون زميل لى فى المدرسة طبع اخطار يخطر فية الادارة بموعد الاضراب وسببة وسوف يوقع علية الجميع وانا شوفت ان احد الزملاء بالموقع منزل صورة الاخطار كلة بالقانون

الاخ الفاضل هذا اقتراح جميل وحاول ان تضع لنا صورة الاخطار حتى يطلع عليه الجميع

[عبد الحكيم ابو عرابى]

كلنا نأمل ان تنجح المليونية وتؤتى ثمارها وهذا الموضوع ماذا اذا لم تنجح لاقدر الله لابد من تنفيذ الاضراب بصورة قانونية ويكون الاضراب بعدم دخول التلاميذ الى المدارس

[زاهر كامل]

نحن على اتم الإستعداد للإضراب فى محافظة الوادى الجديد

[gharfy]

ونحن علي اتم الاستعداد للإضراب في المراغة عام و ازهر معا ضد تهميش المعلم
محمود فرغلي محافظة سوهاج