شفت بقى !!!!!!!!!!

[nancy.mahmoud22]

المشاركة الأصلية كتبت بواسطة طالب 2 ثانوى

مشكلتـك انـك عاوزه تفهمى كل حاجه
وده مينفعش ياريت تنتبهى لربك و تتوبى و بعد كده مذاكرتك عشان ترضى اهلك
و ثقى ان ربنا اله واحد و موجود و مليارت الناس تؤمن بذلك

لا ماهو بص هو مينفعش اكيد ربنا مش سايبنا كده اكيد فيه حاجه منطقيه انا مش عرفاها يعنى ولا ايه

[Yes We Can]

بدون تفاصيل كتير واعاده للموضوع تانى انا بقيت مقتنعه ان ربنا موجود

بس على اى اساس هيحاسبنا ؟ مش مستقبلنا ده هو اللى محدده ؟ ولا انا غلطانه؟

مدام مؤمنه بوجود
خليكى معاه
و متفكريش هيحاسبنا ازاى ولا امتى
المهم انتى متغلطيش و لو غلطى توبى ده الربنا طالبه من الناس
زى ماتفكريش مثلا الامتحانات هتيجى صعبه و لا سهله
اعملى العليك و تحاولى متغلطيش و ربنا معاكى و يوفقك

[Yes We Can]

لا ماهو بص هو مينفعش اكيد ربنا مش سايبنا كده اكيد فيه حاجه منطقيه انا مش عرفاها يعنى ولا ايه

ربنا مش سايبك و لا عمره سابك و لا هيسيبك
بس الاسئله البتساليها فوق عقل البشر
و دليل على ذلك انك قولتى قبل كده تعبتى من الاسئله دى
لانها فوق طاقتك و فوق حدود عقلك

[nancy.mahmoud22]

المشاركة الأصلية كتبت بواسطة طالب 2 ثانوى

ربنا مش سايبك و لا عمره سابك و لا هيسيبك
بس الاسئله البتساليها فوق عقل البشر
و دليل على ذلك انك قولتى قبل كده تعبتى من الاسئله دى
لانها فوق طاقتك و فوق حدود عقلك

يا عمى ماشي معاك ايه الدليل على انها حاجه فوق مستوى تفكيري؟؟؟؟؟؟؟

[Engineer ..]

ممكن أفهم عايزة ايه يا نانسي ؟
لو سمحتي

[nancy.mahmoud22]

المشاركة الأصلية كتبت بواسطة dr.mohamed taha

ممكن أفهم عايزة ايه يا نانسي ؟
لو سمحتي

بالنسبة للموضوع كان ايه

الموضوع كان بعنوان "دعوة للتفكير لا للتكفير" واظن العنوان واضح جدا

وبيتكلم عن ان فكرة الاديان بها عيوب وحاجات غير منطقية وانا بتكلم عموما عن الاديان لا جبت سيرة اسلام ولا مسيحية ولا بوذية حتى لكن اعتقد ان اغلب الكلام هيبقى عن الاسلام عشان انا مسلمة ولو فيه مسيحين ياريت يفيدونا بردو بفكرهم وارائهم

الفكرة المنطقية بقى اللى بتكلم عليها هى :

اننا قدامنا احتمالين اولا ان "ربنا" يكون عارف المستقبل وده المفروض : فلا يعلم الغيب الا الله

ومش يعرفه بس لا ده هو الى عامله لانه خالقنا ولذلك هو عارف المستقبل وهو الى عامله يعنى مهما عملت فى حياتى يبقى هو الى محددهولى مش كده؟ يبقى ازاى يحاسبنى على حاجه فارضها عليا من قبل ماتولد ومش باختيارى؟؟

وبالتالى ندخل فى الاحتمال التانى وهو انو ميعرفش لانه مدينا العقل وسايبنا فى الحياه نعمل الى احنا عايزينه وعليه هو ميعرفش احنا هنعمل ايه وبالتالى ميبقاش كامل لانه المفروض يكون يعرف الغيب ومن هنا جه التناقض التالى :

ازاى يكون مش عارف انا هعمل ايه وهو الى خالقنى ؟ ولو عارف هيبقى عارف لانه هو الى محدده يبقى ازاى هيحاسبنى عليه وانا مش مختاره

والدليل على التقييد وعدم الاختيار ان محدش فينا اختار انو ييجى للدنيا من الاول او لا ده غير حاجات كتير مش بايدينا واهمها كل اللى عملناه واللى بنعمله واللى هنعمله ده مش باختيارنا لانه مكتوب علينا من قبل مانتولد يبقى ازاى هيحاسبنا بعدها وهو اصلا الى مخلينا نعمل كده ؟

وعليه كونت فكرتى العامة وهى ان مفيش حاجه اسمها اله او ربنا وده مجرد اعتقاد من قديم الازل لان الايمان بوجود شيء يقف بجانبك وانت وحيد احساس كويس وبيدى دفعه كبيره

ومن الدلائل على كلامى ان الانبياء كلهم نزلو فى مكان واحد وكلهم من نفس العيله وده دليل على توارث الموضوع ده فى العالم العربى زى مثلا فى الهند والصين ما من قديم الزمان كان فيه بوذا واللى الناس بعدها امنوا بيه وبقوا يعبدوه وده محصلش الا بالتوارث بغض النظر بقى عن نية صاحب الفكرة دى من الاول

كمان دليل انك عمرك ماسالت نفسك سوال مهم !!

