|
#76
02-10-2008, 10:57 AM
|
||||
|
||||
اقتباس:
 بجد يا همس انا مش كان قصدى ازعلك خاااااااااالص و بجد مخدتش بالي ان السؤال كان موجهة ليكي انت بس لانك لما سالت السؤال كنت انا برده مش عرفة اجابته و لما عرفت حبيت بس اتاكد انا عرفة انها حاجة تضايق جدا بس والله مكنش قصدي ومش حتحصل تاني ان شاء الله انا اســـــــــــــــــــفــــــــــــة جدا جدا جدا 
__________________
"نحن قوما أعزنا الله بالأسلام فإذا ابتغينا العزة فغيره أذلنا الله"
"ومن يتق الله يجعل له مخرجا و يرزقه من حيث لا يحتسب"  
|
|
#77
02-10-2008, 12:54 PM
|
|||
|
|||
|
شكرا ياباشمهندس على التوضيح وانا سألت فيه فرق ولا لا لأن استخدمت return وطلعت النتيجة .. لما ييجى دورها بقى يحلها ربنا . شكرا مرة تانية .
...................... لو السؤال موجه للباشمهندسة همس بس فأنا اسف على الاجابة فى دور غيرى . اذا كان لينا كلنا فأنا مش اسف . كل سنة وانتو طيبين ... ....سلام
|
|
#78
02-10-2008, 02:12 PM
|
||||
|
||||
|
اقتباس:
حصل خير وانت طيب يا باشمهندس ولا اسف ولا حاجة كلنا اخوات
__________________
ThE...EnD.. SorrY أستودعكم الله الذي .. لا تضيع عنده الودائع .. احبكم جميعا في الله 
|
|
#80
02-10-2008, 08:21 PM
|
||||
|
||||
|
اقتباس:
دا رد دمعة حزن في الموضوع الي نزلته عشان الدرس الثالث كمل يا باشمهندس واحنا مع حضرتك بالتوفيق ان شاء الله وجزاك الله خيرا يا باشمهندس على مجهودك الرائع دا
__________________
ThE...EnD.. SorrY أستودعكم الله الذي .. لا تضيع عنده الودائع .. احبكم جميعا في الله
|
|
#81
05-10-2008, 04:13 AM
|
||||
|
||||
|
بسم الله الرحمن الرحيم
ازيكم يا جماعه النهارده إن شاء الله هنبدأ الدرس الجديد أو هنقول الجزء التانى بتاع الدرس اللى فات يلا بينا نبدأ بإذن الله. هنتكلم النهارده فى حاجه اسمها conditional statements أو الجمل الشرطية ...  فكك يا عم من الترجمة العربى دى ووضح يعنى إيه ؟ حاضر الـ conditional statements يعنى جمله بتتحكم فى مسار البرنامج بردوه يعنى إيه  ؟؟يعنى مثلا لما بنكتب برنامج إحنا قولنا إن البرنامج بيشوف فين الـ main method ويبدأ ينفذ الكود اللى جواها سطر ورا سطر بالترتيب صح ؟؟ الـ conditional statements دى بقى ممكن تخليك تقول للبرنامج لو شرط معين اتحقق تنفذ الكود ده ولو م اتحقق ميتنفذش أو ممكن كمان نقوله لو الشرط ده اتحقق اعمل كذا أو لو مش اتحقق اعمل حاجه تانيه أو كمان فى حاله بنقوله لو الـ variable ده مثلا قيمته كذا اعمل كذا ولو قيمته كذا اعمل حاجه تانيه أو ثالثه وهكذا حد فاهم حاجه ؟؟؟ طيب نبدأ نقول بقى عملى ؟؟ نبدأ نقول الـ conditional statements أنواع وأول نوع وأبسط نوع منها هو if statement بتعمل ايه ست if دى ؟؟ من معناها واضح إنها بتقول لو الشرط اتحقق نفذ الكود اللى هقولك عليه ده طيب شكلها بيبقى ازاى طنط if دى ؟؟ طنط if دى ليها شكلين شكل كده كود:
if(condition)
{
// do some things
}
ودى بتقول لو الشرط ده اللى طبعا هيبقى حاجه موجودة مش كلمة condition كده اعمل حاجه وليها شكل تانى بقى هو كده كود:
if(condition)
{
// do some things
}
else
{
// do some thing else
}
ودى بتقول لو الشرط ده اتحقق اعمل حاجه ولو مش اتحقق اعمل حاجه تانيه مثال يا عمنا وبطل رغى  ؟ماشى شوفوا طيب الكود ده : كود:
#include <iostream>
int main() // Most important part of the program!
