اعتصام جميع المعلمين الغير مثبتين علي مستوي الجمهورية . نبدأ بالدقهلية..ارجو التثبيت

[القلوب النيره]

الى الاخ m_adel_143 هام وضرورى
هوالميعاد يوم الاربعاء 1 فبراير 2012 كلنا متفقين على هذا الميعاد ومعلهش خلاف
الخلاف على المكان هنقف فين بالضبط عند مبنى المحافظه فى المنصوره ولا امام مديرية التربية والتعليم بالدقهليه ليه ادخل على هذا الرابط رابط معلمى الحصه بالدقهليه sk=wall&filter=12[/URL] وياريت نتفق على مكان محدد علشان متفرقش وتقولى هتعمل ايه

[m_adel_143]

المكان امام المحافظة ده آخر مكان ...


وياريت نعرف الجميع ..



انا ااكتشفت صدفة ان فيه مجموعتين .. الاولي عند المحافظة والتانية عند المديرية

المكان الرئيسي هو المحافظة وباذن الله هكون علي تواصل مع الجانبين عشان الكل يكون موجود عند المحافظة




موفقين ان شاء الله

[m-farouk]

الدور عليكي يا دقهلية أدعوا معايا وقولوا يارب يوفقنا والله المستعان

[mahmoudelgamily]

يارب ان شاء اللة خير لينا كلنا

[القلوب النيره]

الى الاخm_adel_143 جزاكم الله خيرا على التوضيح وان شاء الله معاكم وربنا يوفقنا وان شاء الله هنبلغ كل الناس علشان ناخذ حقنا ونتساوى بالمحافظات الاخرى
وربنا يوفقنا لمافيه الخير

[m_adel_143]

شكرا لكل المشاركين


موعدنا الاربعاء
1 فبراير 2012

امام المحافظة التاسعة صباحا


القليوبية والشرقية والبحيرة .. تم تثبيتهم


لماذا لا نكون مثلهم وكما ذهب اليهم الوزير في القليوبية فلييأتي الينا فلسنا اقل منهم في الدقهلية

واللا الوزير بيجامل محافظته علي حساب باقي المحافظات


دا الدكتور احمد جمال مسك الوزارة معملهاش .. مع احترامي وحبي واعزازي لشخص احمد جمال المحترم الخلوق

[samaa_114]

في الغربية مفيش حد اتثبت ولا حتي لسة حد قبض واقفين قبض الناس اللي بالعقد مع اني سمعت ان صدر قرار من وكيل الوزارة بتثبيت كل المتعاقدين بالمكافاة الشاملة بس شكله القرار ده في اطار انه حبر علي ورق

[m_adel_143]

اتفرجوا الوزير عمل ايه لبتوع محافظته محافظة القليوبية .. اشمعنه القليوبية ياجماعة


هو لسه البلد دي فيها خيار وفاقوس واللا ايه ...



http://www.thanwya.com/vb/showthread.php?t=402447


لازم كل المحافظات تتساوي ببعضها . .. مش راعين غير لما نكون زي باقي المحافظات

[m_adel_143]

معلمو الأجر يقطعون شريط السكة الحديد ببنى سويف




قطع ما يقرب من 1500 معلم وإدارى من المتعاقدين بالأجر على حساب الصناديق الخاصة بالمحافظة شريط السكة الحديد مساء اليوم بمزلقان مديرية الأمن بمدينة بنى سويف، وذلك احتجاجًا منهم على عدم تنفيذ مطالبهم الخاصة بتغيير عقودهم ونقلهم إلى الباب الأول، وعمل عقود مميزة لهم وعدم مساواتهم بالمدرسين الذين تم وضعهم على باب أول أجور بالرغم من تعاقد المحافظ معهم ومع الإداريين منذ ديسمبر الماضى برواتب من الصناديق الخاصة ورددوا هتافات "المحافظ ساكت ليه هى الثورة مجتش عليه".

ومن جانبه أكد المستشار ماهر بيبرس، محافظ بنى سويف، أنه تحدث إلى وزير المالية أمس عقب الانتهاء من جلسة مجلس الشعب بخصوص عدم إرسال فاكس يفيد بنقل معلمى الأجر على موازنة الدولة ورد وزير المالية بسرعة دراسة الموضوع والرد.

وعلى الجانب الآخر قامت مجموعة من اللجان الشعبية بمحاولة فض الاعتصام وإعادة فتح شريط السكة الحديد دون جدوى، مما أثار حفيظة بعض المسافرين وقاموا برشق المعتصمين وإصابة العديد منهم فى الرأس وقامت اللجان الشعبية بالتفريق بين الطرفين.

