طالبه في تانيه اسنان تحت امركم للي عايزا اي استفسار بشان الكليه

[sara carlayone]

انا مش عارفة حتى لو زدت فى التظلم التنسيق ممكن يبقى عالى جدا وملحقش برده حاجة عشان كده قولت الحق الخاص احسن.. وبالنسبة لاقتراحك هو كويس بس فيه مشكلتين انى ممكن اختصر علوم ف 3 سنين وده هيتطلب جهد عالى اوى عشان اشتغل الساعات المقررة بجانب الاضافية المشكلة التانية انى سمعت ان علوم اصعب من صيدلة بس ممكن اتغلب على الموضوع ده وانا غالبا مش هكتفى بيها وهاخد اسنان 4 سنين بعدها هبقى ضيعت 7 سنين من عمرى كده !!
عموما ياريت التنسيق ييجى كويس وتبقى لسه فى اماكن فى اسنان او صيدلة بعد المرحلة الاولى واشك فى ذلك طبعا
وشكرا لتعبك معانا ياجميل وربنا يوفقكــــ

[ماما ميا ميا]

المشاركة الأصلية كتبت بواسطة sara carlayone

انا مش عارفة حتى لو زدت فى التظلم التنسيق ممكن يبقى عالى جدا وملحقش برده حاجة عشان كده قولت الحق الخاص احسن.. وبالنسبة لاقتراحك هو كويس بس فيه مشكلتين انى ممكن اختصر علوم ف 3 سنين وده هيتطلب جهد عالى اوى عشان اشتغل الساعات المقررة بجانب الاضافية المشكلة التانية انى سمعت ان علوم اصعب من صيدلة بس ممكن اتغلب على الموضوع ده وانا غالبا مش هكتفى بيها وهاخد اسنان 4 سنين بعدها هبقى ضيعت 7 سنين من عمرى كده !!
عموما ياريت التنسيق ييجى كويس وتبقى لسه فى اماكن فى اسنان او صيدلة بعد المرحلة الاولى واشك فى ذلك طبعا
وشكرا لتعبك معانا ياجميل وربنا يوفقكــــ

ربنا يوفقك يا قمر بس علفكره بنات كتير معانا في الدفعه و كانوا في علوم و ناس كتير بتعمل الموضوع ده دلوقتي بقي عادي يعني بس انتي شوفي مصلحتك فين و ربنا يوفقك

[Mido uyd isc]

خبر عاااااااااااااااجل
الطب98.8%
طب الاسنان98%
الصيدلة97.5%
الهندسة94.5%
الاعلام96.5%
اقتصاد وعلوم سياسية96.5%
حرااااااااااااااااااااااااااااااام وربنااااااااا
يلهوووووووووووووووى انا جايب 96% علمى علوم مش هلحق حاجه كدا
يااااااارب الاقى اماااكن اسنان او صيدله خااااص!!

[mohamed hammouda]

انا من الاخر كدة بكره طب الاسنان ده ومش مقتنع اني هقعد 5 سنين ادرس صفين الاسنان دول !!!!!!
بس التنسيق شكله كدة هيجيبهالي
حضرتك شايفة انه في امل اني لما ادخلها احبها وابقي ناجح فيها و لا لأ ؟؟
مع العلم اني بحب الاحياء جدا جدا بس ما اعرفش اسنان فيها شغل احياء كتير ولا لأ ؟؟

[خلود سليم]

انا ان شاء الله داخله اسنان السنادى بس خاص لانى جبت96 وعملت تظلم وليا 7درجات ونص مش عرفه هخدهم ولا لا معلشى انا طولت عليكى بس كنت عايزة اسال فى حاجه (حضرتك قولتى ان التخصص بيبقى من اول سنه طب ازاى وانا بصراحه لسه مش عرفه عنها حاجه وعن المجالات دى) وعندى سؤال تانى لو فيها غلاسه هى المفروض اسنان 5سنين+سنه امتياز طب واعدادى بتبقى تبع الخمس سنين ولا ايه؟؟ (شكرا لمجهود حضرتك معانا)

[medoash]

