اى حد داخل هندسه الازهر بنات القاهره يتفضل بالدخول لو سمحتم

[كوثركوكو]

كل شيء بلاخد بلاسباب هيمشى يعنى المزكره هتجيب نتيجه جميله مش محتجين ارشاد انا عارف بس اى حد ايف نفسه اى مادهتقيله عليه يكثف مزكرتهه بعدين انا من الى شوفته من مهنا الراجل ده علاق وجاامد جدا دكتور صاجب ماده علميه جمده توكلنا لى الله المزكره اشتغل

[كوثركوكو]

كل من عفاه الله من تشوف فى الخلقه فليحمده او عجز فى اد اجزاء جسمه فليحمده او توفى عنه اغلى من احب فليحمده او قل عما كان له فليحمده اويعيش سعيدا بدون اى عواق فليحمده فان لاهل الحمد بيت فى الجنه يسمى بيت الحمد الاتكون او تكونى منهم( شيئ خطر فى بالى)

[yasssmine]

السلام عليكم يا احلى مهندسين مهندسين الازهر ازيكم عاملين ايه يا رب تكونو بخير
انتم صحيح مختفيين ليه كده

[م.الزعيم]

مختفين علشان مصدومين من داخلة الدراسة
فرحانين من جامعتنا العريقة
ما علينا

[نورالحياه]

السلام عليكم ورحمه الله وبركاته
ازيكم يااحلى مهندسين ومهندسات المنتدى
اخبار الكليه معاكم ايه يارب تكون السنه دى حلوه علينا كلنا
ازيك يا بشمهندس الزعيم و الزفاعى والدمرداش وازيك ياساره نورتى التوبك ويارب فعلا تفضلى معانا على طول
ازيك يا ياسو وحشتينى كنت مفتقداكى النهارده ف المدرج واخدنا سكشن دواير وهيدنا المهندس احمد البرعى
هو شكله كويس بس مش هيشرح كل حاجه وهو غير معاد السكشم الحمد لله
وسمعت ان مفيش سكاشن ف المواد التانيه ياريت ياجماعه لو حد يعرف هو بيبقى فيه ولا لا يقولنا عشان نبقى عارفين من الاول واسفه انى طولت عليكم
ويالا سلام

[م.الزعيم]

ازيك يابشمهندسة نور. يارب تكونوا حبيتم قسم كهربا
انا علشان لسه مش سكنا مدينة فبصراحة معرفش اخبار الكلية ايه انا اصلا مش معايا كتب اذاكر فيها اى مادة والحمد لله الدكاترة دخلت فى الشرح خلاص واحنا فى الضياع
- كويس انهم هتخدوا سكشن فى الدواير انا حاسس انهم مهمتمين بيكم كتير. ربنا معاكم مع المهندس احمد برعى
لا اعتقد لازم تاخدوا سكشن فى الميكانيا دى المادة الوحيدة اللى خدنا فيها سكشن وكمان المجالات هتاخدوا فيها
وممكن الرياضة اعتقد دول اهم مواد تحتاجوا فيها السكشن
ربنا يوفقكم. دعواتكم معايا

[yasssmine]

ايه ده يا بشمهندس الزعيم انت مش جايب جيد جدا ازاى ما سكنتش مدينه ليه هى بقت من امتياز ولا ايه عادى كل شى ممكن فى مصر المهم تكون منتظم فى الدراسه

[م.الزعيم]

لا المدينة اصلا لسه مش فتحت مفيش طالب واحد سكن
والله انا اتخنقت فعلا وجبت اخرى والى الان بجد معرفش حاجة عن الكلية ولا اى مادة
وكان عندى امتحان ومش عايز اقولكم انا عملت ايه
انتوا اخباركم ايه فى الدراسة؟ واخبار المعمل ايه؟

[نورالحياه]

السلام عليكم الاول
ازيك يا باشمهندس الزعيم وازيك يا ياسو عاملين ايه
ايه ده ازاى المدينه لسه ما فتحتش هما ماجرنها لاحد ولا ايه
ربنا معاكم بجد ولحئتوا تمتحنوا بسرعه كده لاحقيقى ربنا يعينكم ويعنا معاكم
نسيت ياياسو اقولك ان الباشمهندس ف السكشن قال ان احنا اللى نحل الشيت اللى ف الاخر
وهو مش هيحل غير خمس مسائل بالكتير اوى ابقى حاولى تبدائى فيه
وسورى انى طولت اوى يالا سلام

[م.الزعيم]

اها تصدقوا بقة ان لسه المدينة مش فتحت
بجد انا الامتحان ده لو الدكتور صححه هيشوف كوارث يارب يدينى صفر بس ههههههههههههه
هو نزل ليكم كتاب دوائر كهربية؟ اصل انا اتخيلت بواحدة فى القطر شايلة كتاب دوائر مكتوب عليه اسم الجامعة
على ايامنا كنا بنذاكر من مراجع مكنش فيه كتب
بس كويس ان فيه عندكم سكاشن القسم مهمتم بيكم مش عارف ليه؟

[نورالحياه]

