(((___مشاكل طلاب الثانوية العامة___)))

[noraaaam]

السلام عليكم

إزيكم ياجماعه يارب تكونوا كلكم بخير

أنا لسة سنة تانية ثانوي

أنا عاوز بجد نصايح من إخواتي هنا

علشان إحنا دلوقتي داخلين على شهر إتنين (يعني بداية الجد)

أنا مواعيد دروسي

السبتوالإتينين والأربع/إنجليزي....فرنساوى....عربي....كيمياء عضوية.....رياضيات
الأحدوالثلاثاء والخميس/كيمياء عامة ورياضة

أيام السبت الدروس بتبدأ الساعة 11وبتنتهي الساعه 6ونص

أيام الأحد..الدروس بتبتدي7وبتنتهي 10

ياريت ياجماعه بس تقولولي المذاكرة تبقى نظامها إية ؟؟؟

ومواعيد النوم لآني متلخبطة جدا ومش عارفة إية الصح و إية الغلط

مستنياكو

[د/نداء الجنة المصرية]

المشاركة الأصلية كتبت بواسطة noraaaam

السلام عليكم

إزيكم ياجماعه يارب تكونوا كلكم بخير

أنا لسة سنة تانية ثانوي

أنا عاوز بجد نصايح من إخواتي هنا

علشان إحنا دلوقتي داخلين على شهر إتنين (يعني بداية الجد)

أنا مواعيد دروسي

السبتوالإتينين والأربع/إنجليزي....فرنساوى....عربي....كيمياء عضوية.....رياضيات
الأحدوالثلاثاء والخميس/كيمياء عامة ورياضة

أيام السبت الدروس بتبدأ الساعة 11وبتنتهي الساعه 6ونص

أيام الأحد..الدروس بتبتدي7وبتنتهي 10

ياريت ياجماعه بس تقولولي المذاكرة تبقى نظامها إية ؟؟؟

ومواعيد النوم لآني متلخبطة جدا ومش عارفة إية الصح و إية الغلط

مستنياكو

كل ده لازم تحدديه بنفسك واهم حاجة بس تركزى الفترة دى وتشدى حيلك وبالنسبة للنوم فبصراحة هو الصح النوم على10كده وتصحى5تقريبا بس انا برتاح اكتر فى السهر وده برضه يرجع ليكى وربنا يوفقنا كلناان شاء الله

[ssara mostafa]

المشاركة الأصلية كتبت بواسطة dr.saeed

السلام عليكم ورحمة الله وبركاته

اولا ازيكم يا جماعة عاملين ايه؟
يارب تكونوا دايما بخير
دلوقتى بأذن الله احنا داخلين على عام او اعوام دراسية جديدة بمعنى اصح
المهم طبعا اى طالب فى الثانوية العامة بتقابله مشاكل دراسية كتير طوال السنة
مثلا زى موضوع النوم فى شهر اربعة وخمسة
المادة مثلا دى معلقة معاه فى حاجة
المادة دى هربت من ايده مرة واحدة
او مثلا مش عارف ازاى يذاكر المادة دى
او المادة دى حاسس انه بطريقته دى مش هايعرف يقفلها وعاوز نصيحة فيها
او بعد ما كان ماشى كويس وقف شوية
او حصلتله ظروف عطلته اثناء دراسته وعاوز يرجع زى ماكان
طبعا انا كنت طالب فى الثانوية العامة زيى زيكم
وكانت بتحصلى مشاكل بتعترضنى
وأكيد كان الى اكبر منى بيفيدنى
المهم
طبعا فيه ناس بدأت بالفعل الدروس والمذاكرة
الى عنده اى مشكلة فى الثانوية العامة
او عنده مشاكل دراسية معينة
يتفضل يحطها هنا
عشان اولا ممكن بسهولة تكون المشكلة عند واحد غيرك
او تعترضه بعدين
فبكدة يستفاد الجميع
ويكون الموضوع لامم شوية مشاكل الثانوية العامة
منتظر بأذن الله رد ميس رانيا حسن
ومستنى ايضا اى مشكلة تعترضكم
ونرجوا التعاون من الجميع
حتى يتم تحقيق اكبر عون لجميع الطلبة بأذن الله

