|
||||||
| القسم الأدبى قسم يختص بنشر ما يكتبه كبار الشعراء والأدباءء والفلاسفة |
 |
|
|
أدوات الموضوع | انواع عرض الموضوع |
|
#1
16-07-2006, 11:04 PM
|
||||
|
||||
كيف تتكلّم مع الناس ؟ عنوان غريب مش كده؟؟ عمرك لقيت إنك مش عارف تتواصل مع حد معين؟؟ رغم إنك فعلا عايز تكلمه؟ لقيت مرة واحد مابتحبّش تتكلم معاه خالص؟؟ كده لله في لله؟؟ هل مرة لقيت إنك مش عارف تبيع سلعتك للزبون بتاعك رغم إنك حاولت بكل إخلاص؟ أكيد أيوه.. مش كده؟ طيب.. هنتكلم النهارده عن حاجة من الحاجات اللي هتفيدك في التواصل مع الناس بصورة أفضل.. والحاجة دي اسمها (التحدث بإيجابية) ********* في البداية عايز أوضح لك حاجة مهمة جدا عن عقلنا اللاواعي هنعرفها من المثال الصغير ده : هاقول لك جملتين عايزك تركز فيهم قوي وتنفّذ اللي فيهم ماتفكرش في وردة حمراء :P .. ينفع؟ طيب خد دي كده ماتتخيّلش سيارة سوداء ها؟ خدت بالك من اللي حصل ده؟؟ أكيد أكيد فكرت لا إراديا في الوردة الحمراء وفي السيارة السوداء كمان ********* إيه اللي حصل ده؟ اللي حصل يا جماعة إن العقل اللاواعي بتاعنا مابيسمعش الكلام قوي.. ببساطة بياخد الجملة ويقعد يفكر فيها كلمة كلمة عشان يقدر يستوعبها.. فعلشان تفهم الجملتين اللي فاتوا كان لازم العقل اللاواعي بتاعك يتخيل الوردة والسيارة السوداء يعني إيه؟؟ يعني لو أنا عايز أأثر على العقل اللاواعي للشخص اللي باتكلم معاه, ومش عايزه يفكر في وردة حمراء.. يبقى لازم الجملة مايبقاش فيها وردة حمراء.. صح كده؟؟ ********* طبعا المسألة مش مسألة وردة حمراء وسيارة سوداء عشان تفهم قصدي اقرا الأمثلة دي البائع: الأسعار بتاعتنا مش غالية.. احنا مش حرامية ونصابين الجملة دي غلط تماما وهتأثر في اللاشعور بتاع الزبون.. هيلاقي نفسه ببساطة (مش مستريح) للصفقة دي, ومش لازم يكون عارف ليه.. لكن احنا عارفين طبعا جملة (مش غالية) دي هيركز اللاشعور على كلمة (غالية) لا إراديا.. والجملة التانية (احنا مش حرامية ونصابين) هيفهم منها إنهم (حرامية ونصابين).. ده أكيد يبقى المفروض البائع يقول مثلا: أسعارنا مناسبة جداً.. احنا يهمنا ثقة العملاء ********* نفهم من كده إيه؟؟ نفهم إن إنت لو عايز تأثر في اللي قدامك بحاجة, يبقى لازم تستخدم الكلمات الإيجابية المناسبة اللي تخلق جو من الراحة في نفسه.. زي (رائعة) و(ثقة) في المثال اللي فات... واهرب من الكلمات السلبية زي (غالية) و(حرامية ونصابين) حتى لو نفيتها.. زي ما عرفنا مع بعض الطبيب: ماتخافش.. الحقنة مش بتوجع خالص هه.. إيه رأيك في المثال ده؟؟ يلاّ مع بعض نطلع الكلمات السلبية: أول كلمة سلبية هي: (ماتخافش).. دي هتخليه يخاف أصلا لأننا ذكرنا الخوف ثاني كلمة سلبية هي: (مش بتوجع).. دي هتخليه يتخيل الألم والوجعيبقى المفروض يقولها ازاي؟؟ الطبيب: اطمئن.. هتحس براحة بعد ثواني (ملاحظ إننا ماذكرناش كلمة "حقنة" أصلا؟) ملحوظة: كتجربة شخصية, لكل الأطباء اللي بيقروا الموضوع ده.. التكنيك ده أفادني كتير جدا -كدكتور(ودهطبعا اللى كاتب الموضوع) - في إقناع المريض بأخذ الحقنة تجنب الكلمات السلبية زي: ماتخافش، ماتقلقش، زي شكة الدبوس كلّمه يا دكتور عن الراحة والشفاء وإن حقنة البنج مريحة لأنها حقنة بنج أساساً ********* خدت بالك؟ ببساطة لأن هي دي الحقيقة, بس المهم هنوصلها له بأي طريقة؟ البنت لخطيبها: ماتقلقش يا حبيبي.. عمري ما هاخونك أو أكرهك طبعا كلنا حسينا بصدمة من الكلام ده.. لكن احنا عرفنا ليه.. عشان الكلمات السلبية زي: ماتقلقش- هاخونك – أكرهك المفروض الجملة دي تتقال كده البنت لخطيبها: اطمئن يا حبيبي.. أنا مخلصة لحبنا وهافضل أحبك على طول شايف الجمال اللي في المعنى؟؟ مع إننا ممكن نلاحظ ببساطة إن الجملتين لهم نفس المعنى ********* نستفيد من الكلام ده إيه بقى؟؟ نخش على الحكمة بتاعة التهاردة مهم جدا معنى الكلام الذي نقوله.. والأهم هو: كيف نقول هذا المعنى استخدم كلمات إيجابية دائما في حياتك.. ولاحظ الفرق الذي سيحدث في علاقاتك مع الناس..واعرف الحقيقة دي.. الناس اللي بيستخدموا كلمات سلبية كتير في كلامهم, الناس بتبتعد عنهم ومش بتحب تتكلم معاهم.. افتكر حد مش بتحب تتكلم معاه.. يا ترى إيه السبب؟؟ بيشتكي دايما من الظروف؟ بيشتم كتير؟ بيثير الإحباط؟؟ ركز في كلامه هتلاقي الكلمات اللي قلنا عليها.. الكلمات السلبية على عكس الناس اللي الناس بتحب تتكلم معاهم.. فكر في واحد بتحب تتكلم معاه وبتستمتع بكده.. مبتسم؟ متفائل؟ بيهوّن على الناس اللي حواليه مشاكل الحياة؟ ركز في كلامه هتلاقي الكلمات اللي بنقول عليها: الكلمات الإيجابية ********* قبل ما نختم بقى تعالوا نلعب لعبة اختار الجمل والكلمات الإيجابية اللي توصل المعنى بصورة صحيحة, وحط قدامها علامه: صح أنا مش عبيط.. أنا فاهم كل حاجة صح // غلط خليك ذكي وركز معايا صح // غلط الجو النهارده كويس صح // غلط ياباشا البضاعة بتاعتي مش بتبوظ بسرعة صح // غلط ماتقلقش.. الموضوع بسيط صح // غلط هابطّل السجاير, واكون إنسان جديد صح // غلط البارفان ده ريحته مش وحشة خالص.. بالعكس صح // غلط ماتفتكرش إن صحتي راحت.. أنا زي الفل صح // غلط مش هاخذلك يا uncle صح // غلط أنا إرادتي قوية جدا.. ثق في كده صح // غلط ماتبقاش غبي يا بني.. فتّح مخك معايا صح // غلط طبعا حلّيت الواجب كله لوحدي..إنت فاكرني باكدب؟ صح // غلط ********* حلها بقى بروقان واعرف إنت بقيت متحدث إيجابي ولاّ لأ مرّن نفسك من النهارده على إن كلامك يكون إيجابي.. ولاحظ الفرق اللي هيحصل في حياتك ماشي يا جماعة.. حط بقى مرادفات (إيجابية) للجمل (السلبية) اللي فاتت لو حبيت.... وورينا شطارتك يا بطل ********* اتمنى الموضوع يكون عجبكم
__________________
*الإنسان حين التغيير يصبح هو قطعة الرخام وفي نفس الوقت هو النحات فحتما سيتبع هذا التغيير ألم .... ولكن في النهاية تبرز ملامح الانسان الصالح الجديد بكل روعه وجمال .
