بحبه اعمل ايه !!

[**تسابيح**]

يعني ايه ثقة ؟!!! وهي المراقبة والمتابعة تعني عدم الثقة ؟!!
العكس هو الصحيح , يمعني عدم المراقبة والمتابعة يبقي تسيب واهمال ولامبالاة !!!


لازم يراقب ويتابع هو والأم خاصة عشان يتأكدوا ان البنت مازالت علي تربيتها الكويسة !!!
والمثل بيقول " المال السايب يعلم السرقة "
ودي زي دي بالظبط !!

ويعني ايه مراقبة ؟يعني يمشي وراها كل لما تروح في حته ولو هي في ثانوي يقوم بدور المخبر وراها
وولو في الجامعة يطب عليها في قلب الجامعة ولا ايه !
وامته ينتهي المراقبة لحد سن كام
بصراحة انا الموضوع دا اتلغبط عندي خالص

مفيش حاجة اسمها ان البنت تكون صديقة أبوها وهو دا اللي مودي البنات في داهية !!
مش معني كلامي انه يكون بعبع لها أو أمنا الغولة ... لا .
أنا أقصد انه لازم تكون له هيبة يعني خوف خوف خوف تلت مرات " تأكيد " هههههه
الأم تكون صديقة ماشي , تكون أختها ماشي , لكن الأب لا
لأن دور الأم مختلف عن دور الأب والمفروض ان الأب في المسائل اللي زي دي الأم تهدد بنتها بانها حتقول لأبوها ولو كان الأب صديق , البنت حتكلفته بكلمتين ودمتم !!
يعني هو أنا قلت يصبحها بعلقة ويمسيها بعلقة ؟!!
لأ طبعاً , بس لازم يكون شديد وحازم وله هيبة وهيبة يعني خوف , مش يبقي هش ورخو أكتر من الأم زي مبنشوف دلوقتي !!!!!

ازاي مودي البنت في داهية انها تكون صديقة لابوها !!
وان كنت مش اقصد صديقة بالمعني الحرفي انها تحكي كل شيء لابوها
لان دا طبعا شبه مستحيل لان الرجالة مش بتحب الرغي وكثر الكلام
الشخصية القوية في الأب واللي من نظرة واحدة يقدر يتحكم في بنته
وفي اي حد دا شيء كويس لكن إلي جانب كداا انه يكون فيه مساحة من الحوار
والاستماع مش اوامر وبس ع الأقل لو وقعت في مشكلة مش تخاف تقوله
لو المشكلة دي محتاجة رجل يحلها !ولكن مع ذلك يكون عنده قدرة
ان فيه اوامر البنت تسمعها من غير نقاش لو هي مش عارفة مصلحتها
او اللي هي عايزة تعمله ممكن يضرها ...
لكن فيه أباء بيطلبوا بس وبيأمروا بس انا بسمع العجب بجد
لما واحدة تقول ياااه دا بابا في البيت كأنه حاجة هتخنقها
ولما تيجي تسألها تقول مش بيسمعني كل حاجة يأمرني بيها لازم انفذها
مش عارفة ازاي يقوله ع ابوهم كداا
مع ان مفروض الأب يكون المثل الأعلي والقدوة لبنته
وزي ما بيقول المثل (كل فتاة بأبيها معجبة )

المشاركة الأصلية كتبت بواسطة aliweeka1

والكدب بيكون واضح أوي أوي والله , بس زي ما قلت محدش عايز يشغل دماغه ويسبب لنفسه الهم دلوقتي وبيحاول يوهم نفسه ان البنت علي الصراط المستقيم !!!

ازاي دا
كل اب وام عايزيين بنتهم تكون احسن منهم
يبقي ازاي مش هيشغلوا دماغهم !!
فيه بنات بتكذب غيظ في اهلها
يعني تروح عن صاحبتها واهلها مش موافقيين
انها تروح بيت حد
وتروح غيظا فيهم ....!!وتكذب ومش تقول اصلا
انها عن صاحبتها ....
وبيبقوا اساتذة ورؤساء قسم في الكذب..!!

[Mr. Ali 1]

المشاركة الأصلية كتبت بواسطة تسابيح النجوم

ويعني ايه مراقبة ؟يعني يمشي وراها كل لما تروح في حته ولو هي في ثانوي يقوم بدور المخبر وراها

وولو في الجامعة يطب عليها في قلب الجامعة ولا ايه !
وامته ينتهي المراقبة لحد سن كام
بصراحة انا الموضوع دا اتلغبط عندي خالص

لا يا تسابيح مش معني كلامي انه يمشي وراها في كل حته .
بس لازم يكون عارف مواعيد بنته كويس سواء كانت في ثانوي أو في جامعة أو حتي بتشتغل , طالما البنت لسه في بيت أبوها , تبقي ملزومة منه !!
ولما يكون عارف المواعيد حيعرف امتي الوقت اللي ممكن بنته تتأخر فيه بره البيت ومن حين لأخر يتابعها ومفيش مانع مطلقاً من انه يروح لها الدرس ويسأل المدرس عن مستواها وبالمرة يتأكد منه ان البنت منتظمة في الدرس ولا تتغيب عنه , لأن فيه بنات كتيرة بتدعي انها في الدرس وهيا بتكون في مكان تاني !!
ونفس الأمر بالنسبة للبنت في الجامعة , ومش شرط يبين لها انه بيراقبها مع ان دا مش غلط خالص !! هي بنته مش أمه !!
ومفيش سن معينة يتوقف فيها دور الأب والأم والأخ عن المتابعة للبنت الا عندما تتزوج وتصبح مسئولة من رجل أخر . هو دا اللي بيأمر بيه الاسلام !!!!!

