طالبة مش عرفة اخش ايه

[فارسة صغيرة]

السلام عليكم

انا الان فى 2ث والتعليم طبعا زباله واسوا حاجة الفرنساوى
المهم انا بموت فى حاجة اسمها كمبيوتر نفسى اتعلم البرمجة وتصليح الكمبيوتر وكده
وايضا بموت فى الرياضيات
وكنت عيزة اخش رياضة 2
واخش بعدها حاسبات ومعلومات
بس حاسة ان مستوايا مش هينفع وفى نفس الوقت مخشتش ادبى لانى بالعافية حفظت اسمى والادبى كله حفظ
فعيزة اعرف من اصحاب الخبرة

-الحاسبات والمعلومات بتعلم حلو وحلوة
-عيزة مجموع اد ايه
-اخلينى فى رياضة 2 حتى لو جبت مجموع وحش
-ينفع من الدورا اعمل حاجة شغل او دخول الجامعة

[ananoo]

و عليكم السلام و رحمة الله و بركاته

انا هتكلم بتكلم عن حاسابات عين شمس عشان مبقاش بفتي

التعليم بصراحة في الكلية غالبا يعني بيبقى حلو اوي لانة بيهتم بالفهم او التفكير عن الحفظ يعني بيبقى في امتحانات مهما ذاكرتي المادة بتعتها ممكنت تخشي متعرفيش تحلي عشان مش فاهمة....

بالنسبة للمجموع هية اخدت السنة بتاعتي لحد 90 تقريبا بس هية غالبا بتبقى 91 او 92 و على حسب الامتحانات طبعا

بصراحة انا من رايي انك تذاكري كويس اوي السنة دي عشان متتعرضيش لموقف اكمل رياضة و لا احول ادبي!!!
لان السنة اللي جاية هتبقى اشد من اللي قبالها بس و هتكتشفي ان سنة تانية دي دلع
شدي حيلك بقى و عموما المفروض سنة تالتة كانت جميلة اوي بالنسبالي و جبت فيها اعلى من تانية بس اغلب الناس او كلهم قلوا .....
ومش فاهمة قصدك في السؤال الاخير..............

[فارسة صغيرة]

الف شكر يعنى بتاخد فى بداية التسعينات
اصل ممكن اكيب كدة المشكله انى ممكن مقدرش من فوق 95

[ananoo]

ليه ان شاء الله تقدري........... لازم يبقى طموحك فوق اوي عشان تجيبي حاجة عالية اوي

[ahmed abobakr]

بالتوفيق ان شاء الله وتجيبى مجموع كويس وتشرفينا فى الكلية .
الدراسة بجد جميلة جدا فى القاهرة واعتقد عين شمس كمان لان التفكير هو الحل الاول والاخير فى الكلية .

[drop water]

السلام عليكم
بالنسبة لجامعة المنصورة
حاسبات ومعلومات كلية جميلة جدا وبما انها جديدة فى المبنى والدكاترة والمهندسين الا انها بيتحلف بخريجها غير انها الشهادة الوحيدة المعتمدة فى الخارج
على فكرة المجموع مش مشكلة انا مجبتش مجموع فى تانية ثانوى 90% والحمد لله توكلت على الله وشديت حيلى ومجموعى زاد والحمد لله بس انتى توكلى على الله

[فارسة صغيرة]

اه انا فى المنصورة حلوة المنصورة وخادت من كام

[el saher dodo]

بس حاسة ان مستوايا مش هينفع وفى نفس الوقت مخشتش ادبى

علفكرة انا كنت بقول كدة بالضبط ودلوقت الحمد لله ف حاسبات

وكنت جايب 94 ف الثانوية

بس نصيبى كان كدة ومتحاوليش تؤخرى من نفسك اعملى بس اللى عليكى ورربنا هايديكى على حسب ما تعملى

وبالنسبة لحتة حاسبات هى كلية روووووعة طبعا والمنصورة جميلة

وأكيد طبعا محدش بيعمل اللى هو عاوزه غير لما يتعب

وربنا يوفقك بس شجعى نفسك مفيش حاجة صعبة والله

ورياضة اتنين دى سهلة مش بالصعوبة اللى انتى متخيلاها مشكلتنا بس اننا بنمشي ورا الكلام

لو حد قال قدامنا حاجة صعبة بنخاف منها اووى من غير ما نجربها

اعملى اللى عليكى بس وربنا معاكى

[midosss]

كليه الحاسبات والمعلومات من افضل الكليات على الاطلاق وكانت بتاخد اكتر من هندسه بس انتى لوعاوزه تدخليها
لازم تجيبى 92 فاكثر ورياضه 2 من اسهل المواد على الاطلاق بس محتاجه متابعه مستمرة من الانسان والدررس بدرسه
وحل التمارين وافكار المسائل ادخلى وتوكلى على الله وشد حيلك جامد جدا جدا

[eng.ahmed55]

السلام عليكم
اول حاجة انتى لو عاوزة تجيبى مجموع هتجيبى
انا فى تانية ثانوى مذاكرتش اوى جبت 93/100 وكنت حاسس انى مش هلحق حاجة حولت ادبى بس مقدرتش اكمل لانى مش بحب احفظ وكمان كان نفسى ادخل حاسبات بس الحمد لله اتجدعنت فى تالتة وعلى فكرة رياضة 2 ذيذة جدا جدا جدا
بس عاوة مذاكرة كتيرة وازم اول حاجة تحبى المواد وتحسى انك بتاخدى حاجة كويسة

[طالب بالخارج]

طب معلش يا جماعة انا دلوقتي في تالتة ثانوي انا بدرس في دبي وان شاء الله السنة الجية جي مصر عشان ادرس التعليم الجامعي
وبصراحة انا عايز حاسبات لأني بحب الرياضيات وا الفيزيا اوي و الكمبيوتر
بس معلش يعني طلبي رخم شوية
انا عايز حد يقلي
1- اقسامها
2-احسن قسم من ناحية السهولة
3- احسن قسم من ناحية الشغل
ياريت حد من أهل الخبرة يفيدني

[drop water]

المشاركة الأصلية كتبت بواسطة طالب بالخارج

طب معلش يا جماعة انا دلوقتي في تالتة ثانوي انا بدرس في دبي وان شاء الله السنة الجية جي مصر عشان ادرس التعليم الجامعي
وبصراحة انا عايز حاسبات لأني بحب الرياضيات وا الفيزيا اوي و الكمبيوتر
بس معلش يعني طلبي رخم شوية
انا عايز حد يقلي
1- اقسامها
2-احسن قسم من ناحية السهولة
3- احسن قسم من ناحية الشغل
ياريت حد من أهل الخبرة يفيدني

اولا : حضرتك بالمفروض تحدد انت عاوز تدخل حاسبا اى بلد بالظبط (المنصورة -القاهرة-............................)
بتختلف من كليه لكليه من حيث المواد والصعوبه والسهوله
بس اسهلهم الزقازيق واصعبهم المنصورة
اما الاقسام فعندنا فى المنصورة 3 اقسام
1- علوم حاسب((cs)) (اصعب قسم لان كله لغات برمجه)
2-نظم ومعلومات((is))(يعتبر سهل بكتير عن cs)
3-تكنولوجيا المعلومات((it)((جديد ويعتبر شامل القسمين)


اما من ناحيه الشغل مش هتفرق خالص وعلى فكرة الشغل بمستوى مشروع التخرج بتاعك