انا ضد الهندسة الخاصة

[MONMON 1]

أما تجرب وابنك يقف مجموعه ع الهندسه ع حاجات لا تذكر او يتظلم ف التصحيح هتعرف ان الهندسه الخاصه دي حل عملي اووووي وشوف انت بتعمل ايه اول حاجه دورت ع مصلحتك انك مش هتلاقي شغل بعد ما تخلص لأ احب اقول لحضرتك ان ال دخلوا الخاص دول كانوا مش هيلاقوا مستقبل مش شغل بس زي ما بتبص لنفسك بص لغيرك ..

[eng.taki]

المشاركة الأصلية كتبت بواسطة monmon 1

أما تجرب وابنك يقف مجموعه ع الهندسه ع حاجات لا تذكر او يتظلم ف التصحيح هتعرف ان الهندسه الخاصه دي حل عملي اووووي وشوف انت بتعمل ايه اول حاجه دورت ع مصلحتك انك مش هتلاقي شغل بعد ما تخلص لأ احب اقول لحضرتك ان ال دخلوا الخاص دول كانوا مش هيلاقوا مستقبل مش شغل بس زي ما بتبص لنفسك بص لغيرك ..

انا عن نفسي مع حضرتك يافندم بس المشكلة ان الموضوع بقي زيادة عن حده انا ليا زمايلي كانو معايا في ثانوي جايبين حاجة و80 وحاجة و70 ودخلو معاهد عليا هندسة ده يعمل لناس زينا تعبت وجابت مجموع في حدود ال100% لازم الموضوع يبقي محدد ومسيطر عليه لكن اللي اتظلم هيتظلم في 1 او 2 في المية بالكثير ماشي بس العملية متبقاش اوفر

[emass]

مع احترامي لرأي حضرتك بس لما طالب يقف علي واحد من عشرة عشان يدخل هندسة يبقي ده ظلم وللعلم انا كلية خاصة ومستوي الدراسة عندي اعلي بمراحل من الهندسة الحكومة وفي مواد بخدها كليات حكومة مبتاخدهاش

[Dr norhan]

علفكرة بقى انا راييى ان الخاص افضل من الحكومى قى كل حاجة احترام وتعليم وطلبة وكل شئ اىا كانت الكلية ومع احترامى لصاحب الموضوع لو كان مجابش حكومى ومتوفر فلوس انة يدحل خاص كان دخل احنا كدا بنضحك على بعضينا حتى لو جايب 60 فى المية ودخل بفلوسة مش مهم المهم يتفوق هى الثانوى دة اساسا بنستفاد منة فى حاجة يعنى الى كان طالع عينة فى ثانوى فاكر قاعدة ارشميدس مثلا فاكر نص عربى ولا يعرف يجاوب حاجة اساسا ملوش اى علاقة بالجامعة وفى كتير دخلوا وتفوقوا على الى فى حكومى ما كان فى واحد دخل حكومى علشان كان طالع عينة فى ثانوى وسقط فى هندسة او اى كلية حكومة وواحد جاب 80 فى المية ودخل خاص وتفوق ونجح بلاش نقيسها كدة ربنا عدل اكيد وبالجامعات الخاصة دى خلى الى بيحلم بحاجة وربنا مقدرة يدخل ربنا ادانا الفلوس مش علشان ناكل ونشرب ونلبس ونزكى وبس الى يقدر يدفع علشانن يتعلم يدفع مع احترامى لارائكم

[eng.taki]

