آخر أخبار التعيينات وتفسير القرارات في المنيا وباقي المحافظات - الصفحة 20

ايهاب بابا · #**286** 13-07-2011, 12:01 AM

السلام عليكم
عندى سؤال يا دكتور

عقود المكافاة الشاملة 3على2 ليها فى الحوافز ال200% ولا ايه

ايهاب بابا · #**287** 13-07-2011, 12:08 AM

اقتباس:

المشاركة الأصلية كتبت بواسطة د.عبدالرحمن المنياوي

يا جماعة احنا قلنا من الأول ومحدش يتبع اي كلام تاني .. المعلم المساعد اللي اجتاز الكادر يعين على معلم
والمعلم المساعد اللي لم يجتاز الكادر يعين على معلم مساعد
ومعلم الحصة او العقد الشامل اللي اتم 3 سنين يعين معلم مساعد
ومعلم الحصة اللي لم يتم 3 سنين يتعمل له عقد شامل حتى اكمال شرط الثلاث سنوات ..

كل ده هيتم من 16/7/2011 وعلى الله حد يسالني ويقولي ايه الموقف ؟!!!!!!!!!!!!!!!

يارب يارب يارب
يارب يارب
يارب يارب يارب
يارب يارب يارب
رب يارب يارب

يحصل كده فى اسيوط انا لى ثلاث سنوات باحصة بس بافصل فى 3شهور الاجازة ادعووووووووووووووووووووووووووووووووووولى

د.عبدالرحمن المنياوي · #**288** 13-07-2011, 10:57 AM

ربنا يوفقك يا أخي

مسيواحمدشعبان · #**289** 13-07-2011, 11:25 AM

اقتباس:

المشاركة الأصلية كتبت بواسطة د.عبدالرحمن المنياوي

بصو يا جماعة بالنسبة للحد الأدنى للأجور أنا ليه وجهة نظر :

هم قالوا حافز الإثابة يزيد ليصبح 200% يعني كل واحد يرفع حافز الإثابة في مرتبه من 25% إلى 200%

مثلا مرتب المعلم المساعد أساسيه 183.6 بياخد حوافز 45 جنيه يعني هنزود على مرتبه كمان 175% بواقع 315 جنيه

يعني مرتبه هيصبح 680 جنيه وده الصافي مش الشامل .. وكل واحد بقى يزود حوافزه 175% من الأساسي ويحسب مرتبه ..

نقول تاني .. يبقى أنا أعتقد كده ان المعلم المساعد مرتبه الصافي اللي هيقبضه هيكون

360 + 315 = 675 جنيه

والمعلم حديث التعيين

465 + 315 = 780 جنيه

وده الصافي يعني الاجمالي أكتر من كده وبكده أعتقد إنهم وفوا الحد الأدنى ..

اشمعنى نضيف 315 جنيه .. لأن احنا بنقبض حوافز 25% = 45 جنيه لما نحولها إلى 200% نزود 315 جنيه

وده لو الكلام مظبوط ولو إني أعتقد كده فعلا لأن تصريح وزير المالية قال كده ..

بارك الله فيك على حسن تعاونكم

د.عبدالرحمن المنياوي · #**290** 13-07-2011, 03:40 PM

ربنا يتمم بخير

د.عبدالرحمن المنياوي · #**291** 13-07-2011, 06:40 PM

ربنا اقسم لنا الخير حيث كان وارضنا به

د.عبدالرحمن المنياوي · #**292** 13-07-2011, 08:27 PM

ربنا لا تزغ قلوبنا بعد أن هديتنا

عمر مصطفى احمد · #**293** 13-07-2011, 10:18 PM

طيب يا دكتور عبد الحمن الناس اللى ممتحنتش كادر بس اتثبتت عشان عدى عليهم اكثر من 3 سنين وضعهم الجديد هيبقى ايه هل هناخد بدل نقدى ولو فيه ماجستير ناخد حافز ماجستير وناخد كافة الحقوق ولا وضعنا المالى هيفضلى زى مهو قبل التثبيت وشكرا

