احنا كمان بنهزر يا ...............

[Mr.Hani]

[bedo371]

عندكم حق
اللهم انصر الاسلام و اعز المسلمين

[Mr.Hani]

المشاركة الأصلية كتبت بواسطة bedo371

عندكم حق
اللهم انصر الاسلام و اعز المسلمين

اللهم امين

[Mr.Hani]

نظف موبايلك من موبينيل

[تغريد الطيور]

جزاكـ الله خيراً ع المجهود دا

اللهمـ انصر الاسلامـ و المسلمين يآآآآآرب

[أم عمار قائد الأحرار]

دي اقل حاجه تقدم ليك يارسول الله



والله انا فرحت جدا لما كنت بلاقي خطوط مكسوره ومرميه



انا الحمد لله بكره موبينيل لله ف لله الحمد لله يعني



جزاكم اله خير



وحسبنا الله ونعم الوكيل

[marmora alamora]

no mobinil

[ربى الله ليس لى رب سواه]

انا هغير ان شاء الله الخط بس لما اخلص الرصيد

[محمد حسين الشربينى]

اللهم انصر الاسلام و اعز المسلمين

[menna 95]

لالالالالالالالالالالالالالالا لساويرس وكل منتجاته

[NazeeH]

رسالة إلى المنبطحين

أهلاً وسهلاً بكم فى حلقة جديدة من برنامج " غباء أون لين" فى الفقرة دي هنعرض بعض الأفكار العقيمة للمنبطحين..
لو أنت قاعد فى مدرجات الدرجة التالتة هتلقى النادي الأهلي على يمينك ..وهتلقى النادي الزمالك على شمالك..وهتلقى المنبطحين على الأرض إن شاء الله..علشان الإنبطاح لا يكون إلا أرضاً.
تعريف المنبطح: كائن حي يعيش على فضلة خير العلمانيين .. مريض بمرض يسمى" أنا النخبة " وده مرض وهمي..يعني بيخليه يعيش الوهم..فاكر نفسه مفكر..مكتئب..مش عاجبة أي حاجة فى التلاجة..وبيقول أي كلام فى الحمام..دايماً منعكش شعره..أو لابس قميص "بأستيك" هدفه الأول والأخير"الهجوم على الإسلام من خلال الإسلاميين" ماشي بسياسة "متدخلش ده في ده" يعني"متدخلش الدين فى أي حاجة إلا لو كنت هتسبه وتسخر منه فقط" ولو مثلاً هو ماشي زعلان ومتضايق ومش طايق ودانه ولو شخص يقوله: يا عم روق وصلي على النبي..يرد ويقول: متدخلش الدين فى الزعل "....آآه منكم يا بني منبطحين !!!

خرج علينا المنبطحين عاملين من"نجيب باشا" مفكر العصر وداهية العصر وأحسن واحد يلعب بلاى ستيشن وهو مغمض كمان !
قال أيه يا عم الحاج" يقولك أصل نجيب ساويرس نشر صورة –ميكي وميني- وهو متعمد إنه ينشرها " ليه بقى يا علماني منك له ؟
يقولك: (( أصل شركة موبنيل دي مش بتاعت ساويرس ..دي بتاعت شركة فرنسية لها أسهم بنسبة 71.25 % من أسهم موبينيل.. وشركة أوراسكم للإتصالات تملك 20% من أسهم شركة موبينيل )) وكمان بيقولك (( ساويرس بيملك نسبة 51%من أسهم شركة أوراسكم اللي هي مساهمة بـ 20% من شركة موبينيل..يعني أصبحت نسبة ساويرس فى شركة موبينيل 10%بس ))
وبيقولك كمان يا بشمهندس(( وساويرس كان عايز يشتري أسهم أكتر فى شركة موبينيل..قوم أيه بقى؟! راح عمل "صورة ميكي وميني وسخر من الإسلام" علشان الناس تقاطع شركة موبينيل..وبالتالي أسعار الأسهم فى موبينيل تبقى رخيصة..وساويرس يشتريها رخيصة وياخد الشركة برخص التراب ))
وكمان بيقولو(( وبدأت حملة المقاطعة اللي عملها أخواننا المدافعين عن النقاب واللحية وبدأت أسعار أسهم موبينيل فى الإنخفاض وساويرس أشتراها برخص التراب)) طبعاً مع شوية قلة أدب وشتيمة فى المسلمين...انتهى .

