انا زعلان حاسس ان رمضان ضاع منى

[(( لؤلؤة الايمان ))]

السلام عليكم ورحمة الله
.
.
.

حاسس إني ضيعت كتيــــــــــــــــر .. حاسس أن رمضــــــــان ضاع مني
اللي حوالي ختم مرة واتنين وثلاثة .. وأنا لسه في الختمة الاولي
واللي بيصلي ب 100 ركعة واللي بيستغفر 1200 مرة واللي بيصلي ب 1000 آيـــــــــــة
وانا في الضياع .. مش عامل حاجة خلاص
ورمضان قرب يخلص وانا مش عارف أعمل إيه ؟

أنا مخنووووووق قوي .. شيطان واتحبس ..

يبقي هو العيب فيه ..

أنا اللي وحش ..



دا حال ناس كتير قوي مننا .. شايف الناس بتجري لربنا ..

وهو واقف يتفرج ويتحسر علي نفسه .. واقف يبكي وزعلان ونفسه يبقي مع الناس دي .. كان نفسه قوي ربنا يشوفه من أوائل الناس اللي بتجري دي

عارفين مشكلته إيه ؟

مشكلته أنه واقــــــف .. مش بيتحرك زعلان وخلاص

أنت دلوقتي إيه اللي يمنعك إنك تجري مع الناس دي؟

مش عارف مش قادر وحاسس إني عمري ماهقدر ..

مش عارف إيه إحساساتك الكتيرة دي .. كل شويه حاسس حاسس

طب لما انت بتحس قوي كده .. واقف متنح ليه ؟

واقف ليه في مكانك ومش راضي تتحرك .. إنت مش مش قادر

لأ .. إنت مش عاوز

لا والله حرام عليك يا اخي إحسن الظن دا إحنا في شهر كريم

إديك قولت بنفسك شهر كريم .. وربنا أكرم يا اخي .. يعني إنت ممكن تسبق الناس دي كلها لربنا

ياسلااااام .. قولي إزاي ؟

ماشي ياسيدي هاقولك .. بس إدفع




اللهم صلي وسلم علي رسول الله

ماانت شاطر وبتصلي علي النبي أهو ..

إحنا هنتفق مع بعض علي شوية حاجات كده .. مش إنت زعلان وندمان

أيوه

طب قول ورايا .. يارب أنا تبت

يارب أنا تبت

قولها بقلبك .. يارب أنا تبت .. تبت ومش هاعمل كده تاني .. ومش هاتاخر تاني .. تبت يارب من الغفلة .. تبت وندمان والله

خلاص بقي .. نشوف هانفذ التوبة دي إزاي .. لسه فاضل أكتر من 10 ايام باقين تقدر تعمل فيهم كتير قوي

دا إنت ممكن تختم 5 مرات .. غير الختمة الطويلة قوي اللي انت فيها دي

ياسلام .. إزاي ياعم أنا علي قد حالي مقدرش

يا بني إنت مش تبت

ماحنا قولنا بلاش مش قادر .. تقدر إنت مش كنت بتذاكر وتخلص الكتاب في تلات إيام

القران أسهل مليون مرة .. تنويها إن شاء الله نية لله تختم القران كل يومين إيام ..وهتقدر ان شاء الله الموضوع بسيط

ده سيدنا عثمان بن عفان ختم القران في ركعة أوتر بها عند الكعبة .. وصحابة كتير ختمه القران في ليله .. الموضوع موضوع همه وحب

بتحبه ولا لأ ؟

دي أول نقطة .. إتفقنا

ماشي هاجاهد نفسي إن شاء الله



تاني حاجة ياسيدي .. انت ممكن كل ليلة تكتب من القانتين

مين ده .. أنا ؟!!!!!

أيوه انت .. بإنك تصلي ب100 آيه

كتير قوي 100 آيه دول دا انا بصلي التروايح في الجامع بالعافيه

أنت حافظ سورة تبارك ؟ ..

ايوة الحمد لله

طب كويس .. حافظ سورة النبأ ؟

أيوه الحمد لله حافظها

طب كويس قوي .. دا انت قربت تختم ماشاء الله

طيب حافظ سورة عبس

انا الحمد حافظ جزء عم كله

طب كويس قوي نعمة وفضل من الله

عارف بقى سورة تبارك وعم وعبس دول أكتر من 120 آيه

ياسلام ..

شوفت .. عشان تعرف أنه الموضوع سهل .. اهو صلي بالسور دي تكتب كل ليلة ان شاء الله من القانتين ،

وتيجي إن شاء الله في اليوم اللي هتختم فيه اللي هو بعد تلات إيام
تروح تصلي بجزء عم وتبارك .. دول 1000 ايه عشان تكتب من المقنطرين

ماشي خلاص لحد كده كويس



تالت حاجة ياسيدي ..عاوزك تستغفر ربنا كتير قوي

حدد لنفسك ساعة في اليوم تستغفر فيها 1000 مرة وتصلي علي النبي شوية وتسبح ربنا شويه .. تعملك قد 5000 كده

وطبعا في حاجات أساسية زي السنن وصلاة الضحي واذكار الصباح والمساء

ومتنساش جلسة بعد الفجر لغاية الشروق .. دي بقي كنز ثمين قوي .. في رمضان وغير رمضان وخساااااااااارة يضيع منك

المشكله اني ببقي نعسان قوي بعد الفجر..

يابني جاهد نفسك شويه .. روح صلي في الجامع وقولها بعد الصلاة .. ( واخواتى فى البيت اكيد على سجادتك الجميلة ).... لقيت نفسك نعست .. خلاص اطلع كملها في الشارع .. الموضوع مش نافع خلاص زي بعضه هاسمحلك تقعد علي النت ساعة .. بس ساعة واحدة بس

نعم .. هو انا مش هاقعد علي النت غير ساعة واحدة بس

ليه انت فاكر الناس اللي بتجري لربنا دي عندها وقت تتضيعه علي النت ؟!!!

