لكل السادة المعلمون تعيين 2000

[maro_zaid]

يا معلمى 2000 بعد اللى حصل اليوم امام وزارة التربية والتعليم والتخاذل والعدد الفضيحة و الذى لم يتجاوز اليد الواحدة عمر ما فى حق هناخذه وخلينا عايشين فى ذل ونعرف اننا السببب فى ضياع حقنا

[maro_zaid]

رسالة كره لوزير الظلم والتعتيم فين حقنا فى الحصول على أقدميتنا المهدرة نحن تعيينات 2000 ومازلنا على الدرجة الثالثة ومثلنا مثل تعيينات 2006 وسنرقى معاً لمعلم أول فأين العدل

[maro_zaid]

إخوانى المعلمين المهدور أقدميتهم آخر فرصة لعدم ضياع سنوات الأقدمية هى ان نختار محامى متخصص ونعمله كلنا توكيل كل واحد من منحافظته ويرفعلنا قضية على الوزير الظالم والله هنكسبها بإذن الله

[maro_zaid]

ارجو من الزملاء من لديه محامى متخصص فى الأمور الإارية فليكتب لنا عنوانه أو رقم تليفونه فى رسالة خاصة من فضلكم السرعة قبل ضياع الحق نهائياً

[maro_zaid]

وزير التعليم ضيعنا وضيع حقنا فى أقدميتنا نحن دفعة 2000 ساوى بيننا وبين الحاصلين على الدرجة فى 2006 وأهمل 6 سنوات وأزيد من أقدميتنا والله حرام ومنتهى الظلم

[معلم موهوب]

الزملاء الافاضل نظام الكادر فاشل والدليل المستوي الاقتصادي الضعيف الذي نحياه.وهل يصح ان نشتغل شغلنتين عشان بس نعرف نعيش . الحمد لله علي كل شئ

[الجنة موعدنا]

وهيه اصلا فين الترقيات ؟؟؟؟؟ طبعا فى يوليو 2012 ؟؟؟؟؟ والله اعلم

[maro_zaid]

يا جماعة عايزين شوية إيجابية ولا نسكت على حقنا وضرورى رفع القضية طالما الشكاوى مش نافعة مع العالم ده يبقى بينا وبينهم المحكمة والحق مضمون بإذن الله لأنه واضح كالشمس

[مسيو خالد خليل مسعود]

اتمني الحق يرجع لاصحابه

[maro_zaid]

نحن المعلمين تعيينات 2000 قد ظلمنا فى تطبيق كادر المعلم وتجمدت درجاتنا المالية وما زلنا على الدرجة الثالثة وضاعت أقدميتنا وأهدرت سنوات الخبرة وتساوى معنا الحاصلين على الدرجة فى1/7/ 2006 فسندخل للترقية معاً فى المرحلة الرابعة لمعلم أول فهل ذلك ما وعد به وزير التعليم بأنه ستراعى أقدمية المعلمين فنحن أقدمية أكثر من 11 عاماً وقد اقر قانون 155 لكادر المعلم أن الترقية كل 5سنوات وعلىه نستحق الترقية لمعلم أول أ وليس معلم أول فقط فنحن آملين من سيادتكم أن يرفع عنا الظلم ونمنح ترقيتنا المستحقة مع سنوات الخبرة ل11 عام والله المستعان ولسيادتكم جزيل الشكر والعرفان

[maro_zaid]

يا تعيينات 2000 يا من ضاع من عمرهم وأقدميتهم 6سنوات لماذا هذا الصمت الرهيب على ضياع الحق

[رمات]

اقترح ان نجتمع على الموقع فى اى وقت نتفق علية
ويقوم منشى الفكرة بتسجيل اسمائنا ثم نتقدم بطلب علية اسماء كل دفعة 2000
ويقدم لرئيس الوزراء واخر للوزير

[almodres]

يا اخوان انا تعيين 1989 مؤهل عالي وما ذلت معلم اول لاني اخدت الدرجة الثانية في 2008 بحجة السفر للخارج وهل عندما سافرت كان في قانون 55 ولا الدرجةكانت لها لزمة ومثلي كثير وانتم فعلا مظلومين والحل ان يعاد التسكين على اساس الخبرة والمؤهل هذا هو الحل الوحيد اذا ارادوا العدل ولن يضار اي معلم على مستوى الجمهورية

[maro_zaid]

المشاركة الأصلية كتبت بواسطة رمات

اقترح ان نجتمع على الموقع فى اى وقت نتفق علية
ويقوم منشى الفكرة بتسجيل اسمائنا ثم نتقدم بطلب علية اسماء كل دفعة 2000
ويقدم لرئيس الوزراء واخر للوزير

انضموا معنا الى هذا الجروب لنطالب بحقنا فى اقدمية الدرجة وستجدوا أخوة كثير ممن لهم نفس المشكلة

[maro_zaid]

أنا زهقت وعايزة أقول خلاصة القول
إن عيبنا يا معلمين أننا نبدأ نطالب بحقنا بكل حماس وقوة ثم نياس ويقل الحماس والقوة إلى ان نتحول لليأس ونصمت ونرضى بالواقع الظالم بل ونعتاد عليه وللأسف المسئولين من وزير التعليم وغيره دارسين سيكولوجية المعلم كويس وسابونا نتكلم لحد ما وصلنا للزهق والصمت دون فعل أى شئ وضاع الحق كما ضاع كل شئ وسلملى على العدالة الإجتماعية وعلى الدماء اللى روت ورد الجناين وكل الشعارات الزائفة واخيراً أحب اقولكم أنه مفيش فائدة هيظل المعلم مهدور حقة وأقذر معاملة يلقاها وأى شئ يترماله يلقفة ويحمد ربنا عليه ومش من حقة يشتكى ولا من حقه حد يسمعة ولا من حقة يطالب بحقوقه كفايا علينا اللى يجودوا به علينا وهو احنا هننهب ونصدق نفسنا اننا زى موظفين الدولة من حقنا نترقى ونأخذ درجات مالية ونعلى وتحتسب أقدميتنا على سنوات العمل ولا حتى نترقى زى الناس المحترمة اللى مجرد اتمام السنوات المستحقة للدرجة يتم ترقيتهم اوتوماتيكياً دون لف ولا دوران ولا ورق رايح ورق جاى وقال طلب عايز أترقى وهو حد مش عايز يترقى يا أولاد ...... لكن ليه ما يذلوش أهلنا طالما لاقونا بنقبل لأى حاجة وبنقول آمين يبقى ليه ميتفرعنوش علينا وأخيراً مش لاقيه حاجة أقولها غير " حسبى الله ونعم الوكيل"