رد محمود داود:
ده عند أمه..ولو كلمة "أمه" سوقية شويه " خليها عند مامته .
مصيبتكم يا بني علمان فاكرين أن عندكم عقول جامدة..ولو أني أظن إن عندكم عقول بس "بأقلاب القاف إلى جيم" ويبقى هو ده كلام الناس الجامدين.

أولاً: بيقول ان أسهم الشركة الفرنسية فى شركة موبينيل تقدر بنسبة 71% ..وشركة أوراسكم تملك نسبة 20% من شركة موبينيل .. وبخ .. أيوة بخ كده..فين باقي النسبة؟ يعني 71%+20% = 91% .. فين باقي الـ 100 % ؟؟ يمكن أكلتها الضفدعة ؟ ولا هو زي ما قلت لكم بيقول أي كلام فى الحمام ونسي يقول باقي النسبة؟

ثانياً: بيقول أن دي خطة من ساويرس علشان أسعار أسهم موبينيل تنخفض..وساويرس يشتريها برخص التراب.. يا حلاوة !! ده على أساس ان الناس هتكسر شريحة موبينيل لمدة"أسبوعين" وبعد الأسبوعين يروحوا يشتروا شريحة موبينيل تاني؟! على أساس ان الناس هتحول لشركة "إتصالات" لمدة أسبوع وترجع تحول تاني لشركة موبينيل؟! أنت مبلبع أيه حضرتك؟! شكلك واخد شوب علمانية على الريق وعامل عمايله..يا عزيزي الفاضل يا جميل الشكل والملامح هذه المقاطعة ليست مؤقتة..هذه المقاطعة دائمة..يعني شركة موبينيل ستسقط إلى الأبد إن شاء الله..فلو على حسب كلامك ساويرس هيشترى الأسهم بتاعتها بسعر رخيص..طيب هيبيعها أمتى بسعر أغلى والمقاطعة لسه شغالة؟ أبقى خليه يديلك سهمين تسلك بيهم سنانك ..غباء بلا حدود.

ثالثاً: على حسب كلامك لما الشركة الفرنسية تخسر الأسهم بتاعتها فى شركة موبينيل..هتضطر تبيع الأسهم وتخلع من الشركة...وبما أن شركة موبينيل فى النازل..يا ترى مين هيشترى الأسهم؟! مفيش حد ..يبقى الهيكل والقوام الرئيس للشركة أنضرب..وكل عام وأنت منبطح ومنجيلكش فى حاجة وحشة.

رابعاً: هل تظن أن ساويرس ممكن يضحي بالسياسة وسمعته السياسية والحزب بتاعه مقابل إنه ياخد شركة موبينيل ويشتري فيها أسهم بنسبة أكبر؟! مشكلتكم يا بني علمان إنكم مش عارفين عايزين أيه والله!!
ده ساويرس مستعد يضحي بنصف ثروتة مقابل مستقبلة السياسي..ولا نسيت الفلوس اللي دفعها فى حملة " أركب الحنطور وقول لاء لتعديل الدستور" ولا نسيت ساويرس وهو بيلف ويدور على"الموالد" ويأكل الغلابة علشان ياخد أصواتهم؟ ولا نسيت "خط موبينيل بجنيه وعليه 1000 دقيقة يا بيه بس أديني صورة البطاقة" ولا نسيت عرضه لشراء الأعضاء التأسيسيين للحزب؟! يعني معقولة ساويرس خلاص ضحى بالسياسة مقابل المال؟! قول كلام غير ده يا راجل

خامساً: وفرضاً جدلاً ومجازاً وأعتباطاً أن دي لعبة من ساويرس علشان يشتري باقي أسهم موبينيل بسعر رخيص..يا ترى أيه رأيك فى باقي شركات ساويرس؟ كانت لعبه برضة علشان يخلي باقي شركاته تخسر فى البورصة؟ لأن كل أسهم ساويرس نزلت مش بس أسهم شركة موبينيل..وكمان ليه ساويرس هيطلع"يعتذر" ويقول انا كنت "بهزر"؟! بالعكس دي لو لعبة كان هيسكت ويخلي الناس تتاغظ أكتر وتقاطع أكتر..لكن لما ساويرس يقول"أنا آسف" ربما كلمة أنا آسف ترضي المنبطحين مثلك وعدد المقاطعين يقل..صح كده؟.صدقني ياض يا منبطح انت وهو محتاج الواحد يمسكك ويقعد يرج فيك زي إزازة البيبسي لغاية لما الكازوزة بتاعتك تطير .

