|
#78
28-05-2009, 12:26 PM
|
||||
|
||||
الله عليك يا بني
فكرة اكتر من رائعه ومش غريب عليك الافكار الجامده ديه واتمني منك المتابعه باستمرار اقتباس:
وان شاء الله هيتم غلق الموضوع لكي لا يرد فيه الا محمد ناصر تنفيذا لفكرة استاذ احمد
__________________
آخر تعديل بواسطة super hero 1991 ، 03-06-2009 الساعة 10:57 AM 
|
|
#80
11-07-2009, 03:22 PM
|
||||
|
||||
|
انتظروا العضوه الجديده معانا
بلاك روز وان شاء الله ترافيل هتمسك موضوع قصة عضو ان شاء الله وبالتوفيق يا ترافيل
__________________
26/6
|
|
#81
11-07-2009, 03:57 PM
|
||||
|
||||
|
تم تثبيت الموضوع من جديد
__________________
|
|
#82
11-07-2009, 11:48 PM
|
||||
|
||||
|
منتظرين بلاك روز ان شاء الله
وربنا يجازيك خير علي الموضوع الجميل ده ونكمله بقي مع ترافل بامر الله
__________________
 يااااااااااااااااااااااااااارب ارحم موتانا وموتي المسلمين يارب ارحمهم وثبتهم عند السؤال
|
|
#83
11-07-2009, 11:50 PM
|
||||
|
||||
|
اقتباس:
لأ ان شاء الله محمد هو اللي هيكمل موضوعه
__________________
|
|
#84
12-07-2009, 11:08 PM
|
||||
|
||||
|
بما ان محمد شكله مش فاضيلى
قالى انزل انا قصة العضو انا هبدا قصة حياتى من اول ما اتولدت اتولدت يوم 5 يوم الخميس الساعة خمسة عشان الحسد بس  كنت امورة كدا مش زى دلوقتى خالص و كنت رغاية جدااااااااااا انا دلوقتى طيبة انا ترتيبى التانية فى اخواتى لما كان عندى سنتين كنت لازم ارخم عليها مرة كنا قاعدين بناكل و انا عمالة ارغى و هما اتخنقوا منى و انا مش مبطلة كلام فاختى الكبيرة بتقول لما هاتى حتة لحمة و كان كل ما يجى ضيوف كانوا مبيعرفوش يسكتونى و مرة بيقولولى تطلعى ايه لما تكبرى فطبعا كالعادة و رد اى طفلة عايزة ابقى دكتورة و لما سالوا اختى بقى تطلع ايه؟ قالتلهم دكتورة برده فانا زع***ها و ضربتها و قولتلها متطلعيش جنبى عاملة عليها انا الكبيرة و هى يا عينى كانت طيبة و بتسكت و كنت غير كل الاطفال طول ما كنا فى البيت العب و اهزر و اجرى و ابوظ كل حاجة فى الشقة فاكرة انى وقعت التليفزيون مرتين و كنت بحرق ورق النتيجة و لما يقولوا يخرجوا اقول جملتى الشهيرة " مش خارجين " مكنتش احب الخروج غير لما نروح جنينة الحيوانات كانت هدية عيد ميلادى كل سنة اننا نروح جنينة الحيوانات و كبرت شوية و ماما حملت فى اخويا كنت برده لسة صغيرة عشان بينى و بينه سنتين و نص و ماما كانت تعبت اوى و بابا قاعد زعلان جدا و فريدة بتعيط حواليها فانا بقول لماما يا ماما هو انتى كدا ممكن تموتى قالتلى اه يا شيرين قلتلها و مش هترجعى تانى قالتلى اه فضحكت و قولت لاختى و هى بتعيط انتى زعلانة ليه ده احنا هناخد كل الدهب ده و اللبس بتاعها و هيبقى بتاعنا لوحدنا مستغلة انا من يومى و كبرت شوية كمان و بقيت اخرج للشارع كتير فماما بتسالنى انا و اختى تحبوا لو يكون ليكوا ماما غيرى ؟ فاختى قالتلها لاء احنا بنحبك و انا سكت فسالتنى تابعونا فى الحلقة القادمة
__________________
 يظن حين أتحدث عن ذكرياته اننى لازلت احبه .. و يظن حين اكتب عنه بعين الرضا اننى لازلت اتمنى عودته .. ولا يدرك اننى منذ أن فارقته " عددته ميتاً ".. فحديثى عنه لا يعد الا امتثالا بحديث المصطفى " اذكروا محاسن موتاكم "
