60 يوم ...مش حاجه قليله :)

[Mustafa Aboalwafa]

السلام عليكم ورحمه الله

الاول انا ف اول سنه ف هندسه القاهره ...وانا للاسف كنت مقصر معاكم الايام اللى فاتت وكنت نادرا لما بخش وعشان كده قررت انى ابقى كل يوم معاكم لحد بعد الامتحانات واحاول اخش ع قد ماقدر ف الفتره ديه اللى ناس كتير اوى بدات تخاف وتقلق وفيه ناس بدات تزهق من المذاكره ..وان شاء الله اقدر افيد الناس باى حاجه

60 يوم مش حاجه قليله ..
اختار مكان حلمت بيه وحط نفسك فيه ..
هتسعى هتلحق تمسك ف ضل حلمك..
هتياس هتلقى الحلم نفسه ضدك ..

[not masked]

ياريت حضرتك تجاوب علي موضوع (نصيحه لله)

[Nana_kh]

المشكلة انهم اقل من 60
واحنا بنفس المستوى مبنتغيرش
ربنا يستر

[Mustafa Aboalwafa]

المشاركة الأصلية كتبت بواسطة not masked

ياريت حضرتك تجاوب علي موضوع (نصيحه لله)

doneeeeee

[Mustafa Aboalwafa]

المشاركة الأصلية كتبت بواسطة nana_kh

المشكلة انهم اقل من 60
واحنا بنفس المستوى مبنتغيرش
ربنا يستر

حتى لو 50 يوم مش قليل وممكن تعملوا فيها حاجات كتير اوى ......ممكن تذاكروا المنهج مرتين كمان

[حودة السكندرى]

ممكن حد يقـدر يلم منهج كـان مضيع فى من اول السنة ولا صعب ( مادة هى الجغرافيا )
احيكـ ع اختيار الاغنية
يــا فــــوق يـا تـحت ... اختار مـكانكـ

[Mustafa Aboalwafa]

المشاركة الأصلية كتبت بواسطة حودة السكندرى

ممكن حد يقـدر يلم منهج كـان مضيع فى من اول السنة ولا صعب ( مادة هى الجغرافيا )
احيكـ ع اختيار الاغنية
يــا فــــوق يـا تـحت ... اختار مـكانكـ

اه يقدر يلم المنهج واهم حاجه انك تحل كل امتحانات السنين اللى فاتت هتلاقى الحياه زى الفل )



حلم بالشط آه لكن نط ف بحر الحياه
مستنهوش يسحبو خبط ف الموج عآفر معاه

[Keira]

طب وبالنسبة لحد ضايع في مادة .. والمادة دي تبقى فيزياء
وضايع بالمعنى الحرفي للكلمة

أنا عندي أمل إني أظبطها الفترة دي
بس إزاي مش عارفة .. بس بحاول أبدأ اهه وألم فيها شوية

بس ممكن أعمل إيه يخليني أخلصها تمام

وربنا يوفقك في كليتك

[marco2000]

طب بالنسبة لرياضة 2 نلحق ولا ايه ؟؟؟؟

[روفانا]

انا مشكلتي مع الكيميا
كنت باخد في اول السنه مع مستر ربنا ينتقم منه كروتني واداني اول 3 ابواب في 16 حصه بالظبط وكان صحابي كلهم يادوب خلصوا اول 2 طبعا انا حسيت بالكروته وانه جرى جامد بس للاسف حسيت متاخر
جبت مستر تاني في شهر 11 وفهمته اني شبه صايعه بدا معايا عضويه ومشيت معاه فيها كنت تمام الحمدلله
ومن اخر 2 تقريبا بدا معايا في اول 3 ابواب لقيت ان حاجات كتير المستر الاولاني مكنش شرحها اصلا
فضل كل حصه يقولي انا مش عارف هخلصلك امتى وانتي في حاجات كتير ناقصاكي وانتي هتحلي امتى ومفيش وقت وكنت ببقى قاعده في الحصه هعيط منه طبعا انا كنت بسمع الكلام ده كرهني في الماده ومكنتش بذاكر وجالي حالة احباط منها
دلوقتي انا المفروض كنت مذاكره عضويه كويس جدا من اخر 2 مفتحتهاش وهي كحول اصلا وبتطير بسرعه
وكمان ال3 ابواب التانيين حاسه اني ضايعه فيهم بمعنى ضايعه
مش عارفه هعمل ايه في الكيميا وفكرت اجلها للسنه الجايه مع ماده تانيه وخلاص انا الحمدلله كويسه في باقي المواد بس جالي احباط من الماده ومش قادره اذاكرها وحاسه اني ضعت فيها خلاص

[دى برولى]

فعلا الحلم نفسه طاقة
يا اما يشتغل معاك يا اما ضدك
واهلا بيك نورت المنتدى تانى ومنتظرين مواضيعك الشيقة
وبالتوفيق لكل اخواتنا فى الثانوية العامة