زتونة الثانوية العامة ... الخلاصه ،نصائح

[m7med.ahmed]

طيب معلش انا علمي رياضه و بدات دروس انا خايف جدا بذاكر بس مش وقت كتير الصراحه حوالي ساعه و نص ف اليوم مثلا و بزهق و ديمن بكون خايف الخوف مسيطر عليا حاسس كل حاجه بذكرها بنساعه ممكن تكون طرقتي غلط ولا الخوف مسيطر عليا ولا ايه
و المشكله انا علمي رياضه و مش عارف انا عايز اخش ايه انا دخلت علمي رياضه عشان بحب الmath. بس .. ممكن حد يفدني و ممكم لو حد مهتم اقولو موعيد دروسي و امته فاضي و يعملي جدول امشي عليه و يقولي طرق مذاكره بسيطه.
شكرا و اسف اني طولت ف السوال

[..Ginger..]

المشاركة الأصلية كتبت بواسطة m7med.ahmed

طيب معلش انا علمي رياضه و بدات دروس انا خايف جدا بذاكر بس مش وقت كتير الصراحه حوالي ساعه و نص ف اليوم مثلا و بزهق و ديمن بكون خايف الخوف مسيطر عليا حاسس كل حاجه بذكرها بنساعه ممكن تكون طرقتي غلط ولا الخوف مسيطر عليا ولا ايه
و المشكله انا علمي رياضه و مش عارف انا عايز اخش ايه انا دخلت علمي رياضه عشان بحب الmath. بس .. ممكن حد يفدني و ممكم لو حد مهتم اقولو موعيد دروسي و امته فاضي و يعملي جدول امشي عليه و يقولي طرق مذاكره بسيطه.
شكرا و اسف اني طولت ف السوال

بص اولا موضوع الجدول ده انا شايفاه ملهوش لزمة عشان انت هيبقي عندك امتحانات او ظروف تخليك متقدرش تذاكر في يوم او حاجة فهو هيوترك وخلاص

لما تلاقي نفسك ناسي حاجة راجعها وممكن جدا تبقي مش ناسيها بس التوتر بيحسسك بكده وعلي فكرة لو ذاكرت حاجة وانت خايف عمرك ما هتحفظها ولا تفهمها

موضوع الخوف ده انساه خالص ... حدد يوم تخرج فيه مع اصحابك وتنسي اي حاجة عن المذاكرة
انت من اول شهر واحد هتلاقي الوقت بيجري وانت مبتعملش حاجة غير انك بتذاكر فمتزهقش وتمل من دلوقتي

انت علمي رياضة يعني غصب عنك هتلاقي مذاكرتك زادت لأن المدرسين هيدوك واجب بالهبل .. وانت لما تلاقي نفسك ضعيف في ماده زود وقت مذاكرتك ليها

النفس امارة بالسوء وخلي بالك ان الشيطان متوصي حبه باللي في ثانويه عامة ... بيحسسك انك زهقان وبيحاول يخليك تفقد الامل وهتحس بكده في الترم التاني ... عشان كده لازم تضغط علي نفسك وتحاول متزهقش وتزود وقت مذاكرتك ولو خلصت مذاكرة حل ودي حاجة مفيده جدا

سيبك بقي من حوار الكليه ده دلوقتي خااااااااالص ... انت لازم تحط هدف قدامك انا عارفة بس ممكن تخلي هدفك انك تجيب 99% وده هدف علي فكرة مش كلام وخلاص ... انا كنت عامله ده هدفي والحمد لله جبت 98.6% يعني مقلتش عنه كتير

انا مكنتش حاطه في دماغي اني ادخل كليه طب ولما الناس كانوا بيسألوني كنت بقول طب لأ لأني شايفة 7 سنين كتير.. بس لما جبت مجموعها قلت انا هدخلها وان شاء الله ابقي دكتورة شاطرة خاصة اني مش كارهه المجال ده

ربنا معاك ان شاء الله وباذن الله تبقي حاجة كبيرة جدا