|
#76
25-11-2009, 12:49 AM
|
||||
|
||||
اللهم أمين وإياكِ يا قمر ان شاء الله وبإذنه وبعونه هايحصل بس قوليلى فين الحلقات الجديده احنا مستنيين ينفع تعلقونا كده يعنى 
|
|
#77
25-11-2009, 08:06 PM
|
||||
|
||||
 الطــريــق الصـــــح  شيل الدين من الدنيا هتتحول فى ثوانى لغابه  بس ازاى الناس هتقرب لو شايفنه كآبه  عارف ليه بيجلنا امل ويروح كالعاده  شايفين الطريق الصح مفيهوش سعاده  نار او جنه الدنيا تعيشها انت بتختار بأرادتك  لو ربنا قالك ده غلط قالها علشان مصلحتك  اللى بيضحك للدنيا الدنيا هتضحك له زياده  حب وخلى الكل يحب ياناس ده الحب عباده  عارف ليه بيجلنا امل ويروح كالعاده  شايفين الطريق الصح مفيهوش سعاده  ايوه اكره أى غلط و ما تكرهش الغلطان  كان ممكن تبقى انت مكانه تكون فى التوبه طمعان  أو تايه ومحدش دله الصح طريقه ازاى أدعى له ربنا يهديه ويغير عمره الجاى  عارف ليه بيجلنا امل ويروح كالعاده شايفين الطريق الصح مفيهوش سعاده  
|
|
#78
25-11-2009, 09:18 PM
|
||||
|
||||
 موضــوع للنقــاش بقلم / Mega Mind الحلقــة الثانيـــة  حمــلة هنـنـتـحـر بـجــد للأسف لا يوجد خطأ أملائى ...فالعنوان صحيح دعــنى أوضـــح لك أيـــها الـــــــحوت أنت ... أنت ... نعم انت لا تنظر حولك فأنت حوت لقد أعطاك الله كل المقومات و الوسائل التى تجعلك أقوى و أكبر أنسان على الأرض مثل هذه الحوت تماما .. فهو ملك البحار بلا منازع  فالناجح يشبه الحوت إلى حد كبير فأى شخص يبدأ طريقه نحو تحقيق أهدافة تجده فى قمة القوة و العزيمة يقفز خارج جدران الفشل و قيوده تماماً مثل هذا الحوت عندما يقفز من الماء  ------------------------------------------------------------------------------------ وتمر الأيام و هو يخطو خطوة تلو أخرى نحو تحقيق هدفه المنشود يغوض فى أعماق الحياة ليتعلم ويفهم ..... لا يستطيع ان يوقفه شئ فالناجح يتغذى على اخطاءه و يتعلم منها ..... وكل خطأ يضيف له خبرة جديدة هكذا قال توماس اديسون عندما فـــشــــل فى 1000 طريقة لصنع المصباح الكهربائى ( تعلمت 1000 طريقة خطأ لصنع المصباح.) الناجح مثل هذه الحوت يتغذى على الأسماك الصغيرة ليكبر حجمه  ------------------------------------------------------------------------------------ والناجح دائماً كبير فى عيون الأخرين ..يقفوا امامه فى دهشة ... مثل هذا الحوت و حشود المتفرجين ... دقق فى الصورة من فضلك  ------------------------------------------------------------------------------- ولكن لو كان النجاح بهذه السهولة .. فلماذا عدد الناجحين قليل السبب ببساطة هو انتحار الأرادة و العزيمة عندما لا تشعر بسرعة نتائج عملك ...... عندما تتعجل صعود القمة .... عندما تحبط من كلام الأخرين عندما تواجهك مشكلة كبيرة وتظن انها النهاية لذا على شاطئ النجاح ستجد كثير من جثث الفاشيلن الذين تراجعوا فى منتصف الطريق تماماً مثل هذه الحيتان فى الصورة  وعندما تنتحـر الأرادة والعزيمة فمن الصعب ان نجمع أشلاء جسدك مثل هذا الحوت المحمل على الشاحنة  ---------------------------------------------------------------------------------------- .... لذا أذا أردت ان تتغير بجد .... عليك بالأرادة و المثابرة وإليك بعض نصائح الحوت صديقى -1- فكر فى النجاح و تخيله وتصرف مثل الناجحين يأتيك النجاح 2-النجاح ليس ضربة حظ ...