|
كليه الحاسبات والمعلومات كليات الحاسبات ونظم المعلومات |
|
أدوات الموضوع | انواع عرض الموضوع |
|
#1
|
||||
|
||||
اول حاجة يعملها طالب حاسبات قبل الكلية كورس انجليزي عشان يظبط نفسه لان الدراسة كلها انجلش فى انجلش ,, نيجي بقا على وقت الدراسة ودي بتبقا مشكلة لان الطلبة بتقولك وانا هاخد مواد الكلية واذاكرها ولا آخد كورسات واظبط نفسي خصوصا ان مواد الكلية مش بتحتك بالمجال اوي "بتعرفك الاساسيات وبتسهل عليك فهم اي حاجة فى التكنولوجيا" لانها بتديك المواد الاساسية مش بتديك لغات برمجة لان اي سنتر دلوقتي ممكن يدي لغات البرمجة بربع جنيه انما الكلية بتأسسك وبتعرفك اساس الحاجات دي ايه وكل الكلام دا بتفهمه فى الكلية بحيث انك تتخرج منها تفهم اي لغة برمجة على طول لأن البرمجة اللوجيك "المنطق" بتاعها ثابت واللغات اللى بتتغير بس يعني لو عرفت تعمل برنامج بلغة الجافا مثلا وفهمت منطقه فى دماغك هتعرف تعمله بأي لغة تانية على طول لو عندك علم بيها طبعا ,, قولنا اول حاجة كورس الانجلش تاني حاجة كورس c++ عشان تبقا فاهم برمجة سنة اولى عاملة ازاي ,, ودا هيبقا قبل الدراسة او لحد شهر 11 مثلا بعد كدا سيبك للكورسات وركز عشان امتحانات التيرم ومش تركز اوي عالكورسات والايفينتات " دي حفلات ومؤتمرات ومقابلات بتعملها شركات التكنولوجيا تعرفك ايه آخر ما توصلوا إليه وبتفهمك الشغل عامل ازاي وكدا " لان انا ليا صحابي شاطرين فى سوق العمل وممكن يشتغلوا ويقبضوا كمان بس منفضين لمواد الكلية عشان كدا بيسقطوا سنة واتنين ,, عشان كدا بقولك ركز دلوقتي عالانجليزي والc++ وبس وبعد كدا خفافي اتعلم مع نفسك اثناء الدراسة ومش تاخد كورسات مع الدراسة عشان تنجح وتجيب تقدير عالاقل جيد ,, زي ما بيقولوا امسك العصاية من النص يعني لا كله كدا ولا كله كدا وبالتوفيق
|
#2
|
|||
|
|||
دلوقتي حضرتك انا احنمال هقدم في مدينه الثقافه والعلوم قسم علوم حاسب ونظم معلومات فكنت عاوز اعرف هو انا اول سنتين هدرس اساسيات الكمبيوتو وكل حاجه فيه اني تخصص من سنه تالته فكنت عاوز اعرف ضروري من فضلك
|
#3
|
|||
|
|||
حاسبات خاص احسن ولا عام
انا جايب 93.6% وجاتلي حاسبات اسيوط .... بس في واحد قالي ان حاسبات في الجامعات والمعاهد الخاصة احسن من الدراسة في الجامعات العامة وانهم بيطلعوا من الكلية مؤهلين انهم يشتغلوا ع طول ؟؟
وبالنسبة للتحويل هل في فرصة ان الواحد ممكن يحول ل"عين شمس" بعد سنة ولا حاجة خصوصا اني مليش تقليل اغتراب .. ولو فيه ازاي بيتم ... شكرا ع ردك ع الاسئلة |
#4
|
||||
|
||||
اقتباس:
لا مش احسن نفس الشهادة ونفس الدرجة العلمية بس الخاص بيبقا انضف اكيد وبتطلع منه اشطر دا لو اجتهدت فيه ,, الاتنين مؤهلين ع حسب كل جامعة يعني عين شمس ممكن احسن من الخاص ويمكن الخاص احسن من الزقازيق وبتختلف من كلية لكلية انت لو دخلت حكومي وظبطت نفسك كورسات احسن من الخاص بكتير واوفرلك كمان |
