متستغربش

[مريم السباعى.]

لما الدموع تسيل جوا القلوب ومتنزلش
لما الحب يحس القلب والقلب ميرفرفش
لما حاجات كانت فى قلبك تصبح تروح ولا ترجعش
متستغربش
احسايس كتير بتتغير
وناس اكتر بتتغير
اوضاع كلها تحير
ونفوس قلوبها تتكدر
وحاجت كتير كانت حاجة ودلوقتى كلها عكس
فمتسغربش
لما تلاقى ناس تحبها جامد ومتحبكش
وناس تديلها من قلبك ومتحسكش
وناس تخسرك بس ولا تكسبش
وناس تقول دى اصيلة بجد تصبح تلاقى الاصل فيها كلب
وناس تتتعمى عنهم وتكون هى الى بقيالك بحق
ولحظة تقول دى لحظة عمر وتصبح تتمنى نسينها
ولو حد فكرك بيها تقول مبلاش السيرة دى
بلا فقر
هى الدنيا من يوم مهى اتخلقت وهى كدة بدة الحال
لا هى جديدة علينا يبنى ولا هى كانت فى المحال
انت بس لساك صغير ومش فاهم
لساك بتستغرب على الحقيقة المضحكة
او محزنة
حتفرق؟؟؟
مهى المشاعر كمان بتتغير مبقتش تفرق
المهم انى دى الحقيقة ولازم تدخلها دماغك
الحياة حتفوت حتفوت ومش محجتاجلك
الا لو انت عرفت بجد قيمة حاللك
عرفت تركز فى نفسك
تقوى نفسك
تقول انانى؟ اقوللك اه
بس انانى كامرحلة اولى
لحد متبقى دماغ تفهم مش فولة
تعرف امتى تدى وامتى تاخد
ومين تبكى عليه ومين تضحك و
مين تقف ساكت
ومين ابدا عليه متسكتش
لحد متعرف الدنيا
ومتستغربش
كلماتى / اشرقت الشمس