|
|
|
#1
19-07-2009, 09:10 AM
|
|||
|
|||
حاسبات ومعلومات افضل ام هندسة حاسبات ام علوم حاسب
السلام عليكم ورحمة الله وبركاته
من زمان خالص وانا في اولى ثانوى كدة  وانا عاوز اعرف ايه احسن كلية في دول من حيث الدراسة والشغل برده  ويا ريت اعرف مواد كل حاجة فيها وكدة يعنى عاوز لك يعنى من الاخر في الموضوع دهمنتظر الرد باذن الله في رعاية الله جميعا 
|
|
#2
19-07-2009, 12:26 PM
|
||||
|
||||
|
مبدأياً لو بتتكلم عن الشغل يبقى تستثني علوم حاسب
لأنك مش حتقارنها ببكالوريوس هندسة من ناحية حاسبات ومعلومات فهي دراستها صعبة وبتدرس فيها لغات برمجة كتير وبتركز عموماً عالسوف وير والبرمجة وكده لكن هندسة قسم حاسبات معرفش حاجة عن موادها ولا شكلها بس اعرف إنك بتركز فيها عالهاردوير اكتر بس بتاخد برده لغات برمجة وكده واعتقد في الحالة ده إنك تحتار حاسبات ومعلومات لو انت هاوي البرمجة والحاجات ده
__________________
It was over 3 years since my last visit 
|
|
#3
19-07-2009, 01:34 PM
|
|||
|
|||
|
نفس اللى كنت هقوله بالظبط بالظبط بالظبط
بس انا كنت هضيف حته صغيره ان اللى قالى مدير حاجه تكنولوجيا ومعلومات ف شركتين عربيات كبار اوى هوا اساسا اللى بيعمل انترفيو للناس اللى جيا وقالى بالظبط كده وعلى فكره:: قالى ان ابنه دخل هندسه
__________________
shrief_2008 سابقا
|
|
#4
21-07-2009, 02:04 PM
|
|||
|
|||
|
مع انى قديت سنة اعدادى فى هندسة المنصورة و ناوى على قسم حاسبات فيها
إلا انى مش عارف ايه علومالحاسب دى ؟؟؟؟؟ و سؤالك الى فى عنوان الموضوع لحد دلوقتى و بعد سنة من البحث المستر مل***وش اجااااااابة خااالص توكل على الله وخش تجارة احسن لك .....هههههههههههه
__________________
|
|
#5
21-07-2009, 02:08 PM
|
||||
|
||||
|
انا كمان اعتقد ان الانسب ليك هى حاسبات ومعلومات
وبرضو هندسة حاسبات روعة ما شاء الله الهندسة والحاسبات دلوقتى هما الكليتين الاوائل ع الساحة من حيث الشغل
__________________
الفرقة الرابعة-كلية الحاسبات والمعلومات-جامعة المنصورة
|
|
#6
21-07-2009, 04:53 PM
|
||||
|
||||
|
أولا السلام عليكم
ثانيا كنت عايز أوضح حاجة كده في الأول مجال حاسبات عموما ملهوش مستقبل ولا علوم ولا حاسبات و لا هندسة أنا لو تجارة و خدت كورس تحكم و أثبت كفائتي و معايا خبرة أي شركة هتاخدني أحسن من أي مهندس نرجع لكلية حاسبات أنا معرفش هما إيه أكتر حاجة بيدرسوها هارد ولا سوفت بس اللي أعرفو إن هندسة مبتهتمش بالهارد وير كله سوفت وير و كله سوفت وير أنالوج مافيش و لا كلية بتدرس ديجيتال يعني بره إنت صفر علي الشمال و جوه كله بينفسك و علوم ملهاش أي مستقبل بالنسبة لحاسبات عموما أي واحد ممكن يدخل مجالها و مش معني إنك حلو في الكمبيوتر و بتحبه إنك هتطلع الأول أنا ليا زمايلي و منهم أخويا خريج إتصالات و زمايله حاسبات أعدين في البيت مبيشتغلوش