بل يحتاج لخطة و جدول زمنى 3-الثقة فى النفس و توقع الأخطاء ...فليس كل عمل ستقوم به على الوجه الأمثل 4-الشجاعة و الجرأة ...فالتردد و الخوف من أى خطوة هو أهم عيبوب الفاشلين 5- حب الناس و الخير ....... صدقنى فحب الناس و ألتماس الاعذار لهم تنير قلبك و عقلك 6- التفاؤل ثم التفاؤل ثم التفاؤل يقول تعالى في الحديث القدسي: (أنا عند ظن عبدي بي، فإن ظن بي خيرا فله، وإن ظن بي شرا فله). هل تريد أكثر من ذلك .. احسن الظن بالله وتفأؤل ..  شكراً صديقى الحوت والأن فى أنتظار سطر أو سطرين .... تكتب فيهما اهم نصيحة من وجهة نظرك للنجاح لنضيفها إلى نصائح الحوت
|
|
#79
25-11-2009, 09:20 PM
|
||||
|
||||
|
ياللا يا شباب وبنات الخير روحتوا فين
مستنيين تفاعلكم فى الموضوع الجديد ياللاااااااااااااااااااااااااااااااااااااااااااااا ااااااااااااااااااااااااااااااااا كله يصحى
|
|
#80
25-11-2009, 09:22 PM
|
||||
|
||||
 برنامج قراءت لكم  يقدمه لكم / ليتنى طفله وهمى لعبتى ( الزاهــده )   الحلقة الثانـيــة وقفــه طبعا كل واحد مننا محتاج وقفه مش شرط وقفه نحاسب فيها أنفسنا..... مش شرط وقفه نعاتب فيها أنفسنا.... مش شرط وقفه عشان أنفسنا عملت حاجه غلط لألأ لأ وقفه تانيه.. المره دي هتكون الوقفه عشان نِهْدِي نفسنا هديه محتاجاها هنقول كلنا لأنفسنا كلمتين هقولك انا الكلمتين دول وفكر فيها وخد منها لنفسك وقفـــــــــه وقفـــــــه وقفــــه لاتحــــــــــــــــــزن لا تحزن لو كنت فقيرا غيرك محبوس في دين مش قادر يسدده من سنيييييييين,ولو كنت لاتملك سياره لاتحزن فغيرك مبتور القدمين,لو كنت بتشكو من الآلام فغيرك راقد في السرير الأبيض من سنين,لو كنت فقدت ولد أو والد أو والده لاتحزن فغيرك فقدهم كلهم في حادث واحد..  لاتحــــــــــــــــــزن لأنك مسلم آمنت بالله وبرسله وملائكته واليوم الآخر والقضاء خيره وشره والكفار كفروا بالرب وكذبوا الرسل واختلفوا في الكتاب وأنكروا وجود اليوم الآخر وألحدوا في القضاء والقدر..  لاتحــــــــــــــــــزن لو أذنبت سهله توب لله عز وجل,ولو أسأت فاستغفر الله عز وجل,ولو أخطأت صلح خطأك,فرحمة الله عز وجل وااااااااااااااااسعه, وباب التوبه مفتوح, والغفران لا يقف, والتوبه مقبوله.. لاتحــــــــــــــــــزن لأنك تقلق أعصابك, وتهز كيانك وتتعب قلبك,وتسهر ليلك.. ولـرب نازلة يضيق بها الفتى ذرعا وعند الله منها المخرج ضاقت فلما استحكمت حلقاتها فـرجت وكنت أظنها لا تفرج  أخي وأختي في الله.. أنفسنا محتاجه أن لاتحــــــــــــــــــزن مافيش حاجه فعلا محتاجه نحزن عشانها أبدا إبتسم فالإبتسامه تشرق وجهك وتجعل منك إنسانا محبوبا الإبتسامه بتخلي عندك أمل في الحياه وزي مابيقولوا.. إضحك للدنيا تضحكلك..  للدكتور عائض القرني إنتظروا الحلقة القادمه ان شاء الله مع كتاب حكايات عمو محمود وحلقه مميزه لقصه رااااااااااااااااااائعه
|
|
#81
25-11-2009, 09:26 PM
|
||||
|
||||
|
