كل ما تحب ان تعرفه عن ((كلية السياحة والفنادق))

[seco33]

انا النهاردة روحت وقالوا اختبار الانترفيو يو 16/8/2009 والمصاريف للغات 3750 جنيهع فى السنة

[seco33]

هو ده صحيح ولا لا

[soha fouad]

ايوة انا كمان الاختبار بتاعي يوم 16/8
وانت لازم يعني تدخل انجليزي ما تدخل عربي وقضيها كورسات بره

[seco33]

طيب هو فى ارشاد عربى

[rodita]

هاي يا جماعة انا برضو في سياحة وفنادق في اولي وبصراحة انا خايفة مووووووت من الكلية ومكنتش عايزاها تبقي في المنيل انا كنت عايزاها تبقي في الجامعة علي طول مش اول سنة بس

[soha fouad]

لا مفيش كله بالانجلش


لان اصلا الشغل بعد كده 24 ساعه بتتكلم غالبا انجليزي

[soha fouad]

طب ليه
هي اللي في عين حلوان احسن من اللي في المنيل؟

[rodita]

كفاية انها في الجامعة

[jeary]

السلام عليكم يا اسلام انا عندى سوال بسيط هى اية احسن جامعة ممكن ادخل فيها كلية السياحة والفنادق وهل فيها سكن داخلى للطلبة ولا لا؟ ثانبا هى الكلية اللى فى اسكندرية لو دخلتها هلاقى فيها مدينة جامعية وهى كويسة الكلية هناك ولا اية ؟ ومييييييييرسى

[Eslam_Tourism]

المشاركة الأصلية كتبت بواسطة jeary

السلام عليكم يا اسلام انا عندى سوال بسيط هى اية احسن جامعة ممكن ادخل فيها كلية السياحة والفنادق وهل فيها سكن داخلى للطلبة ولا لا؟ ثانبا هى الكلية اللى فى اسكندرية لو دخلتها هلاقى فيها مدينة جامعية وهى كويسة الكلية هناك ولا اية ؟ ومييييييييرسى

احسن كلية سياحة وفنادق من نظرى اللى فى جامعة حلوان لانها فيها فندق تعليمى وشركة سياحة للتدريب وكمان فى اهتمام جامد هناك بس عيبها انى باسمع انها صعبة شوية .

اما سياحة وفنادق اسكندرية اكيد طبعا فى مدينة جامعية فى اسكندرية وبتبقى جامدة بس الاوضة اللى هتعدى فيها هتبقى مش قد كده يلا استحملى ما انتى بتاكلى وبتشربى وساكنه بفلوس ضغيرة جدا وكمان بتبقى لزق فى الكلية وكل ده بـ 100 جنية تقريبا كل شهر .

وسياحة وفنادق اسكندرية انا مش فيها بس اسمع انها كويسة بس عيبها بقى ان ملهاش بوابة افهمك يعنى انتى عشان تخشى الكلية كل يوم لازم تخشى من بوابة كلية الحقوق لحد ما توصلى لكلية السياحة بس طبعا اسكندرية معظم الطلبة بيرحوها وبتبقى مليانة وكمان بتتفسحى هناك وكده والكلية امام مكتبة اسكندرية علطول والمستوى التعليمى هناك حلو وفى لعات كتير اوى هناك .

[sendrlavig]

هو ارشاد صعب اوى ؟؟ وكمان بعد التخرج الشغل فيه مضمون؟؟؟ وقسم سياحه عربى كويس مجالات شغله كويسه ؟

[هاجر)]

السلام عليكم
انا يا استاذ اسلام دخلت كلية السياحة والفنادق فى اسكندرية بس عاوزة اعرف من حضرتك لو سمحت اية هو انسب قسم للبنات اللى ممكن يشتغلو بية علطول لمل يتخرجو ؟واية بردة القسم اللى الشغل بتاعو مش فى سفر انا عاوزة ادخل قسم يكون الشغل فى مكان مستقر من غير سفر.وازاى اقدر الاقى شغل علطول بالنسبة للبنات لانى سمعت ان فى كلية السياحة بيفضلو الولاد اكتر عن البنات فى الشغل.ممكن اعرف حضرتك مشرف فى اى جامعة بالظبط؟وميرسى اوى لحضرتك وياريت من فضلك تجاوبنى بسرعة على قد ما حضرتك تقدر

[Eslam_Tourism]

المشاركة الأصلية كتبت بواسطة هاجر)

السلام عليكم
انا يا استاذ اسلام دخلت كلية السياحة والفنادق فى اسكندرية بس عاوزة اعرف من حضرتك لو سمحت اية هو انسب قسم للبنات اللى ممكن يشتغلو بية علطول لمل يتخرجو ؟واية بردة القسم اللى الشغل بتاعو مش فى سفر انا عاوزة ادخل قسم يكون الشغل فى مكان مستقر من غير سفر.وازاى اقدر الاقى شغل علطول بالنسبة للبنات لانى سمعت ان فى كلية السياحة بيفضلو الولاد اكتر عن البنات فى الشغل.ممكن اعرف حضرتك مشرف فى اى جامعة بالظبط؟وميرسى اوى لحضرتك وياريت من فضلك تجاوبنى بسرعة على قد ما حضرتك تقدر

انسب قسم للبنات هو قسم دراسات سياحية لانه عادى شركات السياحة والطيران كتييييير فى البلد وممكن ارشاد كمان بس ده عايز سفر كتير اما فنادق فهو انسب اكتر للولاد بس اكتر وظيفة مناسبة للبنات الضيافة الجوية او فى شركات السياحة وده اللى اعرفه بصراحة .
والصراحة فى الفنادق بيفضلوا الولاد اكتر لانهم بيبقوا انسب لكن فى شركات السياحة وفى مجال الضيافة الجوية مفيش فرق

وانا فى كلية سياحة وفنادق المنصورة ومشرق هنا فى المنتدى

[max pyne]

الف شكر يا صاحبى بس ايه نظام كلية سياحة وفنادق الاسماعيلية بس ياريت ترد عليل بلسرع وقت
:abdoog8:

[max pyne]

ياريت حد يرد هليا باسرع وقت