اين قيمة حاسبات ومعلومات

[احمد محمود22]

انا حاسبات المنيا

[eng.ahmed55]

على فكرة نقابة المهندسين ممنعتش غير الخريجين من الدخول ف المجال بتاعهم يعنى هندسة قسم حاسبات وكمان قسم اتصالات اى حد ممكن يشتغل شغلهم بكورسات بس ف حته التحكم دى ممكن لما حد يتعمق فيها مش هيلاقى كتير داخلين ف المجال يعنى مثلا واحد صاحبى خريج اتصالات لما راح اشتغل ف شركة لقى مديره خريج تجارة ...بس الكلية هتستفيدوا منها كتيير يعنى انا مثلا باخد كورس web design&web developping دى حجات لما تدخلوا هتعرفوها
المهم ف الكورس ف حاجات بتقابلنا بتدخل مثلا ف doc وحجات بتدخل ف فهم الاجزاء الداخلية مثلا ف compling هتحتاج انك لازم تعرف حجات متعلقة بيها ودى هتدرسوها ف الكورس يدوب حاجة ع الماشى انما هتدرسوها صح ف الكلية. بجد الكلية لو مش هتفيد اللى بيدخلها كانوا لغوها
عشان تبقى حاجة لازم تتعب ف حجات م هيدوهالك ف الكلية ومش هيدوهالك ف الكورس انت اللى لازم تتعب وتدور عليها وبجد الحاجة اللى بتتعب عشانها بيبقى ليها طعم تانى غير لما تيجى ع الجاهز

[abuhashim]

المشاركة الأصلية كتبت بواسطة أحمد الدموكسي

ليه الناس بتبص لحاسبات ومعلومات باستهتار كده
أنا لسه داخل الكلية والناس خنقتني منها قبل ما ادخل
كل الناس بتقول هندسة احسن
بس انا حابب المجال ده
الكلية دي المفروض تكون اول كلية واعظم كلية

لسبب وحيد و هو عدم وجود نقابة مهنية لها حتي الآن.

[abuhashim]

المشاركة الأصلية كتبت بواسطة beshooooo

اولا :خريج حاسبات ملوش نقابة ومش معترف بيه كمهندس رسمي والدليل انهم مش موافقين يدخلهم نقابة المهندسين اما المهندس فده طبعا مقيد في النقابة

ثانيا: حاسبات كلية كويسة جدا بس لو كنت في بلد تانية احنا حظنا إن احنا في مصر اللي مبتقدرش المبرمج
والعمل بيكون متاح للمهندس احسن من خريج حاسبات 100 مرة طبعا لان اقسم هندسة كتير وكده

ثالثا :
هندسة احسن مش عشان هي احسن عشان ظروف بلدك هتقولي يعني إيه ظروف بلدك يعني مصر مفيهاش امكانيات إنك تطلع مبرج وتشتع.ل بسهولة طبعا احنا الفرق بينا وبين اوروبا كتير أوي يعني لو هتسافر اوروبا التعليم في مصر مش هيساعدك حتى إنك تواكب الناس هناك وتقدر تكون زيهم

رابعا :الشركات في مجال البرمجة قليلة في مصر وبلتلي فرص عملك هتكون قليله

خامسا : شوف سوق العمل طالب إيه وأكيد المهندس مطلوب اكتر من خريج الحاسبات لانك مش لازم تكون مهندس متميز عشان تشتع.ل إنما لازم تكون خريج حاسبات كويس جدا عشان تشتع.ل طبعا عشان قلة فرص العمل بتاعت الحاسبات طبعا

سادسا :ممكن واحد ياخد كورسات في حاجة معينة ويكون زيه زيك في الحاجة ديه إنما مش أي حد يقدر يضاهي المهندس بـكورسات ولا أي حاجة

أنا رأي إن حاسبات كويسة بس مش في البلد ده
ويا ريت تتقبلوا رأيي

الحقيقة كلام حضرتك غير دقيق بالمرة.

1- خريجي كليات الحاسبات لم يتقدموا بطلب رسمي للانضمام لنقابة المهندسين و ذلك لان النقابة كانت تحت الحراسة من عام 1994 اي قبل تأسيس كلية حاسبات بعامين و لا يمكن تعديل لاوئحها لقبول كليات أخري، و ده السبب الرسمي.

و ده الي خلي عمداء (أغلبهم مهندسين) و خريجي الكلية يتجهوا لتأسيس نقابة منفصلة تجنباً لمشاكل الحراسة الموجودة في نقابة المهندسين، و النقابة المنفصلة كانت تحتاج لعدد كافي من الخريجين حتي يمكن تأسيسها و هذا ما حدث في خلال العام الماضي و هذا العام من إعلان تأسيس النقابة و في الطريق للإنتهاء من إجرائتها.