تعليق على موضوع للنقاش
نصيحتى اللى دايما معايا وهى حكمه جميله جدا (( اعتبر بمن مضى قبلك ولا تكن عبره لمن يأتى بعدك)) جزا الله خيرا كاتب الموضوع وجعله فى ميزان حسناته
|
|
#82
25-11-2009, 09:28 PM
|
||||
|
||||
 برنامج اتحــرك بجـــد  يقدمـه لكــم / محمد عيــد    الحلقة الثالثــة  ( وحد الله كده ) السلام عليكم .ايش اخباركم يارب تكونوا بخير .. ايه اخبار الحلقه اللى فاتت اللى بعنوان خمسه استغفار والله شئ جميل انا بصراحه اول يوم نسيت اقول كذا مره ولكن لما افتكر اقول كتيير علشان اعوض ولكن تانى يوم يعنى برده بس افتكرت اكتر من الاول واليوم التالت بقى اللى هو امبارح قعدت افنن بقى قبل ما اكل اقول بتاع 5 او 6 ووانا نازل على السلم ووانا طالع بصراحه قولت فرصه الواحد قلبه معاه النهارده مش يضمن كمان لحظه ايه اللى يحصل فقلت يبقى حتى عملت حاجه حلوه فى حياتى وقلت لكذا واحد واشتغلوا معايا وعلى فكره فى ناس كلمتنى على ميل الحمله واشتغلت ووصلوا لارقام حلوه كان بيعدوا باليوم يلا بقى نبطل كلام كتيير وندخل فى حلقتنا بس قبل ما ندخل عاوزين نقول ان برضه حمله خمسه استغفار شغاله حتى لما نبدأ واحده جديده حلقتنا النهارده عنوانها منتشر بيننا اوى لما واحد يترفز التانى علشان يهديه ويقوله بنفس اللفظ وحد الله كده وروق بالك وطبعا ده شئ جميييييييييل جدا اننا نكون حاطين فى بالنا اننا لما نستعين بيه طبعا بذكر لا اله الا الله هنهده وهنروق كده ولكن الحلقه دى بقى مش علشان ندور على الناس المتنرفزه ونهديها وقبل ما اقول دورنا عاوز اقول مشكله صغنوووووووونه خالص او كبييييييييييره جدا وهى ان الايمان يزيد وينقص زى ما اتكلمنا فى حلقه هنتغير بجد وطبعا دى حقيقه ان الايمان يزيد وينقص ولكن كلنا عاوزينه لما ينقص ما نتدبحش فيه يعنى مش عاوزين ننزل جامد وخصوصا اننا بنبقى لسه طالعين ده لو احنا بنطبق الحديث اننا نعلى الاول وبعدين ينقص لوحده علشان الايمان يتجدد النبى حبيبنا ونور عنينا قال فيما معناه ان النبى صلى الله عليه بيقول للصحابه ولينا طبعا ابقو جددوا ايمانكم ديما فالصحابه بيسألوا ازاى نعمل كده ونص الحديث ده قال النبى صلى الله عليه وسلم "جددوا إيمانكم، قيل: يا رسول الله وكيف نجدد إيماننا؟ قال: أكثروا من قول لا إله إلا الله" خلاص يبقى اتفقنا يا رجاله كل موقف نتعرض له نقول زى ما كنا خمسه استغفار + نقول مره او اتنين لا اله الا الله تخيل بقى لو حضرتك قلتها ومت على كده رغم كل الذنوب اللى عملتها وبتعملها فى حياتك وتكون فقط قدام ربنا يارب انا اخدت الخطوه دى علشان اتغير وماشى واحده واحده وتقول 5 مرات استغفر الله ومره لا اله الا الله وتموت بعدها قشطه اوى الجنه بتاعتك يامعلم وانت كده قاعد فيها لان النبى حبيبنا قال من كان اخر كلامه لا اله الا الله دخل الجنه ايه رأيك بقى يلا بينا نزود على الاستغفار واللى ما بدأش من الاول يقرأ الحلقه اللى فاتت بتاعه استغفر الله العظيم ويبدأ معانا يلا يارجاله ويا بناويت مين هيكمل معانا الطريق علشان نتغير بجد ونتحرك بقى يلا بينا ولا اله الا الله  تم تصغير هذه الصورة. إضغط هنا لرؤية الصورة كاملة. الحجم الأصلي للصورة هو 800 * 600.