فى امان الله

جزاكم الله خيرا على هذه الفكره الرائعة وسؤالى هو أنا طالبة فى الصف الأول الثانوى وعايزه أعرف الأفضل بالنسبه لى أختار كيمياء أم أحياء فى الصف الثانى الثانوى؟؟؟ لأننى فى حيرة وخوف شديد أرجو الرد وجزاكم الله خيرا مرة ثانية بالله عليكم لاتنسونا بصالح الدعاء

[SaElDeeb]

السلاااام علييكم
أزيكم يا جمااعة انا بجد تايهة جدا و محتاجة مساعدة
انا ف سنة تالتة علمى رياضة و جايبة 97% الحمد لله .. بس سنة 3 بجد مش ذى 2 خاالص

اولا مواعيد دروسي ملغبطة جداااااااااااا لانى باخد درسين فى الرياضة و تلاتة فى الفيزيا انا عارفه انهم كتير بس هسيب مستر فيزيا فيهم بعد ما يخلص كهربية يعنى بعد اسبوعين كدا باذن الله

عندى يوم السبت من 12 و نص : 2 .. و 4 : 5 و نص .. و 9 و نص : 11 ! .. رياضة و رياضة و فيزيا
الاحد 2 .. و 4 .. و 8 و نص .. علم نفس و فيزيا و انجلش
الاثنين 1 .. و 2 و نص .. و 6 .. عربى و رياضة و فيزيا
الثلاثاء 1 : 2 و نص .. و 4 ... و 9 و نص : 11 .. رياضة و فيزيا و فيزيا
الاربعاء 2 و نص .. و 4 .. و 8 و نص .. فيزيا و رياضة و انجلش
الخميس 1 .. و 3 .. و 6 .. عربى و علم نفس و فيزيا

و صعب اغير المواعيد دى و حتى لو اتغيرت مش هتفرق كتير
ايام كتير برجع تعبانة من الدروس و افتح نت او انام و خلص اليوم على كدا
و مش بعرف اذاكر بين الدروس خالص!

ثانيا الفيزيا حاسة ان كل باب ليه شخصيته المستقلة فى مذاكرته! و بتاخد منى وقت كبير لما بذاكرها .. انا الى حد ما كنت بذاكر أول بأول بس مش بعرف (ألِم) فبالتالى مش بمتحن خالص .. و لو سمحتو عايزة اعرف اذاكر كل وحدة ازاى؟!

ثالثا العربى و علم النفس مطنشاهم جداا مش بذاكرهم غير كل فين و فين على اساس انى هلمهم فى الاخر ذى ما عملت فى العربى السنة الى فاتت و الحمد لله ربنا ستر و نقصت نص درجة الحمد لله .. يا تري هينفع يتلمو فى الاخر ولا ايه؟؟

رابعا بخاف امتحن جداا مش بروح امتحان الا لما اكون حارتة يعنى لو مذاكرة مذاكرة عادية مش بروح .. مبحبش اروح الا و انا ضامنة الفول مارك .. عشان كدا ما امتحنتش غير امتحان واحد بس فى كل المواد من أول السنة (صدق او لا تصدق) , ما عدا الانجلش بمتحنه كتير .. مع انى غالبا ببقا مذاكرة الى جاى فى الامتحان بس بخاف اروح

خامسا اليومين دول بقا عندى كسل فظييييييييييييييييييييييييييييييييع بعد الحمد لله ما كنت ماشية كويس .. بقالى من قبل الاجازة بأسبوع مبفتحش كتاب و نفسي مقفولة من المذاكرة جدا حتى مش بحل واجبات! محدش يقوللى افتكرى هدفك و بتاع لان الحكاية دى منفعتش .. حتى مع عقاب اهلى و المدرسين أو تشجيعهم .. انا بجد مش عارفة مالى انا مكنتش كدا! أنا بقيت اكبر عقبة ل نفسي من الاخر!

