والله العظيم يا رجالة ويا اخوات برضه لاحسن يكون فيه حد منهن معانا في المنتدى
انا كنت قاعد اسمعه يوميها وهو عمال يضحك على الولية الغلبانة ويكدب عليها ويقولها كده بنفس اللفظ البصمجى اللي معاه محو امية بياخد اول تعيينه 400 و450 جنيه معنى كده ان المش بصمجي بقى ومعاه كليه زي حالالتنا بياخد فوق 600 -700 جنيه دا لو كان صادق .
وبعدين والله العظيم انا من كتر قرفي من الشغل والتعيين كنت باشتغل بالتعاقد بمدة 8 سنوات من ساعة ماخلصت الكلية في التدريس بالحصة ثم التعاقد العادي ابو 100 جنيه وفي الاخر اضطررت اروح اتعين في وظيفة مؤذن بالاوقاف وانا معايا الكلية دار العلوم ومؤهل تربوي امتياز وicdl وماتناو افريكا والتدريب التحويل انجليزي وحاسب الي امتياز وعارفين بقى للي بيقول اقل موظف في الدولة بياخد 500 جنيه عارفين انا باخد كله كام في الاوقاف 250 جنيه مل اللي الواحد بيتحصل عليه في الاوقاف يعني الواحد مش عارف يعمل ايه وعارفين الامام اللي بيشتغل معايا واخد كلية لغة عربية بعد ماخد محو امية ووالله العظيم مابيعرف يقرا زي الناس ولا بيعرف يكتب تعرفوا مرتبه كام ادي 3 مرات يعني بالدروس في المساجد والحوافز ولبلات يعدي 700 وكمان الريس (الله يحميه ) ويجعل مرضه اخر الامراض ان شاء الله انه ولي ذلك والقادر عليه جاب للائمة في مولد النبي اللي فات 250 جنيه زيادة يعني الواحد يروح يموت احسن له وتعرفوا والله العظيم بيشتغل معايا 2 عمال في المسجد اقسم بالله العلي العظيم بصمجية ومع واحد منهم محو امية والتاني لا يعني بيكتبوا اسمهم علشان التوقيع في الدفتر بالعافيه تعرفوا والله بياخدو اكتر مني رغم تعيينا في نفس الساعة قصدي ضمنا في المسجد في الوقت نفسه لانهم متزوجين وانا لسه
يبقى في الاخر الواحدي قول
حسبنا الله ونعم الوكيل في هذه البلد وفي درويش وفي زقزقوق بالمرة واللي وراهم
|
13-04-2010, 11:44 PM
العرض العادي
