دفعة طب بيطرى 2012 على مستوى الجمهورية اجمع هنا

[Dr.Mohamed Attia]

اهلا بحضرتك يا دكتور ايوة كدة عاوزين نتجمع عشان نعرف بعض ونتمكن من الارتقاء بقسم الطب البيطرى ف المنتدى ونفيد بعض ان شاء الله

[captinmido]

بسم الله الرحمن الرحيم انا اسمى محمد اشرف كان نفسى طول عمرى اخش صيدلة بس الحمد للة ما جاتليش بقى وخلاص انا كنت جايب 97.8 بس جالى علوم ببس مجموعى معدى البيطرى فانا هحول ان شاء الله لبيطرى اسكندرية لما يفتحوا التحويل ياريت الى عندة اى معلومة ممكن يفدينى بيها يكتبهالى

[senyorita rana]

المشاركة الأصلية كتبت بواسطة captinmido

بسم الله الرحمن الرحيم انا اسمى محمد اشرف كان نفسى طول عمرى اخش صيدلة بس الحمد للة ما جاتليش بقى وخلاص انا كنت جايب 97.8 بس جالى علوم ببس مجموعى معدى البيطرى فانا هحول ان شاء الله لبيطرى اسكندرية لما يفتحوا التحويل ياريت الى عندة اى معلومة ممكن يفدينى بيها يكتبهالى

هوا كل اللي هنا تقريبا كان نفسم صيدلة قدر الله وماشاء فعل والحمد لله على كل حال
معلش ميعرفتش ارد على المسج علشان مشاركاتي اقل من 50
بس انا بردو لسه مش عارفة اي حاجة عن التحويل

[mohsen2108]

انا كمان 97.6 وجالى بيطرى القاهرة مع انى عمرى ما فكرت لحظة انى ممكن اكون طبيب بيطرى ابداااا بس الحمد والشكر لله بس فيه مشكلة انى بخاف من الحيوانات اوى اوى

[Dr.Mohamed Attia]

انا بردة والله بخاف م الحيوانات جدا بس هنعمل ايه بقى الحمد لله ربنا يوفقنا

[magdi2008]

انا جبت 97.3 زجالي طب بيطري سوهاج يلا ربنا يسهلها معانا كلنا ونحبها

[شاعرة الاندلس]

انا ولاء جايبى 97.2
ربنا يستر لأنى بخااف جدددا من الحيوانات وخصوصا الكلااب
دخلت بيطرى القاهررة والحمد لله

[دكتور على ماتفرج]

انا فاطمة من كفرالشيخ جبت 97.7%
وجالى طبعا بيطرى كفرالشيخ وكان نفسى صيدلة
لدرجة ان قبل ماالتنسيق ينزل رتبت حياتى على صيدلة
ومنطقتنا وجيرانا كلهم عرفوا انى صيدلنية
بس انا نفسى احول القاهرة
بس مش عارفة ليا مدينة ولا لا

[اسراء فرج الله]

انا اسراء وجايبة 401 واتصدمت وانهرت اول ما عرفت ان جالى بيطرى بس الحمد لله وياريت يا دكاترة تساعدونا وتفهمونا الدنيا ماشية ازاى فيها

[عاطف البعدادى]

انا جالى طب بيطرى فى اسماعيليه وانا جايب97.5 وايد عمرى ما حلمت ولا تخيلت انى ادخل طب بيطرى
انا لحد الوقتى مش عارف هتعامل مع الحيوانات ازاى انا مش بترعب منها بس انا كمان بقرف منها بس قدر ومكتوب

[D.LAMYA]

انا لميا جبت 97.2 وجالي بيطري القاهره وكنت عايزه احول اسماعيليه
بس عايزه حد يقولي اسماعيليه احسن ولا القاهره من حيث فرصتها ف التقديرات وكده

[dr-nourhan]

انا برده جايبه 97.6 ولحقت طب بيطرى المنصورة وعموما الحمدلله ع كل شئ
اهم حاجة اننا نرضي باللى ربنا كتبهولنا وباذن الله الخيرة فيما اختاره الله
وانا عاملة جروب لدفعتنا ع الفيس عشان باذن الله نتجمع فيه
اسمه طب بيطرى المنصورة 2013
وباذن الله هيفدنا جدا وهيجمعنا ف الدراسة
ياريت تبعتوا اضافات عشان يبقي خاص بدفعتنا

[دكتورة بسمة]

تمتم انا هدخل واشترك فى الجروب انا باذن اللة طب بيطرى المنصورة يريد دايما يبقى فية بينا تواصل وبجد سعيدة بمعرفتكم

[Dr.Mohamed Attia]

[quote=دكتورة بسمة;4781097]تمتم انا هدخل واشترك فى الجروب انا باذن اللة طب بيطرى المنصورة يريد دايما يبقى فية بينا تواصل وبجد سعيدة بمعرفتكم[/quote


نورتى الكليه يا دكتورة بسمة وسعداء بيكى واعرفى ان الخيرة فيما اختاره الله وربنا يكرمنا جميعا

[محمد غمرى m]

خير ياكاترة
ربنا يوفقكم
ان شاء الله
شدوا حليكم