{
int age;
cout<<"Please input your age: ";
cin>> age;
if ( age < 100 )
{
cout<<"You are pretty young!\n";
}
else
{
cout<<"You are old\n";
}
getch();
}
بيتهيألى الكود واضح ومش محتاج شرح صح ؟؟؟ طيب هو فى بس حاجه جديدة فى الكود فى السطر بتاع الـ main بعدها فى العلامتين دول // وشوية كلام بعدهم إيه ده يا عمنا ؟؟ العلامتين دول معناهم إن اللى جاى بعدها فى نفس السطر ده comment يعنى مش كود ده مجرد كلام توضيحى وكده يفهم البرنامج إنه مش محتاج يقرأ الكلام ده طيب دى لازمتها ايه ولازمته ايه الرغى حتى فى وسط الكود لاأ دى مش مجررد رغى دى شئ مهم جدا فى البرامج الكبيرة وفى الشركات انت مش هتبقى شغال لوحدك وحتى لو شغال لوحدك تخيل انت بتكتب برنامج عباره عن عشر ألاف سطر تفتكر بعد ما تخلص هتقدر تتذكر إنت كنت كاتب كل جزء من الكود ده ليه ؟؟ لا طبعا وهى دى وظيفة الجمل التوضيحية دى بتكتبها علشان تقول كل جزء فى الكود بيعمل ايه وكمان لان فى الشغل بعد كده هتبقى مش بتشتغل لوحدك انت معاك فريق عمل وممكن واحد تانى يكمل مكان شغلك وممكن تكمل مكان شغل حد تانى فتبقى فاهم الكود بتاعه من الجمل التوضيحيه دى اوك ؟؟؟ هوضح بقى كمان الجزء الجديد بتاع الـ if السطر ده كود:
if ( age < 100 ) بنقول if واللى بين القوسين ده هو الشرط أو الـ condition اللى لو اتحقق الكود اللى بين القوسين اللى بعد كده هيتنفذ طيب يعنى ايه الشرط اتحقق ؟؟ يعنى كانت نتيجة ما بين القوسين true طبعا لازم نقول على الـ operators أو معاملات المقارنه وهى كده كود:
> greater than 5 > 4 is TRUE < less than 4 < 5 is TRUE >= greater than or equal 4 >= 4 is TRUE <= less than or equal 3 <= 4 is TRUE == equal to 5 == 5 is TRUE != not equal to 5 != 4 is TRUE يارب تكون وضحت ؟؟ طيب لو الشرط كانت نتيجته false مش هيدخل فى الكود اللى بين القوسين اللى بعد طنط if وهيدخل فى الكود اللى بعد اختها else وينفذه هيوضح الكلام ده اكتر لما تنفذوا الكود وتجربوه إن شاء الله ده كده أول نوع ولسه فى تكمله بس مش هنقولها دلوقتى لما نقول باقى الأنواع إن شاء الله أو ممكن نكمل علطول الدرس الجاى ربنا يسهل بس دلوقتى خلينا نكتفى كده علشان الفجر خلاص هيأذن بالنسبة للواجب بصراحه مش عارف اديكم واجب دلوقتى يلا سماح المرة دى بس ياريت تطبقوا وتتمرنوا عليها وتشوفوا النتايج فى النهاية عايز أقول معلش ممكن يكون شرحى المرة دى مش مظبط بس علشان أنا فعلا نزلت الدرس ده بس علشان حسيت انى اتأخرت عليكم فيه لكن أنا دماغى مش مظبطه شويتين يلاا بالتوفيق ولو فى أى اسئلة أنا بإذن الله موجود . .
__________________
|
|
#82
05-10-2008, 07:07 AM
|
||||
|
||||
|
جزاك الله خيرا يا باشمهندس
اخيرا الدرس نزل ولا يهمك خد راحتك .. مش تخلي موضوع الكورس دا يجي على شغل حضرتك بس انا كان عندي استفسار دكتور نبيل هيبدألنا بالجافا علاطول واختي خريجة المنوفية ومعيدة فيها وقالت ليا ان دا مش في مصلحتنا .. والافضل انه يبدا بالسي بلس بلس مش عارفة ليه هما بقوا يبداوا بالجافا علاطول ؟؟؟؟؟؟
__________________
ThE...EnD.. SorrY أستودعكم الله الذي .. لا تضيع عنده الودائع .. احبكم جميعا في الله
|
|
#83
05-10-2008, 04:17 PM
|
||||
|
||||
|
اقتباس:
بالنسبة للجافا هو بصراحه أنا بفضل البداية بسى بلس بلس لكن البداية بالجافا مفيهاش مشكلة الفكرة كلها فى أساسيات البرمجة ممكن تتبنى بالجافا من البداية وممكن تبتدى بالسى بلس بلس لكن فى النهاية البرمجة واحده بالنسبة للسوق بقى الجافا موجودة كتير والسى بلس بلس موجود بس مش كتير لكنها تعتبر تمهيد لتكنولوجيا الدوت نت اللى موجودة أكتر بكتير من الجافا عموما دى سياسة الكلية " الله يرحم أيامك يا دكتور فوزى " بس لو تابعتى معانا هنا بإذن الله هتبقى معاكى لغتين برمجة ++c وجافا بإذن الله سؤال بقى مش عاررف يبقى شخصى ولا ايه ؟ اختك خريجة دفعة كام ؟؟ وبالنسبة للدرس طبقتى ولا؟؟؟ ويا ترى مفيش أسئلة ؟؟ الشرح واضح يعنى ؟ ولا هتبدأى تهتمى بالجافا وتسيبى السى بلس بلس...
