منهج الصف الاول الاعدادى تهريج بمعنى الكلمة !

[maro_kotb2000]

من كثرة ما وجدت على المنتدى و المنتديات الاخرى الكلام على المنهج الجديد ووجدت الكلام غير متناسق قولت اسف اللى بيكتبوا عنه بيهرجوا او بيدلعوا فقولت ادور على الكتاب واشوف
ويا ليتنى ما دورت عليه
وجدت الكلام كله صح
الكتاب تهريج بمعنى الكلمة
انا مش حتكلم على جودة الكتاب ولكن على عدم ترابط جزئيات المنهج على الاقل السنة الحالية لسبب بسيط ان الطلاب الحاليين لم يتعرفوا عن شىء خاص بالمجموعات فى المرحلة الابتدائبة التى ممكن نتغضى عن اعتراضنا فى السنوات القادمة لو درسوا ( المجموعات وما تشمل من طريقة السرد والصفة و الانتماء و العمليات على المجموعات من اتحاد وتقاطع و العمليات على الاعداد الطبيعية و الاعداد الصحيحة العمليات عليها و الدوخة للطلاب فى الاشارات فى الجمع و الطرح و الضرب و القسمة )
فأنت اخى المدرس مطالب بشرح كل ذلك السنة الحالية بالاضافة للمنهج الجديد اللى هو مجرد عناوين للدروس وانت عليك التوسع فى الموضوع ......... او تقل ضميرك و الدروس حتبقى للركب
بالاضافة للهندسة اللى هى من كل فيلم اغنية صعبان عليه ميدوخش الطلاب و المدرسين
يعنى لو تغاضينا عن كل ذلك فى السنوات القادمة برده المنهج زفت
وطبعا الرد بتاعهم جاهز فى خطة لتغير المنهج تانى
تهريج بمعنى الكلمة
بيقولك ..تحسين تعليم ...ابقى قبلنى
حاجه ثانية
المنهج فى المرحلة الاعداية من عدة سنوات يغير منهج اولى فى سنه ثم السنه التالية منهج تانية ثم فى التالية ثالثة وبعدين نرجع نعيد من الاول نغير منهج اولى ثم ثانية ثم ثالثة وهكذا .......
الموضوع ده اشتغل اربع او خمس مرات فى 15 سنه الماضية هى سبوبة بيرزقوا منها منهم لله
كل ده من الفساد ارحمونا يرحمكم ربنا
انتوا عالم متستحقوش اى رحمة انتوا .....................
طبعا اخواتى انتوا فهمين اللى مكان النقط