|
|
#2
17-07-2006, 12:34 AM
|
|||
|
|||
|
موضوع جميل جدا فعلا
واكتر حاجه عجبتني موضوع الحقنه ده وتعامل المريض مع الدكتور بصفه عامه اصلا ممكن لو دكتور مش فاهم او مش بيعرف يتعامل يخوف المريض اصلا من غير مايكون هو بيخاف انا علي العموم بحاول فعلا في الموضوع ده وجزاكي الله خيرا علي الموضوع المهم
__________________
سبحان الله وبحمده,,,سبحان الله العظيم
|
|
#3
17-07-2006, 12:54 AM
|
|||
|
|||
شكرا على موضوع الجميل تويتى....فكرته فعلا رائعه....وتقريبا قليل جدا ان حد اتكلم عليها
__________________
في ليلة مولد الذئب خرجنا إلى الدنيا وعند زئير الأسد في الصباح سمونا بأسمائنا و في أعشاش النسور أرضعتنا أمهاتنا و منذ طفولتنا علمنا آباؤنا فنون الفروسية والتنقل بخفة الطير في جبال بلادنا الوعرة لا إله إلا الله
|
|
#4
17-07-2006, 10:59 AM
|
||||
|
||||
|
فلاور - دكتور كاسبر اسعدنى مروركم كثيرا
وعلى فكره يا دكتوره هبه بكتب الموضوع ومتاكده ان النقطه دى بالذات هتلفت نظرك وفعلا توقعى فى محله وبعتقد ان قليل اوى الاطباء اللى بيجيدوا التعامل مع المرضى وده طبعا بنشوفه كتير وربنا يوفقك حبيبتى وتبقى دكتوره مميزه اشكرك دكتور كاسبر لمرورك وفعلا بعتقد ان الموضوع ده مهم فى حياتنا كتير كلمات بنقولها بدون ما نعرف تاثيرها على المتلقى
__________________
*الإنسان حين التغيير يصبح هو قطعة الرخام وفي نفس الوقت هو النحات فحتما سيتبع هذا التغيير ألم .... ولكن في النهاية تبرز ملامح الانسان الصالح الجديد بكل روعه وجمال .
|
|
#5
17-07-2006, 12:01 PM
|
|||
|
|||
اختار الجمل والكلمات الإيجابية اللي توصل المعنى بصورة صحيحة, وحط قدامها علامه: صح أنا مش عبيط.. أنا فاهم كل حاجة غلط أنا واعى وافهم كل حاجة خليك ذكي وركز معايا صح الجو النهارده كويس صح ياباشا البضاعة بتاعتي مش بتبوظ بسرعة غلط البضاعة بتاعتى هتفضل سليمة وقت طويل ماتقلقش.. الموضوع بسيط غلط اطمئن .. الموضوع بسيط هابطّل السجاير, واكون إنسان جديد صح // غلط لا اعرف البارفان ده ريحته مش وحشة خالص.. بالعكس غلط البارفان ده ريحته جميلة جدا ماتفتكرش إن صحتي راحت.. أنا زي الفل غلط انا صحتى موجودة وانا زى الفل مش هاخذلك يا uncle غلط انا هافضل جنبك أنا إرادتي قوية جدا.. ثق في كده صح ماتبقاش غبي يا بني.. فتّح مخك معايا غلط خليك ذكى .. فتح مخك معايا طبعا حلّيت الواجب كله لوحدي..إنت فاكرني باكدب؟ غلط حليت الواجب كله لواحدى .. وانا صادق ********* شكرا على الموضوع الهايل يا تويتى
__________________
<div align="center">أنا شابة لكن عمرى ألف عام وحيدة لكن بين ضلوعى زحام .jpg) خايفة .. ولكن خوفى منى أنا أخرس ولكن قلبى مليان كلام </div> <div align="center">  </div>
|
|
#7
17-07-2006, 05:41 PM
|
||||
|
||||
|
كول جيرل وزيزو شرفنى مروركم جدا
واجاباتك تدل على استيعابك للدرس يا جيرل  زيزو مرورك هو الرائع وانا بتفق معكما
__________________
*الإنسان حين التغيير يصبح هو قطعة الرخام وفي نفس الوقت هو النحات فحتما سيتبع هذا التغيير ألم .... ولكن في النهاية تبرز ملامح الانسان الصالح الجديد بكل روعه وجمال .
|
|
#9
17-07-2006, 08:03 PM
|
||||
|
||||
|
جزاكي الله كل خير يا تويتي علي الموضوع الرائع
__________________
|
|
#10
18-07-2006, 06:43 AM
|
||||
|
||||
|
زيزو شرفنى مرورك بجد
واحنا دايما لازم نكون متفقين فى الصح ويارب دايما ابراهيم عود احمد الى بيتك بين اخواتك وشرفنى مرورك بموضوعى
__________________
*الإنسان حين التغيير يصبح هو قطعة الرخام وفي نفس الوقت هو النحات فحتما سيتبع هذا التغيير ألم .... ولكن في النهاية تبرز ملامح الانسان الصالح الجديد بكل روعه وجمال .