2- موضوع ان العمل لخريج هندسة 100 مرة اكتر من فرص العمل لخريج حاسبات، الحقيقة مش عارف ايه مرجع المعلومة دي؟ و هل انت بتقارن كل اقسام هندسة و فرص العمل الخاصة بيهم بكلية حاسبات الي هي تخصص واحد فقط! اعتقد مقارنة غير دقيقة لان اكيد تخصصات الهندسة الباقية طبيعي تكون اكتر، اما لو بتقارن هندسة حاسبات بكلية حاسبات فالمقارنة في صالح حاسبات بلا شك، بل بالعكس خريج قسم هندسة الحاسب لا يوجد له فرص عمل في تخصصه (الهاردوير) و لذا بيلجأ للعمل في مجال تطوير البرميجيات زي خريج حاسبات، و ان كان عدد خريجي هندسة قليل جداً في هذا التخصص و ده بيخليهم شبه مش واضحين بجانب خريجي حاسبات الي مسيطرين علي أغلب شركات البرمجيات و التكنولوجيا في مصر نتيحة اعدادهم الاكبر بكتير.

3 و 4- مش عارف انت جبت من فين معلومة ان ما فيش شغل في مصر؟ مع ان طبقاً للاحصاءات ده اكبر مجال فيه عرض وظايف و المطلوب فيه اقل بكتير من عدد الخريجين، و عشان كده الدولة بتدرب ناس من خارج التخصص احياناً عشان تغطي المطلوب، و اي حد اي حد شغال في شركات قطاع خاص عارف الكلام ده كويس.
و ده راجع ان مجال صناعة البرمجيات غير اي مجال تاني، في انه ما بيفرقش فيه مصر عن اوروبا، بمعني ان لو في شغل كتير في اوروبا او امريكا او اي مكان في العالم ده هيسمع في باقي الدول الي زي مصر، لان في حاجة اسمها تعهيد، يعني الشغل الزيادة بره يتحول علي مصر و بكده الشركات دي بتفتح فروع في مصر و تحول شغلها هنا و بتعمله بسعر ارخص و بيعينوا ناس كتير، و اي حد شغال في المجال عارف ان كل الشركات الكبيرة ليها فروع في القرية الذكية و بتعين اعداد كبيرة كل سنة، لكن اهم شيء انك تكون مؤهل جيداً و بتعرف توصل للشركات دي لان كلها في القاهرة فده بيخلي فرصة الاقاليم معدومة للأسف.

5- انت برده بتبني الكلام علي فرضية غير واضحة، انت بتقارن مهندس من اي تخصص و لا مهندس حاسب؟
بس عموماً خريج حاسبات مطلوب اي كان مستواه زي المهندس، و ده لان الشغل متوفر بعكس ما حضرتك بتقول، و كمان كل شركات البرمجيات و تكنولوجيا المعلومات بتطلب خريج حاسبات في البداية بعد كده خريج هندسة حاسب، و ده لسببين الاول ان ده التخصص الاصلي لخريج حاسبات الي هو مهندس برمجيات، و ثانياً زي ما قلت قبل كده لندرة خريجي هندسة حاسب فده بيخلي صاحب الشركة لا يتوقع انه هيلاقي خريج هندسة حاسب من الاساس.

6- لازم تفرق ما بين مهندس البرمجيات و اي واحد واخد كورس، و هقولك تشبيه بسيط، خريج حاسبات زيه زي المهندس في المصنع بالمقارنة مع الفني، هتلاقي الفني ممكن يعمل شغل المهندس عادي جداً في الجزئية الي اتعلمها، و لو قديم شوية هتلاقيه افضل من المهندس في الجزئية دي، لكن في المجمل المهندس في الاساس وظيفته اكبر من كده، لانه بتهتم بالتصميم و التخطيط و المسؤلية القانونية و الخلفية العلمية الي بتخليه يقدر يطور نفسه في المستقبل بشكل اسهل من الفني الي اتعلم حاجة واحدة و خلاص
نفس الكلام لخريج حاسبات الي هو مهندس برده، و الي واخد كورس ده زيه زي الفني متمكن في جزئية واحدة و خلاص
و شغل البرمجيات و تكنولوجيا المعلومات مش كورس في لغة برمجة و خلاص، لو كان كده ما كانش حد غلب فيها، الكلام ده في الشركات الي تحت السلم الي بتعمل مواقع، انما الشركات الي بتصنع برمجيات فعلاً دي عندها منظمومات معقدة و لا يستوعبها غير مهندس برمجيات متمكن و عنده خلفية علمية قوية.