عادى ياباشمهندس متحطش ف دماغك خالص ده اول امتحان بعد الاجازه
وبعدين خليك متفائل يمكن الدكتور يعجبه الورقه يديك درجات من عنده (اصل الدكاتره عندهم فكر غريب شويه)وخليك بقى ف اللى جاى وان شاء الله يكون احسن كتير
وبعدين واضح جدا الاهتمام بينا انت هتقولى اهتمام فظيع تحس اننا بنيجى نشحت من كل واحد كلمه بيقولها
واحنا على فكره عندنا كتاب للدواير وحتى المجالات نزلوا كتاب السنه دى اول سنه

[م.الزعيم]

طالما قولى بنشحت من كل واحد كلمة يبقى انتى فعلا فى قسم كهربا ههههههههه
على فكرة انا متفائل على الاخر لدرجة انى متوقع انى ممكن ارتب على الدفعة بسبب درجات نظافة الورقة
كويس والله ان فيه كتاب دوائر وكمان كتاب مجالات لا فعلا شكلهم مهمتمين خالص

[yasssmine]

المشاركة الأصلية كتبت بواسطة نورالحياه

ازيك يا ياسو وحشتينى كنت مفتقداكى النهارده ف المدرج واخدنا سكشن دواير وهيدنا المهندس احمد البرعى
هو شكله كويس بس مش هيشرح كل حاجه وهو غير معاد السكشم الحمد لله
وسمعت ان مفيش سكاشن ف المواد التانيه ياريت ياجماعه لو حد يعرف هو بيبقى فيه ولا لا يقولنا عشان نبقى عارفين من الاول واسفه انى طولت عليكم

ويالا سلام

ساره ازيك عامله ايه انتى مختفيه ليه انتى كمان والله وحشانى جدا
ايه ده هو برضو اداكم سكشن عادى براحته ومين كمان احمد البرعى ده ايه بشمهندس الزعيم ايه نظامه ده كمان البشمهندس ده
ومفيش كمان سكاشن عادى مهى زى قلتها

[yasssmine]

والله يا بشمهندس الزعيم ربنا يكون فى عونك ازاى الكلام ده لسه مش سكنتم مدينه والله دى مهزله فالحين بس فى الاجازه يقولو تم تجديد المبنى الفلانى وتجميل المبنى العلانى والله دى حاجه تقرف ييجو الاعلام يتفرج على طلبه الازهر المتمرمطين ويشوف المهازل بعينه ولا دا كمان مش من حقنا بلاش اسكت احسن علشان ما نرجعش للموضوع اياااااااااااااااااااه
بالنسبه للدواير اه هى اساسا مهنا مش مخلينا محتاجين حد فيها كانو جابولنا فى المجالات او الميكانيكا علشان بجد رخمين قوى والرياضه والله حلوه والكتاب رائع مش مهم الدكتور المهم انك تزاكر لوحدك وهو بيجيب الامتحان من الكتاب يعنى دكتور بيس خالص تمام
الرسم ما اقولكوش مش عايزه اقف على لوحه خاااالص بعد ما كنت بموت فيه مش علشان حاجه بس والله مش عارفه ليه كرهته مره واحده ربنا يستر

[yasssmine]

المشاركة الأصلية كتبت بواسطة نورالحياه

السلام عليكم الاول

ازيك يا باشمهندس الزعيم وازيك يا ياسو عاملين ايه
ايه ده ازاى المدينه لسه ما فتحتش هما ماجرنها لاحد ولا ايه
ربنا معاكم بجد ولحئتوا تمتحنوا بسرعه كده لاحقيقى ربنا يعينكم ويعنا معاكم
نسيت ياياسو اقولك ان الباشمهندس ف السكشن قال ان احنا اللى نحل الشيت اللى ف الاخر
وهو مش هيحل غير خمس مسائل بالكتير اوى ابقى حاولى تبدائى فيه

وسورى انى طولت اوى يالا سلام

اه شوفتى يا ساره امتحانات من الاول كده زى دكتور سيد اصل المحاضره ال فاتت اتخنق مننا ورقال المره ال جايه امتحان يعمل براحته ويشوف المهازل
ايه ده خمس مسائل ومتقل على نفسه ليه كده مش بقول يا بشمهندس الزعيم زى قلته ولا يفيد بحاجه السكشن
طب فين المسائل دى يا ساره صفحه كام يعنى اول حلى على اد ما تقدرى وانا معاكى ونراجع مع بعض بكره تمام
صحيح يا بشمهندس المعامل دى عاملينلها موال كده ليه هى مهمه للدرجه دى ولا ايه دا انا سمعت اننا هنعمل السنه دى الباور سبلاى الكلام ده صحيح وسمعت عنها كلام كتير دا فى حتى بنت اكبر مننا بتقول ناخد كورس الكترونيات لانه هيفدنا الكلام ده صحيح ولا ايه يا بشمهندس
هو البشمهندس رفاعى مختفى ليه اليومين دول يا رب يكون بخير وكمان طلبه اعدادى اختفو خاااالص ربنا يكون فى عونهم دول متمرمطين على الخر وتيهيين خااااالص يلا سلام