كده احنا بنضحك علي نفسنا اللي يقول التعليم في الخاص احسن من الحكومي
واحنا بناخد مواد الحكومي مبنخدهاش :D ده بقي (loooooooooool)
واللي يقول الثانوية العامة مش معيار طالما انتم مش شايفنها معيار ارتضيتم بيه من الاول كان المفروض مقاطعة الثانوية العامة اعتراضا علي سياسة الدولة الخاطئة في ادارة العملية التعليمية :D .. الفشل في الثانوية العامة مش معناه ان احنا منبقاش موضوعين وان احنا نبتدي نبرر وخلاص
سؤال لطالب في معهد عالي هندسة ومجموعه كان بعيد عن هندسة في ثانوية عامة لو جتلك فرصة تحول لهندسة حكومية الوحشة اللي بأمكانيات ضعيفة هتقبل ؟ مش عايز رد فكر انت في الاجابة لنفسك
......
وبرضه مش بعمم يعني مثلا ليا اصدقاء في العاشر انا شايف ان التعليم كويس هناك طب ليه بقي برضه العاشر دي بتقبل بمجموع عالي نسبيا من الثانوية العامة الظالمة ؟ :D

[eng.taki]

واللي دخل الحكومة وسقط ده سقط لان في الجامعات الحكومية في تعليم حقيقي
و فيه نظام تقييم بجد

[Dr norhan]

المشاركة الأصلية كتبت بواسطة eng.taki

كده احنا بنضحك علي نفسنا اللي يقول التعليم في الخاص احسن من الحكومي
واحنا بناخد مواد الحكومي مبنخدهاش ده بقي (loooooooooool)
واللي يقول الثانوية العامة مش معيار طالما انتم مش شايفنها معيار ارتضيتم بيه من الاول كان المفروض مقاطعة الثانوية العامة اعتراضا علي سياسة الدولة الخاطئة في ادارة العملية التعليمية .. الفشل في الثانوية العامة مش معناه ان احنا منبقاش موضوعين وان احنا نبتدي نبرر وخلاص
سؤال لطالب في معهد عالي هندسة ومجموعه كان بعيد عن هندسة في ثانوية عامة لو جتلك فرصة تحول لهندسة حكومية الوحشة اللي بأمكانيات ضعيفة هتقبل ؟ مش عايز رد فكر انت في الاجابة لنفسك
......
وبرضه مش بعمم يعني مثلا ليا اصدقاء في العاشر انا شايف ان التعليم كويس هناك طب ليه بقي برضه العاشر دي بتقبل بمجموع عالي نسبيا من الثانوية العامة الظالمة ؟

علفكرة يا باش مهندس انا مش بقول ملهاش لزمة لكن مش مقياس خالص واة لو قلت لبتاع العاضر ممكن يفضل الحكومة لكن فى ناس جايبة مجموع حكومة وبتفضل الخاص انا بردة بسالك وبما يرضى الله لو انت مكنتش جبت مجموع حكومة وعرض عليك الخاص هتقول لاء

[eng.taki]

(والله) وبكل موضوعية (لا) لاني ببساطة معني كده متأهلتش لدخول كلية الهندسة بالمعايير اللي انا اقرتها بمجرد دخولي للثانوية العامة ....
المعايير دي صح او غلط دي مشكلة منظومة تعليمية كاملة
وانا بجد Dr norhan مش بهاجم الخاص في المطلق انا بس نفسي يبقي الموضوع منظم شوية لان في هجوم كبير علي دراسة الهندسة في مصر هل كل الناس دي بتعشق الهندسة كده :/
واسف لو كلامي ضايق حضرتك ..

[Dr norhan]

المشاركة الأصلية كتبت بواسطة eng.taki

(والله) وبكل موضوعية (لا) لاني ببساطة معني كده متأهلتش لدخول كلية الهندسة بالمعايير اللي انا اقرتها بمجرد دخولي للثانوية العامة ....
المعايير دي صح او غلط دي مشكلة منظومة تعليمية كاملة
وانا بجد dr norhan مش بهاجم الخاص في المطلق انا بس نفسي يبقي الموضوع منظم شوية لان في هجوم كبير علي دراسة الهندسة في مصر هل كل الناس دي بتعشق الهندسة كده :/
واسف لو كلامي ضايق حضرتك ..

