تجاره حلوان

[shahira tarek]

لا مزاكرة المواد مش صعبه والتقديم شغال للمرحله الاولى دلوقتى وممكن تتصلى بالجامعه تعرفى اكتر والتنسيق الداخلى من علمى 404 و دا المجموع الاعتبارى طبعا وادبى مش فاكره كام بصراحه بالظبط بس هوا من فوق ال88% او 87% وفوق 40 انجليزى ومش لازم المستوى الرفيع يكون انجليزى

[اسراء نادر]

ع فكره انا متشكره جدا ليكى ياشهيره وانتى شجعتينى انى اروح اقدم ف الكليه النهارده

[shahira tarek]

ع فكره روحى بسرعه لان دلوقتى تقديم المرحله التانيه كمان .... هوا فى ايام للبنات وايام للولاد اعتقد ان البنات اتنين واربع لما اتأكد هقولك.... متشكرنيش ولا حاجه انتى زى اختى

[shahira tarek]

اه ع فكره فعلا يوم الاتنين والاربع للبنات........ ودى الحاجات المطلوبه... **** الورق المطلوب لتقديمات الفرقه الاولي ****
*************************************
اولاّ - لتجارة عربي ::
***************
لاتوجد اى شروط لكن حسب مجموع الثانويه والتنسيق فقط .

الورق المطلوب له (شهادة الثانوية عامة الاصل - شهادة الميلاد الاصل - 8صور(4*6) - نموذج2جند للذكور فقط - بطاقة الترشيح)

ثانياّ - شروط تجارة لغات وbis ::
**********************
(حاصل ع ثانوية عامه2013 - حاصل ع 80% ف اللغة الانجليزية - الاولوية للدخول حسب المجموع الاعتباري)
المجموع الاعتباري هو (مجموع الثانوية العامة+درجة اللغه الانجليزية+درجة المستوي الرفيع ف اللغة الانجليزية ان وجد)

الورق المطلوب له (بطاقة الترشيح - اصل وصورة لشهادة الثانوية العامة - اصل وصورة لشهادة الميلاد - 10صور(4*6) - صورة البطاقة - صورة بطاقة ولي الامر - نموذج2جند لذكور فقط - تعهد بسداد المصاريف)

المصاريف ::
*********
(عربي 277.5جنية - لغات 3347.5جنية - انتساب موجه 697.5جنية)

[تيتانيك]

المشاركة الأصلية كتبت بواسطة اسراء نادر

طيب متعرفيش التقديم امتى والتنسيق الداخلى بتاعها من كام

حلوان بدئ تقديمها عددها السنة اللى فاتت كانت 440 على حسب المعلومة اللى وصلتلى من حد ف اولى السنة اللى فاتت ..... اما التنسيق الداخلى 404 علمى 390 ادبى

[اسراء نادر]

شهيره دلوقتى ناس كتير عماله تقولى خساره مجموعك وحولى عين شمس هى شهاده حلوان مش معترف بيها يعنى

[اسراء نادر]

بصى انا روحت الكليه النهارده وقالولى تعالى بكرا من بدرى عشان اكمل التقديم وكده وانا جايبه 396.5 والانجلش 43 والمستوى 7

[maged4ninja]

المشاركة الأصلية كتبت بواسطة اسراء نادر

بصى انا روحت الكليه النهارده وقالولى تعالى بكرا من بدرى عشان اكمل التقديم وكده وانا جايبه 396.5 والانجلش 43 والمستوى 7

خليكي في حلوان ملكيش دعوه بحد اساسا عين شمس صعبه
تاني حاجه خشي القسم الي فيها محاسبة وكومبيوتر مش موجود في اي جامعه تانيه

[shahira tarek]

مش معترف بيها ايه يابنتى هيه معهد ولا ايه دى جامعه محترمه يعنى وحكوميه ...وبعدين ع فكره بقى حلوان احسن حاجه فيها انها سهله ...........وعين شمس ع فكره موادها زى الزفت غير الدكاترة صعبيين جدا مع الطلبه....بالتوفيييق

[اسراء نادر]

انااعرف ازاى انا اتقبلت ف انجلش ولالا وبعدين بيقولوا بياخدوا خرجين مدارس اللغات الاول بس ده مش منطقى بس انا مش عارفه كده التقديم ممكن يتاجل ولو كده التقديم هيفتح تانى امتى

[shahira tarek]

بتعرفى اتقبلتى ولا لا فى اول يوم تروحى تشوفى اسمك ف الكشوفات بتاعتهم ولا لا ... وايه يعنى لما يقبلوا مدارس لغات الاول هوا كده كده المهم المجموع الاعتبارى بتاعك واعتقد ان مجموعك كويس وعشان تعرفى مواعيد التقديم تابعيهم ع التليفون مع ان كده كده محدش شغال دلوقتى عشان القلق دا

[اسراء نادر]

طيب معلش طلب اخير ياشيهره لوعرفتى ان التقديم فتح بس تقوليلى عشان انا مسافره اسبوعين وخايفه التقديم يروح عليا او ان تجاره انجلش تكتفى ومكنش قدمت

[shahira tarek]

بصى هوا عموما اللى اعرفه ان التقديم هيفتح ع الاسبوع الجاى ع يوم الاحد دا لو مكنش فيه قلق وممكن تخلى حد يقدملك لان مينفعش ترجعى بعد اسبوعين تقدمى

[اسراء نادر]

طيب مينفعش اروح بعدها باسبوع ولا تكون التجاره الانجلش اكتفت

[shiningeyes]

يا جماعة حد يعرف معلومات عن bis