دعوة لمقاضاة وزير التربية والتعليم بصفته امام مجلس الدولة

[مستر/ عبدالكريم على عبدالنعيم]

ولو عاوزين حضاتكم قانون الكادر 155 ممكن ننشره وكلنا نقراه بس انا قريته لاتفصيل واحنا حققنا 14 خطوة من 15 والخطوة اتلاخيرة هى اللى احنا مستنينها الا وهى قرار الوزير والمحافظ فقط يبقى احنا موقفنا القاموني سليم

[M ZAKY K]

انا مع أى موقف ايجلبى بس بشرط وضع الاليات المناسبة مش كلام و بس
يعنى نلم جنية ازاى؟
ومين اللى يلم
ومين اللى هيعرفنا ببعض
ومين اللى هيعمل التوكيلات ولمين
ومين
ومين





الخ

[hassan43]

يا ريت نبطل كلام و نعمل حاجة واحدة مفيدة

[ابو الفاروق]

المشاركة الأصلية كتبت بواسطة ibnelkaem

كل قضية يخش فيها الوزير يخسرها واحنا مستنيين ايه

1- القانون 155 لسنة 2007 واضح
2- احنا استوفينا كل الشروط
3- كان المفروض الكلام ده من زمان
4- نلم من كل واحد استوفى شروط التعيين جنية مصرى واحد
5- نرفع القضية فى مجلس الدولة المختص بالقضايا دى
6- لينا واحد زميلنا فى مجلس الدولة بيقول انى النوعية دى من القضايا مضمون للمتعاقد
7- نشوف محامى او مجموعة من المحامين الجدعان ونشوف طلباته ايه
8- نعمل فريق من المتعاقدين من كل محافظة يتولى لم الجنية ونضمن للاخوة المتعاقدين اى ضمانات يطلبوها للفلوس ولو حتى شيكات علينا
9- انا من سوهاج بس مستعد اتحمل السفر واكون فى القاهرة فى اى وقت انتوا عايزينه
10- نرفع كل المستندات والاواق اللى نعملها مع المحامى فى الموقع حتى يري الاخوة والاخوات مدى تقدمنا حتى اتعاب المحامى يعنى يكون كل شيء واضح امام الاخوة
11- الميعاد المضبوط لرفع الدعوة 1/1/2011 اذا لم يتم عمل اى شيء


لو حضراتكم موافقين ارجوكم شاركوا واللى مستعد يبقى عضو يشارك

بالله عليكم يا مشرفى المنتدى اوعوا تحذفوا الموضوع الموضوع كله شرعي ومفيهوش حاجة وده حق واللى يثبته مجلس الدولة خلاص احنا راضيين بيه

ارجو من الله ان ينال هذا الموضوع القدر الكافىمن الاهتمام

انت شكلك ثورجى يا معلم يا مساعد يا بتاع سوهاج
بس انا معاك فى كل الكلام ولكن اول خطوة قبل رفع قضية هى الاعتصام والامتناع عن العمل بس لو حصل كدة يتم من الكل 100 الف معلم مساعد يبقى 100 الف يعتصموا مليون يبقى مليون يعتصموا
مش 100 والباقى يروح شغلة يضعف موقفنا
ثانيا لا تسنى ان كل تصريحات الوزير تقول ان هناك تعيين ولكن لم يتم الاعلان عن ميعاد التعيين الرسمى
وانا بقول ان شاء الله هيكون فى شهر واحد كما كان يحدث من قبل فى التعيينات او فى اخر شهر 6 وهو نهاية السنة المالية نظرا للاعتمادات المالية اللازمة لذلك

الحكومة فى ورطة بسبب قانون الكادر وتعيين المؤقتين ولا تنسى ان ليس كل المتعاقدين فى وزارة التربية والتعليم فقط وانما فى جميع الجهاز الادارى للحكومة فلو تم تعيينا سيطالب كل متعاقدى مصر بالمساواة وهذه هى الورطة الحقيقية
لذلك قد صدر قرار رئاسى من رئيس الجمهورية بحصر جميع المؤقتين فى الدولة وارسال الكشوف الى التنظيم والادارة والتنمية الادارية وذلك تمهيدا لتثبيتهم وذلك وفقا لقانون العمل الجديد وايضا مع حملة الرئاسة القادمة

[طاهر الشاعر]

انا معاك ولكن:-
حتي تكون القضية ذات سند قانوني لاحظ,
1- ان الاساسين تم تسكينهم بظهور النتيجة لانه المتطلب الوحيد للتسكين
2- المتعاقدين لهم متطلبات وهي التربوي - مر عليه عام - نتيجة الاختبار - icdl
ويترتب علي ذلك الحصول علي ترخيص مزاولة المهنة او الصلاحية وبناء عليها التعيين فورا
*والوزير عشان كدة مش عايز يطلع الترخيص الذي يؤدي فورا للتعيين بحجة مراجعة مراحل icdl وبحجة مراجعة البيانات
فازاي نرفع القضية واحنا مش معانا الترخيص او شهادة الصلاحية
اذن الحاجة الوحيدة اللي ممكن ترفع بيه قضية هو ان الثلاث سنوات خلصوا ولسة الترخيص والتعيين محصلش او امتحن ناس جديدة واحنا مبتش في امرنا
ملحوظة: الجماعة اللي لسة ممتحنوش وعقدهم قرب ينتهي يرفعوا قضية عشان يتعينوا قبل انتهاء السنة الثالثة لان القانون اجاز الامتحان ثلاث مرات بعد ست اشهر من تاريخ التعاقد وهذا ماذكر في مضبطة مجلس الشعب للقانون وفي الفيديو كونفرنس

[khaledelsaed]

