كل اللى عارف حاجة عن تجارة انجلش ... يدخل بسرعة

[Hesham Shafek]

بسم الله الرحمن الرحيم

بعد اذنكو يا جماعة كل اللة عارف حاجة عن تجارة انجلش ومتاكد منها يكتبها ويعرفنا هى ايه بالظبط وبالنسبة للشغل وكمان دراسة اللى بالانجليزى سهله ولا هنتعقد ؟ والمصاريف والحياة هتبقى عامل ازاى
وهى احسن ولا هندسة خاص وخلاص
ويبقى جميل بقى لو تبقىالمنصورة بقى

شكرا

[Hesham Shafek]

ايه يا جماعة للدرجاتى مفيش حد خالص فى تجارة نجلش او مسمعش عنها

[نظره حنين]

انا زيك 3 ثانوى بس عندى عنها معلومات ..... هى بتشترط درجه معينه ف الانجليزى ....
اكيد دراستها انجليزى بس كل حاجه فى الاول صعبه......
انا ف رأى المتواضع : لو هتدخل جامعة خاصة هندسة تكون معترف بيها زى هندسة العاشر يبقى تمام .... اى هندسة تانية فى جامعة عادية يبقى اكيد تجارة احسن على الاقل هتطلع شهاده من جامعه محترمه

[mohamed_gad_]

اللي اعرفة انها بتاخد من 42.5 في كليات مصر وبعض الكليات 40 في الانجليزي يعني مبتذدش عن كده والمصاريف في حدود 5 الاف في السنه 3.500 مصاريف 1.500 كتب والدراسة بالانجليزي كلها ومستقبلها احسن من تجارة عربي وبتاخد في المجموع الكلي في حدود 85 % في اسكندرية في السنة اللي فاتت وفي المنصورة درجتها قريبة من اسكندرية هي كانت واخدة مجموع اعتباري في المنصورة 382.5 السنة اللي فاتت اسكندرية383.5
ومن الاخر اعلي حاجة ليها في عين شمس 403

واقل حاجة في المنوفية 369

واللي عايز يعرف مجموعها يدخل علي تنسيق 2011

[Ameera.123]

انا اختي في تجارة انجلش و هي دلوقتي رايحة 2 ... لازم تكون جايب في الانجلش اقل حاااجة 40 ... و مصاريف الكلية 3500 و الكتب تقريبا كلها مراجع بس فيه بعض الكتب الخاصة للدكاترة غير ورق الكورسات و اول متدخل ممكن تحس الدنيا ملخبطة معاك بس كل حاجة في اولها كده بعدين هتتعود عالنظام و فيه سكاشن بس عادي براحتك تحضرها او متحضرهاش لان مفيش عليها غياب و حضور ... هي تجارة انجلش المنصورة و كانت بتذاكر كله من الورق و مش لازم تستهون بالمذاكرة لو عايز تجيب تقدير كويس لان المنصورة الى حد ما صعبة ... و طبعا افضل من تجارة عربي و ليها اولوية في الشغل ...

[usernamo]

تجارة انجليزى :

المنصورة : المصاريف 3000 جنيه دون الكتب
القاهرة : 4500 + 180 مصاريف ادارية .. و المصاريف دى شاملة الكتب ..

تجارة انجليزى بتتطلب 40 درجة فيما اعلى .. و بتعتمد على المجموع الاعتبارى