لا طبعا مفيش اى مضايقة دى وجهة نظرك وتحترم طبعا واكيد فى جزئية صحبحة من كلامك بس من ناحية التنظيم فاكيد مفيش تنظيم ولازم يحصل تنظيم ان شاء الله شكرا يا باش مهندس

[محمود شقرون]

انا بيني و بين هندسة حكومة السنادي 0.8 % 3 درجات ونص فانا معاك ان الهندسات الخاصة فيه منها كتير و بقت بتاخد من 70 % بس فيه ناس اتظلمت في التصحيح زيي كده في مادة زي علم النفس و نفسي ادخل هندسة فالتنظيم يكون اقل فعلا 5 % بالكتير عن هندسة الحكومة يعني يا ريت اخر الهندسات الخاصة من 90 %

[hassan201022]

دا المفروض فعلا 90 % مش 80 %
لازم يكون ف تنظيم عشان كل واحد ياخد فرصته
وميبقاش خريج هندسه زيه زى دبلوم الصنايع

[waleed_korra]

رأيي انا ان كل حاجة ف الدنيا لها موازين . بمعنى :
حضرتك جبت 94.0% والهندسة خدت من 94.1% المفروض ايه ؟؟؟!
هل المفروض ان انتا اتظلمت ودا حرام وانها وقفت معاك ع .1% وكداااا؟
الكلام دا غلط يا حضرات . حضرت لو الهندسة خدت مثلا من 80.0% أكيييييييد الناس اللى جايت 79.8% هيزعلووووووا جامد ويقولوا اشمعنا احنا ؟!
دى حضرتك اصول الدنيا ان لازم يكون فيه حد ادنى ولازم ناس تقف معاهم ع نص درجة و ع درحة وكدااااا.
اما بخصوص الخاااص فانا شايف ان دا بيدى لناس حقوق اعلى من غيرها زى الفيتووو كدا.
يعنى حضرتك (ايا كان مجموعك) ملحقتش هندسة حكومى طبعا موجود ناااس زيك كتير ملحقتشى وجايبين مجموع زيك او حتى اعلى منك . انتى بقى خليت ليك فيزه ع الناس دى ودخلت خااااص عشان ابو حضرتك معاه فلوس وهما الناس اللى جايبين نفس مجموعك مش قادرين يدخلوا خااااااص.
أخيرا: لو عايزين تعيبوا ف نظام الثانوية ف الناس كلها بتعيب فيه وهوا نظاااااام غلط ودى حقيقة.
اما بقى عايزين تدخلوا خاص وتتلككوا بان التعليم غلط . فلا لان انتا بتاخد حق مش حقك ايه ف حضرتك احسن من اللى جابوا نفس مجموعك ومقدروش يدخلوا خااص ؟؟؟؟؟؟؟؟؟
عذرا ع الإطالة

[مهاب احمد محمد]

المشاركة الأصلية كتبت بواسطة waleed_korra

رأيي انا ان كل حاجة ف الدنيا لها موازين . بمعنى :
حضرتك جبت 94.0% والهندسة خدت من 94.1% المفروض ايه ؟؟؟!
هل المفروض ان انتا اتظلمت ودا حرام وانها وقفت معاك ع .1% وكداااا؟
الكلام دا غلط يا حضرات . حضرت لو الهندسة خدت مثلا من 80.0% أكيييييييد الناس اللى جايت 79.8% هيزعلووووووا جامد ويقولوا اشمعنا احنا ؟!
دى حضرتك اصول الدنيا ان لازم يكون فيه حد ادنى ولازم ناس تقف معاهم ع نص درجة و ع درحة وكدااااا.
اما بخصوص الخاااص فانا شايف ان دا بيدى لناس حقوق اعلى من غيرها زى الفيتووو كدا.
يعنى حضرتك (ايا كان مجموعك) ملحقتش هندسة حكومى طبعا موجود ناااس زيك كتير ملحقتشى وجايبين مجموع زيك او حتى اعلى منك . انتى بقى خليت ليك فيزه ع الناس دى ودخلت خااااص عشان ابو حضرتك معاه فلوس وهما الناس اللى جايبين نفس مجموعك مش قادرين يدخلوا خااااااص.
أخيرا: لو عايزين تعيبوا ف نظام الثانوية ف الناس كلها بتعيب فيه وهوا نظاااااام غلط ودى حقيقة.
اما بقى عايزين تدخلوا خاص وتتلككوا بان التعليم غلط . فلا لان انتا بتاخد حق مش حقك ايه ف حضرتك احسن من اللى جابوا نفس مجموعك ومقدروش يدخلوا خااص ؟؟؟؟؟؟؟؟؟
عذرا ع الإطالة

