اى حد داخل هندسه الازهر بنات القاهره يتفضل بالدخول لو سمحتم - الصفحة 35

م.الزعيم · #**511** 07-09-2010, 05:27 PM

لا حظت ان كثير من الاخوة بيسئلونى عن قسم كهربا فقررت اعمل الموضوع فى صورة سؤال وجواب يمكن اقدر افيد اخواتى فى المنتدى

س- ما هو أفضل الاقسام؟

السؤال ده غلط لان أفضل الاقسام عملية متفاوتة فقد يكون قسم افضل بالنسبة لشخص وفى نفس الوقت سيىء بالنسبة لشخص اخر. ولكن قد نسئل السؤال بطريقة أخرى

س- كيف اختار القسم وخصوصا مع كثرة الاوقاويل؟

اختيار القسم امر مهم جدا ويحتاج الى تركيز واتخاذ قرار سليم ويوجد نوعين من الطلبة

1-طالب داخل هندسة علشان قسم معين فهذا لاتواجه مشكلة اختيار الاقسام

2-طالب زى حالتنا مكنتش متوقع هندسة بس ربنا قدر ودخلها ونجح فى اعدادى. وده نقول له النصايح الاتية

أ‌-اختار القسم المناسب ليك .بمعنى ان كانت لك رغبة فى الرسم وتملك خيالا واسعا ولاحظت تفوقك فى مادة الرسم والوصفة ولم تكن محب للرياضة فيمكن ان تختار (ميكانيكا او عمارة او مد نى او تخطيط)

ب‌-حاول ان تنظر الى الامام بالنسبة لك هل تعرف مجالا متاحا لك بعد النتهاء من الكلية .بمعنى قريب لك يمكنه مساعدتك بعد التخرج فحاول دخول القسم المناسب لهذا المجال

ت‌-لا يوجد قسم سيىء او غير مرغوب يجب ان يكون بداخلك ان القسم الذى ستدخله هو افضل الاقسام

س- ما هى مميزات قسم كهربا؟

قسم كهربا يحتل المرتبة الثانية وفى بعض الاحيان الاولى عن قسم بترول وتعديين وهذا وان دل فانما يدل على كثرة الراغبين فى القسم للاسباب التالية

1-مجال كهربا بعد التخرج مجال مفتوح ومع تطور اى بلد لا بد من تطوير قطاع الكهربا

2-بعض من الطلبة لايحبون الرسم لذالك يدخلون كهربا لان الرسم فيها ترم واحد فقط وهو رسم بسيط (مسامير)

3-سهولة المواد الدراسية نسبيا بالنسبة لميكانيكا ( ليس معنى هذا السهولة المطلقة)

4-يتم دراسة الرياضة سنتين فى القسم وليست رياضة صعبة

س- ماهى المواد التى يتم دراستها فى القسم؟

اول سنتين فى القسم ليس لهم علاقة بكهربا شوية رياضة على مادة من مدنى ومادة من ميكانيكا ورسم ودوائر كهربية و 000

يمكن او ارتباط بالواق يكون فى سنة ثالثة ومن احد عيوب القسم او بمعنى اصح عيوب التعليم فى مصر ليس له علاقة بالواقع

يمكن دى الاسئلة الشائعة اللى تذكرتها لو فيه حد عندو اسئلة ياريت يسئل ونقدر نخدم بعض

معلومة مهمة موضوع الشغل والفلوس ده بايد ربنا بلاش تشغل نفسك بيه اعمل اللى عليك واختار الاصلح ليك واترك الامور للمولى عزوجل

اتمنى ان الناس تستفاد وياريت لو حد عندو سؤال يسئل وانا هجاوب على قد معلوماتى

eng refa3y · #**512** 07-09-2010, 10:02 PM

جزاك الله خيرا

حمد لله على السلامه الاول
كفاره ياراجل

علي ابو حجر · #**513** 08-09-2010, 02:41 AM

جزاك الله خيرا يابشمهندس الزعيم
ربنا يجعله في ميزان حسناتك
وعايزين نتفاعل اكتر

لو حد عنده معلومه عن تنسيق الاقسام السنه دي يقولنا وجزاكم الله خيرا

م.الزعيم · #**514** 08-09-2010, 02:51 AM

رفاعى باشا هههههههههههه كفارة انت ياعم
م. على اعتقد ان المفروض ورقى الاقسام اتعلقت والمفروض ان الجميع يكون عرف قسمه
بجد الناس هنا وحشتنى
ويلا الكل يستعد الدراسة هتبدا والتعب هيرجع تانى

eng refa3y · #**515** 08-09-2010, 01:08 PM

اه هتبدا
الواحد كان نايم واكل شارب لاعب خارج قاعد براحته
جينا بقى للصحيان البدرى و المذاكره

