أسباب الفشل

[222ahmed222]

السلام عليكم ورحمة الله وبركاته
قد يظن بعضكم ان الموضوع والفشل سيكون نقاشاً عن الدراسة وانا اعتذر عن ذلك فهناك ماهو اهم (الثورة)

ما اهم اسباب فشل الثورة وأعتذر عن نعت الثورة بالفاشله ولكنّها الحقيقة المرة وذلك لأنّ عدمَ وصول أحد المرشحين الثوريين للإعادة هو فشل للثورة بشكل واضح وهذا يعني أن الشعب قد سأم حديث الثوريين فصوتوا تصويتاً عقابياً ضدهم.

وأرى من أهم الأسباب التي اطاحت بمرشحي الثورة:
1-تكبر مرشحي الثورة متمثلين في اكبرهم الدكتور عبد المنعم أبو الفتوح والسيد حمدين صباحي وعدم قبول أحدهم بالتنازل للآخر والإنضمام إلى فريقه وتقوية فرصه وأسهمه.
2-تنصيب الحملات الإنتخابيه لكل منهما في انتقاد المرشح الآخر دون النظر إلى الخصوم الحقيقية وعلى وجه التحديد الفريق احمد شفيق الذي هو عدو مباشر للثورة.
3-نجاح خطة المجلس العسكري في غياب الأمن في الفترة السابقة حتى يأتي الشعب أثناء التصويت ليختار الفريق احمد شفيق ظناً منهم أنّه الوحيد القادر على إعادة الأمن.
4- التصويت الجماعي للأقباط لصالح الفريق احمد شفيق وتفرق اصوات بقية الشعب بين كل المرشحين.
5-غياب الوعي الحقيقي وشراء ضمائر وتزييف ارادة الناخبين عن طريق الرشاوي والمال السياسي او التخويف من فصيل بعينه.
ولكنّ قبل أن نلوم غيرنا على أنّهم قد صوتوا للنظام السابق فلنلم أنفسنا على تفتت وتشتت اصواتنا وعدم الاتفاق على الطريق الأنسب للثورة التي يبدو أنّها لن تنتهِ.
ولكن يجب أن اقول رغم كل هذا فتحية طيبة لجيش مصر وشرطتها وقضاتها الأجلاء الذين أعطوا درساً مميزاً في الوطنية والتحمل والتجلد من أجل الوطن.
وحتى أثبت لمن لا يود أن يقتنع أن احمد شفيق هو جزء لا يتجزأ من النظام السابق
فلتنظروا على هذه الصورة من صفحة (أنا آسف يا ريس) على شبكة التواصل الإجتماعي فيس بوك والتي على ما اظن أنّه لا يوجد أحد يشك في انتمائها للنظام السابق

[Aya Mn Allah ♥]

فعلا وربنا عندك حق ف كل كلمة قولتها
انا مش عارفة الناس اللى اديت شفيق ده بتفكر ازاى!!!
يعنى احنا عملنا الثورة دى للتسليه كنا عايزين نتسلى عملناها ولا ايه؟
يعنى دم الشهداء ده عادى يروح هدر مش مشكله؟
احنا قعدنا نقول هنجيب حق الشهداء وبعدين نروح ندى صوتنا لشفيق!!!
انا عايزة اعرف ايه غرضهم انهم يدوا شفيق؟؟
مش احنا كنا عايزين نسقط نظام الظلم والغش والضحك ع الدقون؟ ليه عايزين نرجعه تانى بايدينا؟؟؟
اد كده بنحب الاهانة والظلم عشان نرجعهم تانى؟؟
اد كده نفسنا نتنفس هوا ملوث بعد ما بدأنا نتنفس الهوا النضيف؟؟

انا بجد زعلانة اوى ع مصر وع مصيرها
ومش لاقيه كلام اقوله بجد

[222ahmed222]

المشاركة الأصلية كتبت بواسطة small dreamer

فعلا وربنا عندك حق ف كل كلمة قولتها
انا مش عارفة الناس اللى اديت شفيق ده بتفكر ازاى!!!
يعنى احنا عملنا الثورة دى للتسليه كنا عايزين نتسلى عملناها ولا ايه؟
يعنى دم الشهداء ده عادى يروح هدر مش مشكله؟
احنا قعدنا نقول هنجيب حق الشهداء وبعدين نروح ندى صوتنا لشفيق!!!
انا عايزة اعرف ايه غرضهم انهم يدوا شفيق؟؟
مش احنا كنا عايزين نسقط نظام الظلم والغش والضحك ع الدقون؟ ليه عايزين نرجعه تانى بايدينا؟؟؟
اد كده بنحب الاهانة والظلم عشان نرجعهم تانى؟؟
اد كده نفسنا نتنفس هوا ملوث بعد ما بدأنا نتنفس الهوا النضيف؟؟

انا بجد زعلانة اوى ع مصر وع مصيرها
ومش لاقيه كلام اقوله بجد

كل ال اقدر اقوله
حزين عليكي يابلد مبتقدريش الحرية والشباب ال يضحوا عشانك