دردشة شباب وبنات سياحة وفنادق

[love never die]

هاى ياشبا ازيكم ان احمد سياحه وفنادق جامعة حلوان انشاء الله قسم ارشاد سياحى انشاء الله بردو اصل لسه الانترفيو بتاعى يوم 17 ادعولى بقى اعدى منه

[sympathique]

دعوة لاعضاء قسم سياحة

ياريت كل اللى موجود يتفضل على التوبيك ده

لاننا عاوزين نتفق على مواضيع سيتم حذفها ( تفاعلا مع حملة المنتدى )

والمواضيع دى فعلا مبقاش لها لازمة

وهى كلها كانت استفسارات

[sympathique]

انا هكتب المواضيع وعاوز رايكم

1-help ده كان استفسار ( وتم وضع الاستفسار فى توبيك اخر وتم الرد عليه)
2- استفسار قدبم وتم الرد عليه
3- دخلت سياحة وفنادق ليه (مكرر)
4- مجالات شغل كلية السياحة والفنادق (التوبيك لايمس العنوان باى صلة ده كان مجرد سؤال وتم الاجابة عليه يعمل توبيك غير انه تم فيه مناقشة حادة )
5- ww ( استفسار ولا تعليق)
6- ارجوو الماسعدة بسرعة ( استفسار قديم وتم الرد عليه)
7- هام جدا ارجو الرد
8- استفسار 2
9- انا حيران ادخل قسم ايه
10- استفسار
11- ميعاد اختبار الانترفيو ؟؟؟ ياريت الرد بسرعة
12- كل يوم وجبة (سيتم نقله الى قسم المطبخ)
13- استفسار شرورى وارجو الرد فى اسرع وقت
14- اختبار الانترفيو (ملوش لازمة ومكرر)
15- ارجو المساعدة (استفسار قديم)
16- اقسام السياحة والفنادق ( غير مفيد تماما )
17- استفسار هام جدا....... (استفسار قديم وتم الرد عليه)

[sympathique]

ياريت اعرف رايكم ايه فى المواضيع دى

انا من رايى ان كلها تم الاجابة عليها فى مواضيع تانية غيرها

وفيه منها مكرر

بس فعلا ليس لها فائدة

يعنى بالبلدى كده ( مواضيع ميتة )

[sympathique]

ياشباب لسا محدش قال رايه وانا مش عاوز اتصرف من تلقاء نفسى

[aya gamel]

فعلا يا شريف كل المواضيع دى قديمة و مش بيترد عليها خلاص

[sympathique]

المشاركة الأصلية كتبت بواسطة aya gamel

فعلا يا شريف كل المواضيع دى قديمة و مش بيترد عليها خلاص

اوكى يا آية وكويس انك وافقتى بس انا عاوز راى بقية الاعضاء بما انهم ويانا فى القسم

وعملتى ايه النهاردة فى الانترفيو شكلكوا كده كنتوا جايين تعبانين اوى

[aya gamel]

انا لسة ما عملتش الانترفيو انا كنت بخلص ورق المدينة و اللى عمل الانترفيو هو تريكة احنا الانترفيو بتاعنا لسة بكرة او بعده

[same7_samo]

السلام عليكم

اتشرف انى اكون طالب بكليه السياحه والفنادق جامعه المنصوره
انا كنت فى كليه تجاره جامعه الزقازيق ولكنى حولت الى كليه سياحه وفنادق جامعه المنصوره
وخلصت ورقى فى المدينه الجامعيه يوم الاحد الموافق
16/8/2009 ورحت الكليه علشان اعرف ميعاد الانترفيو بس قالوا مش دلوقتى بالنسبه للى ذيى على الملف بتاعى مايوصل الكليه فياريت لو حد حالته زى حالتى ويعرف ميعاد الانترفيو امتى يقولى
وياريت نعرف الاعضاء اللى معانا هنا فى سنه كام علشان يفيدونا فى الكليه دى عن اى منعلومات فيها او اى مشاكل هتواجهنا فيها انا مثلا
عاوز ادخل قسم دراسات سياحيه
ياريت القسم ده لو مش كويس ولا حاجه حد يعرفنى ولو صعب برده يقولى
وعاوز اعرف الرحالات اللى الكليه بتنظمها دى للطلبه كلها ولا على حسب الاقسام انا شفت الرحالات لقسم الارشاد السياحى ولقسم الدراسات الفندقيه
يعنى مفيش لقسم الدراسات السياحيه ولا ايه ؟؟؟؟
والتدريب الصيفى هوه على طلبه قسم الدراسات السياحيه ولا لا ؟؟؟؟؟

[riham_eg]