انت اتولدت على الابيض متعرفش اى حاجه عن اى دين صح؟

مين الى عرفك دينك؟ مين الى عودك عليه بدل مايسيبك لما تكبر تختار الدين الى تحبه بنفسك؟

اكيد اهلك مش كده؟ طب ومين الى عرفهم الدين ده؟ اكيد اهلهم وهكذا بقى بالتالى دى حاجه متوارثة عبر الاجيال مش اكتر وبتختلف من مكان لمكان ومن امه لامه

كمان دليل ان الكتير من الاكتشافات العلمية اثبتت ان الاديان غير منطقية مثل التطور ومثل النسبية ومثل الانفجار العظيم وغيره وغيره وطبعا العلم مفيهوش كدب لانه تقرير لحقائق علمية ثابته زى 1+1=2 كده

انا على قد ماقدر كتبت نظريتى ومستنية ردودكم وارائكم عليها و هنتناقش سوا فى الموضوع ده عشان بجد محيرنى ومحير ناس كتير جدا جداااااااااااا وكل ماكلم حد فى الموضوع ده يقولى انتى كافره ووو ..........

[ThèGôldènBôy]

المشاركة الأصلية كتبت بواسطة nancy.mahmoud22

بدون تفاصيل كتير واعاده للموضوع تانى انا بقيت مقتنعه ان ربنا موجود

بس على اى اساس هيحاسبنا ؟ مش مستقبلنا ده هو اللى محدده ؟ ولا انا غلطانه؟

لا يرد القضاء إلا الدعاء، ولا يزيد في العمر إلا البر

دة معناة ان احنا ممكن نغير القضاء بتاعنا بالدعاء

طيب اية هوة الدعاء اصلا؟؟

في حديث للرسول صلى الله عليه وسلم"الدعاء هو العبادة اما سمعتم قول الله تعالى ان الذين يستكبرون عن عبادتي سيدخلون جهنم"

والصلاة دعاء اصلا

[Yes We Can]

يا عمى ماشي معاك ايه الدليل على انها حاجه فوق مستوى تفكيري؟؟؟؟؟؟؟

الدليل انك متقدريش تعرف بعد السماء فى ايه
و تحت الارض فى ايه
و بعد مانموت هيحصل ايه
و مثلا الجاذبيه دى شكلها ايه
ده الدليل و فى كمان كتير
ارجو ان تقتنعى و تفكرى فى ذلك

[nancy.mahmoud22]

المشاركة الأصلية كتبت بواسطة thègôldènbôy

لا يرد القضاء إلا الدعاء، ولا يزيد في العمر إلا البر

دة معناة ان احنا ممكن نغير القضاء بتاعنا بالدعاء

طيب اية هوة الدعاء اصلا؟؟

في حديث للرسول صلى الله عليه وسلم"الدعاء هو العبادة اما سمعتم قول الله تعالى ان الذين يستكبرون عن عبادتي سيدخلون جهنم"

والصلاة دعاء اصلا

ايوه يعنى افهم ايه بردو؟

ان ربنا مش محددلنا كل حاجه قبل ما نتولد ؟ يبقى ده بيخالف الحديث اللى بيقول " رفعت الاقلام وجفت الصحف" .........

[nancy.mahmoud22]

المشاركة الأصلية كتبت بواسطة طالب 2 ثانوى

الدليل انك متقدريش تعرف بعد السماء فى ايه
و تحت الارض فى ايه
و بعد مانموت هيحصل ايه
و مثلا الجاذبيه دى شكلها ايه
ده الدليل و فى كمان كتير
ارجو ان تقتنعى و تفكرى فى ذلك

ايوه يعنى ده يديه الحق انو يحاسبنا على حاجه هو اللى كاتبهلنا مش احنا اللى اخترناها بنفسنا؟

[هارى12345]