يابني دا سيدنا عمرو بن العاص كان لما بيمسك المصحف يبكي ويقول
شغلني عنك الجهاد .. مش ال.. نت

خلاص هجاهد نفسي

ربنا يرزقك فيها ثواب حج وعمرة .. وكمان الارزاق توزع في الوقت ده
وعجبا لمن يقسم رزقه وهو نائم .. الموضوع ممكن يبقي صعب في الاول بس بعد كده هتلاقي نفسك اتعودت .



آخر وصيه اللي ممكن تخليك تجري لربنا جري

هاقولك علي باب مش هتلاقيه فيه كتير وممكن يوصلك بسرعة

باب الانكسار لله جل وعلا ..

إكسر نفسك بين إديه .. ذل نفسك ليه

إستشعر معني كلمة عبد

كان في واحد إسمه بشر الحافي .. الراجل دا كان عاصي

في يوم من الايام من الايام مر ببيته رجل .. فسمع صوت المعازف

فطرق الباب .. خرجت له الجاريه فسألها صاحب هذا البيت عبد أم حر ؟

فقالت بل حر .. قال نعم حر فلو كان عبد لتأدب بأدب العبودية مع سيده .. ثم انصرف

فسأل بشرٌ الجارية عن الطارق .. فأخبرته

فأسرع ورائه حافـيــــــــــا .. قال أعد علي ما قلت .. فأعاد الرجل مقولته

قال بل عبد بل عبد .. وبقي بشر الحافي العالم الجليل

ذِلّ نفسَك و أظهر الافلاس لله جل وعلا

قوله محتاجك قوي يارب ماتسبنيش .. سامحني يارب مليش حد يسامحني واقبلني

مد إيدك وقوله إكرمني يارب .. انت الملك ومليش حد يمن عليّ غيرك

اسجد سجدة طوييييييييلة وقول له : يارب أنا عصيتك كتير ، وبعدت عنك كتير ، فأمهلتني وأكرمتني ولم تأخذني بذنوبي ، يارب راجعلك متسبنيش وخد بإيدي ، سجد لك سوادي ، وآمن بك فؤادي ، هذي يدي وما جنيتُ على نفسي

رباااااااااه أغلقت الابواب إلا بابك .. فأين لي بملجأ إلا أنت

نفذ زادي وقلت حيلتي وجئتك بك .. يامن لا يرد تائب ناداك..

ربنا يكتبنا وإياكم من عتقائه من النار .. ويجعلنا وإياكم من المقبولين



اللهم امـــــــــــــــــــــيــــــــــــــــــــــــــ ــن

[Believe In Ur Self]

اللهم اميييييييييييييييييييييييييييييييييييييين
موضوع جميل
بارك الله فيكى

[Mr.Magdy]

Thanks for you

[دموع التمساح]

من السهل أن يشتاق الأنسان لمن يحب ... لكن من الصعب أن يجده كلما اشتاق أليــــه

[le jasm!n]

بجد جزاكي الله خير استفدت كتيييييييييير

[singer111]

جعله الله في ميزان حسناتك

[* ندى العمر *]

موضوع حلو اوى اوى
تسلم ايديك
وجزاكى الله خيرا

[singer111]

الموضوع رائع

[وفقني يا رب ( بندقه )]

الموضوع في قمه الروووعه بجد ده حالي وحالك وحال ناس كتير اوي يا رب تووب علينااا يا رب ومترجعناش مكسورين ياااااااااااااااااااااااااا رب

[NeVeR CoMe BacK]

ربنا اغفر لنا ذنوبنا واسرافنا فى امرنا وثبت اقدامنا واكتبا مع الشاهدين اللهم امين
موضوع رائع ،،،

[حبيب بوند]

جزاكى الله خيرا

موضوع رائع

***********


ربنا يكتبنا وإياكم من عتقائه من النار .. ويجعلنا وإياكم

من المقبولين



اللهم امـــــــــــــــــــــيــــــــــــــــــــــــــ ــن

[zhrat aljasmen]

اللهم امين
وجزاكى الله عنا خير الجزاء

[عبدالوارث الدسوقى]

خلق الله المـــــلائكة عــقـــول بـــلا شـــــــهوة .. وخلـــــق البـــــــهائم شـــــهوة بــــــلا عــــــــقول ... وخــــلق الإنســـان وجــــعل له العــــقل والشــــهوة ... فإذا غلـــــــب عقـــــــــله شــــهوته إلتـــــــــــحق بالمـــــــلائكة .. واذا غلبــــــــــت شـــــــــــهوته عــــــــــقله إلـــــــتــــحق بالبهـــــــائم ..

[فردوس 2012]

شكرااااااااااااااااااااااااااااااااااااااااااااااا اااا
بجدشكرااااااااااااااااااااااااااااااااااااا
شكرااااااااااااااااااااااااااااااااااااااااااااااا ااااااا
شكرااااااااااااااااااااااااااااااااااااااااااااااا ااااااااااااااااااااا
الفففففففففففففففففففف شكرررررررررررررررررررررررررررررررررررررررررر

[دموع التمساح]

شكرااااااااااااااااااااااااااااااااااااااااااااااا اااا
بجدشكرااااااااااااااااااااااااااااااااااااا
شكرااااااااااااااااااااااااااااااااااااااااااااااا ااااااا
شكرااااااااااااااااااااااااااااااااااااااااااااااا ااااااااااااااااااااا
الفففففففففففففففففففف شكرررررررررررررررررررررررررررررررررررررررررر