اولا انا مع حضرتك في كل حاجة قولتها بس معترض في اخر سطر لان بيبقا في فرق حضرتك الفلوس والفلوس دي ربنا مديهلنا علشان نصرفها في الخير و فيما لا يغضب الله والتعليم ده خير كبير لان هيخرج ناس تفيد البلد فحرام ان واحد معاه فلوس وميدخلش هندسة خاصى اما بخصوص اللي جايب نفس المجموع ومعهوش فلوس لدخول الخاص اكيد ربنا شايلة نصيبه في حااجة تانية وعلي فكرة انا هندسة عين شمس يعني حكومي بس ده المنطق بيقول معاك فلوس تقدر تدخلك اللي انت عاوزه لازم تستغلها والا تبقا مغفل

[waleed_korra]

المشاركة الأصلية كتبت بواسطة مهاب احمد محمد

اولا انا مع حضرتك في كل حاجة قولتها بس معترض في اخر سطر لان بيبقا في فرق حضرتك الفلوس والفلوس دي ربنا مديهلنا علشان نصرفها في الخير و فيما لا يغضب الله والتعليم ده خير كبير لان هيخرج ناس تفيد البلد فحرام ان واحد معاه فلوس وميدخلش هندسة خاصى اما بخصوص اللي جايب نفس المجموع ومعهوش فلوس لدخول الخاص اكيد ربنا شايلة نصيبه في حااجة تانية وعلي فكرة انا هندسة عين شمس يعني حكومي بس ده المنطق بيقول معاك فلوس تقدر تدخلك اللي انت عاوزه لازم تستغلها والا تبقا مغفل

تـــمــــــام ، بس أنا بتكلم من ناحية انا انتا تعمل الفلوس هيا الفيصل الوحيد أمام دخولك الكلية دا شئ بيزعل الناس اللى ممعهاش فلووووس وبيأثر فيهم جدا.
ممكن مثلا تبقى مبالغ بسيطة (3000) مثلا بس تكون باختبارات قدرات
ويكووون ليها مجموع ابن ناس يعنى مش واحد جايب 70% يدخل هندسة دا شئ بيزعج طلاب التجاارة جدا
الفكرة ان ميكونشى القانون السائد (معاك فلوس يبقى انتا ضامن تخش ، ممعكشى يبقى العب بعيد يا حبيبى ).

طبعا انا بردوو هندسة حكومى

[mernanetm]

على فكرة الهندسة الحكومى افضل بكثير من الخاص كفاية انك بتتخرج من القاهرة او عين شمس وكمان فيه اقسام فى الحكومى مش موجودة فى الخاص زى طيران او طبية ودى ميزة وانا طالب هندسة اول سنة و كنت جايب فى الثانوية 2013 مجموع 98 % ودخلت هندسة واتساويت بالخاص وب 94.5 % وكله قالى ياريتك دخلت علمى علوم كنت دخلت طب اسنان او صيدلة
وانت ايه رايك هندسة ولا طب اسنان وصيدلة مع العلم انى دخلت هندسة خلاص ؟