ايات رمضان · #**294** 13-07-2011, 10:32 PM

اناسمعت اننا مش على درحه ماليه لمن ينطبق قرار244 اللى امتحنوا 1/4/2001قلت اذاى مش تعيين يبقى على درجه ماليه واذاى اللى بالحصه هيبقى على درجه واحنا لا وايضا سمعتها على الناس المعينيين فى شهر3 بقرار53

ايات رمضان · #**295** 13-07-2011, 10:36 PM

انا سمعت اليوم احنا اننا لمن ينطبق عليه قرار 244 اللى امتحنوا الكادر 1/4/20011مش على درجه ماليه وايضا قرار 53 اللى اتعينوا فى شهر3 طب اذاى واللى بالحصه هيبقى على درجة ماليه/والله الواحد تعب من التربيه والتعليم

مصطفى محمد ص · #**296** 13-07-2011, 10:39 PM

اقتباس:

المشاركة الأصلية كتبت بواسطة د.عبدالرحمن المنياوي

المروتين مسكوا في بعض ..

يا جماعة المسألة مش مستاهلة وبالراحة خالص ..

أنا مش عاوز الناس تبتدي تفهم غلط .. أنا كلامي واضح يا جماعة ومش محتاج ترجمة ..

أول كلامي قلت بلاش نخلط القرارات .. قرار تثبيت من مر عليهم 3 سنوات يعني نقل الناس اللي تعمل في التربية والتعليم على درجة مالية وتبقى ثابتة تمضي في دفتر الحضور والانصراف بتاع المدرسين وتسري عليهم قواعد العمل الدائم .. يارب نفهم ..

طيب هو المعلم المساعد يتم تثبيته الآن على درجته اللي هي الثالثة .. مظبوط ؟!! آه مظبوط .. هتيجي مروة دلوقت زعلانة وتقوللي لأ المفروض يتثبت معلم مش معلم مساعد .. أقولها الدرجة الثالثة والثانية والأولى اسمها درجات مالية مالهاش دعوة بالمسمى الوظيفي .. أما حكاية معلم ومعلم مساعد دي درجات وظيفية يحددها قانون اسمه القانون 155 لسنة 2007 وهو المسمى بقانون تنظيم الدرجات الوظيفية لكادر المعلمين .. القانون ده هو اللي بيقول تبقي معلم مساعد والا معلم .. لكن الاثنين يا أختي درجة مالية ثالثة تخصصية ..

طيب الوزير قال إيه ؟!! قال اللي موجود في القانون / اللي امتحن الكادر هينتقل من معلم مساعد إلى معلم (ده من ناحية الدرجة الوظيفية ) لكن ماليا الاثنين على الثالثة التخصصية يا مروة ..

طيب اللي امتحن ورسب أو اللي لسه لم يمتحن يسكن على الدرجة المالية الثالثة التخصصية كما قال الوزير ولكن مسماه الوظيفي لن ينتقل لمعلم إلا بعد اجتيازه للكادر ..

قصة هتساوى ببتاع الحصة إزاي .. حضرتك لما اتعينتي في 2009 كان فيه ناس متعينة من 2008 و 2007 كمعلمين مساعدين ومعرفوش ينتقلوا لمعلم وقتها .. وساعتها قالوا نفس كلامك هنتساوى بالجداد اللي كانوا بالحصة ؟؟!!! وهم ربنا كرمهم وانتقلوا لمعلم وانت اهو هاتحصليهم ..

مسألة المساواة بقى مش هتبقى كاملة يعني انت هتقبضي أكتر منهم لأنك أقدم تعيينا في معلم مساعد .. ولما ربنا يتممهالك على خير كده وتنجحي في الكادر هتصرفي المرحلة الثانية من فلوس الكادر والمسماه ببدل الاعتماد .. وبالمناسبة مفيش حاجة اسمها عقد مميز دلوقت يامروة ..