المشاركة الأصلية كتبت بواسطة خلود سليم

انا ان شاء الله داخله اسنان السنادى بس خاص لانى جبت96 وعملت تظلم وليا 7درجات ونص مش عرفه هخدهم ولا لا معلشى انا طولت عليكى بس كنت عايزة اسال فى حاجه (حضرتك قولتى ان التخصص بيبقى من اول سنه طب ازاى وانا بصراحه لسه مش عرفه عنها حاجه وعن المجالات دى) وعندى سؤال تانى لو فيها غلاسه هى المفروض اسنان 5سنين+سنه امتياز طب واعدادى بتبقى تبع الخمس سنين ولا ايه؟؟ (شكرا لمجهود حضرتك معانا)

اسنان مفيهاص تخصص من اول سنة ولا حتى اخر سنة ..... اسنان خمس سنين +سنة امتياز (اعدادى - اولى - تانية - تالتة - رابعه)

فيه بقى تخصصات معينة ممكن حضرتك تعملى فيها ماجستير بعد اما تخلصى لكن اسنان فيها عشر اقسام المفروض يكون الطالب متخرج ملم بيهم كلهم

[medoash]

المشاركة الأصلية كتبت بواسطة mohamed hammouda

انا من الاخر كدة بكره طب الاسنان ده ومش مقتنع اني هقعد 5 سنين ادرس صفين الاسنان دول !!!!!!
بس التنسيق شكله كدة هيجيبهالي
حضرتك شايفة انه في امل اني لما ادخلها احبها وابقي ناجح فيها و لا لأ ؟؟
مع العلم اني بحب الاحياء جدا جدا بس ما اعرفش اسنان فيها شغل احياء كتير ولا لأ ؟؟

هما الخمس سنين مش فى صفين اسنان ... مواد اسنان بتتراوح بين مواد طب زى البيوكمسترى والفسيولوجى والهستولوجى والتشريح وغيررررره وبين مواد تخص اسنان بس مواد اكاديمية ومواد اسنان تخصص ومواد صيدلية زى الفارما ومواد علوم زى الفيزيا والكيميا والحيوان والنبات فالموضوع مش من بابه اسنان


غير كدا اسنان ممتعه كدا وفيها عملى بجد على الاقل بيدى شكل للدراسة وجودة وكفائة بعد التخرج بدل ما تقضى خمس سنين مذاكرة فى مذاكرة

انسى بقى موضوع احياء والكلام دا الموضوع زى ما قلتلك كبير انت هاتدخل فى مواد وعلوم واسعه مش فى حدود ضيقة ... الحقيقة الثابته هيا ان صيدلة موادها كلها كيميا معظمها يعنى لكن سواء طب او اسنان هتلاقى بقى علوم جديدة اول مرة تدرسها

[منونه المصريه]

انا طالبه جديده لسه مخلصه ثانويه عامه بمجموع 100.2 %
و من دمنهور بالبحيره

و ان شاء الله كتبت اسنان الاسكندريه اول رغبه و كان عندى بعض الاستفسارات و اتمنى حد يفيدنى للضروره :

1. نتيجه التنسيق غالبا حتطلع بكره ( الاحد ) هل اروح تانى يوم للكليه عشان ادم ورقى ؟ ولا اعد بعدها فتره ؟ ولا ايه النظام ؟

2. السفر افضلى ؟ ولا المدينه الجامعيه افضل ؟

ارجو الرد سريعا للضروره

[ماما ميا ميا]

المشاركة الأصلية كتبت بواسطة منونه المصريه

انا طالبه جديده لسه مخلصه ثانويه عامه بمجموع 100.2 %
و من دمنهور بالبحيره

و ان شاء الله كتبت اسنان الاسكندريه اول رغبه و كان عندى بعض الاستفسارات و اتمنى حد يفيدنى للضروره :

1. نتيجه التنسيق غالبا حتطلع بكره ( الاحد ) هل اروح تانى يوم للكليه عشان ادم ورقى ؟ ولا اعد بعدها فتره ؟ ولا ايه النظام ؟