حاسة انى هضيع مجموعى بالله عليكم ساعدونى و أنا اسفة انى صدعتكم

[dawoo]

انا مشكلتي ملهاش حل ومش عارف اعميل اة...........انا في تلتا وعايز اخوش حربية ومجموع الكلية الحربية 60 % ونا عشان اجيب السنادي 60% لازم اجيب السنادي 80% وهي دة باة المشكلة انا مزكرتش في تانية خالص فطبعن جبيت 46.50% ونا طبعن دمان ندم كبير وبزاكير السنادي وعمليت كيل شئ يتعمل في المزكرة ونا بجيد خايف جدان ومش عاريف اعميل عشان اجيب 80% السنادي.....فيرات لو حد يقدر يساعدني يتصيل بيا علي موبيلي 01127063369 وجزاكم اللة كل خير

[سحر الدنيا]

المشاركة الأصلية كتبت بواسطة bosy .. Mostafa

بسم الله الرحمن الرحيم
ساره
مبروك يا قمر للمجموع العثل ده .. ماشاء الله .. الله اكبر مجموعك جميل
و جزاك الله خيراً للنصيحه
بس انا الكيميا كنت فاهماها اكتر مني حفظاها.. لإن الحفظ كنت بس بعتمد عليه في المعادلات
انا يا بنتي لما رحت شفت ورقتي في التلظم كان المفروض اجيب 48.5 بس كانت غلطه في الجمع
المهم يا بنتي انا غلطت في حاجات تافهه اوي و حليت الصعب و دي مشكله عندي
يعني يوم لما الامتحان بييجي صعب احله و ده اللي حصل معايا في الرياضه لما الامتحان جه صعب قفلته
لإني طول عمري بحل الحاجات المعقده بعد ما ادرب نفسي عالسهل
بس الأحياء دي حفظ اكتر منها فهم انا اعرف كده
لإنها حاجه واضحه يعني عمليه بتحدث في جسم الإنسان زي التنفس مثلاً دي حاجه نو واي انها تتغير
انا فعلاً الأحياء حصه واحده و المستر بتاعي ده كان اخويا بياخد معاه و جاب 50 و برضو اخت زميلتي اللي كانت بتاخد معاه جابت 50 في الأحياء .. العبره مش بعدد الحصص
انا داخله سنه تالته و مش عارفه مهزوزه اوي كده ليه .. و مش عندي نفس الحماس و الإراده اللي كانت عندي السنه اللي فاتت .. حاسه اني مش راح افتح كتاب .. مش عارفه ازاي اتغلب عالإحساس ده ..
كل لما افكر ان فاضل بس 12 يوم و ابدأ دروس .. بحس ان فيه حاجه مضيقاني كده و عايزه انتحر قبلها !!
بس هو ايه الغرفه الصوتيه دي .. و بتبقى الساعه كام ولا ايه نظامها
معلهش اصلي اول مره اسمع عنها ..
و أنا آسفه للإطاله
و بجد شكراً لنصيحتك اوي اوي يا حبيبتي ربنا مايحرمنيش منك يا عسل

عايزه اعرف اسم مستر الاحياء؟ وبيدى فين

[رفيقة الامل]

موضوع جميل

[ةخاشةثي mahmoud]