__________________
|
|
#84
05-10-2008, 08:34 PM
|
||||
|
||||
|
اقتباس:
اختي خريجة دفعة 2007 لا لا مش شخصي ولا حاجة تحت امرك اسال زي ما انت عاوز الدرس لسا هطبقه ان شاء الله الشرح تمام جداااااا وواضح لا لا لا لا اسيب السي بلس بلس ايه ؟؟ مستحيل طبعا مع حضرتك اكيد جزاك الله خيرا بجد على تعبك معانا
__________________
ThE...EnD.. SorrY أستودعكم الله الذي .. لا تضيع عنده الودائع .. احبكم جميعا في الله
|
|
#85
06-10-2008, 02:11 AM
|
||||
|
||||
|
السلام عليكم
جزاك الله كل خير على المجهود الرائع انا طبقت الكود بس كان فيه خطأ حضرتك كتبت الدالة getch بس مكتبتش الlibrary بتعتها اللي هية conio الحمد لله انا عرفتها بسرعة قبل ما اتجنن بس في سؤال اية الفرق بين الvoid main و الint main???????????? خاصتا اني لما استخدمت الvoid main كانت نفس النتيجة!!!!!!!!!!! و ربنا يبارك في وقتك
__________________
"نحن قوما أعزنا الله بالأسلام فإذا ابتغينا العزة فغيره أذلنا الله"
"ومن يتق الله يجعل له مخرجا و يرزقه من حيث لا يحتسب"
|
|
#86
06-10-2008, 02:27 AM
|
||||
|
||||
|
اقتباس:
. .
__________________
|
|
#87
07-10-2008, 06:22 AM
|
||||
|
||||
|
السلام عليكم ورحمة الله وبركاته
انا طبقت الدرس وكل حاجة تمام انا فاهمة كل حاجة الحمد لله حضرتك قولتها  يا ريتك معيد والله  الواحد محتاج الناس الكويسة الي بتفهم الي زي حضرتك جزاك الله خيرا بجد مش عارفة اقول لحضرتك ايه على الفرحة الي الواحد حاسس بيها ان ربنا وفقه انه يلاقي ناس تساعده زي حضرتك ارجع واقوووووول وهفضل اقول جزاك الله خيرا على مجهودك الرائع وتعبك معانا اه حاجة كمان شكرا ان مش في واجب  الواحد صراحة نفسيته مش تسمحله بواجبات خالص لانه مش فاهم حاجة من الشرح في المحاضرات هييييييييه مع اني عارفة ان دا شئ طبيعي بس الواحد متعود على نظام الثانوي بقى وان المستر مش هيتحرك من مكانه الا وانا فاهم دا غير اسلوب المعاملة الي الدكاترة بيعاملونا بيه وكأننا اتولدنا  ودخلنا حاسبات حدف  في رعاية الله 
__________________
ThE...EnD.. SorrY أستودعكم الله الذي .. لا تضيع عنده الودائع .. احبكم جميعا في الله
|
|
#88
07-10-2008, 10:53 AM
|
||||
|
||||
|
اقتباس:
كلنا كنا زيك كده مصدومين فى أول أيامنا وده طبيعى حاولى بس تعدى مرحلة الثانوية دى بسرعه وتتكيفى مع الكلية صحيح مين الدكاترة اللى معاكم السنة دى ؟؟ فى رعاية الله
__________________
|
|
#89
07-10-2008, 05:18 PM
|
||||
|
||||
|
اقتباس:
ان شاء الله دعواتك معانا في المقدمة .... دكتور نبيل وفي الرياضة 1 .. دكتور وائل فتحي وفي الرياضيات المنفصلة .. دكتور اسامة عبد الرؤوف والانجليش بقى والعربي ناس من آداب لسا جداد تقريبا تاني دفعة يدرسوها احنا
__________________
ThE...EnD.. SorrY أستودعكم الله الذي .. لا تضيع عنده الودائع .. احبكم جميعا في الله
|
|
#90
08-10-2008, 03:50 PM
|
||||
|
||||
|
اقتباس:
والرياضه بصراحه مجربتش وائل فتحى فى الرياضه بس على أى حال هو أفضل من شكرى ندا بتاع كلية علوم والـ discrete mathmatics أسامه عبد الرؤوف بقى دكتور ؟؟ كويس والله وهو بجد حد مجتهد اوى ومحترم أوى والمادة مهمه حاولى تهتمى بيها وربنا يوفقك بإذن الله
__________________
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:05 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