المشاركة الأصلية كتبت بواسطة sympathique

انا هكتب المواضيع وعاوز رايكم

1-help ده كان استفسار ( وتم وضع الاستفسار فى توبيك اخر وتم الرد عليه)
2- استفسار قدبم وتم الرد عليه
3- دخلت سياحة وفنادق ليه (مكرر)
4- مجالات شغل كلية السياحة والفنادق (التوبيك لايمس العنوان باى صلة ده كان مجرد سؤال وتم الاجابة عليه يعمل توبيك غير انه تم فيه مناقشة حادة )
5- ww ( استفسار ولا تعليق)
6- ارجوو الماسعدة بسرعة ( استفسار قديم وتم الرد عليه)
7- هام جدا ارجو الرد
8- استفسار 2
9- انا حيران ادخل قسم ايه
10- استفسار
11- ميعاد اختبار الانترفيو ؟؟؟ ياريت الرد بسرعة
12- كل يوم وجبة (سيتم نقله الى قسم المطبخ)
13- استفسار شرورى وارجو الرد فى اسرع وقت
14- اختبار الانترفيو (ملوش لازمة ومكرر)
15- ارجو المساعدة (استفسار قديم)
16- اقسام السياحة والفنادق ( غير مفيد تماما )
17- استفسار هام جدا....... (استفسار قديم وتم الرد عليه)

sorry انى اتاخرت فى الرد انا موافقه على كل دول ومش عارفه هما اتشالوا فعلا ولالا لانى دخلت هنا على طول وكتبت استفسار عن التحويل وبس

[riham_eg]

هاى يا جماعه ازيكم
عاملين ايه فى الصيام
كل سنه وكلكم طيبين
ورمضان كريم

[sympathique]

كل سنة وانتم طيبين ياشباب

وربنا يوفقكم بقى فى دراستكم بعد رمضان انشاء الله

[treka_100]

كل سنة وانتي طيبة يا ريهام
وكل سنة وانت طيب يا شيري يا حبيبي
وكل سنة وكل الناس طيبين وبخير
وربنا معانا كلنا في الدراسة ان شاء الله

[riham_eg]

كل سنه وانت طيب يا محمود ويا شريف وكل الاعضاء
ورمضان كريم
وان شاء الله يكون احلى شهر ويكون كل طاعات وعبادات
وربنا يغفر لنا كلنا ويوفقنا

[riham_eg]

هاى يا جماعه ازيكم عاملين ايه فى رمضان
ان شاء الله يكون كله طاعه وغفران
عايزه اقولكم على شوية حاجات لو عايزين تعملوهم
19450 ده رقم جمعية رساله ومتفتكروش انها للتبرعات العينيه فقط لا ديه كمان عشان تتطوع بمجهودك انت بتتصل بالرقم ده وبيقولولك اقرب فرع منك عشان تتطوع فيه والتطوع بيكون حتى لو 30دقيقه فى الاسبوع
واول مابترع بتملى استمارة تطوعوتكتب النشاط اللى انت عايز تروح فيهوبعدين بتروح على النشاط فى نفس اليوم وليها فرع فى كل محافظه واكتر من فرع كمانوالتطوع فيها حلو اوى والعمل الجماعى بيشجع على الخير والله لما بتروح بتحس ان فى حاجه حلوه جواك وخصوصا وانت صايم

وده برنامج قصص القراءن الجزء التانى لعمرو خالد على المحور 5 عصرا و1 صباحا الاعاده وعلى قناة ساله 10مساءو1.30ظهرا الاعاده
وعلى ابو ظبى 3 ظهرا والاعاده 3 صباحا وعلى4shabab10مساءوالاعاده2.30 ظهرا

وبرنامج ليطمئن قلبى لشريف شحاتهيوميا الساعة 4:30 عصرا
الاعادة يوميا 4:00 فجرا
بتوقيت القاهرة

برنامج قصة حب لمصطفى حسنى
12 منتصف اليل و6 ص


برنامج قاطعوا هذه المنتجات للشيخ محمود المصرى البرنامج مش بيتكلم على منتجات ده بيتكلم عن اخلاق مذمومه نبعدعنها
19.45 والاعاده 3 صباحا
اسفه يا جماعه انى مجبتش مواعيد تانيه لبرامج تانيه بس هى ديه الدعاه اللى انا بسمعلها مصطفى حسنى وعمرو خالد ومعز مسعود واحيانا الشيخ محمود المصرى
عشان بحس ان الناس ديه مش بتفصل الدنيا عن الاخره يعنى بتعلم الناس ازاى يثعيشوادنيتهم بدينهم مش يعيشوا حياتهم منعزلين ومتشددين