|
|
#83
25-11-2009, 09:44 PM
|
||||
|
||||
 حملة هنتغير بجــد يقدمه لكم / محمد عيــد الحلقة الثالثة ( اخويا ..)  ( اخويا ..) +السلام عليكم ورحمه الله وبركاته = وعليكم السلام ورحمه الله وبركاته عامل ايه ؟ + الحمد لله تمام وانت ايه اخبارك ؟ = الحمد لله بخير +الحمد لله على كل شئ طبعا احنا شايفين الاحتقان الغريب الموجود حاليا بيننا فى حاجات كتيره الكوره انت بتشجع المنتخب الفلانى وانا بشجع منتخب تانى انت بتشجع نادى وانا بشجع نادى او فى السياسه انت تبع الحزب الفلانى وشايف انك انت بس اللى صح وكله غلط وكمان مفيش عندك اى شئ غلط وانا غيرك واكرهك جدا لانك بتتريق ديما على الحزب اللى انتمى ليه او حتى فى الدين انت بتحب الداعيه الفلانى واكره غيره ولو حد سمع له يبقى هو كمان غلط ويحصل بينا كره داخلى او يكون انت معاك حاجه معينه ومش معايا احقد عليك واحسدك = فعلا والله شئ غبى اوى كلنا بنكرهه لانه بيكرهنا فى بعض على شئ تافهه او حتى مش تافه بس ما يستاهلش اننا نخسر بعض + مظبوط وزى ما احنا متعودين الاسلام ما سبش مشكله الا ووضع لها حل علشان كده لو دورنا فى القران الكريم هنلاقى ربنا بيكشف لنا حركه الشيطان بيحب يعملها يعنى باللغه الدارجه بيننا حرق ورقه فى لعبه بيعملها وهى انه بيحب يوقع بين الناس والدليل لما ربنا حبيبنا قال (انما يريد الشيطان ان يوقع بينكم العداوه والبغضاء فى الخمر والميسر ) ودى قاعده مهمه جدا وهى ان الشيطان عاوز يولع ويوقع بيننا طبعا علشان لما انا اكرهك وانت تكرهنى انا هكره فيك كل الناس واقع اقول عيوبك وبس وانت كذلك وبكده واحده واحده هتلاقى الناس كلها مش طايقه بعضها = انا معاك بس ربنا حدد انه بيحب يوقع بيننا فى الخمر والميسر بس + كلام جميل وبيدل انك مركز لكن لو ركزت اكتر هتلاقى ان الشيطان هدفه انه يخلينا نعصى صح ؟ = مظبوط ... + طيب لما واحد بيشرب خمر اكيد بيعمل مصيبه كبيره وبيعصى = فعلا + طيب هو هيستفاد ايه ما هو كده كده بيعصى ربنا الشيطان هيستفاد ايه انه يخلى اللى بيعصى يعمل كمان معصيه انه يوقع بينه وبين صحابه = اه صح هيستفاد ايه ؟ + بص هقولك فاكر لما قولنا ان الاسلام ينفع لأى زمان ومكان = اه لما قولنا انه بيحط الاساس والقواعد العامه وانا ابنى براحتى عاوز ابنى بيت او عماره او فيلا او قصر طبعا ابنى براحتى لان الاساسات كويسه وتستحمل اى حاجه + مظبوط الله ينور عليك بص بقى احنا اتفقنا ان الخمر دى معصيه صح ؟ = طبعا + طيب يبقى معنى ان ربنا يحدد لك فى الخمر والميسر يبقى لما نخرج منها القاعده العامه يبقى الشيطان بيستنى اول ما نبعد عن ربنا بمعنى اخر نعصى ويلعب لعبته انه يوقع بين الناس = طيب ليه مش بيوقع بيننا واحنا قريبين من ربنا مش بنعصى يعنى ؟ + لانك ساعتها فى حمايه ربنا واستحاله يقدر يقرب منك = فعلا والله + وكمان اكبر دليل على اللى قلناه كلام احد العلماء ان التعريف العام للميسر هو اى شئ يلهى عن ذكر الله وطبعا ذكر الله زى الصلاه و العبادات كلها يعنى طاعه الوالدين عباده لو انت قاعد على الكمبيوتر مهما كنت بتعمل ووالدتك بتنادى عليك وانت طنشت ولو للحظه يبقى الكمبيوتر فى اللحظه دى اتحول لميسر وانت كده عصيت ربنا وبكده الشيطان يبتدى يلعب لعبته وهو انه يدخل يوقع بينا وبين والدتك مثلا تحصل مشكله من لا شئ = ايوه فهمت