صنية كيكة

[حميد بدوى]

واحد بيقول لتانى تصدق لو قولتلك
ان من أربع شهور بفكر فى موضوع
ومش قادر أخد قرار
قالة خير هو موضوع أنتحار
قالة حاجة فى نفس المشوار
حاجة مفيش واحد يقدر يتكلم فيها
ولاعد حد بيجيب سيرتها

مع ان الكل نفسة فيها صغار وكبار

قالة خلاص استنى
وقام قفل البيبان وتطقطق الودان
وقالة وطى صوتك علشان الحيطة ليها ودان
وقالة بشوشينى يا همام
قالة انا من زمان قالة اتصدق لو قولتلك انا كمان
قالة مش تصطبر لما كمل الكلام

قالة كمل يا همام
قالة حاجة الشعب كلة نفسة فيها
وخصوصا اللى زى حالتنا غلبان
بس مفيش واحد يقدر يقدم عليها
قالة وانت اتقدم يا همام
والله انت اسم على مسمى
ودة راى فيك من زمان
قالة ما أنا من أربع شهور بفكر فيها
وكل أما أنوى عليها ألاقى العملية زنقت
ومعتش قادر عليها
ومع أن كل يوم العيال بتفكرنى بيها
فى الداخلة والخارجة
بتقطع هدومى عليها
واية دخل العيال فيها
أصل نفسهم جت عليها
ربنا يقدرك ويقويك عليهم
وعايزين أية وأية اللى نفسهم فية
قالة عايزين صنية كيكة
قالة وسيبنى اقفل البيبان
وقولك الحيطة ليها ودان
وكل شوية أقولك بشوشينى يا همام
لا زعق يا همام
أقولك أية بس ربنا يخليك للعيال
ولما تعمل الكيكة متنساش ان أحنا جيران
قالة يعم بس هية تبقى تكفى العيال
قالة صنية كيكة
وانا اللى مفكرك ابو الرجال
ربنا يخليلك العيال
قال همام قال

الشاعر
عبد الحميد بدوى