انا معاكم كلكم وحابب ان ده يحصل من زماااااااان
كمان عندي فكره بسيطه
اننا كلنا نبعت ايميلات الى موقع الوزارة والاكاديمية
نعرفهم ان صبرنا له حدود وانتهت
وان اخر فرصه هي اول شهر يناير
ولو محصلش حاجه يبقى هنعمل اضراب ونكلم الصحافة والاذاعه
لازم يعملولنا حساب شوية
بدل التهميش اللي احنا فيه ده ولا كأننا موجودين في الدنيا دي

[hishamhassan]

معاك حق

وهذا الخبر يؤكد إن الوزير ده ماينفعش معاه غير كده

"التعليم" ترجئ تحويل ليسيه الهرم لـ"تجريبية"بعد مظاهرات الإسكندرية

قالت مصادر مطلعة بوزارة التربية والتعليم، إن الدكتور أحمد زكى بدر أصدر قرارا وزاريا، اليوم الاثنين، بتحويل مدرستين قوميتين جديدتين إلى النظام التجريبى، وهما ليسيه الهرم بمحافظة الجيزة، إلى جانب النصر للبنين بالإسكندرية، والتى يتداول أولياء الأمور والطلاب بها نبأ تحويلها منذ أمس الأحد.

وأوضحت مصادر مطلعة لـ"اليوم السابع" أن القرار صدر بالفعل ووصل إلى مجلس إدارة الجمعية التعاونية للمعاهد القومية، إلا أن تظاهر طالبات كلية النصر للبنات بالإسكندرية ضد تحويلهن لـ"تجريبية" دفع الوزارة إلى التمهل فى الإعلان عن القرار، حتى تهدأ الأحداث فى الإسكندرية.

http://www.youm7.com/News.asp?NewsID=325786

[المعلم المساعد الحزين]

بكرر انا معاك

[ابن الأكرمين]

وأنا مش موجود في مصر بسي أنا أقدر أساعدكم بعون الله
شوفوا مجموعة من المحامين المشهورين يمسكوا القضيه هتكسبوها بإذن الله
أنت وهيه كده كده في الشارع تحركوا قبل فوات الأوان
شوفوا هتعملوا أيه وأنا أساعدكم بما تحتاجوا ان شاء الله
وعلى فكره لو عملتوا اضراب عن العمل
أقسم بالله هيثبتوكم غصب عن الدولة كلها
جربوا وشوفوا

[عصام الطواب]

العقد ينتهي 31\ 12\2010
ماذا نفعل بعد ذلك
ياريت كلنا نكون يد واحدة
مع بعض اتفاق واحد
موقف واحد

[عاشقه الجنه 29]

ياجماعه الموضوع مش حماس وقتى بالفكرة وخلاص لازم يكون فى تواصل بنا والمنتدى مش هينفع نتواصل منه لان السادة اعضاء المنتدى مش بيسمحوا بالتواصل معى بعضنا فى الحجات دى وبعد شويه الموضوع هيتحذف سبق وكتبت نفس الفكرة وطرحت الموضوع وقلت ان المركزالقومى للحق فى التعليم مستعد لمساعدتنا وهو عنده المحامين المكلفين بذللك وعرضت ارقام التليفونات علشان نتواصل معى بعض وقام مشرفى المنتدى بحذف الموضوع واخمادة بحجة ان التعين فى اول عشرة وهو عدى عشرة واحداش وكمان اتناشر خلص ممكن بقى تحطو النقط على الحوف وتقلوا هتتواصلوا ازاى علشان نعرف بس الموضوع هياخد جدية او لا

[مستر/ عبدالكريم على عبدالنعيم]

سلام عليكم

نرجو من الاخوة فى المنتدى الاحساس بنا واحنا لا هنكسر ولا هنضرب احنا حنحكم جهه محايدة وهى اللى تحكم

اخوتى اخواتى مش عايزين الكلا مين\تحول لشعارات وكلام مرسل انا زى ما قلتلكم على استعداد بعمل اللى تطلبوه منى واللى نتفق عليه وردا على الاخوة اللى بيقولوا امتى وازاى لو حتى نتقابل فى اى حته فى القاهرة ان شاء الله حتى ميدان رمسيس ونشوف هنعمل ايه وكل الكماليات سهلة من حيث التوكيلات وصيغتها والتبرعات نحط ارقام تليفونات ناس معتمدين ومعتمديمن بالاجماع بحيث ميحصلش نصب وكل الكلام هيبقى قدام الناس وكل المشاركين هتبقي تليفوناتهم وعناوينهم وايميلاتهم قدام النس كلها للاستفسار ويكون متاح دائما وكل الوقت وزى ما قلت العدالة الاجتماعية فى كل شىء والمواعيد والفلوس والترتيبات هتبقى كلها علانية وقدام الجميع


المهم نتفق على المبدا ونتوكل على الله....ده اولا

ثانيا اذا الاخوة فى المنتدى حذفوا موضوعى .....ممكن نتقابل فى اى وسط تانى زى مثلا الياهو صفحة التعليم education ونتعرف ببعض تانى ومفيش مشاكل ...بس ان شاء الله الموضوع مش هيتلغى دالمفروض الاخوة فى المنتدى يثبتوه دهى دى فرصتنا

والله الموفق لما فيه الصواب...........

[mhegazi]

انا معاك وشوفوا ايه الطلوب ومش حنتأخر
بس الاول نصبر لحد اول يناير

[مستر/ عبدالكريم على عبدالنعيم]

ان شاء الله بشكر سيادتك على الرد

[the keng]

كلامك كان جميل
ولكن عفوا ياصديقي فموعده تلخر كثير
واهديك اغنيت جورج وسوف اتاخرت كتير ياحبيبي اتاخرت كتير