وفعلا ده بيحصل + طيب الحمد لله وكمان هنبقى نحدد حلقه كامله عن ذكر ربنا بكل انواعه = ما احنا عارفينه اللى هو الصلاه والصوم والاذكار بس + بس مين يا مستر ده مفهوم ذكر ربنا كبييييييييييير اوى ويارب حلقه واحده تكفى = يارب + نكمل موضوعنا وكمان هتلاقى ان ربنا قال ( ولا تتبعوا خطوات الشيطان ) يعنى الشيطان لما يجى يلعب لعبته فى انه يخليك تعصيه وهى مرحله من مراحل انه يوقع بين الناس هياخدك واحده واحده علشان كده ديما ما تستهونس بالذنب وتقول غيرى بيعمل اكتر من كده لانك فى الاول وفى الاخر اسمك بتعصى وفى الاول وفى الاخر ربنا حبيبك بيزعل منك فلازم تروح له بسرعه وتعتذر له علشان يسامحك ولو كملنا الايه هنلاقى ربنا بيقول فيها ان الشيطان مش عاوز يوقع بينكم وبس لاء ده عاوز يعمل حاجات كتيير واحلى حاجه فى الايه دى ان ربنا حرق له كل اوراق لعبه يعنى كل الاوراق اللى بيلعب بيها علينا ونص الايه بيقول ( انما يريد الشيطان ان يوقع بينكم العداوه والبغضاء فى الخمر والميسر و يصدكم عن ذكر الله و عن الصلاه ) واحنا اتكلما فى حته انه عاوز يوقع بص بقى الحته دى يصدكم عن ذكر الله وعن الصلاه طبعا الصلاه من الذكر ولكن معنى ان ربنا يخصصها بالذكر لوحدها يعنى الناس بتاعه اللغه العربيه هيقولو ان هنا ذكر الخاص بع العام وده علشان ربنا عاوز يحسسنا بأهميتها وده هنقف عليه فى وقتها لما نعمل حلقه خاصه بيها ويكن بص كده على اللفظ اللى ربنا ذكره (يصدكم ) كان ممكن ربنا يقول ينهاكم او يبعدكم ولكن لفظ يصدكم هنا فى حكمه غريبه جدا هقولك مثال كروى عارف حارس المرمى لما يصد الكوره = اه + ايه اللى بيحصل بقى ساعتها ؟ = ان لاعب بيشوط الكوره والحارس بيصدها وبيمنعها انها تدخل جون + جميل جدا ولله المثل الاعلى ربنا امرنا بحاجات اننا نعملها مثلا اننا نعيش حياتنا صح وانى مثلا اهتم بشعرى واسرحه بس طبعا تكون بنيه انها امر نبوى الشيطان بقى ما يمنعكش ويقولك لاء فعلا لازم تسرحه وبكل خبث يرمى لك حته صغيره خالص ويخليك تحول نيتك انها علشان يبقى شكلى حلو ولحد هنا زى الفل ولكن لعبته علشان اعجب البنات هنا بقى لعبته بدون اى شئ خالص وانت روقت شعرك وكله تمام بس النيه مش تمام هنا بقى شغله يصدك عن ذكر الله = ايه ده هو انا لما اسرح شعرى واروقه ده ذكر لربنا + ايون بس طبعا بالنيه انت نيتك ان الله جميل يحب الجمال وكمان النبى دعانا لكده لما قال فيما معناه من كان لديه شعر فليكرمه فتكون دى النيه = يا نجم نفترض ان دى النيه يبقى ذكر لله +ايون مش لسه بقولك مفهوم ذكر الله كبييير جدا ويارب الحلقه تكفى كمان = بجد الحلقه دى هتبقى امتى بجد علشان خاطرى ؟ + قريب ان شاء الله نكمل بقى = ماشى نكمل +ماشى وعلشان كده الشيطان مش هيقولك بلاش تشوط وان كان ممكن يعملها ولكن لعبته انه يخليك وانت بتشوط واحد من الجماهير يرمى طوبه تتشغل بيها تشوط بره الجون اللى لو تخيلنا اننا نرضى ربنا يعنى الجول لو دخل يبقى ربنا يرضى عننا اللى هو هدفنا ولله المثل الاعلى جميل اوى ولكن خلى بالك من نهايه الايه جمله تثبت ربنا يبقول ( فهل انتم منتهون ؟) عارف ليه ربنا سألنا السؤال ده = ليه ؟ + علشان ربنا فى خلال الايه دى كشف لك كل اوراق ابليس فربنا بيقولك انا كشفت لك اوراقه اللى ممكن يعملها الور عليك انت بقى هل هتسمع كلامى وهتنتهى عن اللى عاوزه يعمله فيك وانت هتساعده ولا هتطنش وهتعمل نفسك مش واخد بالك + لازم كل واحد يجاوب بقى = فعلا يارب انا هنتهى وهطبق عملى وطبعا فى الايه اللى بعدها ربنا بيقدم الحل للناس اللى حطوا النيه انهم هينتهوا وربنا بيقول لهم ( واطيعوا الله واطيعوا الرسول واحذروا فان توليتم فاعلموا انما على رسولنا البلاغ المبين ) وطبعا بما اننا بنتكلم على الاخوه اللى المفروض تكون بيننا وطبعا الدين اتكلم عن الموضوع ده فى مواضع كتيير وبطرق كتيير ولكن المره دى هنكتفى باللى قولناه ولازم قبل ما نمشى نتعلم قيمه الاخوه ونبقى اخوات بجد مش علشان مصالح نبقى اخوات لله نحب بعض وننصح بعض ونخاف على بعض وهنبقى نتكلم عن الحب فى الله علشان الصوره تكتمل = ماشى ربنا يسهل لينا وليك + ماشى يلا بقى سبحانك اللهم وبحمدك نشهد ان لا اله الا الله نستغفره ونتوب اليه = سبحانك اللهم وبحمدك نشهد ان لا اله الا الله نستغفره ونتوب اليه +السلام عليكم ورحمه الله وبركاته = وعليكم السلام ورحمه الله وبركاته فى حفظ الله  
|
|
#84
25-11-2009, 09:46 PM
|
||||
|
||||
 رسالة أتمنى منكم قراءتها ببصائركم لا بأبصاركم لكي تدرك قيمة العشر سنوات .... إسأل زوجين انـفـصلا حديـثاً لكي تدرك قيمة الأربع سنوات .... إسأل شخص مـتخـرج من الجامعة حديثاً  لكي تدرك قيمة السنة .... إسأل طالب فـشـل في الاختبار النهائي  لكي تدرك قيمة الشهر .... إسأل أم وضعت مولدوها قبل موعده  لكي تدرك قيمة الأسبوع .... إسأل محرر في جريدة أسبوعية  لكي تدرك قيمة الثانية ولكي تدرك قيمة الجزء من الثانية .... إسأل شخص فاز بميدالية فضية في الأولمبياد وفي الأغلب يكون الفرق بين الذهب والفضة أجزاء قليلة من الثانية  لكي تدرك قيمة الصديق .... إخسر واحد  لكي تدرك قيمة الأخت .... إسأل شخص ليس لديه أخوات  الوقت لا ينتظر أحد وكل لحظة تمتلكها هي ثروة  لكي تدرك قيمة الحياة .... إسأل عن إحساس من على فراش الموت  لكي تدرك قيمة ذكر الله ..... مت وأنظر ماذا فقدت من عمرك وأنت غافل   -- منقووووول من احد المشاركات فى الحملة --
|
|
#85
25-11-2009, 09:48 PM
|
||||
|
||||
 برنامج خليكــى اجمـــل للبنــات وبس يقدمـه لكم بنات التغير  همسات قلب & ASMAA- الحلقة الثالثــة الحياء _السلام عليكم ورحمة الله وبركاته _وعليكم السلام ورحمة الله وبركاته _إيه الأخبار؟ _الحمد لله...كله تمام _الحمد لله... (موبايل البنوته رن...ردت عليه وهى بتتكلم كان صوتها عالى وضحكتها كمان كانت عاليه أوى.... ) _إيه ياعم المكالمة الطويلة اللى اخدتك مننا ديه؟! _لا أبدا...ده بس واحده صاحبتى _وهو مش ينفع اتكلم مع صاحبتى غير بصوت عالى؟! _لاء...عادى يعنى...!!! _لا ياحبيبت قلبى مش عادى...انتى بنت _وفيها إيه..؟!! _أنا أقولك ... البنت لازم يكون صوتها هادى وكمان صوت ضحكتها يكون هادى يعنى أنتى بتكلمى اللى معاكى وبس مش كل اللى حواليكى!! _طيب ما هو فى أوقات الصوت بيعلى غصب عنك؟! _فى الحالة ده اتحكم فى نفسى _إزاى؟!!! _ببساطة جدا.. افتكر أنى بنت وحيائى يمنعنى أن صوتى يعلى وانا فى مكان عام.... _حيائى..؟!!!! _أيون ... حيائى... ده صفة مهمة لازم تكون موجوده عند كل بنت ... الحياء...وكمان ده بيحميها أوى وبتكون مصونة ومكرمة _تصدقى... انا عمرى ماحد كلمنى عن الحياء...!! _خلاص ياستى...