آخر تعديل بواسطة the black rose ، 12-07-2009 الساعة 11:38 PM
|
|
#85
13-07-2009, 02:35 AM
|
||||
|
||||
|
حلوة دى يابلاك روز تشويق
__________________
غرباء ولغير الله لانحنى الجباه .غرباء وارتضيناها شعارا للحياة.ان تسل عنا فاننا لانبالى بالطغاه .نحن جند الله دوما دربا درب الاباه.لن نبالى بالقيود بل سنمضى للخلود. فلنجاهل ونناضل ونقاتل من جديد.غربااااااااء هكذا الاحرار فى دنيا العبيدhttp://www.4nw.net/s_thumbnailer-8-2008/waxgb63l.jpg
|
|
#86
13-07-2009, 03:50 AM
|
|||
|
|||
|
اقتباس:
هههههههههههههههههههههههههه ايه القصه دي ايه الحب ده كله يا بنتي انا اخاف طبعا علي نفسي منك لأ بهزر معاكي انت يكنتي عسوله قوي فعلا وكملي مستنيين باقي الحلقه بقي ماشي في عايه الله 
__________________
B,M,Y مع السلامه اتمني تبقوا افضل حالا
|
|
#87
13-07-2009, 01:57 PM
|
||||
|
||||
|
اقتباس:
ههههههه ايوة عشان تستنوا الجزء التانى اقتباس:
ماشى يا قمر هنزله قريب
__________________
يظن حين أتحدث عن ذكرياته اننى لازلت احبه .. و يظن حين اكتب عنه بعين الرضا اننى لازلت اتمنى عودته .. ولا يدرك اننى منذ أن فارقته " عددته ميتاً ".. فحديثى عنه لا يعد الا امتثالا بحديث المصطفى " اذكروا محاسن موتاكم "
|
|
#88
13-07-2009, 02:52 PM
|
||||
|
||||
|
هههههههههههههه
ايه ده يا شيري بصراحه عمري ما شوفت طفوله بالمنظر ده
__________________
يااااااااااااااااااااااااااارب ارحم موتانا وموتي المسلمين يارب ارحمهم وثبتهم عند السؤال
|
|
#89
13-07-2009, 11:56 PM
|
||||
|
||||
|
اقتباس:
طوبعا هو انا فى حد زيي
نحن نختلف عن الاخرين  هنزل الجزء التانى اهوه
__________________
يظن حين أتحدث عن ذكرياته اننى لازلت احبه .. و يظن حين اكتب عنه بعين الرضا اننى لازلت اتمنى عودته .. ولا يدرك اننى منذ أن فارقته " عددته ميتاً ".. فحديثى عنه لا يعد الا امتثالا بحديث المصطفى " اذكروا محاسن موتاكم "
|
|
#90
14-07-2009, 12:02 AM
|
||||
|
||||
|
فقولتلها الصراحة كنت عايزة واحدة جارتنا تبقى ماما قالتلى ليه و انتى متضايقة منى ليه قلتلها عشان عندهم مراجيح فى الجراج و احنا معندناش  و كبرت كمان شوية و بدات ماما تجيبلى معلم القراءة و تعلمنى القراية فيه عشان مكنتش بحب الحضانة كانت تودينى الحضانة و ترجع البيت تلاقينى قبلها هناك  و كانت احلى ايام حياتى لما كنا نتجمع عند تيتة يوم الخميس و اوقات نبات كنت زعيمة عصابة الثلاثى المرح  انا و اولاد خالى الاتنين هما اصغر منى بسنة فى السن لكن ادى فى الدراسة كنت باخدهم و ننزل مكتبة جنبهم نستر مقالب بمصروف الاسبوع اقلام بتفرقع و حاجات من دى و لبان دم و شطة و نعلب مع بعض تماثيل اسكندرية مكنش فيه بنات ادى فكان لعبى كله مع الاولاد و كنا ننزل عند الفكهانى و نجمع من بعضنا احنا التلاتة 50 قرش ايام الفلوس لما كان ليها قيمة و نشترى بيها تفاحة اصلى بحب التفاح اوى و كنت انا اللى بقسم التفاحة و كنا لما ننام بالليل تطلع عصابة الثلاثى المرح و نضرب النايمين بالشباشب و كنا نخلص لتيتة كل الاكل اللى فى التلاجة و تصحى الصبح تزعقلنا  و دخلت المدرسة و اتقلبت