2. السفر افضلى ؟ ولا المدينه الجامعيه افضل ؟

ارجو الرد سريعا للضروره

لما تطلع نتيجه التنسيق ان شاء الله اطبعي ورقه الترشيح و روحي قدمي الورق بتاعك بس هتقدميه في علوم اسكندريه عشان اول سنه اسنان بتبقي في علوم بالنسبه للمدينه او لسفر بصي في ناس بتفضل السفر كل يوم و ناس بتفضل المدينه انا كان في اصحابي عاملين اشتراك في اتوبيس و بيروحوا و يجوا بس بتبقي مشقه عليهم و مش بيقدروا يحضروا كل المحاضرات فشوفي انتي الانسب ليكي ايه و عموما هسالك واحده صحبتي في البحيره و هرد عليكي

[سهيلة 23]

انا قلقانة جدا ومضطربة كمان محتاجة مساعدتك
انا بفضل ربنا جبت 100.6
وكتبت اسنان رغبة اولى والحمد لله جاتلى
وانا طبعا سألت ناس كتيييييير وناش شكرت فيها
بس كنت كل ما اقول لحد انى دخلت اسنان يبصلى بصة غريبة
ويقولى ازاى تسيبى طب وكده يعنى
المهم انى فضلت ثابتة
بس المشكلة الوقتى انى اتهزيت تانى وخفت تانى
لما لقيت ناس كتير اقل ب7 او 8 درجات وجالهم طب
فقولت هو انا اخترت صح ولا غلط
والشيطان بدأ يلعب ف عقلى
مع انى مقتنعة باسنان وكل حاجة
بس هى النفس البشرية الطامعة
وبلاقى كمان ان معظم اللى دخل اسنان كان كاتب طب رغبة اولى
ممكن بجد تساعدينى وتقوليلى انا اخترت صح ولا ايه ؟ ؟؟
انا بس محتاجة حد يشجعنى
اسفة ع الاطالة ومعلش ازعجتك ..اقبلى ازعاج اختك الصغيرة بقى

[medoash]

المشاركة الأصلية كتبت بواسطة سهيلة 23

انا قلقانة جدا ومضطربة كمان محتاجة مساعدتك
انا بفضل ربنا جبت 100.6
وكتبت اسنان رغبة اولى والحمد لله جاتلى
وانا طبعا سألت ناس كتيييييير وناش شكرت فيها
بس كنت كل ما اقول لحد انى دخلت اسنان يبصلى بصة غريبة
ويقولى ازاى تسيبى طب وكده يعنى
المهم انى فضلت ثابتة
بس المشكلة الوقتى انى اتهزيت تانى وخفت تانى
لما لقيت ناس كتير اقل ب7 او 8 درجات وجالهم طب
فقولت هو انا اخترت صح ولا غلط
والشيطان بدأ يلعب ف عقلى
مع انى مقتنعة باسنان وكل حاجة
بس هى النفس البشرية الطامعة
وبلاقى كمان ان معظم اللى دخل اسنان كان كاتب طب رغبة اولى
ممكن بجد تساعدينى وتقوليلى انا اخترت صح ولا ايه ؟ ؟؟
انا بس محتاجة حد يشجعنى
اسفة ع الاطالة ومعلش ازعجتك ..اقبلى ازعاج اختك الصغيرة بقى

انا شوفت كلام حضرتك يا دكتورة فاستدعانى انى ارد عليكى عشان شكل حضرتك على اعصابك
اولا مش كل الناس بتكتب طب رغبة اولى فى ناس بتكتب اسنان وناس اكتر منهم بكتيييييير بيسيبوا الاتنين بتكتب صيدلة فيعنى الموضوع مش غريب خالص
ثانيا حضرتك مسبتيش طب ودخلتى مثلا تجارة دا انتى دخلتى طب اسنان يعنى هتطلعى برضه دكتورة وليكى احترامك وعيادتك لو عاوزة الفرق بس ان حضرتك داخله متخصصه فى مجال معين فمش حاجة تندمى عليها بالعكس اما حضرتك تدخلى اسنان وتكملى فيها وتقارنى نفسك ببتوع طب بالذات البنات وباللى بيشوفوه وتقارنى عدد السنين وتقارنى المجهود والتعب وتقارنى المستقبل هتحمدى ربنا مية مرة انك دخلتى اسنان انا واحد من الناس كنت كاتب صيدلة رغبة اولى وقرايبى فى كلية طب نصحونى انى اكتب اسنان وفعلا حصل ومكتبتش طب خاااااالص الموضوع يعنى مش بعيد لان فى الاخر لو الناس بتبص على المكانة الاجتماعية والالقاب ففى الاخر كلهم التلات كليات بيبقوا دكاترة ولو هتبصى على العمل اسنان وعن خبرة لانى بقف فى عيادة بتكسب ما شاء الله يعنى احسن من اى تخصص تانى هيا بس بتحتاج مجهود شوية وتركيز