ازاي مودي البنت في داهية انها تكون صديقة لابوها !!

مينفعش الأب يكون صديق لبنته , يتناقش معاها ماشي , لكن مش في كل شيء !!
فيه دور للأب ودور للأم , مينفعش الاتنين يبقوا زي بعض !!

وان كنت مش اقصد صديقة بالمعني الحرفي انها تحكي كل شيء لابوها
لان دا طبعا شبه مستحيل لان الرجالة مش بتحب الرغي وكثر الكلام
الشخصية القوية في الأب واللي من نظرة واحدة يقدر يتحكم في بنته
وفي اي حد دا شيء كويس لكن إلي جانب كداا انه يكون فيه مساحة من الحوار
والاستماع مش اوامر وبس ع الأقل لو وقعت في مشكلة مش تخاف تقوله
لو المشكلة دي محتاجة رجل يحلها !ولكن مع ذلك يكون عنده قدرة
ان فيه اوامر البنت تسمعها من غير نقاش لو هي مش عارفة مصلحتها
او اللي هي عايزة تعمله ممكن يضرها ...
حتي في المواضيع اللي الأب يناقش فيها بنته لازم تكون بطريقة مختلفة عن طريقة الأم
لازم يكون له هيبة حتي وهو بيناقشها , انتشار وسائل الاعلام خلي الموضوع دا يبقي فيه انحلال داخل كثير من الأسر بدعوي النقاش والتفاهم والحوار والاقناع !!!
كل دا كلام فاضي مع البنت وأبوها , وقبل أي حد ما يعترض علي كلامي , اسألوا كبار السن عن شكل العلاقة بين الأب وبنته ونسبة الانحلال الأخلاقي كانت كام ؟!!!
لو كان النقاش والتفاهم بين الأب وبنته وما ينتج عنه الأن يسمي بالتحضر والمدنية , فمرحباً بالتخلف والرجعية !!!!

لكن فيه أباء بيطلبوا بس وبيأمروا بس انا بسمع العجب بجد
لما واحدة تقول ياااه دا بابا في البيت كأنه حاجة هتخنقها
ولما تيجي تسألها تقول مش بيسمعني كل حاجة يأمرني بيها لازم انفذها

لأن النوع دا يا تسابيح مش اللي أنا بتكلم عنه خالص لأنه مرعب في البيت فقط !!!
ولا يؤدي دوره الكامل كأب , فهو لا يتابع ولا يسأل ابنته عن أي شيء , هو فقط يأمر !!! وهذا بالطبع خطأ ولم أتكلم عن هذا النوع من الأباء !!
مش عارفة ازاي يقوله ع ابوهم كداا
مع ان مفروض الأب يكون المثل الأعلي والقدوة لبنته
وزي ما بيقول المثل (كل فتاة بأبيها معجبة )

معجبة ماشي وشيء جميل جداً , لكن صديقها والكلام الفاضي دا ... لا !!!
زمان لما الأب كان يقول مثلاً الشباك دا ميتفتحش , لا يمكن يتفتح سواء كان موجود في البيت أو لا , أما الأن مفيش أي أب يقدر ياخد الموبايل من بنته أو ابنه مثلاً !!

ازاي دا
كل اب وام عايزيين بنتهم تكون احسن منهم
يبقي ازاي مش هيشغلوا دماغهم !!
ما هو مش بالعوز !! لا ... بالعمل وتأدية الدور الصحيح له في الحياة سواء الأب أو الأم !!

فيه بنات بتكذب غيظ في اهلها
يعني تروح عن صاحبتها واهلها مش موافقيين
انها تروح بيت حد
وتروح غيظا فيهم ....!!وتكذب ومش تقول اصلا
انها عن صاحبتها ....

وبيبقوا اساتذة ورؤساء قسم في الكذب..!!

ما هو لو الأب والأخ كمان بيتابعوا البنت والبنت عاملة لهم حساب , مكنتش عملت كده !!
لحد وقت مش بعيد كانت البنت لو واقفة في الشارع وأخوها شافها , تبقي ميتة من الخوف والرعب !!
دلوقتي بقي البنت بتروح الأماكن اللي هي عايزاها ومش مهم خالص أبوها أو أخوها يشوفوها ... عادي خالص ... وايه يعني ... هو انا بعمل حاجة غلط ... ما كل البنات بتعمل كده !!!!!!!
أقسم بالله ان فيه بنات كتيرة الشباب بتكلمها في الموبايل قدام أبوها أو أخوها وترد عادي جداً وتتكلم زي ما هي عايزة , إلا إذا كان الكلام ..... فتدخل الحجرة بتاعتها !!
لكن لو أبوها أو أخوها قام ونتشها قلمين وكسر الموبايل علي دماغها مكنش دا حصل !!
وكمان من ضمن المتابعة يا تسابيح عشان البنات كلها تهاجمني - مش مهم المهم هو الحق - ان الأب والأم يفتشوا الموبايل بتاع البنت من وقت للتاني ويكونوا عارفين صحباتها كويس عشان البنت متعرفش تضحك عليهم ويفتشوا حجرتها كمان , مش عيب ولا حرام ولا عدم ثقة , سيبنا بقي من الكلام اللي ضيع بنات كتير اوي اوي , خلينا نحافظ علي البنات ونصونها برضاهم أو غصب عنهم !!
طالما التعامل في صالح البنت وفي صالح سمعة الأسرة كلها .