يارب تكون الرسالة وصلت يا مروة ..

ومعلش ليا ملاحظة أخيرة يا أخت مروة ..

حضرتك تقوليلي دكتور عبدالرحمن ماشي .. أستاذ عبدالرحمن ماشي .. عبدالرحمن بس ماشي .. لكن (يادكتور ولا ياستاذ عبد الرحمن) متهيألي انك كنت متنرفزة وبتتريقي عليا ..

لو انا فهمت صح يبقى انت مدينة لي باعتذار ..

أنا أشكر كم على هذة المعلومات القديرة التى لا تصدر إلا من شخص قدير.
ولكن أحب أرد على الأستاذة مروة مدرسة الحاسب إنها من دمياط وعرفة مدة صحة ما أقولة الأن وهو عبارة عن سؤال سوف أطرحة عليها وترد علية .
عندكم فى دمياط تعاقدات تمت عام 2004 رسمية وعلى الباب الأول وقام المسئولين فى دمياط فى عام 2007 عند صدور قانون الكادر بالتعاقد مع معلمين جدد على وظيفة معلم مساعد وأخطأوا فى عدم نقل دفعة 2004 على وظيفة معلم مساعد ولذلك كانت الفرصة متاحة للجداد بدخول الإختبارات فى 2008 ولم يدخل دفعة 2004 ليه لأن عقدهم عقد عمل مؤقت ومكنش إتحول لمعلم مساعد بسبب المسئولين فى دمياط عارفة لية عشان يعينم الوسطة وأصحاب النفوذ صح ولا لاء
الحاجة التانية حضرتك مدرسة حاسب ألى مش المفروض مدرس الحاسب الألى دوت يكون خريج تربية . المفروض للأسف تم التعاقد مع خريج كلية التجارة وخريج معهد الحاسب بالزرقا كمدرسين حاسب
إذن السؤال هنا
هل دفعة 2004 هناك من أخذ حقها ولا أيه
ياربت ترد

د.عبدالرحمن المنياوي · #**297** 13-07-2011, 10:40 PM

هتاخد كل حقوقك

عمر مصطفى احمد · #**298** 13-07-2011, 10:55 PM

اقتباس:

المشاركة الأصلية كتبت بواسطة د.عبدالرحمن المنياوي

هتاخد كل حقوقك

اشكرك يا دكتور عبد الرحمن

عصام الفنان · #**299** 14-07-2011, 12:21 AM

أنا من مركز المنيا قرية تلة تعاقد 11/7/2009 بالعقد المميز معلم مساعد يعنى لم اكمل شرط ال3 سنين يا ترى لينا تثبيت على الدرجة الثالثة ولا لأ و يا ترى لينا فى الحد الأدنى .. ولكم جزيل الشكر يا د / عبد الرحمن

مسيواحمدشعبان · #**300** 14-07-2011, 01:11 AM

اقتباس:

المشاركة الأصلية كتبت بواسطة عصام الفنان

أنا من مركز المنيا قرية تلة تعاقد 11/7/2009 بالعقد المميز معلم مساعد يعنى لم اكمل شرط ال3 سنين يا ترى لينا تثبيت على الدرجة الثالثة ولا لأ و يا ترى لينا فى الحد الأدنى .. ولكم جزيل الشكر يا د / عبد الرحمن

لينا تثبيت على الدرجة التالته لحين الوصول الى شهر عشره فأن كان يوجد امتحان كادر هتدخل وتنجح وتكون متعين على مسمى معلم واذا لم يوجد امتحان كادر وكان معك شهادة الدبلومه اذن سيتم تعينك الى معلم بدون امتحان للكادر اما الان سوف يصدر يوم الاحد القادم من المديرية قرار بتثبيت جميع معلمى العقد بتاريخ 2009 على الدرجة الثالثه التخصصيه وده رقمى للأستفسار 0162646382