ممكن نقول اعتذار!!!!!!

[Meeroo92]

السلام عليكم ورحمة الله وبركاته

ياجماعه انا بس حبيت نفتح موضوع كل اللى كان نفسه يعتذر من حد على موقف معين سواء كان الموقف ده مع حد على المنتدى او لأ وعايز يعتذر له قدامنا كلننا نكون مع بعض هنا

ولو حب يقول الموقف براحته ولو اكتفى بالاعتذار برده كفايه بس ممكن نسميها تصفية نفوس ومش لازم تفاصيل لو انت مش عايز
بس نفتح مجال ان الاعتذار ممكن وان مش معظم الناس زى مابيتقال مبيعرفوش يعتذروا لو عمل حاجه غلط

وهكون انا اول حد يبدأ وياريت رأيكم فى الموضوع

[Meeroo92]

اول اعتذار ليا هنا كان لزميله ليا على منتدى وانا فهمت الكلام غلط وحصل سوء تفاهم وانا بعتذر ليها جدا وعلى فكره الموضوع عدا الحمد لله واحنا اصحاب دلوقتى من زمان بس انا بعتذر ليها تانى.....

[Dalia010]

وعليكم السلام ورحمه الله وبركاته

أحب أقول ان الموضوع ده جميل قوي

وربنا يوفقك في الموضوع ده

تحياتي

[wafa2y]

انا كان نفسي أعمل حاجة زي كده قبل رمضان
معلش يا شباب اللي زعل مني
قبل من كده من أي موقف
أنا بتأسفله قدام الجميع
عشان الواحد يدخل رمضان نضييف
و اللي مش مسامح يطلب أي حاجة في إستطاعتي
و دمتم

[BaNZeR]

موضوع تشجيعي فكرته حلوة


انا احب اعتذر للجميع لو كنت هزرت في موضوع وهو افتكره من قبيل السخرية او الاستهزاء

مع إني والله مبعرفش يبقى عندي ضغينة من حد ولا استهزأ من حد ابداً

[yomna1993]

ما شاَء الله موضوع جميل جدا تسلم ايدكي يا رب

انا كمان بعتذر لاي حد غلط فيه او اي حد جرحته من غير ماقصد
و احلى حاجة في الدنيا التسامح بين الناس طبعا ان الله غفور رحيم

رمضان بخير على المسلمين اجمعين يا رب

[GAMALEWEES]

الموضوع جميل جدا بجد
بصراحة انا نفسى ادخل رمضان و انا نظيفة اوى و محدش زعلان منى ابدا ختى لو كان اقرب الناس لية
اول اعتذار هقدمة لشخص بحبة جدا و تقريبا هو حب عمرى لانى ظلمتة فى يوم من الايام وطلعت انا الغلطانة فى الاخر بس هو سامحنى بس انا بعتذرلة تانى و تالت و عاشر كمان
وتانى اعتذار لاى حد قولتلة حاجة زعلتة او كان اسلوبى وحش معاة او اتعصبت علية فى يوم من الايام
يالا بالتوفيق للجميع انشاء الله