اصحاب الخبره عندي مشكله كبيره ساعدوني

[طلال سلومه]

بسم الله الرحمن الرحيم

الأول : ومبدئيا وقبل كل شئ حضرتك بتقولى ما استلمتش عهدة المعمل ولا مضيت على حاجة .. طب حاليا عهدة المعمل فين ؟؟ ومين ال ماضى عليها ؟

ثانى حاجة : لو ها تستلمى العهدة ما تعتمديش على محاضر الإستلام ال قبل كدا اعتمدى على دفتر العهد ال موجود مع أمين توريدات المدرسة ... واعملى محضر إستلام بالأجهزة والسجلات الموجودة ... وفرضا لو فيه جهاز فيه مشكلة أو عطلان مثلا اذكرى دا فى محضر الإستلام علشان تحمى نفسك .

ثالثا : المفروض ما كنتى بعتى بلاغ اعطال اصلا للجهاز طالما انتى مش ماضية على العهدة لأنه فرضا الجهاز ضاع ولا جراله حاجة ... وقتها ها تنسب ليكى عهدة المعمل وها يسألوكى منين مش مستلمة العهدة ومنين باعته بلاغ أعطال

باختصار شديد احمى نفسك بالآتى

1 - إستلام العهدة كاملة وبحالتها الموجودة أثناء الاستلام من واقع دفتر العهد المستديمة ال مع أمين التوريدات .

2 - اتأكدى ان الفيديو بيعمل بكفاءة قبل ما تستلميه ... ولو التطوير جالك علشان يصلح الجهاز قوليله أمين المعمل السابق صلحه بمعرفته ( ما تقوليش انه صلحه بره ) وهم بقى يسالوه صلحه فين.... على فكرة طالما الفيديو شغال كويس مش مهم اتصلح فين .

3 - خدى صورة من محضر استلام العهدة وخليها معاكى

============================================

اعتقد فى كل ال قلتيه مفيش اى مسئولية قانوينة عليكى .... إلا اذا كنتى استلمتى عهدة المعمل وفيها اجهزة مش شغالة او فيها مشاكل وما ثبتيش دا فى محضر الاستلام