و لازم نفهم ان ما فيش فرق ما بين خريج هندسة و خريج حاسبات، الاتنين مهندسين، لكن التاني تخصص داخل التخصص، زي كده كلية الطب و كلية طب الاسنان، الاتنين دراسة طبية لكن الاول 6 سنين دراسة و بيغطي تخصصات كتير ، انما التاني دراسة طبية متخصصة لجزء محدد و خمس سنيين فقط، لكن الاتنين في النهاية كليات طبية و بتخرج طبيب في الحالة الاولي، و طبيب اسنان في الحالة التانية، زي هندسة ما بتخرج مهندس و حاسبات بتخرج مهندس برمجيات و تكنولوجيا معلومات.

[ahmednafady]

allah ynwar 3alik ana ahmed da5l aoula handasa barmagiat cairo bgd rad momtaz

[samozeeen]

بالنسيه للاخ بيشو مع الاحترام لرأيك بس انا لو اخدت كورس اوتو كاد مش هبقى زيك ولا ايه

[samozeeen]

عجبنى مقوله ان اى مهندس بيشتغل ولازم تكون فى الحاسبات مجتهد عشان تشتغل
طيب بالنسبه للمهندس لو جاب ماده ترم تانى فى شهادته او مقبول هيشتغل برضه

[اروى السيد12]

يا جماعة حاسبات لها نقابة مهندسي البرمجيات وتاسست في مارس 2011 ولسة القوانين هتعمل فى مجلس الشعب

[Eng.Ahmed Hagag]

المشاركة الأصلية كتبت بواسطة abuhashim

الحقيقة كلام حضرتك غير دقيق بالمرة.

1- خريجي كليات الحاسبات لم يتقدموا بطلب رسمي للانضمام لنقابة المهندسين و ذلك لان النقابة كانت تحت الحراسة من عام 1994 اي قبل تأسيس كلية حاسبات بعامين و لا يمكن تعديل لاوئحها لقبول كليات أخري، و ده السبب الرسمي.

و ده الي خلي عمداء (أغلبهم مهندسين) و خريجي الكلية يتجهوا لتأسيس نقابة منفصلة تجنباً لمشاكل الحراسة الموجودة في نقابة المهندسين، و النقابة المنفصلة كانت تحتاج لعدد كافي من الخريجين حتي يمكن تأسيسها و هذا ما حدث في خلال العام الماضي و هذا العام من إعلان تأسيس النقابة و في الطريق للإنتهاء من إجرائتها.

2- موضوع ان العمل لخريج هندسة 100 مرة اكتر من فرص العمل لخريج حاسبات، الحقيقة مش عارف ايه مرجع المعلومة دي؟ و هل انت بتقارن كل اقسام هندسة و فرص العمل الخاصة بيهم بكلية حاسبات الي هي تخصص واحد فقط! اعتقد مقارنة غير دقيقة لان اكيد تخصصات الهندسة الباقية طبيعي تكون اكتر، اما لو بتقارن هندسة حاسبات بكلية حاسبات فالمقارنة في صالح حاسبات بلا شك، بل بالعكس خريج قسم هندسة الحاسب لا يوجد له فرص عمل في تخصصه (الهاردوير) و لذا بيلجأ للعمل في مجال تطوير البرميجيات زي خريج حاسبات، و ان كان عدد خريجي هندسة قليل جداً في هذا التخصص و ده بيخليهم شبه مش واضحين بجانب خريجي حاسبات الي مسيطرين علي أغلب شركات البرمجيات و التكنولوجيا في مصر نتيحة اعدادهم الاكبر بكتير.

3 و 4- مش عارف انت جبت من فين معلومة ان ما فيش شغل في مصر؟ مع ان طبقاً للاحصاءات ده اكبر مجال فيه عرض وظايف و المطلوب فيه اقل بكتير من عدد الخريجين، و عشان كده الدولة بتدرب ناس من خارج التخصص احياناً عشان تغطي المطلوب، و اي حد اي حد شغال في شركات قطاع خاص عارف الكلام ده كويس.
و ده راجع ان مجال صناعة البرمجيات غير اي مجال تاني، في انه ما بيفرقش فيه مصر عن اوروبا، بمعني ان لو في شغل كتير في اوروبا او امريكا او اي مكان في العالم ده هيسمع في باقي الدول الي زي مصر، لان في حاجة اسمها تعهيد، يعني الشغل الزيادة بره يتحول علي مصر و بكده الشركات دي بتفتح فروع في مصر و تحول شغلها هنا و بتعمله بسعر ارخص و بيعينوا ناس كتير، و اي حد شغال في المجال عارف ان كل الشركات الكبيرة ليها فروع في القرية الذكية و بتعين اعداد كبيرة كل سنة، لكن اهم شيء انك تكون مؤهل جيداً و بتعرف توصل للشركات دي لان كلها في القاهرة فده بيخلي فرصة الاقاليم معدومة للأسف.