|
|
#11
18-07-2006, 07:44 AM
|
||||
|
||||
|
امممممممممممممممممممم على فكرة الموضوع مش وحش ومش متخلف ومش قديم ايه رأيك فى الكلمتين دول :D بس خلينا نتكلم جد الموضوع بصراحة كويس بس انتى تناولتيه من حيث الكلمات الايجابية لكن المشكلة لو الواحد بحب شخص معين او بكرهه اولا ممكن بيبقى فى الاول مكسوف حبتين ومع المواقف المختلفة بيبدأ يتعرف عليه ده طبعا مش فى الموضوع انتى قصدك على الكلام ذات نفسه واقدر اقولك انى كشخص او كطالب مع اصدقائى بنكبر دماغنا يعنى مثلا محدش اطلاقا بيمسك للتانى على الواحدة مثلا انت مش محترم ( دى تعتبر لغة عربية وفصحى اوى ) بس دى هل اللى هيسمعها هيركز على محترم ؟ ولا على ان ازاى واحد زى ده يكلمه بالطريقة دى مثلا: انت مش خاين ولا حمار ده ممكن يعتبرها اطراء بمعنى آخر مثلا فى اجابات الاخت كول جيرل <div class='quotetop'>إقتباس</div> اقتباس:
آآآآآآآه صحيح نسيت اشكرك على الموضوع 
__________________
|
|
#12
18-07-2006, 08:03 AM
|
||||
|
||||
|
خالد اشكرك على مرورك الغريب
واكيد طبعا يا خالد انت لما تكون مع صحابك هتبقى فرى وده طبيعى لكن مثلا لو كنت فى مقابله عمل طبعا مش انت خالص وممكن تخرج تقول اللى جوه ده انا ليه السؤال ده!! لانك كنت بتفكر فى كل كلمه بتقولها يعنى كلمات ايجابيه تسيب انطباع كويس وطبعا لو جينا على كلامنا اليومى كله اخطاء طبعا ولكن ما باليد حيله وطبعا بشكرك على التفاعل مع الموضوع والمشاركه الجميله دى
__________________
*الإنسان حين التغيير يصبح هو قطعة الرخام وفي نفس الوقت هو النحات فحتما سيتبع هذا التغيير ألم .... ولكن في النهاية تبرز ملامح الانسان الصالح الجديد بكل روعه وجمال .
|
|
#13
18-07-2006, 08:26 AM
|
||||
|
||||
|
انا فعلا لما قريت ردى تانى
مفهمتش حاجة :D انا فاهم قصدك بس معلش انا فهمى على قدّى هل الكلام ده فى مقابلة العمل بس. وهو الواحد بيعمل كام مقابلة عمل ممكن من شهر لشهر او من سنة لسنة فلازم يظهر الاحترام والادب عشان الوظيفة وخلاص نيجى بقى الكلمات اللى فى الاختبار كلها متداولة بين الناس وبعضيهم وزى ما قولتى الكلام اللى بنتكلمه غلط بس مادام الكل غلط وبس مثلا كلمة متقلقش دى وحشه يعنى اللى هيسمعها هيهمه موقف اللى معاه فى وقت الشدة ولا هيركز على القلق اعتقد انه تفكير العقل اللاواعى ( مين؟  )هيتركن على جنب يعنى من الاخر ده بيرجع للموقف والكلام الايجابى لكسب الود والاحترام وخلاص ومش اى حد وخلاص مع ان المسمى الكلام الايجابى مش عاجبنى
__________________
|
|
#14
18-07-2006, 08:37 AM
|
||||
|
||||
|
والله كلام جميل
وبس مثلا كلمة متقلقش دى وحشه يعنى اللى هيسمعها هيهمه موقف اللى معاه فى وقت الشدة ولا هيركز على القلق اعتقد انه تفكير العقل اللاواعى ( مين؟ ) هيتركن على جنب عجبتنى اوى الحته دى بانت فيها وجهه نظرك العقل اللاواعى زى الطفل الصغير تديله حاجه (معلومه او كلمه) لازم يحللها بدقه ويعرف المقصود فبالتالى لازم نتعامل بكلمات واضحه واعتقد ده اللى المفروض نسميه كلمات ايجابيه شكرا تانى لمرورك
__________________
*الإنسان حين التغيير يصبح هو قطعة الرخام وفي نفس الوقت هو النحات فحتما سيتبع هذا التغيير ألم .... ولكن في النهاية تبرز ملامح الانسان الصالح الجديد بكل روعه وجمال .
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 08:54 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
