خبر تعييين 72 ألف معلم مساعد أكيد + القرار

[عمرمحمدعلى]

لو سمحت نسخة من القرار الوزارى 244

[العدوى1]

الف مبروووووووووووووووووووووك وعقبال الجميع

[العدوى1]

على العموم مشكورين كل الاخوة على هذا المجهود الرائع بس ياريت اللى يقع تحت ايده صورة القرار يجيبه

[محمدmd]

امال القرار منزلش ليه على صفحة القرارات الوزاريه

[ishish333]

شكرا علي هذا الخبر لكن ايه مصدر هذا الخبر عشان احنا كل يوم نسمع اخبار زي كده وكل مره نكتشف انها كذبه

[rawda12]

يا رب فرح الجميع

[عمرو المستر]

الف مليون مبروك لينا كلنا

يا مسهل الامور يا رب

[foxwood55]

الف مبرووووووووووووووووووووووووووووككككككككككككككككككك كك يا جماعة عقبال الجميع ان شاء الله قريبا

[daliamm]

الف مبرووووووووووووووووووووك للمرة الالف يا جماعه
بس انا عاوزة من حضراتكم حد يفهمني هي شهادة الصلاحية بتاعه الاكاديمية هي النتيجة يعني اللي طبعناها من على النت ولا دي حاجه تانيه ؟
لو سمحتوا فهموني
وكمان قولولي ايه المطلوب مننا الفترة الجايه نعمله ونحضر ورق ايه ؟ولا مفيش حاجه هتتعمل دلوقتي
تحياتي للجميع

[eslamic]

المشاركة الأصلية كتبت بواسطة مدرس علي ما تفرج

طيب بالنسبه للمعلمين الي لسه مش امتحنوا الكادر بسبب انهم لسه مش اخدوا الدبلومة التربوية وده لاسباب خاصه بيهم
ياتري ايه موقفهم ودول فيهم ناس شغالين من 5 و 6 سنين

دا للأسف هيفضل معلم مساعد لغاية لما ياخد الدبلومة التربوية وبعد كدا يبقي يدخل الامتحان أو يطبق عليه نظام التقويم الجديد اللي الوزارة عاوزة تعمله بدل الامتحانات وطبعا نظام التقويم لسه محدش يعرف عنه حاجة

[eslamic]

المشاركة الأصلية كتبت بواسطة hesham1975

محدش عارف ايه موقف اللي رسب في مكون الانجليزي ايه

اللي رسب في أي مكون من المكونات الأربعة هيدخل الامتحان اللي هيعقد في 15 / 7
وممكن حضرتك تدخل ع الرابط دا وتسجل للإمتحان القادم
http://academy.moe.gov.eg/

[eslamic]

المشاركة الأصلية كتبت بواسطة aswan.com

يا استاذا انت نسيت قرارات الوزير اللي منفذهاش وتقولي قرار وزاري يعني ايه وزاري يعني دستور عقائدي بالطبع لا ؟؟؟وعموما ربنا يجيب العواقب سليمة
العسكري

القرار اللي حضرتك تقصده وهو قرار 75 بدأت بالفعل المحافظات تنفيذه وعندنا في الشرقية الكل اتعين علي درجة معلم مساعد لغاية لما يدخل الاكاديمية ويبقي معلم
يا استاذي القرار دا بالظبط زي قرار 53 بتاعنا لازم يتنفذ

[eslamic]

المشاركة الأصلية كتبت بواسطة عمرمحمدعلى

لو سمحت نسخة من القرار الوزارى 244

يا راجل القرار لسه ممضي امبارح بس اصبر شوية

[eslamic]

المشاركة الأصلية كتبت بواسطة محمدmd

امال القرار منزلش ليه على صفحة القرارات الوزاريه

صفحة القرارات الوزارية هينزل عليها بعد كام يوم ودا حصل معانا في قرار 53 الوزير قال انه مضي القرار رقم 53 طبعا كلنا دخلنا ملقناش قرار بالرقم دا وقلنا انها كدبة من بتوعهم لكن القرار نزل بعد كدا

[eslamic]

المشاركة الأصلية كتبت بواسطة daliamm

الف مبرووووووووووووووووووووك للمرة الالف يا جماعه
بس انا عاوزة من حضراتكم حد يفهمني هي شهادة الصلاحية بتاعه الاكاديمية هي النتيجة يعني اللي طبعناها من على النت ولا دي حاجه تانيه ؟
لو سمحتوا فهموني
وكمان قولولي ايه المطلوب مننا الفترة الجايه نعمله ونحضر ورق ايه ؟ولا مفيش حاجه هتتعمل دلوقتي
تحياتي للجميع

مفيش شهادة صلاحية قعدو يوجعو دماغنا ويقولو الشهادة بتتطبع وشوية الشهادة بتتراجع وفي الاخر طلع مفيش شهادة
المطلوب منك انك تستني القرار لغاية لما يوصل للإدارة عندك ودي بتاخد لفة شوية من الوزارة للمحافظة للمديرية للإدارة وبعد كدا هما هيقولولك ع اللي هتعمليه وإن كان الورق اللي قدمناه عندنا في الشرقية هو
1- ملف مصوغات تعيين
2- إقرار ذمة مالية
3- 10 جنيه دمغة