شخصيتى 180 درجة بقيت انسانة انطوائية جدا مبحبش اكلم حد و افتكر مرة واحدة من اصحاب ماما قالتلى ازيك عيطت بس كنت شاطرة و بطلع من الاوائل و مش باخد دروس _ده فى ابتدائى بس _ و ماما بقى كانت مدرسة فى مدرستى و كنت بحب كدا عشان كدا كدا كنت شاطرة و كنت لما انسى اخد المصروف اطلع اخده منها و لما انسى امضى ورقة الامتحان اطلع امضيها عشان متضربش و كنت بقعد لوحدى فى الفسحة اما بقى فى البيت فكنت دايما اتخانق مع اختى كانت بتقعد مع بنات خالتى و قرايبى و بيباتوا عندنا و ميردوش يقعدونى معاهم بحجة انى لسة صغيرة _ ال يعنى هما اللى كبار _ و كنت دايما بزعل و مبطلش عياط كانت اوحش فترة فى حياتى  عشان كدا لما اختى اتجوزت و سافرت فرحت فى الاول المهم بقى دخلت اعدادى بدات اخد دروس و يبقى ليا اصحاب مكنتش ببطل كلام فى التليفون _ رجعت رغاية تانى _ و فى الفترة دى اللى اتعرفت فيها على مروة _ ميراج _ كانت ماما صاحبت مامتها و كانوا عاملين رحلة للايتام ماما و مامتها فسالونا نروح فقولنا ماشى اديها فسحة و من اول يوم خرجنا فيه مع بعض بقينا اصحاب جداااااا و كنا من بعدها بنخرج كل يوم لفينا البلد كلها  يااااااااه ايام و كانت احلى سنة تلاتة اعداى حسيت انى بدات اتغير بدات ارجع اجتماعية و كنت بهرب من الحصص بقى و جبت مجموع زى الزفت و كذلك فى اولى ثانوى و كان عندنا مدرس كيمسترى يموت من الضحك اسمه عمدة بجد مكنتش ببطل ضحك معاه كنت بهرب من حصصه اصله ممتاز و بيشتغل شغل نار لكن كنت اقف اهزر معاه بعد الحصة  و هو اللى قالى فى منتدى اسمه الثانوية حلو ادخلى عليه اعتقد انه بيدخل زائر انا بقى دخلت على جوجل و عملت سيرش و دخلت فى سكة اللى بيروح مبيرجعش بدات بقى اتعرف على ناس جديدة لان احنا كنا منغلقين فى مدرستنا مخرجتش منها غير السنادى يعنى هما هما الناس اما بقى فى دروس الثانوية كنا بنشوف ناس من مدارس تانية فى الدروس و اتعرفت على ناس كتير و انا اهوه بتغير لحد دلوقتى كنت طيبة اوى بقيت طيبة اه بس مش زى الاول تقدر تقول بعمل نفسى عبيطة معظم الاوقات و فى تانية ثانوى عشت لحظات فرح و قلق و توتر كتير الحمدلله انها عدت و كنا بنخرج نروح السناتر فى الهرم و نعرف ناس تانية خالص و تفكير تانى و فى اول تالتة دخلت كمان معهد تحفيظ قران اتعرفت على ناس اكتر و تفكير غير اللى فى مدرستى و اصحابى و تفكير غير المنتدى و غير السناتر حاجة جديدة كدا و استفدت منه اوى الحمدلله و ادينى اهوه داخلة حياة جديدة و رايحة الجامعة بكرا ان شاء الله يارب تكون مرحلة حلوة من حياتى مع انى بعتبر كل مرحلة عشتها حلوة و كان لازم امر بيها عشان اتعلم منها و لو رجع بيا الزمن هختار حياتى زى ماهى و مبسوطة جدا بحياتى المهم بقى انا ايدى وجعتنى من الكتابة و اختصرت القصة عشان انا بتعب كفاية عليكم كدا مش لازم تفاصيل
__________________
يظن حين أتحدث عن ذكرياته اننى لازلت احبه .. و يظن حين اكتب عنه بعين الرضا اننى لازلت اتمنى عودته .. ولا يدرك اننى منذ أن فارقته " عددته ميتاً ".. فحديثى عنه لا يعد الا امتثالا بحديث المصطفى " اذكروا محاسن موتاكم "
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:11 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