سهله..أنا أعرفك بيه _ياريت...!!!!!!!! _فى الاول لازم تعرفى يعنى ايه الحياء؟ الحياء صفة..موجوده عند كل الناس..الصفة ده بتخلينى ماعملش حاجات كتيره اوى غلط وكمان قبل ما اعمل اى حاجه أفكر فيها ياترى الحاجه ده تناسبنى كبنت وينفع اعملها عادى؟! وأجمل حاجه فى الحياء انه من صفات الخالق عزوجل وكمان من صفات النبى صلى الله عليه وآله وسلم وكل الانبياء كمان _عليه الصلاة والسلام... من صفات ربنا...؟!!!! _أيون... اسمعى كده الحديث الرائع ده يقول الرسول الكريم صلى الله عليه وآله وسلم (إن الله يستحى أن يرفع العبد يديه إليه ويدعوه فيردهما صفرا خائبتين) (يستحى)!!! ده ربنا..الرسول بيقولنا ده عن ربنا اللى خلقنا..اللى احنا كلنا ملكه هو وبس وفينا منه... يعنى ينفع يكون ربنا حييى وانتى....مش يكون عندك حياء؟!! _........؟!!!!! أنتى بتقولى أنه من صفات الرسول كمان؟! _أيون.. اسمعى كده الحديث ده وأنتى تعرفى..عن أبى سعيد الخدرى رضى الله عنه قال: (كان رسول الله صلى الله عليه وآله وسلم أشد حياءا من العذراء فى خدرها)...!! _بس بردوه...ده ربنا وده الرسول..!! _أيوه فعلا...أنتى نسيتى أن الرسول قدوتنا وأى حاجه يعملها لازم نعملها واى صفة تكون فيه لازم تكون فينا؟! _أيوه..بس الزمن مختلف _يعنى ايه؟! _يعنى زمان كانت البنت مش ليها لزمه يعنى قاعده فى البيت فلازم كانت يكون عندها حياء..!!! _لاء طبعا غلط...البنت على طول ليها كرامه وليها لزمه..ربنا مابيخلقش حاجه غير لما يكون منها فايده وليها مهمه... وبعدين كون البنت قاعده فى البيت أو خرجت للشارع فده مايمنعش أنها يكون عندها حياء بالعكس ده يزود حياءها _ازاى؟!! _زمان بردوه البنت كانت بتخرج وبتتعامل مع الناس والدليا على ده البنتين فى قصة سيدنا موسى عليه السلام اسمعى كده ربنا عزوجل بيقولنا عنهم ايه (...فجاءته إحداهما تمشى على استحياء...) (على استحياء)!!..ياالله... شوفتى ربنا بيصور لنا شدة حياء البنت اد إيه لما يوصف الحياء وكأنه حاجه مفروشه ع الأرض والبنت ماشيه عليه...يعنى مش مجرد صفة عندها..لا ده كمان أعظم من كده بكتير..وكأن ربنا بيمثل لنا الحياء على صورة البنت ده عشان نتعلم منها ازاى يكون عندنا حياء ونحافظ عليه _بس...!!! _بس ايه.. استنى لما أخلص كلامى... _وهو لسه فى حاجه تانيه هتقوليها؟!! _طبعا _أوك.. اتفضلى _أوك.. غير ده كله كمان الحياء من الايمان والدليل على ده حديث الرسول الكريم صلى الله عليه وآله وسلم...صلى عليه _عليه الصلاة والسلام.. _نقول الحديث... (الايمان بضع وستون شعبة افضلها لا اله إلا الله وادناها إماطة الاذى عن الطريق والحياء شعبة من الايمان) (البضع:من3-10 ، الشعبة: القطعة والخصلة) شوفتى بقى أن مش ينفع أكون بنوته جميله وكمان مؤمنه غير لما يكون عندى حياء..!! _تصدقى فعلا..ازاى احنا كنا عايشين قبل كده ومش بنفكر فى موضوع الحياء ده..!!! _أنتى لسه معاكى الفرصة.. _أيوه صح.. لسه معايا الفرصة ولازم أستغلها... من هنا ورايح مش هاعمل اى حاجه غير لما أفكر ياترى حيائى يسمح لى أعمل الحاجه ده..وكمان صوتى هيكون هادى وضحكتى كمان حتى إن كنت بتكلم مع واحده صاحبتى _جميل أوى..ربنا معاكى ويعينك _يارب _دلوقتى بقى لازم أسيبك _ليه كده.. ماحنا بنتكلم سوا وحلوين خليكى شويه.. _سورى..بس عندى شوبنج _***هه..ماشى ياستى وابقى افتكرينا _إن شاء الله...يلا السلام عليكم ورحمة الله وبركاته _وعليكم السلام ورحمة الله وبركاته  انتظرونـــــــــا ان شاء الله فى الحلقة القادمة