#5
|
|||
|
|||
السلام عليكم
انا دخلت اكاديمي نيو كايرو وجالي شعبة ادارة اعمال والمحاسبة ممكن تدوني نبذة عنها ويعني هي حلوة ولا وحشة وايه شغلها وايه الاقسام اللي فيها وانهي احلي وهي يعني كلها في رياضة ولا ايه وهل ياترى ف كل الاقسام رياضة ارجو الرد
__________________
ربـي إنـي أسالك أن تــريــح قـلبـي و فـكــري و أن تـصـرف عـنـي شـتـات الـعـقـل و الـتـفـكـيـر ربــي : إن فــي قـلبــي { أمــورا } لا يـعـرفـهــا سـواك فـحقـقـهــا لـي يــا رحـيـم ربــي : كـن مـعي فــي أصـعب الـظــروف و أرينــي عـجـائــب قـدرتـــك فــي أصـعب الأيام
|
#6
|
||||
|
||||
اقتباس:
ماقدرش افيد حضرتك , ممكن حضرتك تروحي قسم كلية تجارة وهيفيدوكي اكتر مني |
#7
|
||||
|
||||
تمام اتوكل على الله هتدرس كل حاجة فى اول 3 سنين بما فيهم اساسيات ومهارات الكمبيوتر العادية واساسيات البرمجة والشبكات والداتا بيز وبعدين فى 4 تتخصص فى حاجة من التلاتة دول اما شبكات متمثلة فى قسم it او برمجة متمثلة فى قسم cs او داتا بيز متمثلة فى قسم is
|
#8
|
|||
|
|||
بخصوص تحضير تمهيدي ماجستير
سلام عليكم
بشمهندس مؤمن بسال حضرتك انا واخد بكالوريوس حاسبات ومعلومات جامعه المنوفيه دفعه 2005 وعايز اكمل ماجستير فأمتي التسجيل في المهيدي ماحستير وهل في جامعه الفيوم بما انها قريبه مني في تحضير تمهيدي و لا ارجو الرد |
#9
|
||||
|
||||
اقتباس:
اه حضرتك اسأل هناك وان شاء الله تلاقي ليك تمهيدي ماجستير وبالتوفيق وانا برده هسألك عندنا فى الزقازيق |
#10
|
|||
|
|||
لو سمحت هو ينفع حد يدخل حاسبات من ادبى ؟ ولو ينفع ايه الشروط ؟
انا كلية حاسبات بس عايزه اعرف الكلام ده صح ولا لا |
#11
|
||||
|
||||
اقتباس:
لالا مش ينفع |
#12
|
|||
|
|||
انا جبت في الثانوية العامة السنادي 93% و ربنا يستر في التنسيق بس انا كنت عايز اعرف الفرق بين الاقسام التالية
أ - قسم علوم الحاسب Computer Sciences Department = CS أ - قسم تكنولوجيا المعلومات Information Technology Department = IT ز - قسم هندسة البرمجيات Software Engineering Department = SE ويريت اعرف مصاريف قسم SE الي في عين شمس وكمان هو دراسةهناك كلها ب الانجليزي و خاص في cs شكرا و ارجوا الرد قبل التنسيق |
#13
|
||||
|
||||
اقتباس:
ايوة كلها انجلش والمصاريف 8 تقريبا وتقدر تتصل بيهم وتتأكد |
#14
|
|||
|
|||
انا جبت 78.5 علمي رياضه
عايز اشوف هل حاسبات ومعلومات في العاشر تخدني ولا لا وبتاخد من كام |
#15
|
||||
|
||||
ايوة هتاخدك بس انت قدم عليها ف التنسيق ولو لقدر الله مش خدتك يبقا هتحولها الترم التاني وبالنسبة للمصايف بتتراوح ما بين 5-7 فى السنة وربنا يوفقك
|
العلامات المرجعية |
|
|