تحت الرماد

[مريم السباعى.]

تحت الرماد
..............
تحت رماد المشاعر
نار قايده حنين
لحاجات كتير
يمكن تكون منعرفهاش
مش كله شئ يتحس
يبقى لى اسم
طيب نيجى نسمى؟
ونسمى ايه؟
نسمى الم
ولا وجع!
ولا اشتياق
ولا دلع!
مش لاقيا اسم يوصفه
احساس غريب
من غربته
تاهت عيون الشمس عنه
فتظلم
وعاش فى ظلمه ليل طويل
بيشحت نوره من القمر
وبيشحت بكرة من الامل
وبيشحت فرحه
من عيون اطفال
فى ليله عيد
وياريت قادر
برضه وحيد
برضه بعيد
رافض يعيش الحياه
مش كابه
ومش تعالى
ومش عشان ينعزل
الفكرة انه
جرب يدوب وسط الزحام
لقا الامه بتزيد الم
بقلم/اشرقت الشمس