يعني متفكرش لا في حاسبات ولا علوم ولما تدخل هندسة إن شاء الله إياك من إتصالات ولا حاسبات هتستريح في الكلية أه و هتريح أكتر في بيتكم بعد ما تتخرج و أنا إن شاء الله مسئول عن كل كلمة قولتها و بقول لmasternew و هو دفعتي و معايا في نفس الكلية صدقني حاسبات مستقبلها مش حلو والدكاترة من أيام الأربعينات و مش عارفين حاجة شوف قسم تاني أحسنلك و ربنا يوفقك وفي الأول و في الأخر المستقبل بأيد ربنا والأرزاق بأيد الله
__________________
Mahmoud Wafaay
Control - Engineer Mansoura university 
|
|
#7
21-07-2009, 09:58 PM
|
||||
|
||||
|
اقتباس:
هو فيه ايه يا وفائى انهارده !!!!!! انا ملاحظ انك مش نايم كويس او فيه حاجه غريبة مخلياك تقول النهارده تخاريف فى تخاريف ايه يابنى ده !!!! ازاى تساوى الابيض بالاسود وازاى تساوى الليل بالنهار وازاى تساوى المهندس بالفنى او ببتاع تجارة .... يعنى انت مثلا لو واحد دخل هندسة و واحد تانى تجارة ...الاول قعد اربع سنين ياخد كورسات فى الكمبيوتر(الى هى المواد الى بيدرسها فى الجامعة) و التانى بتاع تجارة قعد يدرس حاجات تانيه طول الاربع سنين .....بعد التخرج هيكون بتاع تجارة لسه بيدور من الصفر على كورسات عشان يدخلها وينمى معرفته فيها ويثبت نفسه ذى منتا بتقول . المهم نكمل .....لو بتاع تجارة ده قعد ياخد كورسات بعد ما يتخرج سنتين و برده بتاع هندسة قعد ياخد كورسات سنتين بعد التخرج عما يلاقى شغل ....النتيجه ايه ؟؟؟؟ ان المهندس بقاله ست سنين شغال فى المجال ده و واخد كورسات على مدى الست سنين جزه الجمعه فترة دراسته وبره الجامعة بعد ما اتخرج ....ولاكن زميله فى تجارة الى اخد كورسات هيبقى كل الى اخده سنتين الى عاوز اوصله ان كده كده هيفضل فى فرق بين المهندس واى واحد تانى واخد كورسات عندما يتقدم لأى شركة والفرق ده هيكون فرق الاربع سنين بتوع الكلية لانهم اربع سنين معتمدين من دراسة على اعلى مستوى فى جامعة مرتبة عالميا ...مش فى مركز كورسات تحت السلم اقتباس:
يا محمود بجد كلامك مستفز لانك شكلك متعرف اى حاجه عن النظام الجديد اولا هندسة القاهرة طول الاربع سنين فى قسم حاسبات مبيدرسوش غير لغة برمجه واحد وهى c++ و الباقى كله هاردوير ....مش بتقولى كله سوفتوير بالعكس دول ميعرفوش اى حاجه فى البرمجه !!! http://mudb.mans.edu.eg/sas/visitor/course/ و فى المنصورة طبقا للايحة 2005 ...النظام اتعدل يا استاذ و الانلوج الى كان بيدرسه اخوك اترمى فى الزبالة و كله بقى ديجيتال (فلو سمحت متكلمش الناس الى لسه بتحدد مستقبلها و تقول كلام انت مش واثق منه حرام عليك )..............ثم كمان ده فى مادة عندهم فى حاسبات واتصالات اسمها ديجيتال يالى بتقولى مفيش ولا كلية بتدرس ديجيتال ......معلوماتك قديمة اوى قبل ما يعدلوا النظام فى 2005 ومين ده الى بينافسنى يا باشا ؟؟؟؟؟ على الاقل الفرق بينى وبين اى حد تانى اربع سنين دراسة فى كلية الهندسة ......فايوه فى منافسه بس انا سابق بأربع سنين (ده معناه انك لما تتخرج لازم تنمى نفسك عشان محدش يسبقق و تفضل محافظ على فرق الاربع سنين دول ) اقتباس:
اولا اخوك كان نظام قديم قبل ما يدخلوا الديجيتال .......يعنى هو مطالب ان ينمى نفسه فى المجال ده عشان يواكب التطور ........ اقتباس:
والى بقول ان المجالين دول ملهمش مستقبل يبقى مش مستعد انه يتعب لانهم بجد اصعب قسمين فى الكلية لانهم محتاجين شغل كتير بره و جوه الكلية لان المجال ده ديما بيطور و ديما فى جديد .....ده حتى دكتور من اتصالات بيقولنا مرة لنه مبيعديش عليه 3 شهور من غير ما ياخد دورة او كورس فى مجال معين عشان يطور معرفته لان دول اصعب مجالين مش هتعرف كلمتين وخلاص عن الصبه والخرسانة والحديد هم هما هما الى كان بيدرسهم الفراعنة لما عملوا الاهرامات دول اصعب اقسام بس برده الى بينجح فيهم يبقى عدى خلاص و ابواب السما اتفتحت له ...لانه ممكن يشتغل فى اماكن متتخيللهاش
__________________
|
|
#8
22-07-2009, 02:30 AM
|
||||
|
||||
|
اقتباس:
بجد انت توهتني اكتر منا تايه ومتتحملش مسؤولية حاجة شفتها في مكان ومشفتهاش في بقية الاماكن ومتحمش على حاجة كبير بحاجة صغيرة جواها والراجل بيسأل عن احسن التلاتة طلعتلو التلاتة انيل من بعض وجزاكم الله خيراً ووفقكم الله ولا اراكم الله مكروهاً في عزيز لديك ومبروك رجوع المنتدى وعقبال التفوق في الكلية إن شاء الله
|
|
#9
22-07-2009, 04:06 AM
|
||||
|
||||
|
بوصوا يا شباب
أنا والله داخل الكلية دي حبا في قسم إتصالات و علي فكرة البنا masternew طلع من أعز أصدقائي في الكلية و لو تفتكر يا محمد لما كنا بنفطر مع بعض في السنتر وقولتلي إن أخوك واخد جايزة الدولة مش فاكر لإيه بالظبط بس كانت في الكمبيوتر و من ساعتها قولتلك أنا كده حاسبات دخلت دماغي ولما قولتلي عايز تحول القاهرة قولتلك ليه متخليك هنا ليه برجع أقولك دكاترة من الأربعينات أخوك ده في هندسة؟؟؟؟ أخوك ده مش ألف شركة تتمناه أخوك ده مش فرصته في الشغل في المجال ده عن ألف مهندس أرجع لكلام محمود اقتباس:
بوص يا محمود أنا واحد أقسم لك بالله داخل هندسة عشان إتصالات أنا في دماغي حوار الشبكات و الجو ده بس لما لقيت دفعت أخويا مشتغلش غير 4 التلاتة الأوائل و الرابع في شركة عمه و إيه أخويا خريج 2008 بس بقي ملازم في الجيش فكرت أقسم لك بالله أخويا ده اللي خريج إتصالات بيعمل معايا مشاكل كتير عشان مدخلش لا إتصالات و لا حاسبات يبقي أنا أول واحد تشوفوا عشان إنت مسألت ناس مجربه أرجع تاني لحبيب قلبي البنا في الحتة دي اقتباس:
بن خلتي خريج تجارة بس دماغه في الكمبيوتر ما شاء الله بياخد دلوقتي كورس ccna ده كورس شبكات اللي بياخدوه بتوع إتصالات واللي بيشتغلوا فيه أخويا لازم ياخدوه عشان يشتغل بيه بس هو في الجيش فمش هيعرف ينتظم بن خلتي بيقولوا هجبلك المذكرات ولو حاجة وقفت معاك هشرحهالك  اقتباس:
الديجيتال لحق يدخل البلد :D لما أطلع من الصلاة هكمل باقي الردود
__________________
Mahmoud Wafaay
Control - Engineer Mansoura university
|
|
#10
23-07-2009, 12:34 AM
|
|||||||
|
|||||||
|
اقتباس:
وبالنسبة لأخويا هو كان اخد المركز الاول والخامس والسابع على الجمهورية فى المسابقة الكمبيوتر التعليمى فى نفس السنة .......بس طبعا ده ملوش طبعا اى دعوة فى الشغل لانه من حقوق و طبعا مفيش اى شركة تتمناه ولا حاجه .....عارفين ليه يا ناس ؟؟؟......مشكلتكم انكوا بتخلطوا مبين فروع الكمبيوتر ......بتقولوا اهو كله كمبيوتر وخلاص و اهو الكل بقى بيقهم فيه .....لأ غلط ......فى حاجه اسمها استخدام و حاجه اسمها تطوير ....مثلا اخويا كان مستخدم بارع لبرامج الكمبيوتر فعرف يفوز فى المسابقة لانها ملهاش علاقة بالبرمجه او التطوير .....بمعنى تانى اخويا مثلا يعرف يتعامل مع الفوتوشب كويس .....انما لما اتخرج من هندسة الحاسبات هبقى مش مجرد مستخدم للكمبيوتر بل مطور .....يعنى خريج هندسة الحاسب مش بيعرف يستخدم الفوتوشب كويس ...لأ طبعا ....ده بيعرف يطور الفوتوشب او يعمل برنامج زيه لأنه درس ازاى الكمبيوتر بيرسم اصلا ازاى ممكن الكمبيوتر يتعرف على الخط والنفطة والاشكال و ازاى يعرف يطور النقطه دى .....فخريج الهندسة ممكن يطور البرامج دى بالاضافة الى انه فى الهاردوير برده مش مستخدم لأ ده مطور .......يعنى ايه ...اديك مثال لواحد محترف كمبيوتر يقدر يجمعلك الكمبيوتر و يعرف كل حته فيه بتعمل ايه و كده يعرف يفكه كل و يركبه و يعرف الكابلات ....المهم ده يبقى اسمه مستخدم بارع ....خريج هندسة مش مستخدم ...لأ ده مطور يعنى مش يعرف مكوانت المازربورد و الكروت ...لأ ده بيطورها يعنى ممكن يطور كارت الشاشة و البروسيسور و ده الى بيشتغل فى الشركات الاجنبية زى انتل و غيرها من شركات الهاردويير و ده كله بره مجال كلية حاسبات ومعلومات .................فلو رجعنا لموضوع اخويا الى بتقول ان الشركات تتمناه عن اى مهندس .....لأ طبعا لانه مستخدم بارع .......مش مطور فالنقطة دى يا جماعة مهم لانها من الشبهات الى بتقال عن هندسة الحاسب ...بيقولوا ان مهو الى قاعد فى السيبر برده مهندس كمبيوتر ....لأ طبعا دول مستخدمين مش مطورين المشكلة الوحيدة فى القسم ده ان اى حد ممكن ياخد كورسات توازى كورسات الجامعة بس يبقى يقابلنى لو عرف يحصل الاربع سنين الى ممكن مهندس الحاسبات انو يخادهم فى الكلية و بيكمل بعد ما يتخرج و فعلا مشكلة كبيرة اوى فى هندسة المنصورة ان فى دكاتره سنهم كبير اوى زى الكتور على الدسوقى الى فوق ال70 و مع ذلك بيدرس برمجه فى حاسبات واتصالات مع ذلك برده فى دكاتره سنهم صغير و عندك رائد اسرة جود تايم فى المنصورة ده راجل زى الفل ميجيش 35 سنة و مع ذلك بيقول انه مبيعديش عليه 3 اشهر إلا لما ياخد شهادة او دورة عشان يطور معرفته و هى دى مشكلة الحاسبات والاتصالات انها بتتطور ديما فلازم متسيبش نفسك وتقعد فى البيت وتقول انا بقيت مهندس ...كده بتاع تجارة ممكن يسبأك ويحصل الى انت خدته فى الكلية بس لو انت واخدها جد و مكمل بعد الكلية فى الشهادات والكورسات يبقى انسى انك تتحط فى مقارنة مع اى حد تانى اقتباس:
مهو ده الفرق الى بقولك عليه ....انت تعرف الاول بخصوص ال CCNA انا حاليا باخد دورة فيها هى وال combTIA Network +p كل الدورات دى جايبها فى فديوهات من على النت وممكن بعد ما اخلص اخوش الامتحان واخد الشهادة عادى جداااااا فشوف الفرق .....ابن خالتك الى خلص تجارة لسه بدور على CCNA انما انا الى لسه فى اعدادى هندسة برده بشوف نفس الدورة يبقى انا لما اخلص هندسة شوف انا هبقى فين وابن خلتك خريج تجارة هيبقى معلوماته فين و شوف الCV بتاعى و ال CV بتاعه .........عمره ما هيعرف يسبق المهندسين طول ما المهندس شايف شغله صح ...و هيفضل فرق الاربع سنين بتوع الكلية موجدين ........ولازم الكل يسلم فعلا ان مجال الكمبيوتر والاتصالات بقى بيعتمد على الكورسات و الشهادات الى لازم تاخدها من بره الكلية ....انما برده لسا ليا الافضلية بأربع سنين زيادة عن اى واحد هاوى عاوز يخش المجال ده اقتباس:
و مع العلم ان النظام الجديد بدأ يطبق حسب معلومات على سنة اولى 2005 فأكيد اخوك مالحقهوش ....انما كان بيطبق بس على الاصغر منه وهو لسه فى الجامعة اقتباس:
اقتباس:
و بجد يا وفائى انت عارف انا بحبك اد أيه و زعلت جدا لما محمود قالى انك غيرت رأيك و ناوى على مدنى ...كان نفسى تبقى معايا فى حاسبات او حتى اتصالات و المشاكل الى بعملها معاك اخوك انا دلوقتى عايش نفس القصة مع اهلى كلهم و الدى و عمى و كل الناس بيقولوا على اهبل لدرجة ان عمى قالى ادخل مدنى وانا هضمنلك الشغل بره .....فأنا عارف ان انا بختار اختيار صعب و انا مقبل على دراسة صعبة مش عشان الكلية صعبة ....لأ عشان لازم تطور نفسك و تبقى الافضل ......لأان البقاء للاقوى و الشهادات لازم تفضل تاخد فيها طول حياتك اقتباس:
و محمود على فكرة ده بيهرج شكله هيحول تجارة دمياط مش القاهرة ......دنا بقوله اديك نمرة شؤن الطلبة هناك بيقولى شكرا مش عاوزها ....امال هيحول ازاى بالنية بس ....ده واد بيهرج كل حياتى تهريج فى تهريج و على فكرة انت و ياسين ممكن تلحقوا حاسبات انت عارف انها بتاخد من مجموع قليل و ان الاقبال عليها ضعيف فلو عاوز تدخلها هتلحقا ان شاء الله ......بس بسمع ان يوسف الاول على اعدادى هندسة المنصورة هيخشهاا  اقتباس:
وعلى فكرة يا وفائى لو كنت حضرت الندوة الى كانت فى الكلية عن "تكنولوجيا المعلومات و مستقبل التعليم العالى فى مصر " الى كانت منظماها شركات انتل وميكروسوفت وسيسكو وايتيدا .......كنت هتعرف بجد ان البلد لسه بخير ولسه و محتاجا مهندسين فى المجالت دى كتير اوى ....... و على فكرة انا والدى مختلف معايا دلوقتى لانى عاوزنى ادخل اتصالات مش حاسبات و جابلى كلام دكاترة ومهندسين كبار جدا بيقولوا ان احتياجات السوق المصرى دلوقتى لأتصالات اكتر بكتير من حاسبات او اى قسم اخر ....يمكن يكون كلامه صح فى النقطة دى بس محدش عارف بعد اربع سنين ايه الى هيحصل فالواحد يخش الى بيحبه و بعدين ربنا يسهلها فى الشغل ...........المهم الشغل فى المجالين دول للأفضل مش معنى انك جبت جيد جدا فى الكلية يبقى انت الافضل..... لأ......اهم حاجه ال CV الى بتقدمه لما تجى تشتغل فى اى شركة هو ده المهم خدت شهادات ايه تانيه و دورات وكورسات ايه ؟؟........ فلازم الكلام ده يكون فى دماغ كل واحد انه ينمى الCV بتاعه من دلوقتى لان ده الى هيفرق كتيييير اوى بعدين اسف والله على الاطالة واتمنى انى ابقى متقلتش عليكوا ...بس اصل انا فعلا عايش الازمة دى دلوقتى فى اختيار الاقسام
__________________
|
|
#11
23-07-2009, 12:38 AM
|
|||
|
|||
|
اقتباس:
معلش سؤال برده الموضوع بس مهم برده و اكيد له علاقة يا مودى هو الى بيتخرج من كلية حاسبات و معلومات بيدخل نقابة المهندسين و لا ايه ؟؟؟؟؟؟؟؟
__________________
|
|
#12
21-07-2009, 05:31 PM
|
||||
|
||||
|
ههههههههههه تبقى مش عايش ف الدنيا يا sai
اول واحد ف حياتى اشوفه بيقول ان المستقبل مش للكمبيوتر والتكنولوجيا ههههههههههههههههه
__________________
الفرقة الرابعة-كلية الحاسبات والمعلومات-جامعة المنصورة
|
|
#13
16-08-2009, 05:57 PM
|
|||
|
|||
|
اقتباس:
|
|
#14
21-07-2009, 06:09 PM
|
||||
|
||||
|
شوف حضرتك
علي حسب اللي انت بتحبه حاسبات ومعلومات بتركز اكتر علي السوفت وير والبرمجة والذي منه انما هندسة الحاسبات تركيزها الاكبر علي الهارد وير وتصميم وتنفيذ المكونات المادية للحاسب والاتنين مطلوبين علي فكره يعني حاسبات ومعلومات ليها سوق واضح انما قسم هندسة الحاسبات هو اللي مظلوم تحت ادعاء ان مافيش تصنيح للحواسب في مصر بس الحقيقية ان مجال مهندس الحاسبات واسع جدا ويقدر يشتغل في الالكترونيات ﻷنه بيدرسها كما ان عددهم مسخوط جدا يعني عندنا في القاهرة حوالي تمانين طالب بالكتير قوي ومعظم دراستهم عملي ومشاريع وريبورتات دا غير الامكانيات المتاحة ليهم مش معقول تمانين طالب مش هيﻻقوا شغل
__________________
لا خير في حق لا تدعمه قوة
|
|
#15
21-07-2009, 06:12 PM
|
||||
|
||||
|
بالنسبة لمواد هندسة الحاسبات
فهي معظمها بيركز علي عملية التصميم والتصنيع لمكونات الحاسب وده هدف الهندسة النهائي التصنيع بيدرسوا مثﻻ هياكل البيانات والخوارزمات و تصميم منطقي والكترونيات ورياضة خفيفة كده معظمها في الاحتماﻻت وفيزياء برضه علي خفيف ودوائر والله اعلم
__________________
لا خير في حق لا تدعمه قوة
|
 |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 08:53 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
