|
#11
14-09-2009, 02:33 AM
|
|||
|
|||
أولاً يا اخي انا مش صاحب حكاية اتفاقية اليونسكو دي ... انا كتبت الموضوع علشان بس افيد الطلبة اللي ما تعرفش الفرق بين هندسة عمارة و فنون جميلة عمارة .... و انا لم انحاز إلى أي منهم تماماً ....
فحرام على الحاج حسام انه يدعي عليا بالطريقة دي ... مش انا و الله اللي حاطط حكاية اتفاقية اليونسكو دي ... لكن برضه معاه حق في كل كلمة بالنسبة لكلامه عن المستقبل ..... المستقبل بإيد ربنا ... و يمكن برضه حسام متفق معايا في دي .... المستقبل بإيد ربنا و زي ما انا قلت اننا بنفكر من قبل ما ندرس ... معظم الطلبة بتفكر في الشغل من قبل ما تدرس اللي عليها الأول , و للأسف الأهالي هيا اللي زرعت الحكاية دي في أولادهم ..... و ممكن الأهالي تضيع ولادها بسبب كده ..... كتييييير مننا باصص لكلمتين طب و هندسة ... لكن مثلاً ميعرفش ان فنون جميلة عمارة بتطلع مهندس ..... علاج طبيعي بتطلع دكتور ... حاسبات و معلومات بتطلع مهندس .... اقسام في كلية علوم زي كيميا البترول بتطلع مهندس .... لكن للأسف العالم بيتقدم و احنا متخلفين عقلياً و باصين للألقاب و الأسامي و بس .... عمرنا ما ح نتقدم و لا ح نفكر صح و لو بعد مليون سنة .... و كتييير مننا بيفكر في شغله و وظيفته ... من حقك انك تطمن على مستقبلك , مستقبلك اللي يتبع ميولك إنت ... مش يللا و السلام أهو اي حاجة كويسة .... ما إنت ممكن تدخل قسم في هندسة و انت كارهه من جواك أساساً فمش ممكن تنجح فيه ... بل مستحيل ... لازم تحب حاجة و تعملها و انت مقبل عليها و دي أول خطوات الاطمئنان على المستقبل .... لكن في الأول و الآخر مستقبلك بإيد ربنا ... مش إنت اللي ح تعمله بسهولة ... مش إنت اللي ح تعمله و انت قاعد على كرسيك و مبتعملش حاجة وفاضي .... الأول ندرس و نخلص دراستنا , و ربنا هوا اللي بيكرم ... ربنا بيكرم المجتهد اللي تعب و شقي , و خدم ربنا طول حياته ... و يا جماعة , الجرايد ياما كتبت و ياما ألفت و ياما عجنت ... ماهو في التنسيق مثلاً قعدت الجرايد تكتب ان الهندسة فيها اماكن فاضية و لغاية آخر يوم في تقديم المرحلة الاولى كاتبين مازال هناك اماكن خالية للهندسة للمرحلة الثانية ..... و النتيجة : الهندسة كلها قفلت مرحلة اولى .... ههههههههههه .... هم يضحك و هم يبكي و الله ... فيعني الجرايد و المجلات دي ياما اكلت بعقول الناس .... و الغريبة ان الناس بتصدق اي حاجة مكتوبة في الجرايد .... و ده اللي مضيعنا .... مبندرسش كل شيء بتعمق .... بنشوف الحاجة من نحية واحدة مش من كل النواحي .... ربنا يكرمنا إن شاء الله , و لو المشرف عاوز يشيل الموضوع ... خلاص يشيله , بس انا و الله نيتي خير و مش منحاز لأي قسم بتعصب و لا حاجة ... دا انا حبيت افيدكم و الله ... ربنا يكرمكم ان شاء الله و جزاكم الله كل خير 
|
| العلامات المرجعية |
«
الموضوع السابق
|
الموضوع التالي
»
العرض الشجري
|
|
جميع الأوقات بتوقيت GMT +2. الساعة الآن 07:38 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