|
|
#86
25-11-2009, 10:00 PM
|
||||
|
||||
|
جزا الله خير كاتبات الحلقه
حقيقى راااااااائعه ومميزه ربنا يكرمكم ويرضيكم ويبارك فيكم
|
|
#87
25-11-2009, 10:14 PM
|
||||
|
||||
|
كلمات انشوده (((( احلى حياه )))) مين آل ( قال ) ان الدين ديئها (ضيقها ) بالعكس دا هو اللي بدأها حب حياتك أوي واعشقها اعمل كل اللي بيرضي الله ما تخفش مدام ربنا راضي عيش زيك زي الناس عادي واللحظة اللي انت سعيد فيها افرح بئة خليها على الله ليه دايما بنروح للدنيا وليه بنشوف الدين حاجة تانيه مع ان اللي اتنين حاجة وحده كل حياتنا بأمر الله احلى حياة انه بقلبك دينك وملائكة وجنة محوطينك عايش كل الناس شايفينك حاسدينك آه على حب الله اعرف ربنا زي ما أللك ( قال لك ) متسيبش الأوهام توصللك انت وبس في ايدك حلك مين يحتار اذا كان ربه معاه اعرف دينك صح تحبه من دون تشديد ومنك سايبو من يعيش كده يبأة يا بختو حقو الدنيا متبآش سايعاه ليه دايما بنروح للدنيا وليه بنشوف الدين حاجة تانيه مع ان اللي اتنين حاجة وحده كل حياتنا بأمر الله ليه دايما بنروح للدنيا وليه بنشوف الدين حاجة تانيه مع ان اللي اتنين حاجة وحده كل حياتنا بأمر الله لما الحق ينور قلبك لما يكون ربنا بيحبك تسبق رحمته دايما ذنبك صدقني دي فعلا احلى حياة
|
|
#88
25-11-2009, 10:15 PM
|
||||
|
||||
|
جزاكم الله خيرا جميعا
__________________
|
|
#89
25-11-2009, 10:19 PM
|
||||
|
||||
|
هذه المشاركة بقلم الأستاذ ((محمد عيد)) كاتب الحلقات
حملة إتحرك بجد تقدم ( ايااااام هتغيرنا ) احم ...احم الو ..ايون الصوت واضح يا رداله طيب تمام كده نبدأ يلا بسم الله طبعا قبل ما نبدأ الرغى مع بعض عاوز اطمن ايه اخبار الاستغفار والشهاده هاه فاكرين فى اى موقف نقول استغفر الله خمس مرات و لا اله الا الله ولو مره يا رب ما نكونش بطلنا ولو ما بدأتش يلا ابدأ معانا ندخل بقى فى حلقتنا النهارده حلقتنا النهارده جميله وغريبه شويه هى طبعا لو احنا عارفين ان النظر فى المصحف عباده علشان كده هنعمل حركه لذيذه اوى وهى اننا طول ما احنا قاعدين على الكمبيوتر هنفتح فى صفحه لوحدها الرابط ده ده وكل شويه هنبص فى المصحف بصه واحده واقرا ولو آيه واحده ده عباره عن مصحف فلاشى كل شويه اقرأ ولو آيه واختار السوره اللى بتحب تقراها وطبعا كل حرف بحسنه وكل حسنه بعشره وربنا بيضاعف لمن يشاء وانا عارف ممكن تكون القراءه صعبه فى الاول بس النبى صلى الله عليه وسلم قال فيما معناه ان اللى بيقرأ القران وهو صعب عليه يقراه بياخد اجرين اجر انك بتقرا واجر انك بتحاول يلا بقى انا بقول آيه كل شويه نقرأ ايه يلا بقى احنا عاوزين نتغير ووالله ربنا هيساعدك لانك نيتك ان انا يارب عاوز اتغير علشان ترضى عنى واذوق اللذه الحقيقه بجد يلا السلام وعليكم ورحمه الله وبركاته
|
|
#90
25-11-2009, 10:21 PM
|
||||
|
||||
|
جزانا الله وإياكم كل خير أستاذ عبد القادر
بس فين الشغل وفين الهمه احنا نمنا والا ايه عايزين نشااااااااااااااط
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 05:43 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