سادساً: فرضاً جدلاً ومجازاً وأعتباطاً أن دي لعبة من ساويرس يحط صورة ميكي وميني ويسخر من الإسلام علشان يشتري باقي الاسهم من شركة موبينيل بسعر رخيص جداً...ماشي يا عم الراجل..أنت رضيت يعني إنه يسخر من الإسلام؟! يعني أرتضيت ان ساويرس يسخر من الإسلام و وافقت وقعدت تزغرط له وناقص تتحزم وترقص وتقول"ساويرس عبقري وأديني يا مفتري" للدرجة دي إسلامك سهل وبسيط ورخيص علشان واحد زي ساويرس يسخر منه؟

سابعاً: يا أبو الشباب يا منبطح منك له..دي لو أول مرة يسخر فيها ساويرس من الإسلام هقولك ماشي ممكن تكون لعبة..لكن فى توقيت غير مناسب لإنه داخل معركة سياسية !! لكن دي مش أول مرة يسخر فيها ساويرس من الإسلام للآسف..فاكر لما "شغل فيلم فيه مناظر جنسية على القناة بتاعته؟" فاكر "لما قال ان الحجاب فى مصر هيخلينا نبقى زي إيران" فاكر لما مذيعة قناة ساويرس كانت بتهاجم قرار"منع القُبلات من الإفلام العربي"وبتقول إحنا أتربينا على الأفلام دي-ونعم التربية-وشكلنا هنبقى زي أفغانيستان وإيران" هل كل ده مكنش هجوم على عادات وتقاليد الشعب المصري اللي أستوحاها من الشريعة الإسلامية ؟! يبقى دي عادة من عادات ساويرس وهو أن يسخر من الإسلام..معقولة كل مرة بيسخر فيها من الإسلام يبقى بيعمل فيلم هندي علشان يخلي الأسهم بتاعت موبينيل ترخص ويروح يشتري الباقي منها؟! أصحاب العقول فى راحة....راحة ومش راجعة تاني.

ثامناً: المنبطح بيقول وبدأت الحملة من أخواننا اللي بيدافعوا عن النقاب واللحية...بصراحة لا يشرفنا أن يكون عندنا أخ منبطح مثلك..أخواننا رافعين الرأس..عالين الهمة..نواصيهم شوامخ والعز فيها..معتزين بإسلامهم..لا يعبدون المال..لا ينحوا لغير الله..رجال لا يتعصبون لغير دينهم..لا يدافعون إلا عن الحق..ويكفي إنهم لا ينبطحون أرضاً....أما بالنسبة ليك عزيزي "المنبطح" هو النقاب واللحية دول بتوع مين؟ بتوع السلفيين والأخوان وبس؟ مش رسولك محمد عليه الصلاة والسلام هو اللي علمنا "اللحية؟" مش "القرآن" هو اللي أعطى أمر لزوجات رسولك بأرتداء النقاب؟ لو لم تدافع عن الرسول ولا تحترم أوامر القرآن..فأنت"منافق" سبحان الله قال الله فيكم
وَإِذَا قِيلَ لَهُمْ تَعَالَوْاْ إِلَى مَا أَنزَلَ اللّهُ وَإِلَى الرَّسُولِ رَأَيْتَ الْمُنَافِقِينَ يَصدُّونَ عَنكَ صُدُوداً[النساء : 61]

وأحمل لكم بشرى..ليتكم تتأملون فيها قليلاً:
بَشِّرِ الْمُنَافِقِينَ بِأَنَّ لَهُمْ عَذَاباً أَلِيماً [النساء : 138]
مش عاجبينك اللي بيدافعوا عن النقاب واللحية يا منبطح ؟ على رأي اللي بيقولوا " لو كانت جابت دكر بط كانت دبحته وعملت عليه شُربة " ولكن صدقني دكر البط لا يُسيء للرسول عليه الصلاة والسلام.

