هات ورقة وتعالى ورايا

[بسبوسة]

نفسك تأخذ حسنات كثيرة في الإجازة

نفسك تتعلم حاجة جديدة ماكنتش عارفها قبل كده.

نفسك تدخل السنة اللي جاية وأنت أحسن عن السنة دية ....

نفسك يبقي معاك فلوس كثير.

نفسك تفيد وطنك وأمتك ودينك.

يبقي أنت محتاج للموضوع ده ...

المشكلة اللي بتقابل كل واحد فينا إن هو أول ما بيخلص إمتحانات يبقي عايز يعمل حاجات كثير أوي في الأجازة ...... بس ما بيعرفش يكمل فيها،

دا مشي لأنه ضعيف لا سمح الله ... ولكنه ما عملش لنفسه خطة يمشي عليها ..... طب إيه رأيكم لو نعمل خطة مع بعض للأجازة ..... موافقين ..... ياللا بينا

أولا:- إنت عاوز إية؟؟

اول خطوة علشان تعمل الخطة لازم تحدد أهدافك في الأجازة ودي طبعا نقطة مهمة جدا علشان تبقي عارف أنت رايح فين ....

وعشان تحدد هدفك إعمل الحاجات اللي ها أقولك عليها ديه وبالترتيب.

1- هات ورقة وقلم .... وإكتب فيها كل الحاجات اللي إنتي عاوز تعملها في الأجازة (أهدافك)

2- بص تاني في الورقة هتلاقي في أهداف شبه بعضها ..... إحذف المتشابه

3- خاللي بالك:- الهدف الجيد لية 4 شروط

أ- لازم يكون الهدف واضح:- أو إنت عارف إنت ليه أختارته فتسأل نفسك مع كل هدف (ليه؟) مثال علي كده:

واحد عاوز يحفظ القرأن ..... السؤال: لية عاوز أحفظ القران؟

الإجابة:- لأنه يأتي يوم القيامة شفيعا لأصحابه ...... الهدف واضح

وأنا محتاج للشفاعة دية.

ب- لازم يكون للهدف مدة زمنية يتحقق فيها ..... (مدة الأجازة)

ج- الهدف لازم يكون واقعي

د- الهدف لازم يكون قابل للقياس "يعني متابعته ومعرفه قياس النجاح فيه.

ثانيا: بعد أما حددت أهدافك ... قسم كل هدف لآجزاء صغيرة خلال الأجازة.

لو فرضنا واحد عاوز يحفظ 3 أجزاء خلال الأجازة

3 شهور 3 أجزاء

كل شهر جزء .... 4 أسابيع

كل اسبوع ربعين (كل يوم 5 أيات تقريبا)

أيه بعد كل صلاة. يعني لو حفظت أيه بعد كل صلاة يكون الناتج 3 أجزاء في الأجازة طريقة سهلة مش كدة

وبالطريقة دي تقدر تقسم كل أهدافك....

ثالثا: دلوقتي إحنا هنعمل أصعب ما في الموضوع...

وهو التنسيق بن كل الأهداف وعمل برنامج زمني لها .....

بص كدة علي الجدول اللي جاي ده وقولي رأيك فيه إيه .....



الأسبوع الأول

م الهدف تفصيل الهدف خلال الأسبوع الواجبات العملية
1 حفظ القران حفظ النبأ والنازعات حفظ 13 أيه يوميا
2 الرياضة تحديد الرياضة المراد ممارستها الإشتراك في احد الأندية مرتين في الأسبوع
3 الجانب الإخلاقي اكتساب خلق كل أسبوع

(غض البصر في الأسبوع الأول) 1- قراءة كتب عن غض البصر

2- عمل ورد مما سبق يومي خاص لغض البصر تكتب فيها عدد المرات التي أطلقت فيها بصرك كل يوم

3- حدد عقاب لنفسك إذا أطلقت بصرك

(تحرم نفسك من شئ بتحبه) وهكذا




حاول تعمل برنامج مشابه لأهدافك وتكمل هذا البرنامج لباقي الأسابيع

إعمل برنامج يومي اكثر تفصيلا تحدد فيه ميعاد تحقيق كل هدف خلال اليوم مع الوسيلة المناسبة له .....

وفي النهاية: إلتزم علي قد ما تقدر بالواجبات العلمية التي تضعها لتحقيق كل هدف من اهدافك واستعين علي كده بالصحبة الصالحة، وإجعل أمام عنيك قدوة من أحد الناجحين.... كل ده يدفعك للأمام ويوصلك للنجاح إن شاء الله.


ويارب ماكونش طولت عليكم ويكون عجبكم