مش انا اكتشفت ان معانا كفرة في المنتدي مش مصدق طيب ادخل و هتعرف اني مش بكدب عليك

[Sherif Elkhodary]

بسم الله الرحمن الرحيم

أحبتى فى الله الحمد لله والصلاه والسلام على سيدنا محمد وأله وصحبه اجميعن
فإن شر الأمور محدثاتها وكل محدثه بدعة وكل بدعة ضلاله وكل ضلالة فى النار
ثم أما بعد
اليوم بمشيئه الله وددت التحدث فى موضوع هام وشعرت من الضرورة
ان أذكركم ونفسى به قال تعالى " وذكر فإن الذكرى تنفع المؤمنين " صدق الله العظيم

لـمـاذا لا تـصـلـي ؟؟(كمل مش ده الموضوع اللي انت شوفته قبل كده في القسم من شهرين )
(و الله لا اريد منكم غير اجابة )
طيب حد يرد عليا و ننهي الموضوع علي كده
علي العموم سالت اصحاب كتير و ناس كتير كانت الاجابةتتلخص كالاتي
- تعبت جدا كنت بادي صح و ملتزم اوي و بعدين تعبت ورجعت تاني
- شايف ان الصلاة ضياع وقت ليا كتير
- ما انا بصلي بس بقطع مش كتير اوي
- بنسي كتير الصلاة
- (المصيبة الكبري ) لا لا انا بصلي
وهي فين المصيبة دي ؟؟؟
هقولك ولابلاش
هي مكتوبة تحت اقرا الموضوع علشان تعرف

اولا عاوز حد يعرفلي الصلاة
مين ؟؟؟؟
ماشي الصلاة هي ركن من اركان الاسلام
تمام
هي اول مايحاسب عليه الفرد يو القيامة
قال رسول الله صلى الله عليه وسلم : (( إن أول ما يحاسب به العبد يوم القيامة من عمله صلاته ، فإن صحت فقد افلح وانجح ، وإن فسدت فقد خاب وخسر ،,,,) صدقت يا رسول الله عن حديث طويل
تمام
هي و هي وهي
ماشي تمام
انا هرد علي كل واحد من اللي فوق دول
اول واحد تعب يعيني من الصلاة
متعبش من قعدة النت
متعبش من اللف في الشوارع من البنات
متعبش مع العيال الصايعة اللي بيمشي معاهم
لا تعب من الصلاة
طيب
تعرفوا يعني ايه تعب من الصلاة
يعني خلاص ياس و قنط من رحمة الله _ و العياذ بالله _
عاوز بس اقولك حاجة

تذكر قول الله عز وجل " إن الله لا يضيع أجر من أحسن عملا "

تعرف معني الاية دي ايه
يعني انا بصلي و مش لاقي اي نتيجة مش لاقي اي حاجة
لا يا اخي و الله
اعلم تمام ان الله يكتب لك لكل عمل اجره
اسجد لله و اعبد الله و ستجد اجرك
حتى ولو فرض ولو لم تتوفق فى الصلاة
حاول مفيش حاجة اسمها انك تسيب الصلاة نهائي
- يا عم بقولك تعبت تعبت
مفيش حاجة اسمها تعبت
معاك انك ممكن تكون في اي حاجة الا الصلاة و عبادة ربنا
خلاص ماشي ايئس من رحمة الله موافق بس علي شرط
توافق انه يتقال عليك كافر و العياذ بالله
و الكافر لا يدفن في مقابر المسلمين
- كافر ؟؟؟!!!!
قال تعالى " إنه لا ييأس من روح الله إلا القوم الكافرون"

النبي صلى الله عليه وسلم وصف تارك الصلاة بالكفر ؟ ... قال رسول الله صلى الله عليه وسلم : (( بين الرجل وبين الكفر ترك الصلاة )) .

ماشي و لنفرض اللي هيقرا الموضوع ده مش من النوع الاول

النوع التاني
شايف ان الصلاة ضياع وقت ليا كتير

ده بقا واحد مقرب ليا علي فكرة
ده بقا انا وقفت قدامه قولتله اتقي الله و كدت ان ابكي
الصلاة ضياع وقت
الصلاة ؟؟؟؟
عبادة الله ضياع في وقت
طيب قولي وقتك بتقضيه ازاي
؟؟؟؟
اقولك انا مع الشلة الصايعة و مع و مع و مع
ها ده مش ضياع وقت
اتقي الله اخي الكريم
اتقي الله

النوع الثالث و ده اكتر نوع بكره جدا من الناس
- ما انا بصلي بس بقطع مش كتير اوي
التزم بعبادة الله عز وجل
ثم تركها
اعوذ بالله

النوع الرابع
بنسي كتير
نسي عبادة ربه
تارك الصلاة مع المجرمين في جهنم ؟ ... قال تعالى : (( كل نفس بما كسبت رهينة إلا اصحاب اليمين في جنات يتساءلون عن المجرمين ما سلككم في سقر؟ قالوا لم نكن من المصلين))

النوع الخامس

- (المصيبة الكبري ) لا لا انا بصلي

امم و هي فين المصيبة يا عم
انت خليتها مصيبة وخلاص
- انا و الله مش بعمل مصايب ولا حاجة
اقولك فين المصيبة
البيه بيصلي في مواعيده
- وماله يا عم
اقولك انا بقا
الباشا بيصلي و بيخرج مع بنات و بيشرب سجاير و مع الشلة الصايعة و مع و مع
و ده حكمه ايه
حاجة بسيطة خالص ذكرها الله تعالى في قوله : " إن الصلاة تنهى عن الفحشاء والمنكر
و من لا تنهاه صلاته عن الفحشاء و المنكر فلاصلاة له
و بالتالي هيكون كافر لانه لا صلاة له
شوفتوا بقا انها المصيبة الكبري

( مع العلم اني لو سالتك قدام اصحابك هتقولي بصلي و تكدب في سبيل انك متتحرجش)
ممكن بقا تجاوبني

لماذا لا تصلي ؟؟

في انتظار الاجابة ان شاء الله .