تاسعاً: ردد نجيب ساويرس جملة ورددها من بعده المنبطحين ألا وهي"أنا أرفض إختصار الإسلام فى اللحية والنقاب" ..بص بقى يا عم ساويرس..أنت تقبل ولا ترفض رأيك ده تحطه في أقرب شريحة موبينيل وتعطيها لشاب مسلم غيور على دينه يكسرها ويحطها تحت رجله..أما بقى المنبطحين فردي عليهم:
النقاب واللحية هم من الإسلام ومن أهم رموز الإسلام...لماذا؟! بمنتهى البساطة إن رسولك ملتحي..و زوجات رسولك منتقبات...هل تظن إن رسولك ما كان يوحى إليه؟!هل تظن أن الإسلام خاطىء ويفتح للمشككين مجالاً للسخرية لإنه أمر زوجات الرسول بالنقاب؟! وبعدين عجباً لأمركم يا معشر المنبطحين
أيه رأيكم في (عَلم مصر) ؟! آه هتقولي علم جميل وبيرفرف و طويل.
علم مصر هو رمز لمصر.. وإهانة العلم الوطني جريمة يُعَاقِب عليها القانون...بالرغم من كون العَلَم قطعة من القماش.. فهل أختصرنا مصر فى مجرد قطعة من القماش ملونه بثلاثة ألوان وفى وسطها نسر؟!! بالطبع لا..
ونحن لم نختصر الإسلام في"اللحية والنقاب" ولكنهما رموز للإسلام..وإهانتهما من المفروض أن تكون جريمة يعاقب عليها القانون أيضاً..وعزة مصر أتت من عزة الإسلام..ولا تنسوا أن الذين لقنوا اليهود درساً لم ينسوه فى حرب العاشر من رمضان والسادس من أكتوبر عندما كتبوا على علم مصر( الله أكبر) وكانوا يرددونها دائماً أثناء الحرب.....ألحقونا يا جدعان أبطال أكتوبر طلعوا بيدخلوا الدين فى الحرب .

عاشراً: فشل المنبطحين المدافعين عن ساويرس فى إيقاف المقاطعة فقالوا( لما بتحولوا من خط"موبينيل" إلى خط" إتصالات" ده هيفيد شركة موبينيل مادياً لأن شركة موبينيل بتاخد نسبة ) وأنا بقولكم كان غيركم أشطر..لأن التحويل مثلاً من موبينيل لشركة إتصالات بيكون "مجاناً" يبقى شركة موبينيل هتاخد نسبة لما تحول منها لشركة إتصالات؟! وشركة إتصالات هتعملها مجاناً؟!..مش قولتلكم أصحاب العقول في راحة؟!
وكمان أنت بتترك شركة موبينيل نهائي وبتحول مثلاً "لإتصالات" وكل الرصيد اللي بتشحنه طول السنه بيكون إتصالات..يبقى أزاي شركة موبينيل ليها نسبة؟!
وكمان دي إتفاقية بين الشركات الثلاثة"إتصالات , فودافون , موبينيل" ان اللي عايز يحول من أي شبكة للآخرى يحول وبنفس الرقم.

نصيحتي للأبطال المقاطعين :
لا تسمعوا لأحفاد "هدى شعراوي" وأحفاد"أتاتورك" الصراخ على قدر الآلم..
ساويرس الآن يصرخ من المقاطعة..إنشروها..عمموها..مش هتسب رسولنا بفلوسنا يا ساويرس..
و الثوار لم يثوروا ضد الإسلام بل ثاروا ضد الطغيان..ولا عزاء للمنبطحين.

كتبه : محمود داود – ميمو

نقلاً عن شبكة المخلص

[NazeeH]

صاعقة .. التحقيقات تكشف : مذيع قناة ساويرس يحمل قنبلة عليها نجمة داود لتصويرها والادعاء أن الشرطة كانت تلقيها على المتظاهرين




كشف اللواء محسن مراد مساعد أول وزير الداخلية لأمن القاهرة للجمهورية عن أخطر مخطط يتعرض له جهاز الشرطة من خلال بلاغ تقدم به أربعة من شباب الثوار بميدان التحرير.


أكد اللواء محسن مراد أنه يتقدم بخالص الشكر لهؤلاء الثوار الذين استطاعوا كشف هذا المخطط الخطير.