المشاركة الأصلية كتبت بواسطة dr.ahmed91

انا ممكن اساعدك بعد اذن الدكتور سعيد

الحمد لله انا لسه مخلص ثانوية عامة ودخلت الكلية

انا نظامي طبعا في تانية كان متظبط على الاخر

لكن في تالته الدروس زادت والوقت قل

انا اقولك على الايام اللي مكنتش بروح فيها المدرسة ودي كتيررررررررررر جداااا

ودي غالبا بتبقبى من بداية شهر 12 لحد نهاية السنة

كنت اعمل ايه انا؟؟؟؟؟؟؟؟؟

انا كنت اقوم اصلي الفجر وكانت الساعة تبقى 5 على حسب

وابدأ مذاكرة من الساعة 6 تقريبا

شوفي كمية الوقت الكتير

من الساعة 6 لحد الساعة 10 بليل وانام بدري طبعا

يعني عندك 16 ساعة

شيلي منهم وقت الاكل والصلاة والدروس حيطلعلك 10 ساعات
وده في شهر زي 3 او 4 انما 5 و6 فال16 ساعة كلهم مذاكرة

طب نيجي للأيام اللي فيها مدرسة؟؟؟

كنت اخلص مدرسة الساعة 12 او 1

ويبقى عندي درس الساعة 7 او 8

اقعد اذاكر واخلص الواجبات طبعا

لأن المدرسين في تالته بيبقوا خنقة خصوصا احياء وفيزياء

فمثلا نظامي كان كده

يوم السبت عربي
والاحد والاربعاء احياء
والاتنين والخميس فيزياء
والتلاتاء انجليزي

نغض البصر شوية عن الاقتصاد والاحصاء لأنك غالبا مش حتاخديها طبعا رغم انها سهلة جداا

كنت اعمل ايه؟

اذاكر عربي يوم التلاتاء ( لو كتير) والجمعة بليل وقبل الدرس يوم السبت

الانجليزي يوم الجمعه او السبت واراجع قبل الدرس

الاحياء اليومين بتوع الدرس كلهم في الايام بتاعت المدارس او نصهم لو مفيش
زائد كمان وقت تاني اذاكر فيه وده غالبا كان بيبقى السبت والتلاتاء للأحياء
لأنك صعب تذاكريها اول مرة قبل الدرس

اما الفيزياء فاليومين بتوع الدرس برضه زائد وقت تاني بس الاحياء كانت بتاخد وقت اكتر بالنسبة لي عشان كده تلاقي فرق درجات واسع بين المادتين 49 ونصف و44 ونصف

اعمل جدول مذاكرة؟؟؟ انا حعمل ايه بكره. اه واجب كذا ومراجعة ده وحفظ ده

نظمي وقت الدروس وياريت تبقى الصبح بدري في شهر 3 للاخر يعني الساعة 9 او 10

وايام المدارس تبقى بعد المدرسة بساعتين تلاته كده

عشان المادة اللي درسها بليل زي 8 و9 بتاخد اليوم كله

واللي بتبقى 6 او 5 بتقطع اليوم من نصه

اي استفسار الدكاترة موجودين

انا عندى الفيزياء يوم واحد فى الاسبوع دا عادى

[asooamr]

لو سامحتى حد يساعدنى انا فى علمى رياضه وبحس كتير بالملل وانى مش عايزه اذاكر وعندى دروس طول الاسبوع ماعدا يوم الاتنين ومواعيد الدروس مختلفه خالص فانا عايزه حد يساعدنى لانى كنت الاول بذاكر بجد بس دلوقتى لا خالص بقيت بنسى كل حاجه فانا عايزه جدول دلوقتى امش عليه بحيث انا نفسى احقق امل والدتى اللى نفسها تشوفنى مهندسه انا دلوقتى دروسى يعنى عندى
كيمياء يوم الجمعه الساعه 10 الصبح
فيزياء يوم السبت الساعه 7 الصبح
الفرنساوى والرياضه من الساعه 12-2ونص فرنساوى ومن الساعه4للساعه 7 رياضه
العربى يوم الثلاثاء الساعه2الظهر
رياضه يوم الاربعاء الساعه 4الى 7مساءا
الانجليزى يوم الخميس الساعه 11الى 2