اااااااه فهمت
بصى انا معنديش وقت اقعد اشرح لك
بس هقولك تلخيص سريع يمكن تعدلى اللى فى دماغك وربنا يجازينى عليه
بصى يا اخت نانسى حضرتك فاهمه الموضوع غلط اصلا
1- ربنا طبعا الوحيد اللى يعلم الغيب (وَعِندَهُ مَفَاتِحُ الْغَيْبِ لاَ يَعْلَمُهَا إِلاَّ هُوَ)
يعمنى ايه بقى ربنا خلقا وهو اللى وضعلنا المصير بمعنى
نانسى مش هتصلى وهتكبر وتدخل كليه كذا مهما ذاكرت او مذكرتش .علشان ربنا عايز كده وهو ده اللى مكتوبلها وهتجوز واحد يضربها بسكينا و...............
** يبقى نفهم من كده ان نانسى ملهاش دخل فى كل اللى هيحصلها لان ده اللى ربنا عايزه وهو اللى مكتوب والمفروض انها متتحاسبش .
ده طبعا اللى انتى فاهماه وطبعا هو خطــــــــــــــــــــــــــــــــــــــــــــــــ ــــــــــــأ
ربنا كتبلك مصيرك لانه عالم الغيب . ( ايه ده مش فاهمه حاجة ؟)
بمعنى قلنا فوق انه الوحيد اللى يعلم الغيب
وعمل للاخت نانسى دماغ تفكر بيه وتعرف الصح من الغلط
بس هو عارف انها هتفكر بالطريقة الفلانية ومش هتذاكر بسبب انها هتقعد على النت وال تى.فى
يبقى اللى هيحصلها نتيجه افعالها هى.مش اللى هو كتبهولها علشان يحلصها
لا هو عارف اللى هيحصلها مش محدد اللى هيحصلها
ليه؟. لانه عالم الغيب
مش عارف فهمتى ولا لا بس اانا مش فاااااضى
ملحوظة. نصيحة روحى ذاكرى او صلى او اعملى حاجه مفيدة

[Yes We Can]

ايوه يعنى ده يديه الحق انو يحاسبنا على حاجه هو اللى كاتبهلنا مش احنا اللى اخترناها بنفسنا؟

لا انتى الامختاره
يعنى ينفع دلوقتى اروح اسرق و اقول اصل مكتوب انى اسرق
و لا ينفع اروح ازنى و اقول ماهو مكتوب انى هزنى و مش هتحاسب طبعا لا

انت البتختار تسرق او لا
تبقى انسان محترم او لا
تصلى او متصليش
انت البتختار
لو الانسان مجبر كان كل الناس شبه بعضها

[أنين الأنين]

هيحاسبنا لانه هو اللى خلقنا وتفضل علينا بالنعم
نحن خلق الله وعبيده جعلنا خليفة فى الارض واعطانا أمانة علينا حملها
وبالتالى هيحاسبنا على أعمالنا وا ينبغى ان نعالج كل شىء بعقلنا
موضوع مش مستقبلنا ده هو اللى محدده
ده زى موضوع ان الاسان مخير ام مسير للشعراوى
ياريت تسمعيها
صدقينى اسئلتك دى ليها اجابات وافيه فاستعينى بشيخ زى مقولتلك
حاجه كمااااان مهمة قوى
ايه فايدة الحاجات الغامضه دى؟
انها تبين المؤمن من الكافر فهى اختبار من الله
فالانسان طالما امن بالله فليؤمن بالغيب لانه اعلمنا أشياء واخفى عنا اشياء اخرى خارج حدود عقولنا
فعقلنا ما هو الا خلق بسيط لن يدرك كل شىء
اختى كلما مرت عليك هذه الخواطر لاتنسى ان تقولى
اشهد ان لا اله الا الله
اللهم يا مقلب القلوب ثبت فلبى على الايمان
وبرررررده ارجعى لشيخ
واعيدى قراءة القصة الى كتبها زميلنا
ومتنسيش الى قولتهولك قبل كده
وان شاااء الله تعودى الى الحق الصراح

[ThèGôldènBôy]

المشاركة الأصلية كتبت بواسطة nancy.mahmoud22

ايوه يعنى افهم ايه بردو؟

ان ربنا مش محددلنا كل حاجه قبل ما نتولد ؟ يبقى ده بيخالف الحديث اللى بيقول " رفعت الاقلام وجفت الصحف" .........

كل الموضوع ان ربنا عارف احنا عملنا اية وهنعمل اية

طيب انتي عارفاة؟؟؟

ربنا حاططنا في الدنيا وقلنا في حالتين
اما ان تسع في الخير هتلاقي الجنة وفي الحالة دي هتدوق طعم الجنة في الدنيا

اما ان تسع في الشر هتلاقي النار

سهلة اهو

[Yes We Can]

بعد كل الموضوع ده اتمنى انك تكونى وصلتى للانت عاوزاه

و تتوبى لربنا و تذاكرى دروسك و ربنا يوفقك