وقال إن قسم شرطة قصر النيل تلقي بلاغا من أمين محمد عطية "بكالوريوس تجارة" وعبدالمنعم متولي "منجد" وشاذلي جابر "دبلوم صنايع" وخالد غنيم محمد "مترجم" وهم من شبال الثورة بالتحرير بأنهم شاهدوا "قناة فضائية" تقوم بالتصوير داخل الميدان وان المذيع يحمل قنبلة عليها نجمة إسرائيل وأمامه أحد الأشخاص زاعما انه مواطن مصري ويقوم بتلقينه ان الشرطة هي التي ألقت هذه القنبلة في اليوم السابق أثناء المشاجرات بالميدان وان يقول إن الشرطة أطلقت قنابل غاز محرمة دوليا ومصنعة في إسرائيل لتحريض المواطنين ضد جهاز الشرطة وعندما تقدم الثوار الأربعة من المذيع أثناء تلقينه لهذا الشخص وقالوا له إن الشرطة لم تكن متواجدة بالميدان وقت الأحداث ولا يصح ان تقول هذا وانك تثير الفتنة..

نهرهم المذيع وقال لهم: اتركوني أسجل فشك الثوار الأربعة في المذيع وطاقم التصوير وأكدوا ان هناك شيئا مريبا وراء هذه الواقعة فاعتدوا علي المذيع فحمل مع طاقم التصوير الكاميرات وأسرعوا بصحبة الشخص الذي كان يتم تلقينه واستقلوا سيارة ميكروباص بيضاء تويوتا وفروا من الميدان.



تمكن الثوار من التقاط رقم السيارة وتحمل لوحات "7146 - أ.س" وقام اللواء محسن مراد علي الفور بالكشف عن أرقام اللوحات وتبين انها تخص مكتب المختار للرحلات بزاوية أبومسلم بالجيزة وتم إخطار قسم الهرم لاستدعاء سائق السيارة وتبين ان اسمه عمرو عبدالمنعم عيسوي والسيارة تتبع شركة المختار للرحلات وان طاقم قناة " أون تي في " التابعة لنجيب ساويرس استأجر السيارة لمدة أسبوع ويعمل السائق معهم ويتكون طاقم القناة من محمد حمدي ومارتن جرجس.



وقال السائق إن الطاقم قام أمس بالتردد إلي شارع طلعت حرب وصعدوا إلي مقر حزب الغد ثم نزلوا من مقر الحزب إلي الميدان ووقفوا بالمكان الذي كانوا ينوون التصوير فيه مع الشخص الذي قاموا بتلقينه ما يقول وعندما هاجم الثوار وانكشف أمرهم طلبوا من السائق الفرار بهم من الميدان.


وقال اللواء مراد إنه تم تحرير محضر بالواقعة وأرسل مع السائق إلي النيابة للتصرف فيه ومازال التحقيق جاريا.
وأكد اللواء محسن مراد انه فخور بأداء الثوار لرفضهم المؤامرات ضد جهاز الشرطة رغم انتقاداتهم للجهاز وقال إن شباب الثورة أعلوا المصلحة العليا للوطن فوق كل الخلافات والاعتبارات وكشفوا مخططا خطيرا للإساءة المتعمدة لجهاز الشرطة ومحاولة الوقيعة بين الشرطة والشعب وحرروا محضرا بما شاهدوه.


وقال اللواء مراد إنه استكمالا للمخطط الخطير قامت جريدة "اليوم السابع" بنشر هذا الادعاء علي ما يقرب من نصف صفحة مدعية ان الشرطة تطلق قنابل مسيلة للدموع مستوردة من إسرائيل مما يؤكد وجود مؤامرة مكتملة الأركان تشارك فيها بعض الفضائيات والصحف للإساءة للشرطة ويجب ألا نغفل أقوال السائق بأن طاقم القناة صعد قبل التصوير إلي مقر حزب الغد

[NazeeH]

للاسف الشديد هناك من يثق فى مثل هذه القنوات ولا يعرف الدوافع التى خلفها
وخاصة اون تى لن انسي مشهد مذيعة القناة ريم مـاجد حينما كانت تعلن نتيجة الاستفتاء كانت تكاد تبكى
لان النتيجة قد صعقتها لم تستطيع تلك المذيعة ان تدارى او تستعمل الذكاء كى لا تنكشف حقيقتها وحقيقة ما تدعو له القناة الساويرسية

فانا لا اشك ان القناة تفعل اكثر من ذلك لارضاء سيدها وتنفيذ مخططه القذر

ريم ماجد هى اداءة فى يد ساويرس

بل اشد منه كراهية لهذا البلد واهله

يا رب احمى مصر

[مروه]

جزاك الله خير على الموضوع

اللهم أعز الإسلام والمسلمين يارب

[Mr.Hani]