موضوع استخسار المجموع دا مبحبوش اصل فى الاخر هوا فرق 2 من عشرة بين الكليتين تخيلى بقى لو حضرتك كنتى حصل ظروف وقليتى ودخلتى اسنان وملحقتيش طب كنتى ساعتها هتبقى سعيدة جداااا مع انها نفس الكلية فاحمدى ربنا لان فى ناس مش لاقية صيدلة حتى

[سهيلة 23]

شكرا على الرد
انا بجد والله مقتنعة وكل حاجة
بس زى ما قولت المشكلة فى النفس البشرية انها دائما قلوقة وطامعة
وثانيا فى الاعراف الاجتماعية التى تنظر نظرة خاطئة
بس تمام الحمد لله ان مقتنعة تمام الوقتى
اللهم ثبتنى ووفقنى لما تحبه وترضاه

[doctora]

انا من المنصورة و جايبة 406 وكنت كاتبة صيدلة المنصورة تانى رغبة وجتلى وعاوزة احول لاسنان المنصورة وهى اخدت من406 هل ينفع بالتحويل الالكترونى و نسبة قبوله كام فى المية علشان انا قلقانة ولو حد عارف ان حد عمل التحويل ده قبل كده وقبل يطمنى وفى ناس بتقول ان التحويل الورقى ب1000 ال 5000 هل هذا صحيح يا ريت حد يرد ربنا يطمنكوا

[Major Dancer]

المشاركة الأصلية كتبت بواسطة سهيلة 23

انا قلقانة جدا ومضطربة كمان محتاجة مساعدتك
انا بفضل ربنا جبت 100.6
وكتبت اسنان رغبة اولى والحمد لله جاتلى
وانا طبعا سألت ناس كتيييييير وناش شكرت فيها
بس كنت كل ما اقول لحد انى دخلت اسنان يبصلى بصة غريبة
ويقولى ازاى تسيبى طب وكده يعنى
المهم انى فضلت ثابتة
بس المشكلة الوقتى انى اتهزيت تانى وخفت تانى
لما لقيت ناس كتير اقل ب7 او 8 درجات وجالهم طب
فقولت هو انا اخترت صح ولا غلط
والشيطان بدأ يلعب ف عقلى
مع انى مقتنعة باسنان وكل حاجة
بس هى النفس البشرية الطامعة
وبلاقى كمان ان معظم اللى دخل اسنان كان كاتب طب رغبة اولى
ممكن بجد تساعدينى وتقوليلى انا اخترت صح ولا ايه ؟ ؟؟
انا بس محتاجة حد يشجعنى
اسفة ع الاطالة ومعلش ازعجتك ..اقبلى ازعاج اختك الصغيرة بقى

أنــــــآ ع فكرة زيكـ بالظبط .. وكنت قلقان جدآآآآ .. ,والشيطان كانـ عمال يلعب فـ دماغي بردهـ

بس أكتر حاجه طمنتني إن أنـآ طبيعي .. إن التانية ع الجمهورية دخلت أسنان .. بردهـ

عمومـآ ربنـآ يوفقنـآ جميعــآ

[doctora]

انا من المنصورة و جايبة 406 وكنت كاتبة صيدلة المنصورة تانى رغبة وجتلى
وعاوزة احول لاسنان المنصورة وهى اخدت من406
هل ينفع بالتحويل الالكترونى و مضمون بنسبة كام فى المية علشان انا قلقانة
ولو حد عارف ان حد عمل التحويل ده قبل كده وقبل يطمنى
وفى ناس بتقول ان التحويل الورقى ب1000 ال 5000 هل هذا صحيح يا ريت حد يرد ربنا يطمنكوا