اضراب اول يوم فى الاختبارات

[miss_emy]

المشاركة الأصلية كتبت بواسطة خلف حلمي

طب وبعدين ،مش ده الحل ، يفسخلك عقدك ويشوف غيرك والناس كتير ، مفيش حاجة تقولها سوي " حسبي الله ونعم الوكيل"

اهو هو دا اللى جايبنا لورى ومضيع حقوقنا هيعملوا فينا ايه اكتر من كدا سنه ورا سنه بنتحطم واقل حق لينا مش عارفين ناخده

[ايادممدوح]

يا جماعة دا وزير مش حاينفع معاه الا الاعلام واحراجه امام الحكومة والرأي العام ولو احنا اتجمعنا وعملنا وقفة احتجاجية سلمية بالافتات وبدون تعطيل العمل علشان الناس تتعاطف معانا بس تكون ايام الامتحانات فعلا علشان تسمع وتعمل ضجة وتكون علي مستوي الجمهورية فيوم واحد بيتهيألي ده حيكون مؤثر

[Mr:M.Kamal]

وانا من الصعيد ومعاكم

[the keng]

فين الردود
فين المشاركة
دلوقتي اظن عرفت انكم مجموعة تتسللي من خلف الشاشات

[خلف حلمي]

حيجيبوا بتوع الأجر وبلاش منك ، وتتحول للتحقيق

[msrahmedseef]

يا رجالة اظن الوزير والحكومة قالتها بلسانها 43000 معلم مساعد يعنى العدد ده كافى لعمل عجز كامل فى التربية والتعليم وشلل كمان لو كله اتفق على ميعاد واحد ومقاطعة واحده وبعدين ورونى هايجيبو العدد ده منين تانى علشان يسدو العجز دا احنا فى مدرستنا اتنين مدرسين نقلو مدير المدرسة والادارة بتلف حولين نفسها علشان يظبطو العملية ومش عارفين انما لو غاب 43000 يبقى التربية والتعليم قول عليها السلام

[msrahmedseef]

انا رأئ ان احنا نعمل مراكز قيادية لنا تتكلم عننا ويبقوا هم اللى يوصلوا رسائلنا للحكومة ويبقى الكلام اللى يقولوه على المشورة منا ولو نتخذ قرار يبقى قرار واحد ويكون سيف يمشى على الجميع ومع بعض الضجة الاعلامية هاتكون احسن وتتحول قضيتنا الى رأى عام وبعدين احنا عددنا مش قليل دا احنا المفروض نعمل نقابة لواحدنا ونسميها نقابة المعلم المساعد

[المعتصم باللة 1997]

بس لازم نمل غطاء او مظلة اية يعنى واحد مايروحشى عادى

[عاشقه الجنه 29]

المشاركة الأصلية كتبت بواسطة ايادممدوح

يا جماعة دا وزير مش حاينفع معاه الا الاعلام واحراجه امام الحكومة والرأي العام ولو احنا اتجمعنا وعملنا وقفة احتجاجية سلمية بالافتات وبدون تعطيل العمل علشان الناس تتعاطف معانا بس تكون ايام الامتحانات فعلا علشان تسمع وتعمل ضجة وتكون علي مستوي الجمهورية فيوم واحد بيتهيألي ده حيكون مؤثر

وانا معى هذا الراى وياريت بجد نعاهد بعض قدام ربنا اننا كلنا ننفذ يجماع دا مجرد خبر بس فى جريدة يقول اضراب المعلمين المساعدين اثناء الامتحانا لحين صدور قرار التثبيت والذى يماطل فية الوزير الدنيا هتتقلب وهتبقى قضية راى عام وكل البرامج اللى احنا مش عرفين نوصلها هى اللى هتيجى لحد عندنا واحتمال كبير قرار التثبيت يحدث فى نفس اليوم ونخلع من القانون الجديد ده والله الوزير بتعنا مش هيجى الا بوقفة من الاعلام ضدة واحتمال كبير يتشال فيها كمان

[عصام الطواب]

انا معاكم اي اتفاق موافق عليه

[miss_emy]

خلاص انا شايفه كلام جميل اوى بس التنفيذ

[أيمن الشابوري]

والله الحكومة حتفرح وتنزل علينا الخصومات ترف وخاصة مكافأة الامتحانات اللي عمركم ما انتم شايفنه لو حصل اللي في دماغكم
رجاءً تفكروا في حل قانوني افيد لنا كلنا

[medoboy30]

لقد اسمعت لو ناديت حيا ..... ولكن لا حياة لمن تنادى

انا طلبت من الاخوة قبل كده و ناديت بموضوع الاضراب بس ولا حاجه بمعنى كلمة ولا حاجه

ابوسيف

[leprince2010]

كل سنة وانتم طيبين انا قبل كدة دعوت الى وقفة امام وزارة التربية والتعليم العام الماضى للمطالبة بحقوقنا وحددنا معاد واخدت صحفية معايا وللاسف كنا ثلاثة معلمين مساعدين فقط عظيمة يا مصر

[miss_emy]

على فكره الناس اللى بتدخل تحبطنا دى بلاش ردودها