5- انت برده بتبني الكلام علي فرضية غير واضحة، انت بتقارن مهندس من اي تخصص و لا مهندس حاسب؟
بس عموماً خريج حاسبات مطلوب اي كان مستواه زي المهندس، و ده لان الشغل متوفر بعكس ما حضرتك بتقول، و كمان كل شركات البرمجيات و تكنولوجيا المعلومات بتطلب خريج حاسبات في البداية بعد كده خريج هندسة حاسب، و ده لسببين الاول ان ده التخصص الاصلي لخريج حاسبات الي هو مهندس برمجيات، و ثانياً زي ما قلت قبل كده لندرة خريجي هندسة حاسب فده بيخلي صاحب الشركة لا يتوقع انه هيلاقي خريج هندسة حاسب من الاساس.

6- لازم تفرق ما بين مهندس البرمجيات و اي واحد واخد كورس، و هقولك تشبيه بسيط، خريج حاسبات زيه زي المهندس في المصنع بالمقارنة مع الفني، هتلاقي الفني ممكن يعمل شغل المهندس عادي جداً في الجزئية الي اتعلمها، و لو قديم شوية هتلاقيه افضل من المهندس في الجزئية دي، لكن في المجمل المهندس في الاساس وظيفته اكبر من كده، لانه بتهتم بالتصميم و التخطيط و المسؤلية القانونية و الخلفية العلمية الي بتخليه يقدر يطور نفسه في المستقبل بشكل اسهل من الفني الي اتعلم حاجة واحدة و خلاص
نفس الكلام لخريج حاسبات الي هو مهندس برده، و الي واخد كورس ده زيه زي الفني متمكن في جزئية واحدة و خلاص
و شغل البرمجيات و تكنولوجيا المعلومات مش كورس في لغة برمجة و خلاص، لو كان كده ما كانش حد غلب فيها، الكلام ده في الشركات الي تحت السلم الي بتعمل مواقع، انما الشركات الي بتصنع برمجيات فعلاً دي عندها منظمومات معقدة و لا يستوعبها غير مهندس برمجيات متمكن و عنده خلفية علمية قوية.


و لازم نفهم ان ما فيش فرق ما بين خريج هندسة و خريج حاسبات، الاتنين مهندسين، لكن التاني تخصص داخل التخصص، زي كده كلية الطب و كلية طب الاسنان، الاتنين دراسة طبية لكن الاول 6 سنين دراسة و بيغطي تخصصات كتير ، انما التاني دراسة طبية متخصصة لجزء محدد و خمس سنيين فقط، لكن الاتنين في النهاية كليات طبية و بتخرج طبيب في الحالة الاولي، و طبيب اسنان في الحالة التانية، زي هندسة ما بتخرج مهندس و حاسبات بتخرج مهندس برمجيات و تكنولوجيا معلومات.

بصراحة كلام محترم جدا
أنا الموضوع ده بتاع النقابة معرفش عنه اللي اعرفه إنه مش مقيد في نقابة المهندسين
الارزاق ده بتاعت ربنا ده حاجة تاني حاجة إن فرص العمل لخريج هندسه زي اتصالات أو باور أو مدني أنا مكنتش اقصد هندسة قسم حاسبات على فكرة أنا اقصد الاقسام التانية
اكتر من خريج حاسبات وده حقيقة
أنا متفق معاك إن خريج حاسبات فرص عمله اكتر من خريج هندسه حاسبات لان تخصص الهاردوير سهل أي حد يتعلموا غير السوفت وير طبعا
ربنا معاكم جميعا
اخوكم أحمد وربنا معاكم جميعا
جاتلي حاسبات بس أنا كان نفسي في هندسة ووقفت معايا على درجة فدخلت هندسة الشروق خاصة وده مش تقليل من حاسبات بس أنا حابب هندسة اكتر ولو مكنتش دخلت هندسة كنت هعيد الثانوية تاني
مشكلة حاسبات الوحدة موضوع النقابة ده لانه بيسمح لأي حد يدخل في شغلكم لازم تطالبوا بانشاءها في اسرع وقت مش معقول تجارة ليها نقابة وحاسبات ملهاش

[mahmoud essam]

اروع تعليق العربي الصغير