[m_adel_143]

معلمو الحصة يقتحمون مبنى محافظة المنوفية ويعتصمون داخله
نظم اليوم العشرات من المدرسين المتعاقدين بوزارة التربية والتعليم بمحافظة المنوفية وقفة احتجاجية أمام ديوان عام المحافظة للمطالبة بالتثبيت، أسوة بزملائهم بمحافظتى الشرقية والقليوبية الذين صدر قرار بتعيينهم.

وأكد المحتجون أن حوالى 8 آلاف معلم بمحافظة المنوفية يعيشون مأساة حقيقة لتعاقدهم بالأجر مع وزارة التربية والتعليم وتقاضيهم 180 جنيها كمكافأة شهرية يتحصلون على 134 جنيها منها بعد خصم 68 جنيها، واقتحم المحتجون مبنى محافظة المنوفية لمقابلة المحافظ أشرف هلال وعرض مطالبهم، إلا أنه لم يكن متواجدا بالمحافظة، فقرروا الاعتصام داخل مبنى المحافظة لحين تنفيذ مطلبهم الوحيد وهو التثبيت.


المحتوي السابق وهذا المحتوي من اليوم السابع

[m_adel_143]

نداء لكل معلمي الحصة بالدقهلية


انزلوا للمحافظة وساندوا زمايلكم اللي هناك


زميلك مش احسن منك اللي ضحي بوقته وراحته وفضل ينام علي بلاط المحافظة بدال ماينام في بيته



المعتصمون قرروا الاستمرار في اعتصامهم والدخول في اعتصام مفتوح ليل نهار امام مكتب المحافظ

ودلوقتي زمايلنا نايمين هناك .. لازم من بكرة الصبح نروح ونساندهم






واحنا صوتنا بدأ يوصل


اليوم السابع غطت الاعتصام


جريدة الوفاق غطت الا عتصام


جريدة الاهرام غطت الاعتصام








صوتنا وصل للاعلام المقروء والدور الجاي علي البرامج الحوارية علي القنوات الفضائية




لازم نساند زميلنا اهم حاجة وكل اللي يعرف حد يبلغه






وجودكم يشرفنا ويزيدنا فخرا بكم


عاش رجالة الدقهلية

[صلاح محمد على سلامة]

ودلوقتي زمايلنا نايمين هناك .. لازم من بكرة الصبح نروح ونساندهم

[m_adel_143]

قابل وفد من معلمي الحصة المعتصمين امام مكتب محافظ الدقهلية .. اللواء صلاح المعداوي محافظ الدقهلية وعرضوا عليه الموقف وبناءا علي ذلك قام السيد اللواء صلاح المعداوي بارسال فاكسات الي التنظيم والادارة والمالية والتعليم وذلك بغرض طلب دعم مالي لعمل عقود مميزة لمعلمي الحصة وفي انتظار رد هذه الوزارات المعنية بالأمر ...

تم تعليق الاعتصام حتي يوم الاحد

ويبدأ الاعتصام

يوم الاثنين الموافق 6/1/2012

نرجو من الجميع المشاركة . .. .


الللي محضرش اول مرة لظروف معينة ياريت يحضر المرة دي

خليكم فاكرين الحق ده لينا كلنا فلازم الكل يشارك في الوقفة دي لانه مشارك معانا في الحق ده


ومش من العدل ان ناس تسيب بيوتها ومصالحها وتبهدل نفسها عشان خاطر ناس قاعده في بيوتها ومرتاحة



اتمني العدد يزيد عن المرة اللي فاتت احنا كنا مقربين في 150 : 200 اول مرة

ياريت العدد يزيد احنا تقريبا 1900 مدرس لو حضر معانا 500 بس يبقي عدد هائل ورائع جدا فياريت اي حد تعرفوه المعاد


متنسوش معادنا

الاثنين 6/1/2012



موفقين بإذن الله

[m-farouk]

سامحوني يا جماعة بعدم المشاركة من كام يوم وهذا بسبب انقطاع خدمة النت من السنترال بتاعنا لأن كان فيه عطل وان شاء الله موجود يوم الاثنين امام المحافظة وكل اللي معايا

[m_adel_143]

ازيك يافاروق بعتلك رسالة خاصة تكلمني علي الموبيل ..


كلمني ضروووووووووووري