ههههههههههههه
بفضفض مع نفسى

علي ابو حجر · #**516** 08-09-2010, 02:22 PM

تنسيق الاقسام امتي
لحد دلوقتي لسة مظهرش
هندسة الازهر القاهرة
ربنا يوفقنا جميعا
وكل سنة وانتم طيبين بمناسبة عيد الفطر المبارك اعاده الله علي الامة الاسلامية بخير
وجزاكم الله خيرا

ياريت لو حد قريب علي الكلية يشوف لنا التنسيق بتاع الاقسام

eng refa3y · #**517** 08-09-2010, 05:11 PM

وانت طيب ياعلى ابو حجر
الحقيقه معرفش النسيق امتى
بس هانت
بعد العيد بقى وعليك خير
واول اسبوع بيكون اسبوع التحويلات للى عايزين يحولوا

وربنا يوفقنا كلنا يارب

yasssmine · #**518** 09-09-2010, 05:17 PM

ازيكم جميعا وكل سنه وانتم بخير ويا رب يكون عيد سعيد عليكم وعلينا
حمد لله على السلامه يا بشمهندس جاد ايه بس ال زعلك مننا وخلاك تزعل مننا كده اكيد البشمهندس رفاعى ههههه بهزر طبعا
حصل خير وشكر على المعلومات دى
ايه يا بشمهندس رفاعى مالك كل ده من الدراسه لما انت تعمل كده امال ال لسه داخلين يعملو ايه ربنا معاهم ومعانا ومره تانيه كا سنه وانتم طيبين وما تنسوش العيديه بتاعى مش هتنازل عنها

م.الزعيم · #**519** 10-09-2010, 04:01 PM

كل السنة والاخوة كلهم بخير
انا مقدرش ازعل منكم لانكم اخواتى بس انتوا عارفين ان الوقت فى رمضان بيعدى بسرعة
المهم الحياة هترجع تانى والدراسة هترجع
مكدبش عليكم انا زهقت من موضوع الدراسة ده يارب تكون اخر سنة علشان انا خلاص فعلا جبت اخرى
ادعوا ليا ياجماعة انا فعلا محتاج دوعاؤكم
كل عام وانتم بخير

eng refa3y · #**520** 11-09-2010, 07:37 PM

كل سنه وانتم طيبيين ياجماعه
انا جيت متأخر بقى
فين عيديتى

مخدتش

م.الزعيم · #**521** 11-09-2010, 10:57 PM

عيدية ايه ياعمى رفاعى
ايه الطمع اللى انت فيه ده
هو احنا لاقيين حد يقول لينا كل سنة وانتوا طيبين
مش عارف انا عندى احساس غريب ياحج رفاعى
البنات فى اليومين بتوع العيد بيتغيروا؟ انت فاهمنى ولا فاهمنى؟
انا ياعم حبست نفسى فى البيت ولا انت رايك ايه؟

محمد(o) · #**522** 12-09-2010, 09:43 AM

كل سنه وانتوا طيبين وعيد سعيد عليكم
ربنا يوفقكم ويكرمكم

الدراسه هتبدئ شدوا حيلكم بئه
ربنا يوفقكم

eng refa3y · #**523** 12-09-2010, 04:57 PM

ههههههههههههههههههههههههههه
لو محدش قالهالك قولها انت لنفسك

يابنى دول ظهروا فى رمضان بطريقه فظيعه
والالوان بقى واقولكش

عايزهم فى العيد يبقوا عاملين ازاى ياعنى

انا كمان مخرجتش
اتمشيت فى المنطقه بتاعتنا دى وخلاص على كده

بس محبست نفسى يعنى ليييييييييييييييه يعنى
بس هو الواحد كانت نفسه مقفوله اليومين دول

او يانى زى متقول كنت مخنوق شويه
ماعلينا

محمد(o)
وانت طيب ويارب يكون كان عيد سعيد عليك

وربنا يوفقنا يارب

علي ابو حجر · #**524** 15-09-2010, 02:52 PM

السلام عليكم
انا عندي سؤال ياشباب
بعد ظهور نتيجة الاقسام في القاهرة
بيكون ممكن التحويل من القاهرة الي قنا
وجزاكم الله خيرا

dr.saly · #**525** 16-09-2010, 03:32 PM

السلام عليكم
انا سالى ان شاء الله داخلة هندسة القاهرة دى اول سنة ليا
ممكن اعرف الدراسة فى الكلية حتبدأ امتى